الضابط المستبد والخرساء( افراح حزينه)

البارت العاشر

افراح :دخل حمزه للغرفه وكلي انتي شنو تسوين هنا مكدرت اجاوبه
سحبني من زندي وطلعني وضل يصيح عليه لان سبحت وماكتله خلصت وهو منتضر
بس والله نسيت
من صيح عليه نكسر گلبي وضلن دموعي يجرن
كلت ليش هيج يعاملني واني عروس شنو مسويه اني
صعد يسبح
شويه وسمعته عاط بيه
حمزه:ااااافرررراااااح
افراح:رحت عليه لكيته بالحمام اشرتله. يعني شنو تريد
تقرب يمي وسحبني من معصمي وكال لمي هدومج من اطلعين من الحمام شنو اضل اعلم بيج
افراح:اصخام ناسيه الملابس الداخليه والبدله بالحمام بس هو شدعوه هيج عصبي غير هو زوجي
عجيب امره هالرجال
هسه اني بنت بيت ومامزوجه وادري اذا ازوجو 2 كولشي عادي بين الزوجين اشو هذا مزوج
وتصرفاته غريبه
بس الغغلط مني اشلون انساهن بالحمام والله عيب هسه يكول متعوده واني على حضي المصخم هاي اول مره تصير وياي هيج
ياربي اهدي عليه والله مامسويه شي
حمزه :رحت اسبح ومااشوف الا ملابسها الداخليه والبدله
كلت هلو هلو هاي تريد تغريني مو
اني اعلمها
عطت بيها اجت ترجف رزلتها دخلت اخذت ملابسها وراحت
سبحت وطلعت لكيتها كاعده بالغرفه كتلها
انزلي جيبي العشا شنو مو جوعانه
افراح:جنت منتضره بالغرفه شويه واجه ينشف بشعره كال كومي انزلي جيبي العشا شنو مجوعانه
صراحه اني ميته من الجوع بس استحيت وخفت منه
بعدين نزلت
لكيت العشا بالثلاجه حميته بالفرن
وصعدت العشا
لكيته نايم على الجربايه وايده جوه راسه
خليت الاكل على الطبله ورحت يمه اشرتله يعني تعال اكل
تباوعلي من اشرتله وطكاها ضحكه يعني يضحك عليه واني اشرله 😔
اني بلحظتها كانو سهم وصار بنص گلبي
دمعت عيوني كلت لا افراح لاتبجين مايستاهل تبينين يمه ضعيفه هذا الظاهر واحد جايبني
للخدمه وحتى يعيرني ويضحك على حالي
بس شسوي لدموعي الي نزلن غصب عليه هو من شافاني دموعي طاحن تفاجئ وكانو تندم
اني رأستا طلعت ركض من الغرفه 
حسيت بنفسي اول مره مهزله اني عشت يم اهلي عمري ماحسيت بنفسي خرسه لان كانو يعاملوني حالي حال انفسهم ماحسسوني بالنقص
وهذا الي يوم واح بيته واستهزء بيه وضحك على عجزي شبيدي اني هذا امر الله مو بيدي
رحت دخلت بالحمام وقفلته
وضليت ابجي بحركه
شويه وسمعته يدك بالباب مال الحمام
حمزه:افراح افراح اطلعي تعشي
اني مو قصدي بس لان جديد الوضع عليه
متتكر مرت الخ صدكيني يله اطلعي خلي نتعشه يله راح انتضرج 5 دقايق اذا ماطلعتي اكسر الباب افراح:كلت ولا اطلع خل يكسر الباب اني كلبي الي نكسر ولا مهتم لمشاعري
حمزه:انتضرت بالباب اشو هاي مطلعت
صدك اني غلطت بس لازم هي تستقبل مني كول شي بدون اي موقف
عطت بيها ،،افرررررراااااح قسما بذات الله اذا ماطلعتي انهيج واكسر راسج يله بلا دلال اطلعي والحكيني يله للغرفه
افراح:صراحه خفت كلت خل اطلع هو اني اصلا مااحجي اعوفه واجاهله
طلعت شفته بالباب مال الحمام عيونه حمر
سحب ايدي وسحبني وراه للغرفه
دخلني بقوه وكال
حمزه :صح اني تصرفت تصرف مو حلو بس انتي اياج تصرفين وياي مثل هيج اسلوب يله تعاي تعشي
افراح :اني ساكته ولا رحت يم العشا
شويه وعاط بيه
حمزه :مو اكولج تعاي اكوم اكسر راسج
افراح :رحت كعدت يمه
حمزه:يله مدي ايدج واكلي
افراح :اني ساكته صح جوعانه بس اولا هو هان كرامتي وثانيا مستحيه اكل وياه
مااحس الا عايط بيه
حمزه:يله اكلي لاتخلين صبري ينفذ
افراح:من الخوف والجوع ضليت اكل بلا وعي 😁
هو ياكل ويتباوعلي وكل دقيقه وكال اكلي
عبالك طفل يمه
شويه وكال جيبيلي جاي
نزلت الصينيه للمطبخ وسويت جاي وصعدته اله
اخذه مني وضل يشرب
بعدين حسيت نفسي ميته من النعاس
ضليت اغمض عيوني واني كاعده
اخاف انام ويعيط بيه لو يريد شي
هو انتبه عليه
كال
حمزه :يله نامي تعبتي اليوم
افراح:جن باب الفرج انفتحلي رأستا سحبت الغطا ونمت
ماحسيت الا الصبح درت وجهي لكيته حاضني كلت دخيلك ربي اذا كعد يسوي روحه الفقير واني الحاضنته
ضليت اسحب بروحي بس اريد اخلص نفسي حتى ميحس
الحمد الله وخرته عني ورحت اخذت فستان ابيض كولش حلو ورحت سبحت وبدلت
رجعت للغرفه بعده نايم
رحت نشفت شعري ومشطته
ورحت اخلي مكياج خليت خفيف
ونزلت على خالتي ام حمزه
لكيتها كاعده وبس تتباوع بعيونها متكدر تتحرك
عرفتها تريد تكعد
رحت كعدتها وخليتها بالكرسي مالها واخذتلها ملابس ودخلتها للحمام سبحتها وبعدين طلعتها كعدتها بالاستقبال
رحت حضرت الريوك
وجبتلها ريوكها وكلتها شويه وشفت حمزه نزلت تباوعلي صفح تكول ماخذني غصب عليه جا اذا انت متريدني المن اخذتني
اكيد ماخذني علمود اداري امه
كلت يله اكسب بيها اجر وثواب
حمزه:بعد مانامت افراح ضليت افكر اني شوكت راح اخذها
اذا سمع احد اكيد يذبون اللوم بيه
تعبت من التفكير نمت يمها وغفيت
محسيت الا الصبح بحركه فتحت نص عين شفتها توخر بيه عنها واني حاضنها
كلت خلي ينشلع كلبها شويه ونترت ايدي ونزلت راحت للكنتور اخذت ملابس وطلعت
شويه ورجعت لابسه فستان ابيض وضلت تمشط بشعرها وخلت مكياج ونزلت
اني رحت سبحت ونزلت لكيتها توكل بأمي ومسبحتها ومبدلتلها ملابسها
رحت بست ادين امي
وتباوعتلها صفح
كتلها جيبي الريوك
افراح:كلي جيبي الريوك رحت خليتله بصينيه وجبته يمه
تريك واني رحت انطيت خالتي علاج لان كاتبين عليه بالموعد وشكد تاخذ
شويه ورحت شلت الصينيه للمطبخ
وغسلت مواعين الريوك
سمعت الباب يندك
راح حمزه يفتح الباب
دخلت خاله ام علي وسلوى
اجن باركلي وباوسني وباركن لحمزه
ودخلن كعدن يم خالتي ام حمزه
رحت سويتلهن عصير وقدمته الهن
ام علي :تسلمين بعد گلبي منور البيت بيج خاله
افراح:😊
سلوى :اشلونج فروحه
افراح بالاشاره وهي تباوع لحمزه خاف يضحك:باست ايدها وخلتها على جبينها يعني الحمد الله
حمزه تباوعلها وبتسم بوجها بحنيه
حمزه :بعد متريكت شويه واجت خالتي ام علي وام رضا
باركلي وباركن ل افراح
سلوى سألت افراح شلونج
هي باست ايدها وخلتها على جبينها يعني الحمد الله هي تتباوعلي عود عبالها اضحك عليها
اني بتسمت بوجها بحنيه مردت احسسها انو هي متكدر ترد
وتندمت لان البارحه ضحكت وكسرت گلبها
شويه وندك الباب
عبالي خالد وزوجته
رحت فتحت الباب ونصدمت بلي شفته 😡

الكاتبه :تولا العسكري