စစ်ပွဲတလျှောက်လုံး အားကုန်ယမ်းကုန်တိုက်ခိုက်ပြီး
မောပန်းနွမ်းနွယ်နေသလို အလုပ်ကြမ်းများ
တရစပ်လုပ်ဆောင်ပြီး စကားတခွန်းပါးမှ
ပြောမထွက်နိုင်တဲ့ထိ မောပန်း နွမ်းနယ်နေသလို
မဖော်ပြနိုင်သော ခံစားချက်အသွယ်သွယ်တို့က
ဒီတိုင်းကြီးပင်ရပ်တန့်နေမိစေခြင်းဖြစ်နေသည်
လာဗန်ဒါ အနံ့လေး သင်းနေတတ်သည့် သူမရဲ့
ကိုယ်သင်းနံ့လေး ဖုတ်ပြီးကားစ ပေါင်မုန့်သားအိအိလေးလို အမြဲနူးညံ့နေတတ်သော သူမရဲ့ လက်ဖဝါးလေးနဲ့
လက်ချောင်းသေးသေးသွယ်သွယ်လေးတွေ....
' မိုင် ... '
ခေါ်သံသဲ့သဲ့တစ်ခု ကျွန်မကြားလိုက်တယ်
ကျွန်မလဲ အမြင်တွေကော အကြားတွေကော
ရောက်ယက်ခတ်ကုန်ပြီထင်ပါတယ်
" မိုင် "
ဟမ် သူတကယ် ခေါ်လိုက်တာလား
သူတကယ်ရောက်လာခဲ့တယ်ပေါ့
ဘာလို့ ဒိတိုင်း မဖက်ထားပေးလိုက်တာလဲ
ဒီတိုင်းဘာမှမဖြစ်ခဲ့သလိုမျိုးနဲ့ ခဏလောက်ပဲ
ဖြစ်ဖြစ် ထွေးပွေးမထားပေးတာလဲ
တယောက်တည်း အတွေးပေါင်းစုံ နဲ့ ပိတ်လှောင်နေခဲ့တဲ့ ပင်ပန်းနေတဲ့ ဒီနှလုံးသားကို နည်းနည်းလေးလောက် မငဲ့ကြည့်ချင်ခဲ့ဘူးလား ဆိုတဲ့မေးခွန်းတွေ
မေးပြစ်ချင်ခဲ့ပေမဲ့ တကယ်တမ်းကျ နှုတ်ဆိတ်နေခဲ့မိသည် .. ကြောက်ရွံ့နေခဲ့မိသည်...
' မိုင်..... '
တခွန်းတပါးမှ မတုံ့ပြန်လာမှုကြောင့် ဖန်းရဲ့
ခေါ်သံလေးမှာ နည်းနည်းလေး တုန်ရီသံနှောနေသည်
မဝံ့မရဲဖြစ်နေသော အသံလေးလို ကလေးလေးတယောက် တစုံတခုကို ပူဆာနေသလို ချစ်စရာအလွန်ကောင်းလှနေသည်
ရင်ထဲပြိုလဲနေပြီးသော နေဆဲသော မိုင်က
မိနစ်ပိုင်းမျှ မတုန်မလှုပ်ဖြစ်နေသည်
' တောင်း...ပန်....ပါ.....တယ် '
သူက ဘာကိုတောင်းပန်တာလဲ
ဒါတွေအကုန်လုံးက ကံစီမံရာတွေပဲလား
ဘယ်သူကိုအပြစ်တင်ရဦးမှာလဲ
ထိန်းထားသော စိတ်အစဥ်တို့ကလည်း ထိန်းမရပဲ
ပြိုလဲကျကုန်တော့သည် ဘယ်ဘက်မျက်ဝန်း
ထောင့်လေးမှာ စီးကျလာသော မျက်ရည်တစက်...
မိုင်ငိုနေတယ် ....
' ဘာလို့ ... လာတာလဲ '
ပထမဆုံး ပြောလိုက်မိသည့်စကားက
ဘာလို့လာတာလဲတဲ့ ရင်ထဲမှပြောချင်နေမိသည့်
စကားလုံးများက ဘယ်ဆီသို့ရောက်သွားသည်လဲ
ဘယ်လိုပြောမိလိုက်တာလဲ ....
' မိုင် .... '
ကလေးလေးတယောက်လို နှုတ်ခေါင်းလေးရှုံ့ကာ
မိုင်ခါးကို ဖက်လာသော ဖန်း.. ငိုထားသည်ထင်သည်
နှာခေါင်းလေးများနှင့် နားရွက်လေးများ နီရဲနေသည်
ခတ္တခဏမျှ မိုင်ကော ဖန်းကော စကားမပြောမိကြချေ
သိုင်းဖက်လာသော ဖန်းကို တဖန်ပြန်ပြီးတော့
ဖက်ထားမိသေးသည်.... ဒီကောင်မလေးကို
ဘယ်လိုတောင် သူလက်လွှတ်ရမလဲ
ချန်စီကတော့ နားမလည်သော မျက်လုံးလေးနဲ့
ကြည့်နေသည် ကလေးဆိုသည်မို့ ဘာလုပ်ရမှန်းလဲ
မသိဖြစ်နေကာ စိတ်မကောင်းသောမျက်နှာလေးနဲ့သာကြည့်နေရှာသည်
' ဘာနဲ့လာတာလဲ '
ငိုထားသည်မှာ တော်တော်ပင်ဖြစ်မည်
နီရဲနေသော မျက်နာလေးအပြင်မျက်ဝန်းလေးများကလည်း သွေးကြောလေးများ နီရဲထွက်နေသည့်
အထိပင် ဒီကလေးမလေးကတော့လေ...
' ကားငှားလာတာ .... '
' ဘာ စားပြီးပြီလဲ ...'
မေးခွန်းတွေသာ မေးနေမိပေမယ့် မိုင်ရဲ့
စကားသံတို့ဟာ နူးညံ့နေခဲ့သည် စိုးရိမ်ခြင်းတို့
ပါဝင်နေသော မေးခွန်းများကလည်း ဖန်းအတွက်
နွေးထွေးသွားသလိုခံစားရစေသည်
' ဟင့် .... အင်းးး '
နဂိုတည်းကမှ အစားအသောက်နည်းသော
ဒီကလေးမလေး ခုလို ငိုနေ ဝမ်းနည်းနေလျှငိ
အစားဝင်တော့မှာ မဟုတ်သည်ကို မိုင်ကောင်းကောင်းသိသည် သူမ စိတ်ဆိုးတိုင်း ဝမ်းနည်းတိုင်း
သူအမြဲ ကွက်ကီးလေးတွေလုပ်ကျွေးနေကြပင်...
' လာ ကိုယ်တခုခုလုပ်ပေးမယ် ဗိုက်ဆာနေပြီမလား'
အရုပ်လေးတစ်ရုပ်လေးလို မလွှတ်တမ်းထားသော
ဖန်းရဲ့လက်လေးတွေ အသာလေး ဖြေလျော့လိုက်ကာ လက်ချောင်းလေးတွေကြား လက်လေး
လျိုကာ လက်ချင်းချိတ်လိုက်သော မိုင် ..
စကားတော့ထုတ်မပြောမိပေမဲ့ ရင်ထဲတော့ ပျော်ရွှင်မှုလေး အရိပ်သန်းသွားသလို... ခုလိုမျိုး မိုင်အနားမှာ မချွဲနွဲ့ရသည်မှာ အတော်ပင်ကြာလေပြီမလား
မိုင်ကလည်း စကားတခွန်းမှ လျှောက်လာရင်မပြောခဲ့ပါ ဒါပေမယ့်လည်း ချိတ်ဆွဲထားသော လက်တို့ကို အနည်းငယ်လေးမျှတောင် ဖြေလျော့ခြင်း ဖြုတ်ချခြင်းမပြုခဲ့ပါချေ ....
' ဒီမှာ ခဏထိုင်နေ... '
မှီထိုင်ခုံလေးပေါ် အသာလေးနေရာချပေးလိုက်ကာ
နောက်ဖေးကို ဝင်သွားသော ဒါဝိ...
အရင်တိုင်းပဲ အရင်လိုပဲ ဘာမှမဖြစ်ခဲ့ကြသလိုပဲ
အမြဲအလုပ်ကပြန်လာလို့ နွမ်းလျနေရင်တောင်
ပူနွေးတဲ့ ညစာလေးတော့အမြဲပြင်ဆင်ပေးတတ်တဲ့
သူလိုပဲ .... အစီစဥ်မကျပေမဲ့ .....
ပြတင်းပေါက်ဘက်ကို လှမ်းကြည့်လိုက်တော့
တောင်တန်းတချို့နဲ့ ပြာလဲ့နေရာမှာ မှောင်ရိပ်သန်းလာနေပြီဖြစ်သော မိုးတိမ်တချို့က ဝမ်းနည်းစေချင်လာစေသယောင်ပင် ....
သူတို့နစ်ယောက် အဆင်ပြေသွားပြီလား
ခုအခြေအနေကဘယ်လိုခေါင်းစဥ်တပ်ရမှာလဲ
သူနဲ့အတူ ဒီမှာပဲ လူတွေနဲ့ဝေးရာမှာနေလိုက်ရမလား
ဒါမှမဟုတ် ရဲရဲဝင့်ဝင့် လက်ကိုတွဲလို့ ဘန်ကောက်ကို
ပြန်ခေါ်သွားရမှာလား ဘာလုပ်ရမလဲ
အဖြေတစ်စုံတစ်ရာသာပေးမယ့်သူတယောက်ရှိလျှင်
မေးချင်မိပါရဲ့ ကံကြမ္မာကို ဘာကို
ဖန်တီးလုပ်ယူနေပြန်သလဲဆိုတာကိုပေါ့ ...
အနားကိုတော့ မရောက်လာသေးပေမဲ့ အနံ့ကတော့
အနံ့ခံအာရုံသို့ ဆိုက်ရောက်လာသည် သူအရမ်းကြိုက်တဲ့ တုံရမ်း အနံ့လေးပင် အနံ့ရရုံနဲ့ပင် ဆာလောင်မှုက
တကယ် ဖြစ်ပေါ်လာသည် သူတနေကုန် နွားနို့တခွက်မှ
လွဲ၍ အစာအိမ်ထဲ ဘာမှမရှိသေး။ သို့ပေမယ့် ဆာလောင်နေသော ခံစားချက် တစိုးတစိမျှပင် မဖြစ်နေဆဲ ရင်ထဲဝယ်
အေးချမ်းနေသလိုပင်။ တစ်ဖက်ကလဲ လေးလံစိတ်များက
လွန်ဆွဲနေသည်။
" နောက်ကျနေပြီ ဘယ်လိုပြန်မှာလဲ "
ဘာစကား အစချီရမှန်းမသိလို့ ခွန်းတုံ့ပြန်လာလောက်မယ့်
မေးခွန်းကိုမေးလိုက်ခြင်းဖြစ်သည်။
"တို့ အခုမှ ရောက်တာလေ "
လေသံမာသည်လဲ မဟုတ် ၊ ပျော့ပျောင်းသည်လဲမဟုတ်
မေးခွန်း တုံ့ပြန်ဟန် မူမပိုသည့် ညည်းညူသံလေးနဲ့
ပြန်ပြောလာသော ဖန်း။
"မဟုတ်ဘူး တို့ကားမောင်းလို့အဆင်မပြေလို့ ၊ လိုက်ပို့ပေးဖို့ အဆင်မပြေလောက်ဘူး "
အငြင်းတွေဆိုချင်တယ်ရယ် မဟုတ် အငြင်းသဘောမျိုးဆောင်သည့် စကားများကသာထွက်လာသည်မှလဲ
စိတ်ရဲ့ မလုံခြုံခြင်းတွေကြောင့်ဖြစ်လိမ့်မည်
ရင်ထဲမှာကတော့ မသွားနဲ့ ငါ့နားမှာပဲ နေပါ ဆိုပြီး
တောင်းပန်နေမိသည် သို့သော် နှုတ်ဖျားမှ မထွက်လာခဲ့။
" တို့ အေးဆေးမှ ပြန်မယ် အချိန်ရတယ် "
တစ်ယောက်နဲ့တစ်ယောက် ငြင်းဆိုနေကြသည်ပေမဲ့
တကယ်တမ်းက ထွေးပွေ့ထားချင်သည့် အခြေအနေပင်၊
ဒါဝိရင်ကို ဖွဖွလေး ထုကာ အားရှိသလောက် ငိုလိုက်ချင်မိပေမဲ့ စိတ်ရဲ့တစ်ဖက် မာနရယ် မဆိုသာသော ဆန္ဒမပါသည့်
အသိကလဲ ဟန့်တားနေသေးသည်။
" ဘာလို့လဲ ?"
မေးခွန်း တစ်ခု စာလုံးသုံးလုံးတည်းနဲ့ မေးခွန်းတစ်ခုပေမဲ့
ကြောင်ငေးနေမိသွားစေလောက်သည့် မျက်ဝန်းများနဲ့
ကြည့်၍မေးလာသည့် ဒါဝိ ၊ မျက်ဝန်းတွေထဲမှာ
အဖြေတွေရှိသည် နှလုံးသားတွေထဲမှာ စကားလုံးများစွာ
စို့နစ်နေသည် ၊ သို့ပေမယ့် နှုတ်ဖျားများကတော့
စည်းပိတ်ထားသည်ယောင် တင်းကြပ်လို့နေသည်။
" မဖြစ်လို့ ... "
အဖြေပြည့်ပြည့်စုံစုံရယ် မဟုတ်သော စကားတစ်ခွန်းကို
ပြောပြီး ထိုင်ရာကနေ ထကာ ဒါဝိကို ကျောခိုင်းရပ်လိုက်သော ဖန်း ၊ သူမ ဒါဝိရဲ့မျက်ဝန်းများကို စေ့စေ့မကြည့်ရဲပါ သူမကိုယ်သူမ တည်ဆောက်ကာ ဦးနှောက်နဲ့ နှလုံးသားကို ပြိုင်တူ တွေး၍ ကိုယ့်ကိုကိုယ် ပြန်မေးနေရသည် ။
" အွန်း .. မဖြစ်လို့ ... " ဖန်းက စကားဆက်သည်။
ထိုင်ရာကနေပဲ ကျောပေးထားသော ဖန်းကို ကြည့်နေသည်က ဒါဝိ ၊ သူမ ဘာမှမမျှော်လင့်သည် ပုံစံဖြင့်သာ
စိတ်ကို လွှတ်ချ၍ ဖန်းပြောနေသည်ကိုသာ ထိုင်နားထောင်နေသည်
ပင်ပန်းလှသည် ရှင်းနေတာကို ရှုပ်နေကြသည်မို့
ပို၍ ဖိစီးသည် လေးလံသည် ထွက်ပြေးသွားချင်မိသည်
သက်ပြင်းရယ် မဟုတ်သော လေရှုထုတ်မှုတွေသာ
ပြုလုပ်ရင်း အသိစိတ်ပြန်ကပ်နေရင်း
သူ့ဘက်ပြန်လှည့်လာသော ဖန်းမှာ မျက်ရည်စများနဲ့
သူမ မျက်နှာရှေ့သို့ စိုရွှဲနေသာ မျက်ဝန်းများမှအဆင့်
နှာဖျားလေးကိုလာထိလိုက်သည်
နှစ်ယောက်လုံး စိတ်ပင်ပန်းနေပြီဖြစ်သည်
" မဖြစ်လို့ ... တို့တကယ် မဖြစ်ဘူး ..."
To be continued....
02/10/23 မှတ်မှတ်ရရနေ့လေးမို့
Fic လေးကို ပြန်အသက်သွင်းလိုက်ပါတယ်
အားလုံးပဲကောင်းသောညပါ ✨🌈❤️