قريري العيون

البارت السادس عشر

مساء الورد والياسمين عليكم فراشاتي 🦋🖤

قريري العيون 

بقلم زهراء علي

ممكن تعليق للفقرات وتصويت+متابعه

مشاهده ممتعه.

"""""""""""""""""""
ورده

اجت امي تركض
ام ورده: يمه صخام ولج شبييييج
ماسه لازمه ايدي وتريد تكومني ادخلني للبيت
وإنا كمت الطم على وجهي ودم ترس وجهي وملابسي

ورده: ليش ماموتتني وخليتني اخلص منكم ليش ليش كافي تعبت منكم

اخذني غسللي  ودخلني بالغرفه  فاطمه جابت كطن وديتول واجت تركض
اخذتهن أمي تريد تخليلي على جرح

ورده:  لا تخليلي خليني هيج اريد اخلص منكم
ام ورده:  ولج احجي فرفحتيني منو وياج
سولفتلهه شسوه بيه حازم
ورده: كليلي  شمسويه حته هيج تعاملوني احجي يمه بروح امج لييش

ضلت امي تغلط علئ حازم وعلئ ابوي وعلئ بيت عمي
وتخلي  كطن وديتول على الجرح وهيه تتحسب على حازم
ام حازم:  يمه هيج شاك كصتج ليش هيج من عثرك الله كون. كسر
شدت راسي بشال من بعد ماخلت لكطن على جرح حته ينگطع الدم
بس انا راسي احسه طك من الوجع وعيوني ماكدر افتحها
صرت  شبه فاقده من الوجع وريحه الدم الي سطرتني ونفسي بدت تلعب

ام ورده :كومي فاطمه طلعي دشداشه لااختج  جابتلي فاطمه وبدللي هيه وماسه

وامي لحكت حازم وهيه تحجي وتدعي عليه
ماسه وفاطمه بس يبجن وماسه تحلف وتتوعد لحازم اذا اجه ابوي تتلكاه اباب الحوش وتكله على عملته

خليت راسي على المخده ودرت وجهي على الحايط وتضاهرت بلنوم
بس راسي احسه صار يدك بيه طبل من الوجع واحس الشال نترس دم رطوبه  صارت جوه الشال رجع نزف
ربع ساعه وامي اجت اسمع صوتهه وهيه توصي ماسه وفاطمه مايجيبن طاري لاحد واذا احد سئل  كولن شايله سطل مال العلف وتزحلكت وطاحت ونشك راسها

ماسه :ليش ولله ولااسكت

ام ورده: وسم اميسه ولعباس فتحي حلكج وشوف شسوي بيج

اجتني للغرفه 
ام ورده:ورده شنهي  نايمه
غلست محاجيتهه سويت روحي نايمه
ام ورده :ورده يمه نمتي شنهو طيحت حضه هل سكيط مايستحي صاير بطولي وحته عيب عليه من اطكه

ضليت ساكته محاجيتهه واسمعها تبجي وتحجي على حازم
ام ورده:  فوك مامشوه  رجلهه لحكهه راح شوه كصتها كصتها مفتوحه جرح بكد حلك السمجه يمه شلون بيه انا ربي ماتاخذ عمري وتخلصني
حته ابوها مو هنا حته ياخذهه لمضمد لطبيب يخيط راسها
ضلت امي تلوم وتحجي شكد الي فهمته من حجيها حازم كايل الها تغلط علينه وترادد وسبت ابن عمها وسبتنه
تقريب ساعه واجه ابوي وامي لاكته وحضرتله الحمام
ماسه واكفه لابوي اباب الحمام تريد تكله
طلع من الحمام

ماسه: بويه حازم كتل ورده وطر راسها بلنص خله دمهه بطولهه

ابو ورده: اه صددك ليش ووينهه هسه 

اجه دخل للغرفه أنا كاعده بس مدنكه هوه

ابو ورده: ورده رفعي راسج بويه شو
ضليت مدنكه بس ماسيطرت على دموعي

أبو ورده: افه بويه ليش تبجين بله شبي حازم وياج شسوالج

ورده:  طكني ورفعت راسي ابوي فتح عيونه وتسودن لومن رفع الشال وشاف الجرح كام يسب ويغلط على حازم

ابو ورده: اليوم انعل ولديه ابن القن..... بسرعه جميله حظريهه خل اخذهه  للمستشفى راح اشغل السياره
أمي جابت العبايه

ام ورده:  يله هاج البسي ابوج يريد ياخذج لطبيب
ذبيت الشال الفته أمي علئ راسي
لان موتني  تلمست جبهتي  مورمه كمت اشوفها على المرايه
وكفت كبال لمرايه وعيني عليها  مورمه وصايره شكبرها والجرح مفتوح والدم الي يطلع منها تقشعر جسمي وانا اشوفها راسا بتعدت عن لمرايه وانا ابجي

لبسني شالي وعباتي وماسه جابتلي كلنس حته امسح
الدم الي مانكطع ابد
طلعنا رحنه للمستشفى لوكت صيف حاااره تكتل ساعه  1:30 والقضاء بعيد علينا مسافه ٤٠ كيلو
أبوي تعبان توه جاي وتلكيناه  تسودن من حازم كلساع يسبه  ورتفع الضغط عنده وكل شويه ويكض كلبه

إنا بس ابجي احس عيوني جاي تغمض من وحدهه ودمي خلص الالم موتني  ونكسر كلبي على ابوي لان حااره وهوه مريض ورجع بيه للمستشفى تندمت لان قبلت اجي للمستشفئ لو رافضه احسن

وصلنه للكراج وكف السياره ابوي  ونزل

ابو ورده:  يله بويه نزلي
نزلت وكمت اعدل بعبايتي ابوي لازم باب سياره بكل قوه وجسمه يرجفشمرت  الكلنس من گصتي  وركضت عليه

ورده:  بويه شبيك شجرلك بويه
ابو ورده :مابيه شي بنيتي لا تخافين
بعده جاي يحجي وطاح من طوله
كمت ابجي واصرخ احرك بيه
ورده : اكعد بويه فدوه بويه تسمعني تسودنت وماعرف شسوي الناس الي بل كراج كلهه لتمت علينه اخذو ابوي للمستشفى
لان الكراج بصف المستشفى قريبه علينه

وياهم حجي جبير خطيه هوه ضل يهدي بيه
الحجي:  مابيه شي بنيتي لا تخافين وباوع عليه شبيج عمو شبيها كصتج

ورده :طحت

الحجي: طحتي وين طحتي
ضليت ساكته ماحجيت
راح جابلي ماي واجه وغسل وجهي وشربني ماي 
الحجي: ابوج مابيه شي هابط ضغطه وهسه راح يطلع ان شاء الله

ورده:  صدك عمي فدوه عليك الله
رد عليه بابتسامه : ايي بنتي والله
وتعاي خلي نروح نشوف جرحج بلكي يخيطونه يداونه

رحنه دخلنه للغرفة الطوارئ اكو دكتور شاف الجرح وضل مضيك عيونه ويلزم بيه ويباوع لوجهي وانا اعصر بصابيعي

الدكتور  :شنو الي صايرلج

ضليت ساكته ماعرف شحجي
ورده: ها طحت

رفع راسه على الحجي وكله شصير منك حجي

الحجي :بت ابني

الدكتور:  جيب ابوها وهاي ورقه وكبل للمركز لان هاي معنفه لازم تحقيق

الحجي :البنيه البت طاحت ونشك راسها  شنو مركز

الدكتور: حجي شنو احنه مانعرف بس الشك شوف أثار الضرب الي بوجها وايديهه

الحجي:  ان شاء الله
اخذ لورقه الحجي بس وجهه صار اصفر
طلعنا

الحجي:  بنتي سمعتي شكال تعاي نطلع منا لا يسوونها سالفه شك لورقه وذبها وطلعنا كعدنه بلحديقه مال المستشفى

ورده:عمو  شنو معنفه عودد
الحجي: يعني واحد ضاربج

ورده شهكت شلون يعرفون عبالي يقصد الاثار من الطيحه الكتله عليهه
الحجي :منو ضربج بنيتي كليلي

ورده خفت وكتله :محد انا طحت

الحجي: لا تخافين والله ماكول  لاحد منو ضربج منو مسوي بيج هيجي وشاك كصتج كلها

ورده: محد انا طحت وحدي وصار بيه هيج

الحجي :لعد ليش تكولين قبل شويه شلون يعرفون

ورده ضليت ساكته ومارديت هوه هم سكت وضل يسبح بل سبحه مالته

شويه وابوي اجه يمشي على كيف وجها اصفر ركضت عليه وحضنته
ورده: بويه شبيك شجرلك خفت عليك شلون صرت

ابو ورده : الحمدلله بخير بويه مابيه شي

اشكر من الحجي والحجي اخذ ابوي على صفحه ماعرف شكله ابوي تغيرت ملامحه وكبل لزم ايدي وطلعنه من للمستشفى بسرعه وكبل للسياره
ابو ورده: بويه مانكدر يشوفهه الدكتور يشبون راسنه
سكتت وضل كل شويه وكلي توجع بويه
وإنا اكله لا ماتوجعني اجذب على ابوي لان خفت عليه اخاف يطيح مره ثانيه
وصلنه للبيت وانا كبل خليتلي فراش وغطيت راسي وتضاهرت بلنوم امي  اجت حاجتني حاجتني مارديت عليها ماسه

ماسه: يمه  ابوي مريض يصيحلج
راحت امي وبقن بس ماسه وفاطمه
فاطمه رادت تكشف راسي
ورده:  عوفيني اريد انام انعس
فاطمه:  شنو كلج الطبيب
مارديت عليهه بقيت ساكته
راسي موتني من الوجع واحس الگاع تفتر بيه
أمي أجت وكالت لفاطمة روحي جيبي لختج غدا حته تاكل وتشرب علاج

ورده: ماريد اي شي اريد انام
ام ورده : شلون ماتردين غير حته تشربين حبايه كبسوله شي حته راسج يطيب وانتي ماماكله منهد الفجر واجيتي من السروح
جابت فاطمه الأكل وحلفتني اكل

ورده: فاطمه فدوه  اريد انام عوفوني
لفيت راسي ردت انام مانمت من الوجع ضليت اتكلب
ابوي كل شويه ويدخل واسمعه يحاجي امي ويكلها ابنج الساقط ليوم اطكه وكتله العار شلون يضربها هيج
بس امي ساكته ماحجت
احس جسمي مسطك و لان اموت من لخجل اذا ابوي دخل وانا مدده استحي منه

وأذا كمت وكعدت اكيد راح اسمع ابوي يحجي واكيد اكيد راح يجيب طاري الزواج وانا ماعندي استعداد اسمع هيج

أبوي سئل عن السبب وامي تكله مادري وهوه سئلني بلسياره  كتله ماشلت الشعير وكتلني
ابوي راح شويه ورجع وصاح ورده ورده انا طفرت من مكاني ولميت نفسي
دخل للغرفه
ابو ورده:  ورده انا مو احجي وياج

رفعت راسي وعيوني كوه افتحهن من الوجع. والدوخه  ومورمات من البجي
ورده: هااا
ابو ورده: صدك سابتنه وسابه  عمج وابن عمج ولج

ابوي معصب والغضب يطاير من وجهه

كام جسمي يرجف وكوه ابلع ريجي من الخوف

ورده: لا جذب ياهو كالك
أبو ورده: حازم كلي وكاتلج لهذا السبب

ورده : لا جذب ماسابه احد بس كتله مانكدر نشيل الشعير  وهوه كتلني

ضطريت اجذب وماكلت لأبوي من الخوف  انا هم غلطت على سلام حته لا يضربني

أبوي كام يغلط علينا ثنينا انا وحازم وراح جاب حازم وحازم يكله تسب. بينه وبعمي وتسب سلام وتكول لويضل اخر واحد مازوجه
أبوي هوه سمع هيج لو كلب الدنيا علينه

ابو ورده: شلون هيج تكولين اليوم اذبحج

إنا استمريت بجذبتي وكلت ماغلطت على سلام وكلت مازوجه لو يضل اخر واحد بل دنيا وكتله ماسابتكم انا صدك ماسبيت اهلي بس سلام

ضل ابوي يرعد فاطمه وماسه كاعدات وره الباب خايفات علي ودعن وحازم هوه وابوي واني بلهول ويسب

وحازم يكله زوجهه وخلصنه منها وريح راسك كل يوم احنا سالفتنا سالفه
صحت بعلو صوتي

ورده: مازوج مازوج

اجه ابوي يدفع بلباب يريد يكتلني وامي مجلبه بيه وصريخنه شعلوه اجه عمي جابر علئ الصوت بس سمعت صوته يهدي باابوي وصارت

ابو ورده: راح اعوفج لان جرحج غميج والله لو ماجرحج ادفنج وانتي عدله شلون تسبين عمج وابن عمج باجر هم من تزوجين هيج من يمته عدنه بنات هيج برعات

انا بس دموعي تصب حته الدم وكف من راسي احسه شاط من القهر.  لليل وابوي  خابر عمي كله  من باجر تجي تأخذ مرت ابنك واذا ماجيت كل مره ماكو يمي الك

حازم ومصطفى ضلو يزنون  براسه لان ناس كامت تسمع وكلمن يسطر حجي بكيفه واذا استعجل وزوجني راح يسكت الكل ويرتاح راس ابوي مني ومن مشاكلي
أبوي حيل عصب لمن حازم كله هيج تكول مازوج سلام لو يضل اخر واحد بدنيا

ضلو يوزون برأس ابوي أشكال الحجي واني مصدومه منهم وجنهم مو أخواني ولا ابوي وحته امي مايدتهم

جان أصعب يوم بحياتي وانا اشوف اهلي محاربيني واكفين ضدي ويردون يزوجوني غصبن مساهميني علئ عيشتي وياهم واخواني الي بعمري ماتخيلت يجي يوم وهيج يشدون وياي ويكرهوني وماكو بكلبهم اي ذره حب اليه يتعاملون وياااي جني عدوتهم مو اختهم
نسيت الجرح الي مطير نص كصتي ولوجع كله ونحفر الوجع والجرح بكلبي من اخواني وابوي وامي
حازم يطب ويطلع يتوعدلي ومصطفى كذالك ابوي يسمعهم ومايحجي وياهم جنت اتمنى يسمع ويرد عليهم ويدافعلي بس خاب ظني
بليل كمت اريد اروح اغسل بره  كمت كوه امشي طلعت بل حوش واسمع رقيه تحجي وي اخوانها هيه شافتني واجت من وره الحايط وتحجي بصوت ناصي ورده ورده

تقدمت عليه

ورده:  هااا رقيه
رقيه: ورده صدك حازم موتج كتل وشاك راسج سوده عليه عمت عيني عليج. ورده لازعلين مني بس اكره حازم حقير شلون يطكج

ورده: اخخ رقيه تعبت منهم

رقيه :ليش شنو السبب وكتلج
ورده : كلي نشيل كواني الشعير وكتله ثگيلات علينه 
رقيه :ورده فدوه صدك لان لسمعته غير شي
ورده تفاجأت : شسمعتي رقيه ومن ياهو سمعتي
رقيه :والله ماعرف شكلج بس الي سمعته انو كاتلج لان لاكيج جنتي تحجين وي واحد يم النهر

شهكت بألم وندهشت من كلام رقيه
ورده :جذب منو الي كلج هذا الحجي كون الله لا يطيه العافيه  بجاه محمد ولج رقيه يانهر مو رجعنه من السروح هلكانين انا وياج
رقيه:اي هم كلت بس  سمعت هيج  وضليت حايره صدك لو جذب
ورده :نجبي ماريد اسمع منج انتي شنهي فرقج من الي طلع هاذا الكلام عليه جان المفروض ماتصدكين وتجين تسألين انتي تعرفيني انا شنوو بس انا  اعرفه الي طلع هاذا الحجي عليه
اكيد امج وحنان  لان صادفت حنان  جايه مسيره يم اهلها اليوم

رقيه :لا والله موهنه شبيج ورده

ورده : كافي رقيه انتي دافعين عليهن لان امج واختج انا بس اريد اعرف شمسويتلهن ويوميه ذابات سالفه عليه
وياريت سالفه عاديه يطعنن بشرفي اذا اهلي يسمعون بيه راح اروح بشربة ماي كمت ادعي عليهن من كل كلبي انو الله ميرحمهن ابدد وكون يضوكهن من هاي الحركه الي حركن كلبي بيهه

رقيه ضلت تلف بسالفه وتتلعثم واحسها تندمت لان حجتلي وكل شويه تكلي اشش لااحد يسمعنا ورده صوتج نصيه

ورده: امشي منا وجهج ماريد اشوفه ولا عرفج ولا تعرفيني لان ماتكليلي منوو الي طلع هاذا الحجي عليه لوجنت صدك اهمج وتحبيني كتيلي وريحتي كلبي

بس هيه مبينه امج واختج وكاعده تحاميلهن لا تخافين ماراح اسوي شي بس اريد الله يبين حوبتي بيهن
ضلت تكلي موهنه وهيه سمعت من غير واحد
ورده: ولج من غير واحد ياواحد مادكليلي محد يدري بيه ولا واحد شافنه بس عمي اليوم سمع واجه

كاعدين نحجي ونل  اجت حنان  تمشي بهمه وتصيح شعدج ام زلم تسولفين وي رقيه تردين تعلمينه على سوالفج
تعاي رقيه هاي وحده عشاكهه زلم وكل يوم وي واحد

شهكت وخليت أديه ثنينهن على حلكي وعقلي احسه بده يختض ويرفض تصديق الي سمعته

ورده:  والله عرفتج انتي الي مطلعه الحجي روحي الله يشوفج من فوك الله يبن حوبتي بيج الله لا يوفقج بحياتج كون

حنان:  يطبج مرض الي هيج  طاكينهه وشاكين راسها عليمن غير لازم مسويتلهه مكسوره وبعد من اشوفج حاجيه وي رقيه لا تلومين اله نفسج وأخذت رقيه وراحن

ضليت مسطكه بمكاني من حجيهه معقوله هاي بت عمي ليش هيج تكرهني شنوو الي سويته الهه ياربي استرني بسترك ورد كيدهن بنحرهن بجاه حبيبك محمد

توني اريد ادخل من لحوش للبيت وحازم صاح تعاي وراي  لحكيني للغرفه

إنا سمعت هيج ويبس الدم بجسمي من لخوف
رحت وانا ادعي كون مسامع شي من الي كالته حنان

دخلت ولكيته بيده صونده وان كبل صرخت: فدوه خويه والله كلشي مامسويه احب ايدك ورجلك لا تضربني

حازم:  ولج انتي عاار والله عار ولازم ادفنج وخلص منج انا سمعتهه وتكلج  يوميه عاشكتلج واحد واكيد انتن ٢٤ ساعه كاعدات سوه وحلكج يفلت وهيه لزمتهه عليج لزمه

ورده: والعباس خويه هيه تكرهني وانا كلشي مامسويه بيش احلفلك وتصدك
هوه ماسمع مني موتني تموت واجت امي على صوت ضرب ومصطفى البنات ويسألون شكوو

وهوه ولا رد امي كامت تحمي بيه وهوه ولا مستمر موتني تموت بلصونده بعده جسمي ماطاب الله واكبر
اجو يركضون والبنات يصرخن ابوي ماموجود امي شگت ثوبهه  يله هدني مصطفى هم اجه دفرني دفرتين

وحازم  يرعد والعرك يصب منه امي تكله شمسويه ولك مومساع اموتهه راح تموتني

حازم: اريد اربيهه هاي وحده ك.....وس.....

شويه ودخل ابوي ولكه حازم بيده الصونده ومصطفى يتهدد وامي شاكه ثوبهه  وذابه شيله وتصرخ وماسه وفاطمه يبجن
وأنا جنازه امدده بس عيوني يرمشن
أبوي صرخ :شبيكممممم ولك شبيك وياهه ابن الك....

حازم: بتك العاار تسولف وي بنات عمها ويعيرنها يكللها ام الزل
بعده ممكملها وابوي طكه على حلكه
وكله كدامي لدوانيه ثنينكم

خله وطلع حازم وهوه يغلط عليه
راح وراه ابوي وامي هم راحت وراهم بس فاطمه اجت تكعد بيه وتعدل بحجابي وتمسح بگصتي الي رجعت نزفت
اجه ابوي وره نص ساعه لشر يطافر من عيونه وصاحني للغرفه
وراه وانا كلشي بيه انتهى احس الدنيا ضلمه بعيوني
كمت ادعي من كل كلبي الله ياخذ روحي ويخلصني من أهلي
امي اجت كومتني واخذتني
وابوي شتغل تحقيق وياي انا  كتله جذب بس هوه ماصدك ضليت احلفله

ابو ورده: شلون جذب وللللج يعيرنج وردددده

اجه ضربني واجدي وجرني من شعري رجع يضرب بيه يكمل الشي المكان الصاحي لخلاه بيه حازم  وانا اصرخ فاطمه وماسه اجن يفكن بيه ويا امي وحصللهن طكات من ابوي  صم ايده وطكني علئ حلگي من الوجع بعد ماحسيت نغمه عليه.  كعدت بلغرفه ويمي ماسه وفاطمه يبجن وماسحاتني من الدم ولافات الجرح مخلياتله كبسوله اخخخخ ضليت ابجي بونين
فاطمه: فدوه اروحلج يبعد حيلي اسكتي لايجون يكتلونج

   رجعت غمضت مااحس بشي حته الالم ماكو جسمي مخدر  انا بغير عالم مو عالمي
عالم متروس ناس أشرار بشر ياكل بشر ماكو حنيه ماكو امان
عقلي يرفض يصدك الي كاعده اعيشه اكرهم اكرهم كلهم

ساحلاتني سحل من عده ويكلهن اذا اشوفهه ماخلي بيهه شي صاحي بلكت تموت ونفتك منها العارر انا عار شمسويه شمسويه حرام عليكم ولله حرام

نمت نص اليل كعدت اون مصخنه جسمي كله مكسر ويون عليه من ألم وراسي احس بيه واحد كاعد ويدك بطبل
كرهت الدنيا كلها وكرهت اهلي وحقدي يزيد عليهم وكمت ادعي بكلبي عليهم من كلب ولسان

وحنان  كمت ادعي  كون الله يشوفني بيه يوم وتشفا بيه الخبيثه عبالي تزوج وخلص منها
ضليت للصبح ارجف وجهي موروم وجسمي وعيوني واديه وجسمي ازرك صاير
بقيت اسبوع  مدده بل فراش ولورم راح من وجهي وجسمي
والزراك بده يختفي ابوي رايح العمي ابو حنان وكايله هيج حنان تكول  وعمي كايله اليوم اذبح وصلخ ومن هل حجي
بس عمي كلشي مامسوي وأم حنان  قانعته صدك هذا الحجي مو جذب
يومين عمي ابو حنان اجه  كايل الابوي ماتزوجها بتك شمنتضرالمن  مخليهه صار حته اكثر من شهرين
وبتك كثر الحجي عليها وراح تجيبلك الحجي لموزين
مرته زانه براسه شكد حجي واجه يحجي عليه يم ابوي  وابوي راح خابر عمي وكله هسه تجي تأخذ لبت يريد يسد لحلوك عود
وأكثر شي يريد يسكت عمي
إلى كل شويه وكله هسه هم جم يوم وتبطلون
أبوي شد حرابه وياي وكال ماريد اشوفها كدامي واخواني هم
نحبست بلغرفه واكل خواتي  يجيبلي  شفت الضيم
وابوي يومين يحقق وياي يكلي علميني بعشيكج ياهوو
شايفه هيج
إنا احلفله  اكله ماعدي وهوه مصر عدي ويموتني ويطكني ويطلع ماسه تكول اسمع امي ومرت خالي يسولفن امي نكلها كلي للعلويه كلشي مافاد بيه الي انطيته الها بعدها معانده وتكول مازوج
وام حازم تكول بس تصح فرصه تجيج وتفهمج

كرهت  الي جانت تسويلي سوالف روحانين ومدري شنهو حته اطيع أمرهم وازوج
الزواج موهيج ياعالم مو بل ضرب والاهانه والجبر
الزواج حب تفاهم احتواء بس احنا ناسنه مريضه عقولهم مريضه

كلما اصلي اشهك بجي وادعي علئ اهلي وعلئ بيت عمي ابو حنان
وعلئ سلام اوووف ياسلام كرهته كره ماصاير واحسه هوه سبب بكلشي صارلي وكمت ادعي عليه انوو ينقتل اطك عليه مفخخه ايي شي المهم يموت
كمت اكره نفسي واكره تفكيري الشيطاني لان اهلي وصلوني لهيج مرحله
ابوي حرك عممي حرك كل يوم ودك عليه انو يجي ياخذني وعمي يكله الولد انذار بلفلوجه الوضع موزين غير ينزل.

أبوي يكله بنفس اليوم  اليجي انته تجي تأخذهه وكبل بس يجي اعقدلهم
كرهت أبوي لان حسيت نفسي سلعه نايمه على كلبه ويريد يخلص مني. 

اجت فاطمه كالت ورده عمي كايل لاابوي خلي ورده تطلع تجهز روحهه وشترولهه ذهب ومن اجي اطيك المهر
وامي راحت تاخذ مرت خالي ويرحن للسوك
مرت خالي تعرف بهيج شغلات
أنا سمعت رايحين لسوك يجيبون غراض اليه وانا نجنيت يعني صارت صدك كمت ابجي وادعي على سلام كون يموت وخلص منه

أجت امي من السوك ومرت خالي وياهه جايبات علاليك شكبارهن خليت وكمت اريد اطلع

مرت خالي :تعاي ورده وين رايحه
ركضت يم حضيرة الحلال وكمت ابجي واديه يرجفن
لحتكني امي وهيه تغلط عليه وتكول فشلتيني تعاي سلمي على مرت خالج
اخذتني امي وسلمت على مرت خالي مكعدت هيج عنها بشويه

مرت خالي كامت كعدت بصفي وتسولف عليه وتكلي جبتلج شغلات تخبل
كامت تفتح وطلع وتحط كدامي
وإنا بالي مويمها اصلآ ولا شفت شنو جايبات ولا شنو مشتريات
هيه تكلي هاا حلو وانا استحي منها اكلهه اي بس  ماعرف هيه على شنوو تحجي

ام ورده: شوفي يمه غراضج عجبنج لولا
ضليت مدنكه وساكته نوب مرت خالي كالت لأمي وين ملابس النوم خلي تعاينلهن شلون حلوات

مرت خالي وهيه تضحك :شوفي شجبتلج يخاله احنه بوكتنه  ماكو هيج شغلات تخبل وحلوه

ضليت مدنكه وهيه تسولف على أمي على شغلات الي جابنه
وتكل لأمي انا جبت الاحمر والأبيض يلوكلها لان هية بيضه تطلع تضوي بي
هاج يبعد خالتج شوفي شلون يخبل هاذا لاحمر
رفعت راسي وانا كل ضني ملابس نوم مثل ذني الي نشوفهن بفلام كارتون الي شكلهن قميص وبجامه وبيهن رسومات كارتونيه نصدمت بشكل الملابس وجسمي كش من يمهن
ورده:  هاي شنهو المن

ضحكت مرت خالي وكالت الج غير تلبسينه لسلام وغمزت
ضليت مطككه عيوني من كلامها
ندست امي همستلهه شنهو هذا شلون البسه والله ماحطه على جلدي ماريده
امي خزرتني  خلت وضمتهن بل علاكه وكالت لمرت خالي بعدين خيه تتعلم هسه هيه ماتعرف شي

مرت خالي: ياحضي جااا ماتعلمينهه لومن يبيض الديج شنهي
امي سوت روحها ماتسمع وكلتلها طلعي باقي العراض خلي نشوفهن

مرت خالي تطلع بلغراض هيه وامي وانا شفت لملابس داخليه وانا نجنيت
ورده: المن مشتريتهن مالبسهن ماريدهن ليش ماجبتي مثل ذني الي البس بيهن

مرت خالي: لا بلع سلام ولج ماتعلمين بتج
ولج خاله ذني مال جهال بنيات زغيرات جنه نكول ميخالف مامتعلمه عليهن  بس هسه راح تتزوجين

شنهي فرخه وتلبسين من ذني
وساعه يقنعن بيه هيه وامي انو اقبل بل ملابس داخليه بس ملابس نوم مجانت عندي اي فكره عنهن وشلون البسهن ويمته  عبالي يردني البسهن من اعرس يم الناس
جابتلي امي كلشي منه ٣
الذهب جابو تراجي وكلاده ومحبسين وحلقه وملويات ثنين وحجل. واهلي وعدنه البت التزوج اهلهه يجبولهه هديه ذهب ويا ذهبهه جابولي بعد زوج تراجي وكلاده

جنت اكره الملابس الداخليه ماحب البسهن البس شورتات وفوكاهن بجامه وياهه تشيرت اضب صدري اتخبل منهن خالتي تكل لأمي علميهه وامي تكلهه اي ان شاء الله
بس ماعرفت عليمن تعلمني عبالي تعلمني على شغل البيت اسمع كلام رجلي احترم عيالي هيج شي
امي هم وصتني بهيج شغلات
مرت خالي  اجت ورادت تشير جسمي بس هوه مابيه شعر بيه قليل وكالت هذا هلب موشعر سويه انتي دخلي للحمام وسويه
ستحيت من مرت خالي وامي لان كالت سوى جسمج عمي مخابر ابوي كايله انا باجر يمكم
أبوي كال لأمي وامي كلتلي  تسودنت  شردت لجول امي ركضت وراي ولزمتني ودخلتي جوه
وإنا  اصرخ
ورده:  فدوه يمه صارت صدك يمه فدوه ضميني يمه فدوه ماريد ازوج يمه  ماريده لاتزوجوني خلوني يمكم لاتزوجوني موتوني ذبحوني ماريده بروح جدي يمه ولله اضل بس اشتغل مااكعد واشيل كواني الشعير  ولخضره خلوني مثل الخدامه 

امي كعدت تهدي بيه وتقرا عليه قران وتقنع بيه ضليت لصبح كاعده وياي وانا ارجف
تقنع بيه انوو اذا تزوجت راح اخلص من الخدمه وشغل ومن ضيم أخواني وابوي الي عصبي وعلئ  اقل زله ايده والضرب
وانو الحب يجي وره الزواج ولمره هيه بيدهه تخلي احترامهه وبيدهه تشيل احترامهه من زوجها
نصايح واحترم عمي وعمتي وحمواتي وحته لو يغثوني اططب من هاي لاأذن وطلع من هاي لاأذن

بليل لمت كل غراضي وخلتهن بجنط هيه ولبنات وهنه دموعهن تصب ويا دموعي سبحت   ومشطتلي شعري وضفرته جرحي طاب على عيب بس بقى مبين ذاك هوه مفتوح وكلمن شافه كبل يسئل وانا اكول طحت
خليت رأسي علئ المخده وألم روحي ينهش بيه يتبع .....

تصبحون علئ ماتتمنون فراشاتي 🦋💙