HUSBAND SERIES 1: My Sweet Sadist Husband ✓

CHAPTER 12

Inirapan lamang nito si Pipay mayamaya. Tumayo ito at naglakad. "Pipay, maniniwala akong nagbabago ang isang tao kung hindi iyon ang asawa mo. I know that Demon very well. Ang kagaya niya ay wala ng pag-asa na mag bago ng ugali. Bakit agad kang naniwala na gusto niyang subukan na mag work out ang kasal ninyo? Kasi may kailangan siya sa 'yo? Pipay mag-isip kang mabuti. Huwag kang maniniwala sa demonyong iyon. Sasaktan ka lang niya. Pagkatapos niyang makuha ang kailangan niya sa 'yo I know na iiwan ka rin niya at—"

"Helga." putol ni Pipay sa iba pa nitong nais sabihin sa kaniya. Malungkot ang mga matang tiningnan niya ito ng mataman. Oo kaibigan niya si Helga mula pagkabata, itinuturing niya itong isang tunay na kapatid. Pero hindi niya maiwasan ang masaktan dahil sa mga sinabi nito tungkol sa kaniyang asawa. Alam niyang hindi niya pa kilala ng lubusan si Hector. Pero hindi pa ba sapat ang mga ginagawa ni Hector sa kaniya para patunayan nito na gusto nga nitong maging maayos ang kasal nila? Hindi pa ba iyon sapat para hindi niya ito paniwalaan? Hindi pa ba sapat ang efforts na ginagawa ni Hector para sa kaniya para mas paniwalaan niya pa rin si Helga kaysa sa kaniyang asawa?

Nagpakawala naman ng malalim na buntong-hininga si Helga bago ito muling lumapit kay Pipay at pasalampak na umupo sa tabi nito. "Pipay, ayoko lang dumating ang araw na maiwan kang talunan at tuluyang wasak at walang-wala. Mahal kita kaya ayoko na mangyari 'yon sa 'yo." anang Helga.

"Alam ko naman 'yon! At alam ko rin naman ang nararamdaman ng puso ko Helga. Nararamdaman ko iyon dito sa puso ko na totoo ang mga ipinapakita sa 'kin ng asawa ko. 'Di ba nga sabi ni sister Venice, Every person deserve to have a second chance lalo pa kung ramdam mo sa puso mo na totoo nga ito. Mahal ko siya Helga. Mahal ko na ang asawa ko, kaya gusto kong bigyan siya ng second chance." pag-amin niya rito sa totoong nararamdaman niya para kay Hector. Yeah, that's true. Mahal na nga niya si Hector sa kabila nang mga nangyari sa pagitan nila. Sa kabila nang mga pinagdaanan niya sa buhay nang dahil dito. Mahal na niya si Hector. At napatunayan niya iyon sa sarili kanina lang ng walang alinlangan at takot ang nabuhay sa puso niya nang tanungin siya nito kung maaari bang pag bigyan niya ito sa nais nito bilang asawa niya. Mahal niya na si Hector, at handa siyang sumugal sa pagmamahal na iyon kahit walang kasiguraduhan.

"Hindi lahat ng taong nakagawa ng mali sa 'yo ay deserving na bigyan ng second chance, Pipay. Only those person na talagang deserving to have you, for life. Forever, kahit wala naman talagang Forever." pagtutol nitong bigla sa mga sinabi niya.

"Pero Helga..."

"Poor Pipay!" anito. Napailing pa ito ng sunod-sunod. Nagpakawala itong muli ng malalim na paghinga. "Basta kung may problema huwag kang magdadalawang-isip na lapitan ako huh!" iyon na lamang ang sinabi niya. "Hindi ko naman mapipigilan ang puso mo kung iibig ka sa asawa mo. Ang akin lang, ayoko na masaktan ka pa lalo dahil sa kaniya. Just let me know kung sasaktan ka ulit niya dahil ako ang makakalaban niya." dagdag pa nito 'tsaka niyakap si Pipay.

"Salamat Helga." aniya. Ginagap niya pa ang palad nito nang humiwalay ito sa kaniya.

Mayamaya ay kunot noo itong biglang napatitig sa leeg ni Pipay. "Holy shit! Ano 'to?" magkasalubong ang mga kilay na tanong pa nito. "Chikinini? God Pipay! May nangyari na sa inyo ng demonyong lalakeng iyon?" hindi mapigilan ni Helga ang mag taasan ng boses. Labis lang siyang nabigla sa nakita.

Kinakabahan naman na napahawak sa leeg niya si Pipay. Ramdam niya na naman ang pag-iinit ng mukha niya dahil sa pagkapahiya sa kaibigan. Hindi niya iyon napansin kanina habang nasa harap siya ng salamin. Ginawan pala talaga siya ni Hector ng red marks sa leeg niya.

"W-wala! Wala pang nangyayari sa 'min." nauutal pang saad ni Pipay.

"Umayos ka Pipay huh! Kukurutin talaga kita sa singit mo." anang Helga na umiral na naman ang pagiging ate sa kaniya.