أنتقام للعشق

البارت الخامس و الثلاثون

حجيت : صدكيني يا جوري راح اعوضج عن كلشي صار راح انسيج الحزن الي عشيته اخلي ايامج كله سعادة ..

صفنت بوجهي و كالت : ماظن يا شهااب لان الكسرة الأولى من حب حياتي الاول مراح ينسي لو شما تسووي ..

اجيت عليه اكثر ردت الزم ايده بس هيا وخرته بسرعة من يمي كتله : صدكي جوري مو بس كلام اني اخذت عهد على نفسي اذا سامحتيني راح اعوضج عن كلشي مريتي بيه بسببي و راح اكون عند وعدي ..

كالت بخنكة : اتمنى منك ما تحزني و لا تكسرني..

دمعة عيني و كتله : اوعدج جوري والله مراح اكسرج ..

دمعة نزلت من عيونه : اذا كسرتني مرة ثانية صدكني مراح ارحمك اموتك و أموت نفسي لأن تعبت من الخذلان و الكسر ..

رديت عليه بتعب : اني الي تعبت ياجوري الي شفته مو قليل والله اريدج يمي اريدج تقويني على كلشي ..

كملت كلامي : ترى ثنينه محتاجين لبعضنه اني محتاجج هواي و خاصة بهاي الفترة لا تعوفيني فدووة ..

مسحت دموعه غيرت كلامه : صار لازم اروح يلا عن أذنك ..

عدلت عباته عبرت من يمي بسرعة بدون ماحس على نفسي لزمت ايده هيا مثل الي تفاجأت اني هم استغربت نفسي بس كل الي حسيته اريده تبقى يمي ماريده تروح اخاف لا تروح و ما ترجعلي و هذا الي حجته يطلع وهم ..

كالت : شهااب وخر ايدك..

كتله بهم : اتمنى يبقى كلامج ثابت لا تعوفيني جوري
ماريد ارجع ابقى وحدي فدووة ..

الشخص الوحيد الي حتى لو ابقى اترجى بيه ما يعوفني و يبقى وياي هيا جوري اسوي اي شي علمود تبقى يمي هاي روحي ..

غوركت عيونه و ظلت صافنة على عيوني كتله برجاء : احجي شي جوري كولي مراح اعوفك اخاف جنتي تشاقين وياي حتى لا اروح ..

هزت راسه و كالت بخنكة : لا لا ماجذب عليك اني صدك سامحتك ..

رادت تسحب ايده بس اني قويت قبضتي اكثر
هيا رجعت باوعتلي : شهااب شتريد ..

: ما كلتي ..

كالت بهمس : شكول ؟

ابتسمت: ماكلتي ماعوفك شهاب ..

دنكت راسه و كالت : صعب ماكدر احجيه لان مانسيت الي صار خلينه هيج احسن ...

حجيت بيني و بين نفسي الى متى نبقى هيج ليش نكابر اشووف بعيونج غير هذا الحجي ليش هيج تردينه نبتعد ياجوري شلونه بينه و تاليتنه اني وياج ..

رجعت لوعيي على صوته كتله بشرود : هاا جوري شرايدة ..

: اريد امشي ..

ابتسمت : روحي لعد منو لازمج ؟

كالت بهدوء : أنت ..

أشرت بعيونه على ايدي انتبهت ضحكت كتله : ههههه اسف مانتبهت والله روحي بوية ..