مساء الورد والياسمين عليكم فراشاتي 🦋🖤
قريري العيون
بقلم زهراء علي
ممكن تعليق للفقرات وتصويت+متابعه
مشاهده ممتعه
.......................
احذر من كسرة النفس لأنها " مؤلمة "
فالله سيسألُك يوماً عن عينٍ أبكيتها ، وعن قلبٍ أوجعته و عن روح كنت سبباً في فقدِها لأمانها وإطمئنانها
________
سلام
هاي الفتره كلها مريض كوه لتحقت مرتين احس وجع راسي يزيد يوم عن يوم ومن تجي ابالي ورده اختنگ
كلبي احسه مثل ثكل عليه وحته نفس كوه أجره
وشكد احلام مزعجه اشوف
حته ورده مفتقدهه هواي وبس اذكرها راسا احس نفسي اختنك وماعرف شيصرلي وكبل اطردهع من ذاكرتي
اضل اتمرن ساعات طويله بجهد اريد اطلع البداخلي
احس شي گاعد علئ گلبي كاتمني
لحد مااينهد حيلي واذب روحي ميت
نتقلت علئ غير غرفه ذيج ماريدها بعد بس ادخللها اتئذه جسديا ونفسيا
فتره ضليت شويه شويه اتحسن وجع راسي خف
من سمعت بعذراء تزوجت احس شي نزاح مني مثل الكاتمه حياتي
اخر نزله نزلت حاجاني ابوي كلي شنو يمته تجيب ورده ومايسوه الزعل والبنيه زغيره وحامل يابويه
سلام: يابه ان شاءالله. اجيبها هاي اليومين
ابو سلام :اروح وياك
سلام: لايابه گلبك انته ماتگدر اخذ رحيم وياي
بليل اجه رحيم علي طلعنه كعدنه بالحديقه عمرت نرگيله
بقينا نسولف وندخن
رحيم: شنو اخبار المره شوكت ترجعها
سلام :والله ماعرف يخوي شغله محيرتني وابوي مساع هم حاجاني
رحيم :يمعود هسه البنيه شنو ذنبها وهيه حامل تتمرمر منك ومن نزواتك الشيطانيه انته وهاي الي أم شعفه الصفره
سلام: خاب ماتاكل نعل مالي خلكك مو كرعت راسي بهل سالفه كلنالك الف مره غلطنا معصومين احنا ومانغلط
رحيم: رحمه الله والديك شهاده اعتز بيه هاي رزاله
سلام: تروح وياي هاي اليومين نجيبها ابوي تعبان من گلبه
رحيم: اي صار تدلل
بيوم الأحد طلعنا انا ورحيم لمحافضة ل.......
وصلنا هناك ساعه 10 ونص رحنا البيت عمي انا ورحيم رحيم ماقبل يروح كال عيب ابقي انتضرك هنا علئ شارع
سلام: افه بيت عمي هوه بيت أبويه واحنا مانطول اجيب اختك ونجي
رحيم: مو خاف زحمه يصير معاتب شي وانا ماحب هيج انحرج وانتم اهل موحلوه روحتي وياك
سلام :انت اخوي وعضيدي وماكو غريب اله شيطان ولمعاتب اخليه بط....... الي يحجي
رحيم : سلام مو هناك وتبعرها بكلمه شنيعه وتصخمه وتلطمهه ونرجع خالين
سلام :ههههه ماكدر أوعدك احاول
وصلنا لبيت عمي وكفت السياره ونزلنا
تلكانه اعتقد حازم سلمنا عليه
رحيم وسلام: سلام عليكم
حازم :وعليكم السلام اهلا وسهلا تفضلو تفضلو ياهلا ومرحبا زارتنا البركه
سلام: تسلم حبيبي زاد فضلك
رحيم: رحم الله والديك
راح جاب مياي وكهوه شربنه
سلام : لعد ابوك اشو ماكو
حازم: هنا موبعيد يم جماعه خابرت عليه وهسه بالطريق
سلام :خير ان شاء الله
حازم: ماعرفنا أخونا الي وياك
سلام :رحيم اخوي وصديقي
حازم :ونعم منك ومنه مية هلا بيكم
رحيم :فدوه الكلبك ابو الشباب
بقينا فد ربع ساعه واجه عمي ابو حازم دخل وسلم علينا بس وجها مايكصه السيف
وحته الكلمه كوه يطلعها
وانا نحرجت من رحيم وحته رحيم لا حض عليه
رحيم :سلام انا راح اطلع افتر شويه اريد اشوف اجواء القريه
حازم: تدلل حبيب تفضل وياي انا اروايك
طلعو
سلام: عمي انا جاي علئ ورده
ابو ورده: قبلها هاي منين هذا الزباله الجايبه وياك
انا تخبلت شنوووو زباله
سلام :عفوا عمي شنوو ومنو الزباله
ابو ورده : هذا علئ اعتقادي مايكربلكم منين جايبه
جايبلك واحد غريب وياك انته عاار تريد مرتك تصعد ويا واحد غريب
لزمت روحي گوه تجيت اكوم ادميه ومدده من طوله
وگف بعيني ابوي وكلت رجال جبير
سلام :احجي عدل. عمي هذا اخوي الماجابته امي. حزام ضهري وتاج الرأس
ابو ورده :اطلع بره كو.... سا..... ابن ال.....
انعل ابوك لابو الطاكم مره جايبلي مزبله وجاي
سلام :يشرفك ويشرف اهلك وعشيرتك وبتك الك اشبع بيها وابني الي
وطلعت بسرعه طلعت تلفون دكيت علئ رحيم كتله ارجع
خل نروح
بعدهم ستوهم يفترون اجه يركض
رحيم :هاا سلام شنوو
سلام: ماترضه ترجع امشينه
رحيم: ليش ماكعدت وياها لوحدكم وحجيت وياها بهداوه وقنعتها
سلام :امشي رحيم امشي ماترجع
صعدنه ورجعنه ورحيم الطريق كله يلح علي يكلي لومخلينه اكعد وياها ومحاجيها وقنعها بلسياسه هيه اخيتي كتمت غيضي بداخلي مايدري ابوها شسوه بمجرد انو جاي وياي الهمجي
يكول اكثر من مره اجيت اسوي حادث من الصدمه عيوني كمت ماشوف بيه ونص طريق رحيم هوه الي كام يسوق
ورده
ضربني على وجهي بكل قوه وكال لسانج ياعار وسحك راسي بل نعال ماله بكل قوه احس راسي نمرد بل كاع
دفرني بكل قوه على راسي وطلع
بقيت مدده واشهك بألم وكل جسمي يصيح عليه وراسي احسه نطر نصين من الوجع كمت لملمت نفسي كوه كمت وكاتمه شهكاتي بصدري باوعت لاأديه صايرات زرك واصابعي مورمات وصاير لونهن ازرك
قفلت باب الغرفه عليه وكمت ابجي بسكوت اخاف يسمع ابوي ويجي يضربني مره ثانيه
ابجي وسئل بنفسي ليش انا شسويت ليش هيج ابوي يعاملني ليش تغير علينا من كبرنا وصار يشوفونه احنا بنسبه اله شي عيب ولازم نندفن ومحد يشوفنا لو يسمع بينا
هذا مو حرص هذا مرض اي مرض اسمه مرض الشك يشك بينه بكلشي حته من نكعد سوه ونسولف يبقى يسئل شجنتن تحجن ومايصدك
يصيح لماسه بسكته شنو جنتن تحجن شحجت ورده
بس ماسه تعرفه وتعرف شنو غايته
وتجمل حديثنا وتبينه اله بصوره حلوه ومابيه شي من الي يفكر بيه بس هوه. ميثق بينه
عباله ماسه زغيره ومتعرف ومتلاحظ شنو غايته
وره نص ساعه اجت امي اسمع صوتها بلبيت بقيت بل غرفه ماطلعت منها امي الموضوع عادي بنسبه الها
لان تعرف ابوي هنا وانا لازم اكون بزنزانة غرفتي وماطلع منها اله اذا راح هوه
وكت الغده دكت ماسه الباب عليه
ماسه: ورده وينج شكو قافله الباب فتحي
ورده: شتردين روحي ماسه انا مريضه ومالي خلك اشوف بشر
ماسه: مريضه شبيج ورده اشو فتحي الباب امي تسئل عنج وكالت ودي لختج غده
حجت بصوت خافت
ماسه: افتحي الباب ابوج نايم دفتحي شمالج رجليه راحن من الوكفه
كمت فتحت الباب وماسه شهكت
ماسه: شبيج شبيه وجهج عيونج حمر ليش جنتي تبجين ياهو المعاركج
ورده بقيت بس اباوع عليها ومالي قابليه انطق حرف واحد
لان انا طبعي بس انقهر لو احد يزعلني لو ابجي ماعرف احجي واشكي وطلع الهم الكاتم صدري واريح كلبي
السكوت والكتمان يحتلني لحد العنه وما أكدر احجي الي بداخلي
عفتها واكفه وخليت راسي على المخده وخليت الغطا على راسي
ودموعي اخذت مجراها مجراها وذاكرتي تعيد شريط تصوير ابوي وهوه يضربني
ماسه :ورده نهدم حيلي خيه كليلي شبيج تبجين على سلام
لو. منو مزعلج احد تعارك وياج وسمعج كلمه شينه
خايبه وحك العباس طريتي كلبي
حجيت. وانا اشهك بعبره
ورده: ماسه اريد اختفي من هل دنيا شلون اريد شي غير الانتحار يريحني
ماسه: دخيلك يل حمزه شمالج خايبه تسودنتي شنهي عليمن انتي لا اول وحده ولا اخر وحده. تزعل من رجلهه
وهسه جم يوم ويريدج وان شاء الله يفرجها عليج. ويخلصج من طغيان ابوي
غمضت عيوني ورموشي بدت تتشابك وتلتصق ابعضها من كثرت البجي ومكتفه أديه وضامتهن جوه الغطا حته محد يشوفهن
لان ماريد احد يعرف ابوي ضربني صرت استحي
لان انا اكثر وحده تأذت بهاي العائلة ونضربت ونهانيت وكل كتله والها قصه وكل يوم انا فرجه لخواني اذا من ابوي وفرجه لأمي وأخواتي اذا من اخواتي
حجيت وانا محروك كلبي
ورده: انتي كلتيها يخلصج من طغيان ابوي
وارجع لجحيم سلام لج انا كاعده أواجه أقسى مصايب الدنيا الدنيا المره والخذلان والصدمات الي وحده وره الأخرى
من اقرب الناس الي من لضنيتهم مؤى اليه وأمان لكلبي المجروح. انا بشر مو حجر حته ما انكسر وتألم ونهزم من مصايب الدنيا
ليش يضنون انا املك قوة خارقه واكدر اتخطى كلشي وميهمني اي شي
ليش عبالهم انا ماعندي روح وتتألم ليش عبالهم مو دم اليسري بأوردتي
عبالهم ماي بارد لو دهن محركات
مر عليه هواي وشفت الهول من اهلي ورجلي
وبعد ماعدي اي قدره لتحمل بعد هذا حدي
انا كاعده انذل من الطرفين وماعندي القوه الكافيه حته اوكف بوجوهم
حجت وهيه وجها مرسومه عليه علامات تساؤل
ماسه: أبوي كاتلج اليوم واريني شوو
شمرت الغطا مني وشافت أديه شون مزوركه وشهكت
ماسه: الله وكبر ولكم شمسويه وهيج يطكج كلشي ماكدر اسوي بس اكول الله يشوفك
ورده :ماسه كافي وممنوع تحجين لاحد ابوي ضاربني وهسه اريد ابقى وحدي اطلعي من يمي
هزت راسه بأاي وعيونها مدمعه
حازم بليل سأل عليه وكايليله نايمه
امي لا حظت عليه وبقت تسأل شبيج وشبيهن اديج منو طاگج ابوج
سكتت وماحجيت عاد هيه نتفضت وكامت تحجي على ابوي
بس هوه كام يتهدد عليه وهددهه اذا ماسكتت يجيها يكتلها
ورده: عوفيه يمه لايكوم يضربج وانتي مريضه
مر اسبوع تقريبا
وانا صرت زينه وكاعده ارتب بل كنتور مال ملابس مال حازم ومصطفى
امي يمي وانا شلت دشداشه لحازم لون ابيض
لتفت امي وحجت
ام ورده: خليها هاي على صفحه افصلها وخيطها هديمات لاابنج
يجوز مايردج رجلج وتجيبين هنا وانا لا طالعه لسوك ولا ماشيه هيج ولا هيج وكلشي مامجهزه
هزيت راسي وخليتها على صفحه
ام ورده :كملي وجيبلي المگص حته نفصلها
ورده :هسه يمه بس اكمل
كاعدين نحجي ودخل حازم وجها مبتسم وصاح ورده ورده وينج
ورده: ها حازم
حازم: سلام هنا كومي دولكة ماي وحضرينا كهوه جاي
مشاعري مخربطه ماعرف افرح بجيته لو ازعل وماعرف شصارلي احس نفسي اشتاقله اول مازوجنا
وشلون يددلني وارجع اكرها لمن شفته هوه وعذراء
ام ورده: صدك حازم يمه
حازم: اي والله هوه وياه ولد اضن صديقه
ام ورده: ميت هلا بيهم خابر ابوك يجي يمه
حازم :هسه راح ادك عليه يله ورده همي ايدج
رحت للمطبخ وانا كلبي ماعرف شبيه بس يرجف احسه يريد يطلع من صدري
گلبي مشتاق لشوفته ولشوفت طوله الفارع وعيونه الي تريد تاكلني اذا باوع عليه
وابتسامته الي تطلع من شفته اذا شافني. ملامحه الرجوليه وشواربه إلى منطيته رجوله طاغيه
بس عقلي يرفض كل هذا ويعيد أمام عيونه كل اذيته الي سببها اليه
أفكاري متناقضه وحرت بين كلبي وعقلي كلبي بده يحن اله وعقلي يرفضه رفض قاطع وحرت بدوامة أفكاري الي متخلص...
أمي اجت وراي
ام ورده: ها اشو احسج مافرحانه بجيت رجلج
سويت حركه بأديه وشفتي الجوه بمعنى مادري
ام ورده: المره مالها غير بيت رجلهه
حته اذا طكها زعلها رجلهه ولازم تتحمله علمود بيتها وجهالهه بنهار حدر عصاته وبليل حدر عباته
ورده :يمه ترى احنا هم بشر وعدنه كرامه شنو زمايل يمته ميكوم يضربها ويهينا ولازم تسكت والله شنهي رجلج تتحملينه
ام ورده: ابن عمج ورجلج وغصبن عليج تتحملينه بكل عيوبه شلون برأيج تردين مكابلتني وكاعده وانا بس اكرط حريج منج ومن اهلج وحجي الناس الي مايرحم
تردين وانتي ساكته ورده ماريد وجع راس فتهمتي
كافيني شر ابوج الميخاف الله
ولا تصدكين انتي هنا احد الج وحته لو اخوانج صارو زينين وياج باجر عكبه يزوجون ويتغيرون عليج والايام تكشفلج
وهم ياريت بطرك عمرج ويطلكج وتاخذيلج رجل وتولين عن وجوهم
نوب حامل وثكيله
يايمه عيشت بيت عمج احسن من عيشتنه بألف مره وناس الله ناعم عليهم.
المن ضاله هنا لضيم ارجعي يمه محد يفيدج غير رجلج
ورده ساعه اقتنع بكلام امي وساعه لا وبل اخير لازم اختار قررت ارجع لان اذا رفضت ابوي يكتلني عل خلاص
شويه وحازم اخذ الكهوه امي كالت انا راح اروح اسوي غده وانتي روحي اخبزي
خبزت على سريع ماعرف ليش هيج اتصرف كملت بسرعه ماعرف شلون اخذتني رجليه وره
بستان الديوانيه
شفت سيارته واكفه ورحيم وحازم هناك شويه عنه واكفين وكفت وره الشجره وانا اباوع على سيارته ماعرف شكد مر وقت فزيت من شفته طالع ويمشي بهمه وتلفون على أذنه يخابر
جان لابس بنطرون اسود وبدي رمادي وعضلاته بارزه ومحلق حلاقه مارنز وشواربه الثخان وسود نازله
منطيته هيبه اكثر بس شكله معصب انا اشوفه من بعيد تقريب ٢٠٠ متر هيج
كلبي ماعرف شصار بيه من شفته صار يخفق بسرعه
عيوني ابد مارمشت وانا اشوفه
يحجي ويأشر بيده ويباوع على الجهه البيهه رحيم وحازم نزل تلفون من أذنه ولمس بيه عدت لمسات وخلاه بجيبه
فتح باب السياره ورجع سده مد ايده بجيبه وطلع جكاره وخلاه بحلكه كام يدخن ويمشي كم خطوه ويرجع يباوع على رحيم وحازم
كلت بكلبي خير يارب شعنده قبل لا يوصل رحيم شفت ابوي طلع من باب الديوانيه
انا كبل نسحبت كلت خلي ادخل جوه لا يشوفني
قبل لا ادخل درت عيني اباوعله شفته مخلي ايده اليمنه
على السياره ويدك بروس اصابعه الاربعه ويعض بشفته بطريقه عشوائيه. ملاحظه حركته المعتاده اذا يعصب من شي يسوي هيج
خليت ورجعت على سريع ودخلت للبيت
دخلت للغرفه وانا كلبي مامرتاح اريد اعرف سلام شعنده وابوي ليش مبين معصب وعده سالفه
بهل أثناء دخل ابوي ويسب ويغلط
ابو ورده: الكو...... الس..... الماعده غيره جايبلي واحد وياه مدري من ياعصابه ويازباله
شورابه أطول منه م..... مكرن ماعده شرف يريد يركب مرته وي زلمه غريب
انا سمعت هيج ورأسا عرفت ابوي طارد سلام لان ابوي هذا طبعه. يريد ناس كلها مثله ومثل تفكيره
بيت عمي ناس عايشن على حب الله ومثقفين مايفكرون هيج تفكير
دخل عليه يرعد بل حجي وصاح
ابو ورده: رجلج الم ..... جاي ياخذج وجايبله وياه واحد م...... مثله وسا....
كل جسمي كزبر وشعور الاشمئزاز أحتل ربوعي وانا اسمع ابوي يفشر هيج
ابو ورده: والله بس تجيبن اشمر ابنه عليه وخليه يطلكج وزوجج لتاج رأسه
ابو العرك احلف عليه يشرب ويبلع مبين من عيونه الي نكلبت حمررر
حضري روحج وحسبي حسابج والله بس تجيبين ازوجج تاج رأسه القندره وابنه ماريد اشوفه بحضنج الك......
ابو العرك السريري
ضلت يغلط ساعه كامله
الصدمه شلت كل جسمي وعكدت لساني ماعرف شنو ارد عليه واذا حجيت كبل يموتني
رديت عليه لان صدك تلف اعصابي كلساع وكال بس تجيبين ازوجج شنو انا لعبه وين مايعجبه شمرني
ورده ز اذا تعرفه هيج ليش زوجتني اله من البدايه ومو بكيفك تطلكني منه وتزوجني على كيفك وطلكني على بكيفك. ماسمحلك تلعب بحياتي طوبه مليت كافي وتريدني اشمر ابني شنو ماعندي حساس
هوه انا كلت هيج وهجم عليه ضرب على راسي وهوه مكور ايده
امي ركضت عليه تحمي بيه وحازم هم اجه يركض
وهوه يرعد ويصيح اذبحج بت الك......
وركض للمطبخ جايب السجينه يريد يذبحني بس حازم لزمه
حازم: كافي رحمه الله شعليك بيها هسه رجلها وتريده شعليك بيهم انته
وسلام ليش رجع بهل سرعه سألته ومرد عليه
حجه وهوه يطاير شر من عيونه
ابو ورده: غير م..... شلون يرد عليك لعار عباله احنه مثله عرضنا للغرب تنبج بيه
حازم رد بعصبيه
حازم: استغفر الله العظيم يابه شلك بهل حجي ماتكلي والي تحجي عليهم بيت اخوك من لحمك ودمك
ورده ادخلي للغرفه وقفلي الباب عليه بسرعه امشي
وهوه كوه لازم ابوي وابوي يتهدد عليه اليوم اذبحج ودفنج وصلخج ركضت للغرفه وانا كل جسمي يرجف ودموعي غركت وجهي وراسي احسه يرتج من لوجع
ذبيت شالي وحليت شعري لان احس نفسي نتهيت نفسي كوه كمت اطلعه
كعدت ونتجيت على الحايط وخليت ايدي على بطني وكمت ابجي وكلت
ماخلي احد ياخذك مني وراح احارب الدنيا كلها وماخلي احد ياخذك من حضني
اوعدك ياحبيبي حته لو ضطريت اخذك ونهزم
ماخليهم ياخذونك مني
نص ساعه بلغرفه واجت فاطمه
كالتلي عمي خابر علئ ابوي وتعاركو عركه شكبرهه وابوي ضل يغلط علئ عمي وكله كل مره مالكم يمي لا انته ولا ابنك الس....
لطمت علئ خدي وكمت ابجي دخيلك يارب كلشي ولاابني ولله ماتنازل عنه لويذبحوني
كل امل ماضلي يم سلام
وأبوي كل شويه يهدد بس تجيب اودي ابنهم الهم وخلي العار يطلكج حته ميسميه باسمه
وراها بأسبوع ضليت اتئذيت وماسه كايله لحازم
واجاني كلي امشي توديج ماقبلت بس لح علي وكللي خواتي امشي
رحنه للدكتوره طبعاً بغير علم ابوي
كالت طفلج زين وبيج وليد وبعد ٥ايام وداخلين بثامن بس الجاره نازله وهل جاي يصير عدج تقلصات
بطني كلش جبيره وانا صرت حيل سمينه وجهي نترس ندب احمر وخشمي صار جبير
رواء
ابوي هاي الفتره تمرض كلش يشكي من كلبه وحته كام مايطلع للشغل ويخلي سامر من يرجع من الكليه العصر يروح يشوفهم بمكانه
أبوي كال سلام وليدي روح رجع زوجتك هيه حامل وزغيره وحامل
سلام كله يروح هاي اليومين
بليل اجه رحيم مسير علينه
هوه وسلام كعدو بل حديقه سلام عمر نركيله واخذه وراح يم رحيم
اليوم سلام راح يجيب ورده واحنه طايرن من الفرح
حته ماداومنه
رواء :يمه هسه شلون ورده خطيه اذا درت غرفتها محتركه اكيد تنقهر وبعدين كل ملابسها راحت وحته ذهبها احترك وكل أغراضها وسلام راح يجيبها وهوه كلشي ماجايب حته جربايه ماكو
ام سلام: خليها تجي بخير وسلامه وكلشي سهل والغرفة أخوج كال من باجر اشتري جاهزه والملابس انا هسه أروح لسوك واشتريلها كلشي وذهب نشتريلها وتددل
دكت امي على سلام وكلها بعدنه بالطريق
من نوصل هناك انا اتصل عليج
راحت امي لسوك. هيه ومريم حته تجيب كم غرض لورده لان كل ملابسها حتركت
تقريبا بل ١١ امي دكت على سلام بس سلام مجاوب
كالت يجوز بعده ممكمل
اشو دكيت انا وره دقايق هم. ماكو ابويه هم دك وره شويه وهم مجاوب
ابو سلام: وين راح اشو ندك ومايجاوب
ام سلام: هسه تلكيه راجعين بالطريق وجايب ورده وهوه ورحيم شاعلين المسجل تدري بيهم
من يركبون سوه يضلون يطربون
ويجوز مايسمع التلفون
ابو سلام: طيح الله حضه مايكول عندي أهل يضل بالهم عليه
كاعدين نحجي ودك تلفون ابوي
كبل حجت امي
ام سلام: هاا هل دك وانته تحجي عليه
ردف ابوي بسرعه: ابو حازم خير ياستار رفع سامعه وحجه الوووو
اباوع على ابوي بهتت ملامحه وبس صوت عمي ينسمع بس مااسمع شيحجي
ابو سلام: لا على بختك قصرت والله ابو حازم سلام رجال وصديقه ابن أوادم وناس ومتربي احسن تربيه وخوش ولد والعمر كله متربي ويانه
ليش مكبر الموضوع انته
عمي مدري شيحجي وابوي كام يلزم بكلبه وجها صار اصفر
أبو سلام: انا مريض وگلبي يوميه كاضني شلون تريدني اكطع هل مسافه كلها
............عمي
ابو سلام :اشو ماتعرف تحجي غير رجلها اجه ياخذهه
شبيك انته
...........عمي
ابو سلام: خليني محترمك هواي تجاوزت وسكتتلك وابن رجال من ضهر رجال وعمره مامسوي العيبه شوتمسلت انته احسن تربيه مربيهم كلش ماتحترم انته
خليها بتك عدك شنو كلت نسوان
وخله وسد تلفون
أبو سلام: ناس ماتستحي ولكم شنو من تفكير عده هذا الزلمه
انا وامي ومريم واكفين ونريد نفهم شكو امي بس سد الاتصال حجت
ام سلام: خير ابو سلام شكووو
أبوسلام: ابوها ماقابل يرجعها ويكول بس تجيب يطلكها
شهكنا كل احنه
ام سلام: اسم الله من طلاك وطاريه ليش
ابو سلام: الله وكيلج ناس ماتعرف وين الله ذابها ونريد الله يرحمنا اذا احنه هيج نفكر استغفرالله وفوكاها يغلط علئ سلام وعلئ رحيم ماخله كلمه ماحجاهه راح يجلطني هذا الرجال
خله وكام راح لغرفته وامي كبل لحكته
انا ومريم نقهرنه على ورده وسلام ماتحملت كبل دمعت عيوني. واحس هم قبط على صدري شكدا
بقينا انا ومريم نروح ونرجع نريد أمي تطلع من الغرفه ماكوو حته نعرف شكوو وليش عمي ماقابل ورده ترجع
ومن منو السبب وره ساعه امي اجت تاخذ كلاص عصير الابوي
رواء: هااا يمه شنو سالفه
ام سلام: معليجن ابوها ماقابل يرجعها وبس سوي عصير الابوج. نازل سكره وانا رايحه انطيه علاجه
انل ومريم وحده تباوع بوجه الثانيه ونريد بس نعرف شكو شنو صار
العصر ساعه ب ٣ اجه سلام وجها ميتفسر وجها صاير اسود وعيونه حمرر والحواجب معكوده ومبين عليه يجدح ناااار
دخل لصاله
سلام: مساء الخير
ردينا :مساء النور
ام سلام: هلا يمه كواك الله
رد بتعب وبصوت ناصي
سلام: يكوي حيلح. شلونك يابه شلون صرت
ابو سلام: الحمدالله وليدي تعال وراي للاستقبال رايدك
سلام ماحجه كبل دخل للستقبال وابوي دخل وراه وحته امي هم دخلت وياهم
انا ومريم ركضنه نتصنت بس امي شافتنه وطردتنه
نوارس
كعدت ثاني يوم شفت بيبي بالمطبخ كاعده يم الباب، وصافنه
نوارس: صباح الخير بيبي من يمته كاعده
بيبي:صباح النور بنيتي هسه قبل شوي سويلي لگمه خل اكلها بعد امج شو احس رويحتي مبهوته وصدري مختنگ
نوارس: سلامتج بيبي شبيج اخذج للطبيب عفيه كومي بدلي بس يشوفون شبيج
بيبي: لا يبيبي شغلتي مو طبيب البارحه حلمت بكربلاء واريد اروح للامأمين طگ كلبي سنين انا ماشامه ريحة ضريحهم بس شلون نروح وحيدنا صعبه يمه بس سويلي لگمه واروح اقرالي قرأن بلكي ينشرح صدري
نوارس: لا بيبي اليوم اله اخذج واخليج تشبعين زياره منهم دخيل اسمهم انا بس نتريگ وننطلق وعدنه جم فلس نروح بيهن والله كريم للايام التجي
رحت فتحت الثلاجه ماعدنه ريوك لبست جبه علئ سريع وطلعت لٌلاسواق افكر بسامر وانا ابتسم وصافنه ع اخر كلمه گالها الي دخلت للاسواق خذت بيض ومربة جزر احبها
وخذت رصيد علمود اكول السامر وانطي خبر خاف يجي وميلكانه عيب
رجعت للبيت
كبل بلشت بالريوك كملت واحنا عالريوك كالت بيبي
بيبي: نوسه بيبي ليش مانگول الرحيم اذا فارغ هوه مونازل بالبيت هوه ياخذنا يمه ماندبرها وحيدنا وانا ماعين روحي شتلحكين انتي ناخذ ويانه امه هم
نوارس: بيبي احنا جبنه طول عمرنه وحدنه اشتغلنا وتعبنه وماجان عدنه سند غير رب العالمين احنا سند الروحنه وراح ندبر كلشي وان شاء الله مادام انا اشتم الهوه ماخليج تحتاجين شي ماراح نحتاج الاحد صح رحيم مامقصر ويانا بس هم اذا نگله راح يكول اله انا اخذجن ويضل باله وهوه هم عده عائله وشغل يحير بينا احنا نروح كلها كم ساعه صده رده نزور ونجي يلا هسه كملي ريوكج انا راح اكوم احضر ملابسنا واسبح واشوف الفلوس الي ناخذهن تكفينه،
كمت رحت حضرت ملابسنه ودخلت سبحت طلعت خليت الرصيد ودزيت هلو لسامر ماكو رد رحت نضفت البيت وغسلت مواعين وحضرت الحمام البيبي
صارت ساعه ب 11ونص فتحت جهاز شفت سامر متصل وماسامعته
اتصلت علي ثانيه واجاني رد
نوارس :هلو سامر
سامر: ياهلا شلونج امس وين رحتي انهزمتي لج
نوارس: لا بس خلص النت مالتي وهسه اله خليت وراسلتك حبيت اكلك خاف تجي ومتلكانه انا وبيبي راح نروح الكربلاء بيبي مختنگه حابه تزور
سامر: شنو رحيم ياخذكم
نوارس: لا اكيد شنو الولد ابتله بينه احنا نروح ماعلينه شي
سامر : انا اخذكم لعد كم دقيقه تلكيني يمكم
نوارس: لا سامر ابد ما اقبل ماريد انتكل عليكم احنه شعلينا كافي انعم الله عليكم كفيتو ووفيتو ماقصرتو ميحتاج شكرا الك بس حبيت اكلك
كبل سديت الخط شنو ابتلو بينه انا سند النفسي وادبر كلشي ماحتاج احد ماريد نصير ثكل ع احد
كملنه كلشي وطلعنه،،، يتبع .......
ان شاءالله عجبكم البارت
4000الاف كلمه
تصبحون علئ ماتتمنون فراشاتي 🦋💙