تاني يوم الصباح سامعه صوت ضيوف تحت نزلت اكشف واتاوق اشوف دا منو ليقت دا عمي وبتكلم مع ابوي كسرت الحنك و مشيت غرفتي شغاله ف الفيس بعاين ساي اصلا ماف موضوع بعد شويه هديل جاتني قالت لي عمي بناديك قلت ليها ان شاءالله خير اصلا الراجل دا م بحبه😑قالت لي هو البحبو منو 😹😹👊سلمت عليه وقعدته ومطفجه ليهو وشي زي الضفدع غايتو حالتي حاله😹😹🐸ابوي قال الله اداك الفرصه لحدي عندك.. قلت ليو اها ان شاءالله خير...قال لي خير عمك قال عاوزك 😁قاطعته قلت ليو عاوزني ل شنو😰قال لي عاوزك عديل كده 😹😹😹 قال لي انتي خليني اكمل كلامي يعني عاوزك ف الشركه وكدة المخ م يمشي بعيد😹😹😹😹عمي شغال يكشر ساي وانا بطني طمت منه بعاين ليو بقعر عيني... ابوي ردد لي تاني قال لي رايك شنو ي بتي تشتغلي في شركتنا و تسعادينا اصلا عاوزين لينا ناس مضمونين معانا ف الشركه لتسليم الاوراق و الحاجات المهمه ديل قلت ليهو يا ابوي م عاوزة اشتغل في شركتكم دي وقبل كدة فتحت معاي الموضوع.. عمي قال لي المانعك شنو 🤨بقت قله ادب جديده بت لسه ما قامت من الارض وتخالف كلام ابوها🤨🤨عاينت ليو ب طرف عيني و سفهته😹😹قلت ل ابوي عندي نيه اشتغل ف بنك و كدة م عاوزه اشتغل في شركات ابوي قال ل عمي كدي خلينا بنتفق وبنعرف حل للموضوع دا.. عمي قاال ليو انت ياا عوض كيف بتسمح بتك تمشي كلامها عليك كيف ترضى كدة🤨ابوي قال ليو المووضوع بتحلا باذن الله... عمي قام طلع ابوي قال لي عمك صعب شويه بس اصبري رديت ليه بس م من حقه يدّخل قال لي بحترمه عشان اكبر مني
wait wait wait😑ماشين وين تعالو افهممكم القصه من البدايه🐸
عمي اسمو حسن اكبر من ابوي ب ٣ سنوات لكنه زول فقري ياخ وبيحشر خشمه في اي حته وبيحرش ابوي ضدنا😒يلا هم عملو شركه فيها ابوي و عمي و بت عمي دي قصه تاانيه 😩و ود عمي ونص العيله في الشركه دي وانا صراحه الموضوع دا م داخل راسي لانو كان حصل اي خلل ف الشركه ح تحصل مشاكل امكن تعمل تنازعات بين الاهل فهمتو قصدي ثح😴👊هسي احوال الشركه كويسه لكن يوم الله لا قدر خايفه تحصل مشاكل... يلا زي م قلت ليكم عمي دا فقري و بيجري بورا القروش جري وناس حراميه ساي بالذات بته شايفه روحها ومسيطره ع الشركه والحنك القديم داك يلا بتو اسمها رزان احساس شايفه روحها و شكلها بناتي بناتي كدة و بتمشي و بتتكعوج احلى شي مرات لمن امشي مع الحاج الشركه و بشوف رزان شكلها بيكون اوڤر فاهمين معاي اخررر روج ولونو كبدي عديل😹واللبس الضيق و عامله فيها راسطه و كدة يلا هي نوع بيضاء شديد يعني حلبيه🌚عامله لي شعرها ميج الوان الطيف السبعه ما خلت اي لون😹😹😹💔و وشها بنوتي ووكدة عندها شامه في وشها لكن م عارفاها شامه حقيقيه ولا بتعملها بي الميك اب😹💔اكسرو الحنك بس يلا هي زوله وهميه و كدة وبتحنك مع ميه ولد وكل يوم ب حبيب جديد غايتو الله يدينا😹💙عندو ولدو عبدالله كان شغال ف الشركه لكن سافر اشغل في سيول "كوريا🇰🇷" 🌝يلا مرت عمي زوله فقريه زي بتها سبحان الله العيله كلها فقريه من الام و الاب لحدي الاولاد و شايفه روحها يلا المره دي جسمها ملان كان يوم قعدت فوقي بتجيب اجلي عشان كدة بخاف منها بالذات لمن تسلم علي بتكسر يدي عديل ياخ😭💔السمن دا مشكله خليكم رشيقين زي مع احترامي ليكم يعني😹💙
... Back🌚💙....
قلت ل ابوي اخوك دا مالو و مالي اشتغل معاكم م اشتغل اقعد عاطله🌝😑قال لي عيب احترميهو دا اخوي الكبير قلت ليو ظابط لكن الشركه دي زحني منها بعيد قال لي لا ح تشتغلي معانا وقدام عيوني😒قلت ليو وبعدين لي يقول لي م قمتي من الارض يعني لسه بحبى 😒ضحك قال لي سامحيه طبعه كده و لازم تشتغلي معانا قلت ليو استخير اول وبعداك بقرر.. مشيت منو زهجانه شديد كنت خاته تلفوني ف الشاحن لمن شلته لقيته بقى ١٠١ لمن سخن😹😹براهو منتهي الشاشه مشقوقه لمن بتجرح ابوي حنسني نشتري تلفون جديد لكن لالا منتظراه يبوظ و يقفل 😹😹الاسراف حرام🌚👊شلته وفتحت ال dataبقيت بعاين للفيس و رسايل الواتس كتيره لمن غلط احلى حاجه صوت الرسايل علقت والصوت عالي شديد ياخ لدرجه سمعت بره امي قالت ليي حمودي افتح الباب قلت ليها لالا دي نغمه الرسايل بتاعت الواتس😹😹😹💔لانو عامله النغمه ديك صوتها كده "دوك دوك دوك" المهم افهموني ياخ😩🔥 هديل جاتني قالت لي بكره الاحد ارح معاي الجامعه قولت ليها نووو ويييي"no way" بييبي انا م صدقت طلعت منها عشان تقولي لي تعالي معاي الجامعه🐸قالت لي ظابت لكن بتمشي بتمشي معاي😏اثناء فاتحه الفيس جاتني رسايل كتيره من قروب كدي اول مره اشوفه في الواتس و بيقولو عليك الله ي لوتس تعالي نفسنا نشوفك.. المهم رسايل زي دي فتحتها قلت ليهم انتو منو🐸جاني رقم مسجلاه ومرسل اموجي كدي😏عاين للاسم كوركت ليها ياااا هديييييللللل يوووووووووووخ مالك.. طبعا هي طلعت بره بت اللذينه مع امي قامت رسلت لي في الخاص قالت لي م ح اجيك عشان م تتزفتي لي في راسي لكن ح تمشي معاي و كم قلتي لي م ماشه عندي صحباتي لتيخات زي ملاح الويكه بحنسوك لي😹😹😹 قلت ليها اصبري ي جزمه👟👠 الليله عاد الا تنومي مع امي😡قفلت النت قلت فكره امشي معاها والقط لي عريس ومنها نهرب من العيله دي😈طواالي قمت طلعت بنطلون جنز مع تي شيرت طويل🙂بعدين انا م سمينه عشان كدة منظري م حيكون اوڤر 😹😹يلا وطلعت الترحه🌚مع الجزمه بتاعتي اصلا م بلبس كعب عالي عشان بقع م عندي توازن😹😹💔شلت حواجبي براي ورجعت سريري🌚شلت التلفون لقيت مهيد مرسل لي قال لي يدك بقت كيف من امس🐸قلت ليو سخيف شديد يلا قال لي دا كله عشان الاولاد البره😹🙊قلت ليو مهيد انت لي وحش كده خليك حلو زيهم🌚💔قال لي لع عشان م تتكسري فيني🌚😉قلت ليو من يومك قرد م ح تتغير في نظري😹😹قال لي ارح بكره شارع النيل عشان اوريك الاناقه كيف وتشوفي القرد بتاعك😒قلت ليو افسه جدا في طلبيه جات قبلك كان تجي ابدر😏قال لي كيفف!! مع منو🤨قلت لييو حبيبي 😍 اوع تكون غرت🙈قال لي لالا ظابط اصبري بكلم ابوك😏رسلت ليو ايموجي😏👍قلت ليو يلا سلام ماشه اجهز لي بكره😉👊وقفلت الداتا طلعت بره الصاله جمب هديل همست ليها:اسمعي بمشي معاك لكن حنكي الحاج و الحجه.. غمزت لي بيعني زابط و مشيت قعدته لصق امي.... امي قالت لي نفسي في نسكافي😄 وابتسمت لي قلت ليها م يغلى عليك شي.. طوالي سويته ليها عشان الحنيك ينجح و كده 😹😹استغلال😏 اديته ليها.. لقيت هديل مشت قعدت ف الغرفه مشيت ليها قلت ليها امشي ليها يلا ورينا فلاحتك😏قالت لي بجي ب وراك الصاله انتي اطلعي اول.. مشيت قعدت قصاد امي هي بتحضر في قناه بتاعت طبخ و كده🌚غايتو الحمدلله وحاتكم جعته زاتو😹😹منتظره الزفت ديك تجي.. بعد شويه جات وقعدت ليك جمبها وهاك ي البوسات😹😹قالت ليها ي نبع الحنان😍😘الحجه قالت ليها انجزي😏قالت ليها حمودي م قصر علمك الكلمات😹عاينت ليها كده😒هديل قالت ليها مامي ممكن لوتس تمشي معاي بليييز😣 جوه قلبي قلت ليها كويس ي هديل قبيل حمودي وهسي لوتس عاد لوزه تجيك و م تطلع منك ي كلبه😒امي قالت ليها تمشي وين🐸قالت ليها الجامعه😄قالت ليها اي وحاتك سوقيها معاك كل يوم الله يريحني واخد راحتي من نقتكم الاتنين😀👊🐸وُقصِفت الجبهه 🔥دلللل🔥هديل بلعتها في حنانها 😹😹قالت ليها شكرا وبكره ح تمشي معاي وكلمي بابا لمن يجي🙂مشيت الغرفه ولحقتني اول شي مسكتها واديتها ام دلدوم في ضهرها لمن عملت صوت قنبله😹😹"فضيل يااا💙😹😹😹"قالت لي مالك ياخ 😡قولت ليها اسئتي لي و دي كرامتي ع فكره ولو قعدتي تدلعي لي بكسر حنك المرقه😏حمرت لي و مشت قعدت في السرير قالت لي هدومك الشاراها لي في نص السرير دا مفروض ادخلها ليك الدولاب ولا اتغتى بيها مثلا😒قلت ليها يغتوك ب كفنك👊 دي الماشة بيها بكره ي هطله😏👊قالت لي جمعا و م تقولي لي ماشة ب جزمه قلت ليها اعي في اعتراض لا سمح الله😏قالت لي راحتك ي بيبي🤐👊 المهم غايتو نمت بدري و صحيت تاني يوم زي ٩ كدةه لبسنا وشلت لي سنده اكلها عشان بموت من الجوع😹ابوي مشى الشغل وامي بتطبخ ضربنا ل ترحال وطلعنا اصلا هو الزول دا صاحبنا اي طلعه مارقين ليها بنضرب ليو اسمه مازن في العشرينات كده متخرج طب لكن عاطل م لاقي شغل ف المستشفى الا مرات كدة يعني🙂زول بتاع ونسات وعثل 😹....
