تغلغل في الجمرات

part 3

‏والنواظر وشلت
وانكسر بيها الخوف والرغبات

عريان السيد خلف

للكاتبه فبراير

🌿🌿🌿🌿🌿

زنان ' خوف رهبه رعب حزن

كلشي راودني بوقتها كاعده بغرفه انتضر موتي
مثل شخص الي ينتضر لحضه اعدامه' ساعه زمن الناس
كلشي وكف وما عدت احس بي

ساده اذاني من الصوت متكوره على نفسي بزاويه الغرفه المضلمه ' بقميصي المفتوح ومشكك
اكثر شيء يخاف منه الانسان ' من يصير ضعيف

وميكدر يدافع عن نفسه وخلي ناس الذيابه تاكل بلحمه 'مجان عندي امنيه ولا جان عندي حلم

هسه صارت امنياتي واحلامي انو اشوف امي وارجع لحضنها' اريدها تتعاتبني واصيح عليه وتضربني'
قابله بكلشي بس اراجع لحياتي القديمه

من بعد ما اخذني هذا الشخص من كنبص جابني لهنا رعب خوف كلشي داححس بي..

صعدني بسياره شمرني على الكشن الورا هوا راح مكان سايق وساق بسرعه عاليه'

زنان:الله يخليك اسمعني رجعني لامي والله ماحجي شيء وراح انسى كلشي صار'
بس رجعني ..

كانو ميسمعني بس يسوق غمضت عيني بحسره ودمعه اكثر شي يقهر هاي جبانه الي بيه الي مومثل باقي البنات

ادافع عن نفسي وعن حقي دوم جنت انثى هشه تنكسر بسهوله

وكفت سياره باوعت مكان مابي اي احد مثل صحراء مهجور بس بيت وهم مهجور مبين نزل منها '

حشكت روحي باب سياره ارفض نزول ويا بنيته وضخامته ولثام الي لابسه واكو جرح جوا عينه

حرفيا لبالك شخص مافيا خفت حيل منه'

فتح باب سياره وحجه

:نزلي يلا وبلا تنعوص ترا راسييي مصدع ومالي خلكج يلا ننزلي

باوعت عليه بخوف زنان:فدواا وين ماخذني رجعنيي لبيتيي ماانزلل ويااك

كام يكفر ويزفر انفاسهه برعب باوع عليهه وعتني من زندي

زنان:اخ يمهه اايدي ععووفني ووين جاايبنيي

ماحجه ولا حرف عتني من زندي واني اتعثر ورا وكف يم الباب ..

طلع مفاتيح وفتحه شمرني بصاله راسي راح يتفجر من كد مانضرب ببسببهم حقراء..

: دقايق وراجعلج اي حركه تصدر منج خطأ اعتبري روحج محروكه ويا اهلج..

حجه هل كلام وطلع باوعت قميصي نشك من قوه دفعه مالته كمت من صاله ' اباوع ماكو هم شبابيك مسدودة مقفله والباب كذالك..

مسحت كصتي ودخلت لغرفه
احتمي بيهاا منهه كعدت بزاويه الغرفه

قميصي المشكك وجهي البي كدمات تحركني''

كلشي بيه يون من الوجع'

غمضت عينيي امنيتي حلمي ارجع لحضن امي وضرغام اخويه يارب احميهم ولايصيرلهم مكروه''

اتحمل كلشي اله امي وضرغام ماتحمل يصيرلهم شي

دقايق وسمعت صوتته..

:وووويييينج لللججج

زنان اطرافي رجفت من الخوف جسمي احسه تشنج نفتح لباب بقوه كمت على طولي ورجعت ليورا ..

:هاي انتي هنا شكلج عجبج المكان تفرفرين براحتج هاج جبتلج اكل اكلي وبلادوخه راس..

خاله الاكل كدامي وطلع باوعت كباب جايب وخبز حار ومي ويا ميته جوع وكنبص ماعنده غير عدس مر وخبز يابس

واني اكل وفكري صار يم غيد هاي لبنيه جابوها جديد شنو حالها هسه
🌿🌿🌿🌿

غيد:اااذا تتحركتت خطووة وحدهه ادجكك بهااي سجيننه كلب ححيوااان جايني شبع غريزتك لاا موعلى غيد نذ**

جنت نايمه وفاقده من رائيسي بس حسيت ع ايدين تلزم جسمي وجهي كشت نفسي وقشعريره صابتني..

كمت مفزوعه باوع هذا المن** المشوه كمت بسرعه على حيلي اذكرت جانت عندي سجينه بخصري خالتها

من طلعت من بيت جينار اخدتها من مطبخها بسرعه طلعتها وجهه عليه

كنبص:ههدي بيبيي هديي

غيد'ششتريد مني ووليش هيييج تتلمس بيهه ااقتلك والله بس تفكر تتقرب ممرا ثانيهه ااقتلكك

باوعت داير مدايري عقجت حاجبي درت عليه وين هذي البنت

غيد: ووين هذي البنت جانت وياي لا يكوون قتلتهه ووحش حقيرر

كنبص:لاماقتلتها بس هيه ببلمكان المناسب..

🌿🌿🌿🌿

:خلصتي

زنان باوعت عليه وهزيت راسي

: رجعني لهلي الله يخليك امي هسه منتضرتني واخوي صغير هم شتردون مني شنو سويته الكم

باوعت عليه كعد نتجه ع الحايط رجل يم صدره ورجل مددها وصينيه بيده

:ماسويتي شي بس شفتي وسمعتي اشياء المفروض حتى باحلامج ماشوفيها

زنان بجيت وحجيت بشهكه:كتلك راح انسى والله ماحجي ب لاحد لاامي ولااخوي صدكني حتى شرطه ماروح ولا اشتكي عليكم بس رجعني

زنان ميحجي شي صافن ب لاششي بجيت بقوه صرخ بيه صوتت خلاني ارجع ليورا

:كااااااافي لعباان نفس مدكليلي ششكد تبجيين ببعدين منو يكول مراح تحجين لج بنفسي ماثق اثق بيج ..

بعدين لامعذبج وللمجوعج هاي اكلتي صينيه كباب بعد شتردين

زنان:اريد حضن اااميي خلص طلعونيي

كام وكف نثر تراب على ملابسه دنك اخذ الصينيه وصل لباب باوع عليه خزرني وطلع سد الباب وقفلها ..

زنان ياربي دخيلك فدوا لاسمك' شنو سويت بحياتي حتى اشوف هيج واعيش هيج'
كل عمري ماتعرضت على امر منك ياالله بس هل مرا اختبارك واختيارك لقدري صعب ياربي'

اني شخص ضعيف انو يدافع عن نفسه ياربي خليك وياي حميني يالهي حميني...

مددت وخليت راسي على الارض جان الهواا بارد يلفح بوجهي شباك جان عالي ومفتوح'
احس ثلجت ماكو لا فراش ولا غطى'
حتى مخده ماكو

نايمه على الارض البارد الي تجمد شكو مخلوق منو دون شيء حضنت نفسي''

رغم بروده وقسوة هل جو دموعي نار ابجي بكل قوه وشهكه متفاركني عشت عمري بل احلام

وحياه هادئه بين لحضه وثانيه يتغير كلشي وصير احلامي الورديه عباره عن كابوس مضلم..

🌿🌿🌿🌿

غيد كاعده وسجينه بيدي من بعد ماكالي مكانها وين طلع وعافني داحس نفسي مامخطوفه لبالك سياحه ..

يمكن لخاطفني بعده ممتعلم ع سوالف الخطف اصلا عيشتي احسن من اضل ادور امكان وشغل

ضحكت على تفكيري ياربي بله هذا تفكير مخطوفه هذا..

بعدين هذا منعول الخ** من خطفني شراح يستفاد حتى فديه مراح يحصل بله منو راح ينطي'

واني اهل اصلا ماعندي تنهدت من بعد ضحكه قويه سمعت صوته وهوة يدخل لغرفه

كنبص:تخبلتي ضحكين وحدج

غيد:اضحك عليك بله هذا شكل مخطوفه انت شكلك هستوك تعلمت الخطف لاتعذيب لاقتل لا تخويف احس نفسي عايشه فندق ب5نجووم

كنبص: اصلا شغلي اني و** مو خطف ولا شي بس لان الاغا طلبجن انتن الاثنين انتي وذيج نخطفتن ولو اول مرا نخطف نسواان..

غيد:اصيرلك رجال نتحارب اني وياك مراح تحصل شي لا انت ولا** ولا الاغا لان بس اروحله ااكسرررره...

كنبص:راح تبقين هنا ومتروحين لمكان من يصير وقت مناسب اطلعج في حال سبيلج

عافني وطلع بحيره امري ..

🌿🌿🌿🌿🌿🌿

زنان: محد يكدر يوصف احساسي بهل وقت بلذات بنفسي اني ماكدر اوصف حساسي' عايشه ب اربع حيطان مقابلتني'
سجن مو غرفه بعيده عن الاشخاص لاحبهم''
امي ضرغام نهران كلشي جان حلو كلشي جان وياي ..

بلحضه تغير كلشي وصار ضدي صعبب هل شعور لم تكون عاجز على كلشي سوي'

خوفي من اي لحضه يجي ويسولي شي ياذيني
واخسر كلشي..

ضليت صافنه دموعي ماليه عيوني تعبت بجي دموع وكآبه اووف يحضج يا شاه زنان شطلعج شطلعج مدكليلي..

نفتح الباب دخل نفس الشخص الي لابس لثام باوع عليه تقرب كعد ونتجه ع الحايط حجه بنبره بارده

:شنو الي تردي

زنان باوعت عليه وحجت بسرعه وكانو منتضره هذا سؤال ومحضره جاوب المناسب بدون تفكير جاوبت

امي''

زنان باوعت ع عيونه الي غمضهن حجه بنبره بارده

:ماكدر ارجعج الها اصبري عليه ارجعج ب ايدي تعرفين شغله كنبص واحد غبي خطفج بدون ميعرف انتي شخص الخطا..

بس راح ارجعج بس موهسه اصبري عليه ماراح اذيج بس بلمقابل لاتعانديني ولاتعصبيني اعتبري نفسج مامخطووفه..

لاتعااندين بتاتاا ولاتعصبيني روحي بخشمي وتفكيري موالي لاتخليني اخلي راسي براسج كوني حبابه وبنفس الوقت هادئه صوت ماسمعلج..

زنان:شرااح تستفاد من مخليني هنا ليش ماترجعني هسه اوعدك ماحجي شي

:من هل ناحيه اني اعرف مراح تحجين انتي وحده جبانه من انو تعيد سالفه كدام نفسها ''

بس هسه ماكدر ارجعج ولاتسألين ليش لان مراح اشبع فضولج واجاوبج..

زنان كلي خوف منه صح كال مأذيج ولااسويلج شي بس ماكدر كل اثنين ثالثهم شيطان بعدين مجرم هوة شنو ليثبت مياذيني..

:شنو اسمج

حجيت بخوف:شاه زنان

:زنان اعتبري نفسج بسياحه لاتعصبيني اخر مرا اكلج ترا تصرفاتي مراح تعجبج بوقتها متفقين..

زنان هزيت راسي بخوف كام نكث ملابسه وعدل لاثام وطلع هم قفل الباب ورا

يارب اختنكت وهوة يقفل باب اختنكت اريد اطلع اشم هوا اشوف شمس..

لايمت اضل هيج

ياربي رحمتك انت ارحم الراحمين..

🌿🌿🌿🌿🌿🌿🌿🌿🌿🌿🌿🌿🌿🌿

غيد تفكيرر اكلنيي شلوون اطلع شلوون اشرد فكري غيد فكري انتي ام افكارر..

ماريد ابقى هناا لسه بعدني اريد اعيش حياتي شنو ابقى هيج اعيش كل شوي ومخطوفه''

مطلعت عيشه هاي ياغيد لو ميته بلميتم ولاطالعه اكيد هاي نويره حسدتني لان بلغت سن وراح اطلع وهيه حتبقى سنتين يلا..

دعت عليه دعوة ام ل40 سنه وهاي ياغيد ضلي من خطف لخطف وباعي ع ناس والعالم شلون ديعيشون خرب حضج الفكر خرب بي يااغيدد

🌿🌿🌿🌿

زنان: ماراح اصدك بي ابد مستحيل هوة مجرم واختطاف شلون موهوة اله ايد بخطفي..

اكيد مراح تعدي على خير رراح يصير شيء، يموت فرحتي من ارجع لهلي''

روحيي مفرفحه على امي تعبت اريدها اريد اخوي اريد بيتنا انام واصبح ع ريحه الاكل وترتيل القراءن بصوت عبد الباسط..

بذاك لبيت الي رغم بنايه ورغم صغير بس من تدخله تحس روحك سكنت' من صوت القرآن وريحه الاكل ونضافه والهدوء' على الاقل الكمه الي اكلها لكمه حلال

هسه حرام بطني اكل حرام ليوم ماعصيت ربي صح ماصلي ومالتزمه بيها بس اعرف حلال وحرام' معاصيه اهلي ولا غلطانه بحق احد جنت حيل هادئه وقليله كلام'

حتى من احجي ويا نهران جنت ماغيب احد كلامنا بس ع دراسه وع البيت هسه ختلف كلشي..

عايشه مع شخص مجرم واكل حرام بس كل هذا واكول يجي يوم وارجع لامي ولاخوي وارجعلهم ..

فزيت من تفكيري على فتحه الباب باوعت صاحب لاثام جايب بيده بطانيه ودوشك ومخده..

:تعالي اخذيهن مني..

زنان تقربت عليه بخوف مديت ايدي واخذتهن منه وبكلبي اشكره لان متت برد حرفيا..

اخذتهن فرشت دوشك خليت مخده وغطى نمت عليهن وتغطيت

اااااااااالله الدفووو واخيرا جنت بارده حيل وسن يصكك بسن هسه دفيت واحس ردتلي روحي..

كلشي كآبه حرفيا هل ايام الي عشتهن واني وحدي احس تكآبت محتاجه شخص احجي ويا اسولف ويا احجيله ع حالتي وضيمي

واني بوسط تفكيري غفلني نوم ونمت تعبانه نفسياً
وجسدياً''

.....
زنان فتحت عيني على اشعه شمس الي جت بعيني وخرت الغطا فركت عيوني باوعت ماكو احد ونفس الغرفه..

لبالي حلم كل جنت اعيشه بس طلعت غلطانه حقيقيه هذا شي

اخخ ياربي ااخ سمعت فتحه قفل باوعت نفتح لباب ونفس هم شخص صاحب لاثام تقرب عليه كنبص كدامي

مد ايده يريد يلزم حنجي دفعت ايده بقوة وزحفت ليورا

زنان:موكلت مراح اذيج ولاتقربلج

:مو لسواد عيونج هيج سويت بس اريد احجيج بكلمه باعي حنطلع من هذا البيت لان اشخاص ندلو مكاني

وراح نروح ف جهزي روحج علمود نمشي ..

زنان:وين نروح ماريد رجعني لامي خلص فدوا اني تعبت اريد امي..

:انتي نج** امي جللبتي امي امي رجعني ككتلج بسس الكه الوكت مناسب اطللعج كاافي لاضلين تلحين ويلا كدداميي مافارغلجج..

زنان عافني وركع لباب الله ياخذك باجلب يان** حقير نكثت ملابسي من التراب بله يكول حضري وجهزي شجهز' بطرك هل ملابس عايفني طلعت فتحت الباب لكيته بصاله' جهاز بيده ويروح ويرجع

باوع عليه وتقرب تراجعت لزمني ودارني ع ضهري 'مدري شخل ع عيوني''

زنان:شنو هاي شدسويي عوففنيي

اريد اوخرها ماخلاني لزم ايدي ثنيهن ومشاني ويا خطواته سريعه وخطواتي بطئيه اريد انجفي ع وجهي..

دفعني ع مكان وشوي وتحركت يعني سياره اريد افتح الشي الي ع عيوني

:قسما بالله اذا وخرتييها مااشوفين دنياا مرا ثاانيه فتهمتيي

زنان سكتت ماحجيت شي هذا شغيره بارحه جان هادئ وكال انو مراح ياذيني ولايسويلي شي ويرجعني وين ماخذني ياربي..

حسيت بوكفت سياره وباب نسد رد نفتح عتني من ايدي ومشه بيه اسمع مفاتيح هم لازمني دفعني ع الكاع..

بسرعه شلت القماش باوعت مكان هم مهجور شنو سالفه شنو سالفتهم ب اماكن مهجورة بعدين هاي منين الهم بيوت هلكد' باوعت عليه صافن عليه رفع لثام اكثر عن وجهه..

وطلع اول ماطلع بدقايق ركضت ورا الباب احاول بي ماكو ميفتح اليوم لازم ااشرد ماضل يارب ساعدني يارب..

🌿🌿🌿🌿

غيد: هذا الي خاطفني يجبلي اكل حت حيوانات(حشاكم)متاكلها والله لو يوكع بيدي'لااموووته حقير

ككرهت دنيا هل يومين خرب يعني غيد لو باقيه ومنجبه يم جينار احسن صارت كرامه عندي ههاي شتغلت بعد'

اوفف حكيت طرف حاجبي افكر بطريقه اشرد منا وبعدين من أمن روحي ااقتله الي خطفني شنو يضل عايش ب احلامه' زين البنيه وين اخذها معقوله قتلها' صح محجينا هواي بس مبينه حبابه وبريئه والاهم'مدافع ع نفسها

ساعدها اذا جانت عايشه ولامقتوله وساعدني يالله حتى اشرد منا وانقذ روحي..

🌿🌿🌿🌿🌿🌿

زنان تفكير قتلني شلون حشرد شلون بس لازم ماضل مبين مو راحه ولاراح اثق بي'اصلا واحد جذاب ومجرم ومختطف شلون ثقين بي زنان'
اطلعج جذذاب لاززم تشردين زنان لاززم

كعدت بصاله واني افكر شلون اشرد وبنص تفكيري اجه هوة جايب ويا مواعين سفري قرب عليه خلهن كدامي ويا بطل مي

:تعالي اكلي

زنان باوعت اني اكل من اكله الحرام لو اموت من الجوع المجرم المختطف :ماريد مجوعانه

هز راسه ورد باوع عليه بغضب:تعالي اكلي اخر مرا راح اكولها ترا مابيه تموتين وابتلي بيج البيه كافيني فهمتي''

زنان جنت حيل جوعانه مووكت اجادله ومبين جدي بكلامه وعصبي راح اندم اذا اعانده وميرجعني لاهلي..

قربت يمه وضليت اكل جان جايب ويا دجاج شوي وكباب ومقبلات اكلت وهوة مياكل جان لابس لثام ابد مانزعه نتجه ع حايط وعيونه عليه' رتبكت بس مابينت وضليت اكل

خلصت باوع عليه واشر باوعت ع المغسله ياشر كمت غسلت بصابون كلشي جان جاهز بهلبيت بس مابي اثاث لاجربايه ولاثلاجه ولا شي..

بس صابونه مي مغسله بي وكانو جان ملك احد وطالعين منا..

...
مر الوقت وصار اليل باوعت عليه نايم بهدوء فرصتج زنان فرصتج شردين قربت اشوفه نايم لو دا يمثل..

بس جان غارك بسابع نومه بسر عه طلعت ركض اباوع باب مسودد خاب املي وراح الابتسامه عن وجهي..

درت عليه عسا ولعل الكا عنده وصلت يمه قربت عليه وبحذر وتركيز وخوف يكعد ويشوفني مديت ايدي فتشت قميصه ماكو'

وصلت لجيب بنطرونه باوع بعيونه لايكعد مديت ايدي واخيراا لكيت المفتاح..

ع كيف سحبته من جيبه وعيوني تراقب عيونه بخوف اخذت مفتاح وفلتت وصلت يم باب''

افتح بي على كيفي نفتح كيفت فتحت وطرت برا
..

زنان اباوع شارع ومتروس حجار ركضت بقوه بس اريد اوصل شارع عام جان هذا شارع متروس حجار يعني موشارع العام هذا جان تفكيري

اركض وخايفه وجسمي يرجف اركض ع شارع لي متروس حجار صغار يحفرن ب رجل بس ماهتميت المهم اشرد بروحي..

قويت ركضتي بس اريد انهزم..

صرخت بقوه من حسيت واحد جرني من خصري مكدرت استوعب شلون وشوكت وصلني حضني بقوه وسلاحه خاله ع خصري...

جسمي يرجف وعيوني مغمضات مجلب بيه بقوه وسلاحه زرف خاصرتي..

:ههههه شردين مني ها..

غمضت عيني بقوه من صوته وضحكته المخيفه..

:م مسويه شي الله عليك بدااعت امك خليني اروح امي تنتضرني واخوي المريض اتوسلك عوفني..

حجيت بخوف وشهكه شهكت بصوت من ضربني راجدي ردت اوكع بس لزمني بقوه وهم رد ضربني 3ضربات ع وجهي ممتاليه وعلي احس خشمي نكسر وشفتي ماحس بيها..

جرني بقوه من ايدي ويسحل بيه والحجار تنبت برجلي عليمن ابجي واصيح وجع رجلي لو خشمي لو حلكي لو الخوف لي حتلني منه..

..
يمشي بيه سريع وايده عاصره ايدي دموعي على خدي خووف شراح يسوي بيه وهوة كال لاتشردين تراح اندمج..

يمشي بيه واني رجلي وحلكي وكلشي كام يوجعني وياذيني شلون وصلني ياربي شلونن لكفني..

وصلنا لنفس البيت جنه بي يسحل بيه بقوه عرفت وتيقنت انو اليوم مراح يمشي ع خير ولايعدي..

دفعني بصاله اجه تقرب لزمني من شعري وضربني ضل يضرب بيه

زنان:ككسرر بيدددك ياعار عووفنيي لككك عوفنييي ووخر ععنييييييي

:تشرردين مني موو انطيتج أمان وكتلج فتره وارجعج بس انتي سويتي اكبر غلطه ان شردتي بس مااشي شاه زنان لا شوفج ع حقيقتي..

زنان:جان حرفياا مثل الوحش بعيونه الحمرة وشعره ب اهمال ع وجهه دمارات اديه حرفيا زنان شاهدي وكعتي بيد الوحش منو ينقذج

:انطيتج عين بس منا وجاي مااكو حتى رجعه لبيتكم من شردتي مني وختلستي واعرفج ردتي ترحين لشرطه..

زنان خايفه ورجفه بجسمي جان لباله شردت منه بس حتى اروح شرطه وابلغ عليه اصلا هل شي ماجه بالي'ردت اشرد بس لهلي وبحضن امي ومأمن اخوي''

عافني وطلع وقفل الباب من برا شحصلتي هسه زنان راح يشك بيج وهاي بعد رجعه لهلي ماكو بس موبكيفه اشرد واضل اشرد لين اخلص روحي وارجع احضن امي..

🌿🌿🌿🌿🌿🌿🌿🌿🌿🌿🌿🌿🌿🌿

غيد الحقير عقاب مادري شنو الاكل ماجه اليوم يعني شكد شايفه حقاره مثله ماكو معفن نعال..

عيوني بدن يغوشن لسه منايمه واحس تعبت ومحتاجه نوم نمت وماحسيت بعد اله ع طرق بلاب رفعت حاجبي

منو يدك الباب بله الله عليكم هذا بيتي موخطف كمت ع حيلي اريد افتح باب مقفول دنجت من حافه الباب الصغيره..

شفت واحد صغير بلعمر جان مثل المرتبك وبتلفت كل شي ولسه ومازال طرق ع الباب..

حجيت بصوت اشبه بلهمس..

غيد:منو

:اني اكارم اجيت اكلج جهززي روحج ليوم لان راح اطلعج الكنبص مناوي ع الخير الج..

غيد:حجه هيج وراح اختفى عفست وجهي منو اكارم وشنو مصلحته يطلعني ومنين يعرفني اصلا وهذا المعفن كنبص ع شنو نااوي...

🌿🌿🌿🌿🌿🌿🌿🌿
زنان نايمه ع ارض الغرفه البارد ودموعي شلال ضافنه ع الفراغ اخذ نضري صوته

بتنضيف السلاحه مرتجي ع الحايط ويا سلاحه ينضف بي اباوع علين عيونه فراغ مابيهن اي تعبير ولثام الي محاوط وجهه مانعني ان اشوفه

حجيت بكلبي انو لازم اشرد واضل هم احاول واحاول واحاول وماجزع ابد كلشي يهون لخاطر بس شوفت عيون امي وراحتها..

:ليش شردتي

باوعت عليه مضيق عيونه عليه

زنان:حجت بخوف وكلمه كوا تطلع مي بس شجعت نفسي وحجيت يمته اضل ساكته ومتحمله هيج

زنان: اريد ارجع ل امي والله ماردت ومومثل الي بالك اروح شرطه او اخبر عنك صدكني ردت بس ارجع لامي..

:انتي غبيه لوتتغابين المكاان الي انتي بيه هسه بعيد كل البعد عن امج لج انتي الي جنتي تمشين بي مفكره راح طلعين منا..

متروس ذيابه وحيوانات يعني شنو من شردتي شراح تستفادي لو اقتلج لو ذيابه تنهش بلحمج

زنان:لعد رجعني انت هاي داحلفك واكولك ماحجب ماكول لاي شخص شصار وياي وشفت بس طلعني منا ماريد شي غير هذا

: ياطلابه الاهل الي ماتخلص كتلج بس افضي امور براسب وبشغلي اني ارجعج بيدي بعد علشنو هاي دراما تريدين ترجعين استلمي الاغا يقتلج ويقتل عائلتج وميرفله جفن

زنان:سكتت محجيت شي الله ياخذك لومخلي ذيابه تاكلني ولامرجعني شنو الفرق ثنينكم حيوانات هذا الكلام'جان بكلبي اني وين عندي جرئه وحجي هيج...

باوعت عليع وخر السلاح ومدد خال ايده ع عيونه وثانيه ع بطنه غمضت عيني لايمت اضل الوضع هيج لايمت صار تقريبت اسبوع بهل حاله اني كلشي مذ
مدايتغير كلشي..

...
حسيت ع اشعه شمس محاوطه وجهي خليت ايدي ع عيني باوعت ع يميني يساري ماكو احد اذن طلع باوعت كبالي'صينينه كيمر وكاهي ويا جاي ..

كمت غسلت ايدي عدلت شعري ربعت ع صينيه واكلت من نخطفت لسه اني شهيتي مفتوحه. شنو سالفه غيري جانت مااتت جوع ..

خوف ورهبه واني اكل يلا شنو من عقل عندي ضليت اكل ومافكري اي شي غير بس امي
🌿🌿🌿🌿🌿🌿
غيد فكري كله يم هذا اكارم شننو منين يعرفتيي وشنو قصده من كال هيج

حرفيا خالاني بدوامه بعدين هذا كنبص مادري سطل على شنو ناوي ميدري اني بسجينتي اخلي سفنجه

كنبص ناوي ع شر وواني الي اعرفه وخلي اشوف شلون يتقرب مني. ويسويليي شي ااخ كنبص شجابك عليه اخلص من بهيده تطلعلي كنبص شوكت ارتاح بحياتي..

🌿🌿🌿🌿
زنان اسمع اصوات برا. اصوات عاليه مثل الي صايره عركه باوعت ع شباك جان يطل ع حديقه برا باوعت واكف هوة صاحب لاثام وشخص 'وصاحب لاثام لازمه من قميصه

:الأرهم بويه اني الأرهم...

يتتبع

🌿🌿
طبعا اعتذر اذا بارت قصير بس راسي ياذيني واني اكتب لخاطركم مثل ماوعدتكم بين يوم ويوم وماكدر اذمانزل اليوم فنزلت..

واعذروني اذاكانت اكو بعض اخطاء املائيه جنت اكتب بدون مادقق من تعب

انشالله عجبكم لاتنسون تصويت وتعليق بين الفقرات..

في رعايه الله ❤️

كاتبه فبراير