" အိပ်မက်ပဲ...အိပ်မက်..."
ချွေးတွေစိုရွဲနေတဲ့ ဆံပင်တွေကို ထိုးဖွရင်း ခုတင်ပေါ်က
ထလိုက်တယ်။ ခုတင်ခြေရင်းက စားပွဲခုံဆီ လျှောက်သွားတော့ ညနေတည်းက ချထားခဲ့တဲ့ ကျောပိုးအိတ်ကို
ဆွဲယူဖွင့်ရင်း ထုတ်လိုက်မိတဲ့ အရာက ခပ်ချွန်ချွန် ဓား
တစ်ချောင်း။
စားပွဲခုံပေါ်က စာကြည့်မီးအိမ်ဆီက အလင်းရောင်အောက်မှာ ကြည်လင်နေတဲ့ ဓားရဲ့ မျက်နှာပြင်မှာ ရိပေါ်အရိပ်က
ထင်ဟပ်နေတယ်။
" ကော...."
တကယ်ဖြစ်နေသလိုခံစားခဲ့ရတဲ့ အိပ်မက်ထဲ ရှောင်ကျန့်ရဲ့
လည်ပင်းသားဆီ စိုက်ထိုးလိုက်တဲ့ ဓားချွန် က ရိပေါ်
လက်ထဲက ဓားချွန်နဲ့ တစ်ပုံစံတည်းတူနေတာမို့ ရိပေါ်
လက်တွေက တုန်ရင်လာတယ်။ ထိတ်လန့်စရာ အိပ်မက်က မြင်လွှာတွေထဲ ပေါ်လာတော့ လက်ထဲက ဓားက
ုကြမ်းပြင်ပေါ် ပြုတ်ကျတယ်။
ချွင်ခနဲအသံမြည်ကာ ပြုတ်ကျသွားတဲ့ ဓားချွန်က စာအုပ်တွေကြားလဲလျောင်းနေတယ်။ မတ်တပ်ရပ်နေရာက ဒူးတွေကွေးထိုင်ရင်း ကောက်လိုက်မိတဲ့ ဓားကို ရှောင်ကျန့် က
သေချာကြည့်ပြီး ခဏမှာ သက်ပြင်းချတယ်။
စာအုပ်တွေကို အစီတကျပြန်စီရင်း ကျောပိုးအိတ်ထဲ ထည့်ပေးပြီးအပြီးမှာပဲ အဝတ်အစားလဲပြီးသွားတဲ့ ရိပေါ်က
အနားရောက်လာတယ်။
" ကျွန်တော် ပြန်တော့မယ် ကော "
" ရိပေါ်..."
" ဗျာ .. "
ကျောပိုးအိတ်ကြိုးလွယ်နေရင်း ရိပေါ်ကထူးတယ်။ ရှောင်ကျန့်ကတော့ ထူးလိုက်တဲ့ အသုံးအနှုန်းလေးကြောင့်
ရေးရေးကလေးပြုံးတယ်။
" ကော...ဘာပြောမလို့လဲ "
" နောက်တစ်ခါ ဒီလိုဟာကို အိတ်ထဲမထည့်ထားနဲ့..
ရိပေါ်..."
ကမ်းပေးလာတဲ့ ဓားကိုကြည့်ရင်း ရိပေါ်က ရှောင်ကျန့််ကို
ကြည့်တယ်။ ဘာဆက်ပြောရမလဲ တွေးနေတုန်းမှာပဲ
ရှောင်ကျန့်ကဆက်ပြောလာတယ်။
" သူများတွေတွေ့သွားရင် ရိပေါ်ကို အထင်လွဲကြမှာပေါ့...ကော ပြောတာ နားထောင်နော် နောက်မထည့်ထားနဲ့တော့ "
Chapter 14 ( Unicode )
Bắt đầu từ đầu
![Douleurs Rouges [ Completed ]](https://img.wattpad.com/cover/220851377-64-k75197.jpg)