الكاتبــهہ""بنت مـهہدي🫀
مَاكدرت انسَاها واعشِك مَن جديد
روحي بيّها ومَاكو اليشبهونها
كلبي حَبها وجِنت رايدها بحلال
ونيتي جّانت ابيض مَن سنونها
جنت عَابر بل العشك فوك الحدود
حتىٰ اهلها بكديّ مَيحبونها .
🦋 ... 🦋... 🦋
عشنه ليله كامله بس نبحث بتلفون مصطفى ساعه هو يشيله من يتعب ينطي الي لحد ماوحده باليوتيوب شرحه شلون نسوي المميه وراح مصطفى يسويها
زمــرد:- صفصف ماطلعت مميه
مـصـطـفى:- لج اربع مرات اغلط بالحساب واعيد من جديد صار الحليب عجينه
زمــرد:- شلون سويتها
مـصـطـفى:- كل اربع ارقام اربع كيلوات
فتحت عيوني بوجه انتبه وكال
مـصـطـفى:- قصدي اربع خواشيك
زمــرد:- خواشيك شنو؟
صفن بوجهي
مـصـطـفى:- شوفي اني خليت من اكثر من علبه
زمــرد:- ياعلب
مـصـطـفى:- كعدي اجيبهن
مشه للمطبخ اجه شايل كومه علب
مـصـطـفى:- شوفي خليت من هاي العبه الزغيره
زمــرد:- صوده؟
مـصـطـفى:- يي خليت من هاي العلبه تشبهه
زمــرد:- ليمون دوزي
مـصـطـفى:- وهاي العلبه الجبيره
زمــرد:- نشأ
مـصـطـفى:- وخليت شكر
زمــرد:- وين المميه
مـصـطـفى:- ماتحملته كله فسويته بجدر
زمــرد:- تريد تقنعني توكل الجاهل منه؟
مـصـطـفى:- يي
زمــرد:- ضوكه انت
مـصـطـفى:- مال جهال مايصير اضوكه
صحت بوجه
زمــرد:- كتلكك ضوكه
من الصدمه اخذ شوي بصبعه وقربه على لسانه وباوعلي
زمــرد:- ضوكه يلا
مـصـطـفى:- الله عليج لا
زمــرد:- لعد ليش سويته؟
مـصـطـفى:- عجبني اخبط والله صار عبالك طين اصطناعي حشه نعمت الله
زمــرد:- وهسه شلون
مـصـطـفى:- ماردت انطي للطفل كومي انتي سويله
خليت الطفل بحضنه ورحت للمطبخ
مـصـطـفى:- زمزم هذا مايفيد خلطه للوجه؟
زمــرد:- خليها لوجهك
مـصـطـفى:- مع الاسف عليج عبالي تشاركيني الحلوة والمره
زمــرد:- ودي اشاركك بس هاي لا حلوة ولا مره
مـصـطـفى:- هم حقج بس شنو عوفيها خل تيبس يمكن تصير شي نستفاد منه
رحت كملت المميه وجبتها
زمــرد:- الزم انت شربه
باوعلي بنظره ابدله يكوم يسويني وصل
سحبها من ايدي ودخلها من جوا القميص وخله الطفل بحضنه وضل يشربه مثل الي يرضع
سحبت الجرجف الي على الميز وخليته على راس مصطفى ولفيته مثل الحجاب
زمــرد:- ديري بالج على ابنج خيه
دار وجه علي حرك راسه بسرعه حتى يطيح الجرجف ماطاح اجيت اشيله عنه عضني بايدي
زمــرد:- اخخخ وخررر شلعت ايديي
مـصـطـفى:- لا تشلعين فص كلبي لج كبري
باوعت للطفل نايم على ايده وهو يتلمس خده
رحت صبيت اكل النه واجيت كعدت يمه
زمــرد:- تسحري عدل خيه وراج رضاعه
مـصـطـفى:- لو بس تبطلين هاي تفاهتج الي الله يحرمني منها
شلت الطفل ونومته على فراشي بالغرفه ضليت ادك علي زنده لحد ماتاكدت من اكوم مايكعد
رحت يم مصطفى لكيته ماماكل يكلب بالتلفون
زمــرد:- ليش مااكلت؟
مـصـطـفى:- تعاي ناكل سوا
ذب التلفون وكعدنه ناكل ونسولف وكل شوي يسوي لفه وينطيني
مـصـطـفى:- خاف ماتكدرين تصومين انتِ
زمــرد:- لا اصلا طبت حتى ماياذيني
مـصـطـفى:- الحمدلله
خلصنه وكمنه غسلت الماعين من رحت للغرفه لكيت الجنطه مال الجاهل مادورت بيها عدل
لكيت دفتر مبين مذكرات البنيه ضليت اقره بي مو فضول بس اريد افهم شنو حياة هل طفل
بلشت باول صفحه اقره
فآطـمـه:- راح ابلش اكتب بهل دفتر كلشي راح يمر وياي من اليوم لان بلشت احب شخص وهو يحبني واريد اذا تزوجنه وصار عدنه اطفال اقريهم هل دفتر هيه صح فكره تعبانه بس عجبني اكتب هههه
اني فاطمـه عمري 21 كليه هندسة نفط سنه ثالثه
حبيت ولد وياي بالكليه السنه الي فاتت بس ماحجيت وياه ضليت بس نظرات بس واضح من نظراته هم معجب بيه بس هو خجول حتى من يباوعلي يباوعلي بالختله اني مجاي أأمل نفسي بشي ضعيف لحد مابيوم
جنت اتمشى رايحه للكفتيرة يادوب الحك اكل كيكه وابلش دراسه للامتحان
احمـد:- السلام عليكم
اخترعت
فآطـمـه:- يمه
احمـد:- وغما
فآطـمـهہ:- ها؟
احمـد:- لا تصيرين فطيره فرد نوب تعاي عندي موضوع وياج
الثوله ماكلت لا عبالك مسويلي سحر
وصلنه يم كراسي موجودات بمكان شوي بعيد يعني مابي هواي طلاب
احمـد:- كعدي نسولف
كعدت وضليت العب بأصابعي
احمـد:- شلونج
فآطـمـه:- الحمدلله
بعد دقايق هو صافن على الارض حاولت بس افهم شنو يفكر دار وجه علي
احمـد:- فطيمه
ضحكت على كلامه ياخي حتى ميعرف يدلع
ابتسم وكال
احمـد:- شبيج تضحكين
فآطـمـه:- على الفطيمه
احمـد:- يي حلو اسمج
فآطـمـه:- شكرا انتَ الاحلى
احمـد:- سمعي اريد اكلج موضوع هل موضوع جداً مهم مااريدج تقاطعيني ياريت لو تسمعيني للاخير
كلبي ضل يدك بسرعه منتظره يعترف الي دنكت وكتله
فآطـمـهہ:- تفضل اسمعك
احمـد:-
سمعي فطيمه انتِ خوش بنيه واني اثق بيج لذالك اسولفلج
فآطـمـه:- يي؟
احمـد:- اني شفتج اكثر من مره من نزلتي لبيت اهلج
فآطـمـه:- قصدك تراقبني؟
احمـد:- ارجوج لاتقاطعيني خل اكمل راح اشرحلج كلشي
هزيت راسي وضليت اسمعله
احمـد:- احنه بيت عمي جيرانكم ومره كلت انزل من الدوام اروح لبيتهم ومن رحت بالشارع شفتج تنزلين كدام بيتكم
سالت عليج ولد عمي وكالو بت الجيران وعلاقتكم قويه
فآطـمـه:- يي صح
احمـد:- اني صارلي 3 سنين اداوم وياج وعرفتج شكد بنيه محترمه وكلت محد مناسب لهل طلب غيرج اتمنى تنفذي الي
وكف كلبي واني انتضره يكمل كلامه
فآطـمـه:- يي؟ اطلب
احمـد:- اني احب وقررت ازوج بهل اشهر
بلعت ريكي وحجيت بكلبي جنت اتمنى هل كلام من 3 سنين واخيراً،
احمـد:- انتِ صديقه بت عمي صح؟ تعرفيها؟
فآطـمـه:- صديقه بس الي بعمري أبتهال
الجبيره مااحجي وياها هواي
احمـد:- هو الي انتِ صديقتها
فآطـمـه:- أبتهال؟ شبيها
سد عيونه وخله ايده على كلبه
احمـد:- اعشقها والله ميت عليها اموت ب شوفتها لج والله من الطفوله ميت عليها واحب اي احد من قرايبنه لج مااحب ابوي بكد مااحبهة
انصدمت من كلامه
فآطـمـه:- مسوي بيه مقلب؟
احمـد:- على شنو لا والله اصلا من دخلتي وياي بلكليه وابدلي اكلج تحاجيها بس كلت لحد مااريد صدك اخطبها اكلج ان شاء الله تحاجيها وتساعديني
كمت من يمه والدموعي ضلت تنزل
انصدم من ردت فعلي وحجه
احمـد:- بيج شي خويه؟
فآطـمـهہ:- خويه؟ خويه؟؟؟؟
احمـد:- شبيج فاطمه؟
فآطـمـه:- لك انت شلون تحجي هيج الي شلون شنو هل صلافه انوب صديقتي؟؟؟
احمـد:- وشنو يعني هاي شبيها يربي لا تسوديني لا تحجين هل كلام لواحد وانسي السالفه مو صوجج صوج الي حجه وياج عبالي كدها
ماحسيت غير جبته حيل بالجنطه على راسه ودفعته من صدره
فآطـمـه:- الله لا يوفقك ان شاء الله ياحقير
عفته ومشيت ابجي لاكتني صديقتي
نبأ:- هاي شبيج؟؟؟
اشاهگ من البجي عدت كلامي الف مره يالله فهمتني
فآطـمـه:- الحقير صارلي احبه 3 سنين وهو طلع يباوعلي بس حتى احاجيله الي يحبها كسر كلبي
نبأ:- احمد هيج سوا ياحقير لج حتى اني انتبهت مايباوع لاي بنيه بالقسم بس الج
فآطـمـه:- لان مصلحجي وحقير
نبأ:- راح تحاجين حبيبته؟ والله سالفه تعبانه طحتي بيها الله يعوضج
فآطـمـه:- شنو احاجي حبيبته اكيد لا لج شلون اكدر والله اشبع بجي جاي اتاذه هسه اني ماحبيت طول عمري بالاخير احب واحد مثله
نبأ:- تعاي امشي راح يبلش الامتحان
رحت وياها لكيت احمد بالقاعه كاعد وعاقد حواجبه ومو مثل كل مرة افوت بيها يباوع لوجهي ويضحك
فآطـمـه:- السلام عليكم
الكل:- وعليكم السلام
نبأ:- لاتباعيله بعد حتى السلامه مايرده عليج
فآطـمـه:- نبأ كافي اني من يمي تعبانه
امتحنت وطلعت كملت دوام ورجعت للبيت
اول مادخلت سمعت صياح
ام فاطمه:- فاطمه طبي لغرفتج
فآطـمـه:- ليش يمه؟
ابو فاطمه:- كالتلج طبي يعني طبي
ركضت للغرفه وسديت الباب
اجت امي وراي شايله علاكه
ام فاطمه:- هاج وبسرعه بدلي ورانه شغل
فآطـمـه:- شنو هاي؟
ام فاطمه:- هدوم جديده مال بيت جيبيلي هدوم
الجامعه مالتج كلهن
فآطـمـهہ:- ليش؟
ام فاطمه:- اجه رجال خطبج
فآطـمـه:- ومثل كل مره رفضتي
ام فاطمه:- خايبه مااجاني حتى ارفض راح لعمامج وعمامج اجو على ابوج ونهو عليج لقاسم
فآطـمـه:- شنو؟
ام فاطمه:- شنسوي بعد يلا المهم احاجيهم نضغط عليهم على ماتكملين دراسه
فآطـمـه:- دراسه شنو؟ اني مااريد قاسم
باوعتلي امي نظرت شك
ام فاطمه:- لعد تريدن منو يلمكموعه يالحيه تردين تفشلينه بين الوادم انتِ كلتي ماازوج زغيره ورضينه بعدين جامعه وماازوج هم رضينه بعد شكو انطمري لا يجيلج ابوي يطكج بجيله يكتلج خلاص
طلعت امي ضليت حايره هسه شسوي اكتل نفسي؟؟؟ شسويت حتى هيج يصير؟؟؟؟
اتصلت بأبتهال
فآطـمـه:- الوو
أبتهال:- هلا حبيبتي شلونج
فآطـمـه:- زعلانه منج لاتحاجيني
أبتهال:- ليش ولج؟
فآطـمـه:- ابن عمج وياي بنفس القسم وماكايله الي
أبتهال:- أحمد؟
فآطـمـه:- يي
أبتهال:- شمدريني عبالي بغير قسم
فآطـمـه:- اصلا مااشوفه يجيلكم
أبتهال:- مايجينه هواي اصلا هو يستحي وهيج خوش ولد ماايدخل على بيتنه بس من يجي لاخوي وي مجموعه
فآطـمـه:- ياااا شنو خوش ولد؟؟ منو الي يستحي احمد؟؟؟
أبتهال:- ليش شبي؟
فآطـمـه:- ماسلمت بنيه من شره
أبتهال:- ليش شيسوي؟
فآطـمـه:- طلع وي كل بنات القسم ومرات تشوفه يطلع حتى وياه بنات مااعرفهن من غير قسم
أبتهال:- تشاقين؟؟
فآطـمـه:- فد انسان مهمل ومينجرع بالبدايه عبالنه خوش ولد هسه حتى جماعته الي بجامعه ميحاجو
أبتهال:- لهل درجه؟
فآطـمـه:- فوك مما تتصورين اصلا اخيس بقاطات والله من عرفت ابن عمكم كلت انتم وين وهو وين اربع وعشرين ساعه جكايره والنركيله وذاك وليوم شفته يراوي للولد صور بنات
أبتهال:- عزاا اشو اهلي يمدحون بي
فآطـمـه:- يضحكون عليكم يلا اكلج خل اروح بعدبن اجيلج ونحجي هل كلام بيناتنه تمام؟
أبتهال:- تمام حبيبتي بيباي
نزلت يم امي بس باوعتله
ام فاطمه:- شتردين من عيونج اعرفج ابالج شي
:- يمه قاسم؟؟؟
ام فاطمه:- شبي؟
فآطـمـه:- لا خلقه ولا اخلاق مااريده
ام فاطمه:- بكيفج هيه؟ اذا شفنه عليه شي مو زين ذيج الساعه احاول اقنع ابوج يكسر موضوع النهوه
فآطـمـه:- خوش
رجعت صعدت اخذت تلفوني وخابرت على لبنى هيه صح بت عمي اني وقاسم بس هيه كلش تحبه
فآطـمـه:- لبنى؟
لبنى:- ها حبيبتي
فآطـمـه:- نهوه عليه لقاسم
لبنى:- جذابه؟؟؟
فآطـمـه:- والله وكالو ما نفض هل موضوع الا اذا طلع على قاسم شي مو زين
لبنى:- عوفيها يمي
فآطـمـه:- شلون؟
لبنى:- احجي وياه اكثر من مره واخلي التلفون بيد اخوي بدون لا احذف وكون احنه يمكم واذا كتلني اتحمل اكلهم يحبني حتى لو مايحبني بس اخليهم يسدون موضوعج
فآطـمـه:- ومنو كلج هيج راح ياخذج؟
لبنى:- اخواني يكسرون ضهره اذا مااخذني
فآطـمـه:- والله بعد بكيفج على حوره
لبنى:- نجبي غير كاعد بچبدي
فآطـمـه:- التحبي يكعد بكلبج واضح حبكم اذا من اوله چبود
لبنى:- نجبي يلا ولي
فآطـمـه:- باي
نمت بيومها بلا اكل ولاشرب ولادراسه ولا سويت اي شي
ام فاطمه:- ولج كعدي
فآطـمـه:- اصاير
ام فاطمه:- كومي راح تتأخرين على الدوام
بدلت مثل كل يوم على حبايه ونص ولبست العبايه واخذت المكياج بالجنطه رغم هو مرطب شفه وماسكاره بس اهلي مكبرين الموضوع
اول مادخلت الجامعه بعدني حتى مامصحيه احس واحد لزمني من ايدي وسحبني
فآطـمـه:- احمد اجاي تسوي
احمـد:- بدون حجي
وكف بمكان ابد مابيه ولا نفر
فآطـمـه:- انتَ بيا حق تلزمني لو تجيبني لهنا بعد لاتعيدها
جان اكو مثل الطاوله ضربها بايده اجت تنكسر والصوت جفلني
احمـد:- ليش تجذبين عليها؟
بلعت ريكي وحجيت
فآطـمـه:- على شنو مجاي افهم شتحجي؟
رجع ضرب الطاوله اجيت ابجي
احمـد:- فهميني؟؟؟
خليت ادي على عيوني وضليت ابجي
فآطـمـه:- مامسويه شي ليش هيج تحاجيني
سحب ادي ووعصرهن وعلى ساعه يضربني
فآطـمـه:- عوفنيي
احمـد:- الحجي الحجيتي علي الا كله اسوي صدك بيج طلع من جيبه جكارة وشغلها ضليت صافنه بي
سحب ايدي وطفاها على ايدي
فآطـمـهہ:- اااخخخ يمههه وخررر عنيي
احمـد:- اليوم انعل والديج تعاي
اجه يسحلني اجت نبأ باخر لحظه ضربته بالجنطه صلخني راشدي وكال
احمـد:- مو اني الاضرب بنيه ولاعمري مسويها بس بعد مااحترمج وكرهتج كره اول مره احقد على بشر بهل طريقه
يتبع.....
🦋 ... 🦋... 🦋
شلونها القفله؟
شنو رئيكم ببارت اليوم؟
شنو تتوقعون يصير بالبارتات الجايه ؟
شنو رئيكم بحياة فاطمـه لحد هسه؟؟
يوزري @ayat_almahdi
لاتنسون التصويت للبارت ❤️🩹