ﻣﻘّــﺪﻣــﺔ 🌹
ﺭﻭﺍﻳــــﺔ # ﻏﺎﻟﻴﺘﻲ ❤
)) ﻓﻲ ﺳﻨﺔ 2000 ((
ﺍﻣﻴﻨﺔ ﻣﺼﺒﻴﻪ ﻉ ﺍﻟﺪﻭﻻﺏ ﻭﺗﻔﺘﺢ ﻓﻲ ﺍﻟﺨﺒﺰﻩ : ﻳﺎﻟﻤٌﻨﺠﻲ .... ﻣﻨﺠﺠﺠﺠﺠﺠﻲ
ﺍﻟﻤﻨﺠﻲ ﻳﺠﺮﻱ ﻳﺴﻜﺮ ﻓﻲ ﺍﻟﺰﻱ ﺍﺑﺘﺎﻉ ﺍﻟﻤﺪﺭﺳﻪ : ﻧﻌﻢ ﻳﺎﺍﻣﻲ
ﺍﻣﻴﻨﻪ : ﺭﺩ ﺑﺎﻟﻚ ﻣﻦ ﺧﻮﺗﻚ ﻭﺍﻟﻄﺮﻳﻖ ؛ ﺷﺪ ﻫﻨﻴﻮﻩ ﻓﻲ ﻳﺪﻙ ﻭﺧﻠﻴﻬﺎ ﺗﻘﻌﺪ ﻓﻲ ﺑﻨﻚ ﻗﺪﺍﻡ ﻣﺎﺗﺨﻠﻴﺶ ﺍﺧﺘﻚ ﻻﻭﺭﻩ ﻧﻈﺮﻫﺎ ﺿﻌﻴﻒ
ﺍﻟﻤﻨﺠﻲ ﻳﺎﻛﻞ ﻓﻲ ﺧﺒﺰﻩ : ﺣﺎﺿﺮ ﻳﺎﺍﻣﻲ ﺗﻮﺍ ﻧﻘﻮﻟﻬﺎ ﻟﻸﺑﻠﺔ
ﺍﻣﻴﻨﺔ ﻣﺪﺗﻠﻪ ﺳﻨﺪﻭﺗﺶ : ﻫﺎﻙ ﺣﻂ ﻫﺬﺍ ﻓﻲ ﺷﻨﻄﺔ ﺍﺣﻤﺪ
ﺍﻟﻤﻨﺠﻲ ﻳﺘﺄﻓﺄﻑ : ﻳﺎﺍﻣﻲ ﺍﺣﻤﺪ ﻛﺒﻴﺮ ﻳﻌﺮﻑ ﻳﺤﻂ ﺑﺮﻭﺣﻪ
ﺍﻣﻴﻨﻪ ﺗﻀﺤﻚ ﻭﻗﺮﺻﺖ ﺧﺪﻭﺩﻩ : ﻣﻌﻠﺶ ﺳﻠﻢ ﻭﻟﻴﺪﻱ ﺍﻧﺖ ﺍﻟﻜﺒﻴﺮ ﻭﺍﻭﻝ ﻓﺮﺣﺘﻲ ﺍﻧﺖ ﺍﻟﻲ ﻧﻌﺒﻰ ﻋﻠﻴﻪ
ﺍﻟﻤﻨﺠﻲ ﻳﻀﺤﻚ ﻭﻳﺤﻮﻝ ﻓﻲ ﺍﻳﺪﻳﻦ ﺍﻣﻪ : ﻳﺎﺃﻣﻲ ﺑﻄﻠﻲ ﻋﺎﺩ
ﻫﻨﻴﻮﻩ ﺟﺖ ﻣﺴﻜﺖ ﻓﻲ ﻗﻔﻄﺎﻥ ﺍﻣﻬﺎ : ﻳﺎﻣﺎﻣﺎ ﺷﻦ ﺷﻜﻠﻬﺎ ﺍﻟﻤﺪﺭﺳﻪ ؟؟
ﺍﻣﻴﻨﻪ ﺑﺎﺳﺘﻬﺎ : ﺗﻮﺍ ﺗﻤﺸﻲ ﻭﺗﺸﻮﻓﻲ ﺑﺮﻭﺣﻚ ﻭﺍﺩﻳﺮﻱ ﺻﺎﺣﺒﺎﺕ ﻭﺗﻘﻌﺪﻱ ﺑﻨﻴﺘﻲ ﺍﻟﺸﺎﻃﺮﻩ
ﺍﺣﻤﺪ ﻻﺑﺴﻪ ﺍﻟﺰﻱ ﺍﺑﺘﺎﻋﻪ ﻭ ﺭﺍﻗﺪ ﻓﻲ ﺍﻟﺼﺎﻟﻪ
ﺍﻟﻤﻨﺠﻲ ﺿﺮﺑﻪ ﺑﻜﺮﺍﻋﻪ : ﻧﻮﺽ ﻫﻴﺎ ﻧﻤﺸﻮ
ﻃﻠﻌﻮ ﺍﻟﻌﻴﺎﻝ ﻣﻦ ﺍﻟﺒﺎﺏ
ﻭﺍﻣﻬﻢ ﻣﺼﺒﻴﻪ ﺍﺗﺴﻘﺪ ﻓﻴﻬﻢ : ﻫﻨﻴﻮﻩ ﺍﻣﺴﻜﻲ ﻳﺪ ﺧﻮﻙ .. ﺭﺑﻲ ﻳﺤﻔﻈﻜﻢ ﻳﺎﻋﻮﻳﻠﺘﻲ
ﺭﺟﺐ ﻓﻲ ﺍﻟﺼﺎﻟﻪ : ﺍﻣﻴﻴﻴﻴﻨﻪ ﻭﻳﻦ ﺍﻟﺸﺎﻫﻲ
ﺍﻣﻴﻨﻪ ﺳﻜﺮﺕ ﺍﻟﺒﺎﺏ ﻭﺧﺸﺖ : ﻫﻴﺎﺍ ﺍﻧﻲ ﺟﺎﻳﺎ ﺻﺒﺎﺡ ﺍﻟﺨﻴﺮ ﻧﻬﺎﺭﻙ ﻣﺒﺮﻭﻙ
ﺍﻧﺎ ﻃﺎﻟﺐ ﻓﻲ ﺛﺎﻧﻴﻪ ﺛﺎﻧﻮﻱ ﺍﺳﻤﻲ ﺍﻟٌﻤﻨﺠﻲ
ﺍﻟﻴﻮﻡ ﺍﻭﻝ ﻳﻮﻡ ﻓﻲ ﺍﻟﻤﺪﺭﺳﺔ ﻣﺎﺷﻴﻴﻦ ﺍﻧﺎ ﻭﺧﻮﺗﻲ ﻋﻠﻰ ﻛﺮﻋﻴﻨﺎ
ﺑﺤﻜﻢ ﺍﻥ ﻣﺎﻋﻨﺪﻧﺎﺵ ﺳﻴﺎﺭﻩ ﻭﺑﺎﺗﻲ ﻣﻮﺿﻒ ﻋﻠﻰ ﻗﺪ ﺣﺎﻟﻪ ﻭﺍﻣﻲ ﺭﺑﺔ ﺑﻴﺖ ﺑﺤﻜﻢ ﺍﻥ ﺑﺎﺗﻲ ﻭﺍﻋﺮ ﻣﺎﻳﺨﻠﻴﺶ ﻓﻴﻬﺎ ﺗﺸﺘﻐﻞ ﻭﻻ ﻳﺨﻠﻲ ﻓﻴﻬﺎ ﺗﻄﻠﻊ ﻭﺍﺟﺪ ﻣﺎﻟﺤﻮﺵ ...
ﻫﻨﻴﻮﻩ : ﻛﺮﻋﻴﺎ ﺗﻌﺒﻦ ﻣﻌﺶ ﻧﻘﺪﺭ ﻧﻤﺸﻲ
ﺍﻟﻤﻨﺠﻲ ﻭﻗﻒ ﻭﻃﺒﺲ ﻉ ﺍﻻﺭﺽ : ﺍﺭﻛﺒﻲ ﻋﻠﻰ ﻇﻬﺮﻱ
ﻫﻨﻴﻮﻩ ﺟﺖ ﺻﺒﺖ ﻭﺭﺍﻩ ﻭﻣﺴﻜﺖ ﻓﻲ ﻇﻬﺮﻩ ﺭﻓﻌﻬﺎ ﺍﻟﻤﻨﺠﻲ ﻭﺍﺣﻤﺪ ﺷﺎﻝ ﺷﻨﻄﺘﻬﺎ ﻭ ﻛﻤﻠﻮ ﻣﺸﻲ
....................
ﻗﺎﻋﺪﻩ ﻓﻲ ﺍﻟﺴﻴﺎﺭﻩ ﻣﺘﺤﻤﺴﻪ ﻟﻠﻤﺪﺭﺳﻪ ﺷﻦ ﺷﻜﻠﻬﺎ
ﻣﻦ ﻓﻴﻬﺎ ﺯﻋﻤﺎ ﺑﻨﺪﻳﺮ ﺻﺎﺣﺒﺎﺕ ؟؟
ﻳﺎﺭﺏ ﺍﻧﺤﺼﻞ ﺍﻟﺪﺭﺝ ﺍﻻﻭﻝ ﻳﺎﺭﺏ ﻳﺎﺭﺏ
ﺧﺎﻃﺮﻱ ﻧﻘﻌﺪ ﻗﺪﺍﻡ ﺍﻧﺎ ﻗﺼﻴﺮﻩ ﺍﻛﻴﺪ ﻣﺶ ﻫﺎﻳﺨﻠﻮﻧﻲ ﻻﻭﺭﻩ
ﺑﺲ ﺍﻧﺎ ﺧﺎﻳﻔﻪ ﻧﻘﻌﺪ ﺑﺮﻭﺣﻲ ﺑﻼ ﺑﺎﺑﺎ ﻣﺮﺍﺕ ﺍﻧﺮﻳﺢ
ﻣﺨﺘﺎﺭ ﻳﺴﻮﻕ : ﺣﻄﺘﻠﻚ ﻣﺎﻣﺎ ﻛﻴﻜﻪ ﻓﻲ ﺟﻴﺐ ﺍﻟﺸﻨﻄﻪ ﺑﻴﺶ ﺗﻔﻄﺮﻱ ﺑﻴﻬﺎ ..
ﻏﺎﻟﻴﻪ ﺯﻋﻼﻧﻪ : ﻧﻌﺮﻑ ﻗﺎﻟﺘﻠﻲ ﻣﺎﻣﺎ
ﻣﺨﺘﺎﺭ ﻭﻗﻒ ﺍﻟﺴﻴﺎﺭﻩ : ﻫﻴﺎ ﺍﻧﺰﻟﻮ
ﻓﺘﺤﻮ ﺧﻮﺗﻬﺎ # ﺧﺎﻟﺪ ﻭ # ﺃﻧﺲ ﺍﻟﺒﺎﺏ ﻭﻧﺰﻟﻮ ﻳﺠﺮﻭ ﻭﻳﻌﻴﻄﻮ ﻣﻊ ﺍﺻﺤﺎﺑﻬﻢ ﻓﻲ ﺍﻟﻤﺪﺭﺳﻪ ﺍﻟﻲ ﺟﻨﺐ ﻣﺪﺭﺳﺔ ﻏﺎﻟﻴﻪ ﻭﻫﻲ ﻣﺪﺭﺳﺔ ﺍﻭﻻﺩ ﻓﻘﻂ
ﻏﺎﻟﻴﻪ ﻗﻠﺒﻬﺎ ﻳﺪﻕ ﻭﻓﺘﺤﺖ ﺍﻟﺒﺎﺏ ﻭﺟﺎ ﺑﺎﺗﻬﺎ ﺧﺪﺍﻫﺎ ﻭﻣﺎﺳﻜﻬﺎ ﻣﻦ ﻳﺪﻫﺎ ﻭﺧﺶ ﺑﻴﻬﺎ ﻟﻠﻤﺪﺭﺳﻪ
ﺍﺗﺒﺤﺖ ﺣﻮﺍﻟﻴﻬﺎ ﻋﺮﻡ ﻋﻴﺎﻝ ﻳﻠﻌﺒﻮ ﻭﻳﺠﺮﻭ ﻭﺑﻨﺎﺕ ﻣﺼﺒﻴﺎﺕ ﻳﻠﻌﺒﻦ ﻭﺑﻨﺎﺕ ﻳﺠﺮﻥ ﻭ ﺑﻨﺖ ﺗﺒﻜﻲ ﺍﺣﺪﺍ ﺍﻟﺸﺠﺮﻩ
ﻏﺎﻟﻴﻪ ﻋﻴﻮﻧﻬﺎ ﺩﻣﻌﻦ ﺑﺲ ﻣﺴﺤﺖ ﺩﻣﻮﻋﻬﺎ ﺑﻌﺪ ﻗﺮﺑﺖ ﻣﻦ ﺍﻻﺳﺘﺎﺫ
ﻣﺨﺘﺎﺭ ﺳﻠﻢ ﻉ ﺍﻻﺳﺘﺎﺫ : ﺍﻟﺴﻼﻡ ﻋﻠﻴﻜﻢ ﺍﺳﺘﺎﺫ
ﺍﻻﺳﺘﺎﺫ : ﺑﺎﺵ ﻣﻬﻨﺪﺱ ﻛﻴﻒ ﺣﺎﻟﻚ ﺍﻥ ﺷﺎﺀ ﺍﻟﻠﻪ ﺑﺨﻴﺮ
ﻣﺨﺘﺎﺭ ﻳﻀﺤﻚ : ﺍﻟﺤﻤﺪﻟﻠﻪ ﻓﻲ ﻧﻌﻤﻪ ﻭﺍﻟﻠﻪ
ﻭﺷﺎﻳﺮﻟﻪ ﻋﻠﻰ ﻏﺎﻟﻴﻪ : ﻫﺬﻱ ﺍﻟﻄﺎﻟﺒﻪ ﺍﻟﺠﺪﻳﺪﻩ ﻏﺎﻟﻴﻪ
ﺍﻻﺳﺘﺎﺫ ﻃﺒﺲ ﺳﻠﻢ ﻋﻠﻴﻬﺎ : ﻣﺎﺷﺎﺀﺍﻟﻠﻪ ﺳﻨﻪ ﻛﻢ ﺍﻧﺘﻲ
ﻏﺎﻟﻴﻪ ﻣﺴﻜﺖ ﻓﻲ ﺳﺮﻭﺍﻝ ﺑﺎﺗﻬﺎ ﻭﺩﺳﺖ ﻭﺟﻬﺎ ﻣﻦ ﺍﻻﺳﺘﺎﺫ
ﺍﻻﺳﺘﺎﺫ ﻳﻀﺤﻚ ﻫﺬﺍ ﻓﺼﻠﻬﺎ ﻛﻤﻞ ﻃﻮﻝ ﺍﺧﺮ ﺍﻟﺴﺎﺣﻪ ﻉ ﺍﻟﻴﺴﺎﺭ
ﻣﺨﺘﺎﺭ : ﺻﺤﻴﺖ ﺑﺎﺭﻙ ﺍﻟﻠﻪ ﻓﻴﻚ
__________
ﺍﻟﻤﻨﺠﻲ ﻣﺼﺒﻲ ﻣﻊ ﺍﻻﺑﻠﻪ ﻓﻲ ﻓﺼﻞ ﻫﻨﻴﻮﻩ : ﻳﺎﺍﺑﻠﻪ ﻫﻲ ﻋﻨﺪﻫﺎ ﺿﻌﻒ ﻧﻈﺮ ﺧﻠﻴﻬﺎ ﺗﻘﻌﺪ ﻓﻲ ﺍﻻﻭﻝ
ﺍﻻﺑﻠﻪ ﺑﺤﺘﺖ ﻓﻲ ﻫﻨﻴﻮﻩ : ﺑﺎﻫﻲ ﻗﻌﻤﺰﻱ ﻗﺪﺍﻡ ﻫﻴﺎ ﺗﻮﺍ ﺍﻧﺪﻭﺭﻭ ﻭﺣﺪﻩ ﻋﻨﺪﻫﺎ ﺿﻌﻒ ﻧﻈﺮ ﻭﻻ ﻗﺼﻴﺮﻩ ﺍﻧﺤﻄﻮﻫﺎ ﺍﺣﺪﺍﻙ
ﺍﻟﺒﺎﺏ ﻳﺪﻕ
ﺍﻻﺑﻠﻪ : ﺗﻔﻀﻞ
ﻣﺨﺘﺎﺭ ﻓﺘﺢ ﺍﻟﺒﺎﺏ : ﺍﻟﺴﻼﻡ ﻋﻠﻴﻜﻢ
ﺍﻻﺑﻠﻪ : ﻭﻋﻠﻴﻜﻢ ﺍﻟﺴﻼﻡ ﺗﻔﻀﻞ
ﻣﺨﺘﺎﺭ ﻣﺪﻟﻬﺎ ﻏﺎﻟﻴﻪ : ﻫﺬﻱ ﺑﻨﺘﻲ ﻃﺎﻟﺒﻪ ﻣﻌﺎﻛﻢ ﺟﺪﻳﺪﻩ
ﻏﺎﻟﻴﻪ ﺗﺒﻜﻲ : ﻧﺒﻲ ﻣﺎﺍﺍﺍﻣﺎﺍﺍﺍﺍ 😭
ﺍﻟﻤٌﻨﺠﻲ ﻛﺸﺦ ﻋﻠﻴﻬﺎ : ﺩﻟﻮﻋﻪ 😡
ﻏﺎﻟﻴﻪ ﺧﺎﻓﺖ ﻣﻨﻪ ﻭﻗﻌﺪﺕ ﺗﺒﻜﻲ : 😭😭 ﻧﺒﻲ ﻣﺎﺍﺍﻣﺎﺍﺍﺍ
ﺍﻻﺑﻠﻪ ﺧﺪﺗﻬﺎ ﻣﻦ ﻳﺪﻫﺎ : ﺧﻼﺹ ﺍﺳﺘﺎﺫ ﺧﻠﻴﻬﺎ ﻭﻋﺪﻱ ﺗﻮﺍ ﺍﺗﻌﻮﺩ
ﻣﺨﺘﺎﺭ ﻃﻠﻊ ﻭﻏﺎﻟﻴﻪ ﻗﻌﺪﺕ ﺍﺗﺼﺮﺭﺭﺥ ﻭﺍﺩﻑ ﻓﻲ ﺍﻻﺑﻠﻪ
ﻭ ﺍﻟﻌﻴﺎﻝ ﻛﻠﻬﻢ ﺳﻜﺘﻮ ﻭﻗﻌﺪﻭ ﺍﻳﺒﺤﺘﻮ
ﻫﻨﺎﺀ ﺍﺳﺘﻐﺮﺑﺖ : ﻣﻨﺠﻲ ﻧﺒﻲ ﻣﺎﻣﺎ ﺣﺘﻰ ﺍﻧﺎ
ﺍﻟﻤﻨﺠﻲ ﻗﺮﺻﻠﻬﺎ ﺧﺪﻫﺎ : ﺍﻧﺘﻲ ﺷﺠﺎﻋﻪ ﺯﻳﻲ ﻣﺶ ﺯﻳﻬﺎ ﺑﺎﺭﺩﻩ ﺑﺤﺘﻲ ﻛﻴﻒ ﺗﺒﻜﻲ ﻭﺟﻬﺎ ﺯﻱ ﺍﻟﺼﻴﻨﻴﻴﻦ 😝
ﻫﻨﻴﻮﻩ ﺗﻀﺤﻚ ﺑﺼﻮﺕ ﻭﺍﻃﻲ
ﺍﻻﺑﻠﻪ : ﻫﻴﺎ ﻣﻨﺠﻲ ﻋﻠﻰ ﻣﺪﺭﺳﺘﻚ ﺑﺴﺮﻋﻪ ﺗﻮﺍ ﻏﺎﻟﻴﻪ ﺗﻘﻌﺪ ﻣﻊ ﻫﻨﺎﺀ ﻓﻲ ﺍﻟﺒﻨﻚ
ﺍﻟﻤﻨﺠﻲ : ﺍﻋﻌﻊ 😪
ﻫﻨﺎﺀ ﺑﺤﺘﺖ ﻓﻲ ﻏﺎﻟﻴﻪ ﻭﺍﺑﺘﺴﻤﺖ
ﻭﻏﺎﻟﻴﻪ ﺗﺒﻜﻲ ﺑﺎﻟﺪﻣﻮﻉ
ﻭﺻﻮﺕ ﻫﺮﺟﺔ ﺍﻟﻌﻴﺎﻝ ﻗﺎﻟﺐ ﺍﻟﻔﺼﻞ
ﺍﻻﺑﻠﻪ ﺧﺒﻄﺖ ﺑﺼﻮﺕ ﻋﺎﻟﻲ : ﺍﻣﻨﻌﻮﻭﻭﻭ ﺍﻟﺼﻮﻭﻭﻭﺕ
ﻏﺎﻟﻴﻪ ﺧﺎﻓﺖ ﺳﻜﺘﺖ ﻭﻣﺎﺳﻜﺘﻬﺎ ﺍﻟﻌﺒﺮﻩ
ﻫﻨﺎﺀ ﺑﺼﻮﺕ ﻭﺍﻃﻲ ﻣﺪﺗﻠﻬﺎ ﻳﺪﻫﺎ : ﺍﻧﺎ ﺍﺳﻤﻲ ﻫﻨﺎﺀ ﻭﺍﻧﺘﻲ ؟
ﻏﺎﻟﻴﻪ ﺗﻤﺴﺢ ﻓﻲ ﺩﻣﻮﻋﻬﺎ : ﺍﺳﻤﻲ ﻏﺎﻟﻴﻪ
ﻫﻨﺎﺀ : ﻣﻌﺶ ﺗﺒﻜﻲ ﺍﻟﻤﺪﺭﺳﻪ ﺳﻤﺤﻪ ﻗﺎﻟﺘﻠﻲ ﻣﺎﻣﺎ
ﻏﺎﻟﻴﻪ : ﺑﺲ ﺍﻧﺎ ﺍﻧﺨﺎﻑ ﺍﻧﺮﻳﺢ
ﻫﻨﺎﺀ : ﺣﻮﺷﻜﻢ ﺑﻌﻴﺪ ؟
ﻏﺎﻟﻴﻪ ﻫﺰﺕ ﺭﺍﺳﻬﺎ : ﻻ ﻗﺮﻳﺐ ﻣﻦ ﻫﻨﺎ
ﻫﻨﺎﺀ ﻓﺮﺣﺖ : ﺣﺘﻰ ﺍﻧﺎ ﻧﺴﻜﻦ ﻗﺮﻳﺐ ﻣﺎﻟﻤﺪﺭﺳﻪ ؛ ﺧﻼﺹ ﻣﺶ ﻫﺎﺗﺮﻳﺤﻲ ﺗﻮﺍ ﺍﻧﺨﻠﻴﻚ ﻣﻌﺎﻳﺎ
ﻏﺎﻟﻴﻪ ﺍﺑﺘﺴﻤﺖ : ﺷﻮﻓﻲ ﺷﻨﻄﺘﻲ ﻋﻠﻴﻬﺎ ﻣﻴﻤﻲ ﻣﺎﻭﺱ
# ﺑﻌﺪ _ ﻣﺮﻭﺭ _ ﺷﻬﺮ
ﺍﻟﺒﺎﺏ ﻳﺪﻕ
ﺭﺟﺐ ﻳﺮﺗﺐ ﻓﻲ ﻣﻠﻔﺎﺕ : ﻳﺎﻟﻤﻨﺠﻲ
ﺍﻟﻤﻨﺠﻲ ﻃﺎﻟﻊ ﻳﺠﺮﻱ ﻣﺎﻟﺪﺍﺭ ﻫﻴﺎﺍ ﺟﺎﻱ
ﻓﺘﺢ ﺍﻟﺒﺎﺏ ..
ﻏﺎﻟﻴﻪ ﻣﺒﺘﺴﻤﻪ : ﻭﻳﻦ ﻫﻨﺎﺀ
ﺍﻟﻤﻨﺠﻲ 😑 : ﻣﺎﺗﺖ
ﺍﻣﻴﻨﻪ ﻃﻠﻌﺖ ﻣﻦ ﺍﻟﻤﻄﺒﺦ : ﺍﻟﻤﻨﺠﻲ 😡
ﺍﻟﻤﻨﺠﻲ ﺿﺤﻚ : ﺳﺎﻣﻄﻪ ﻳﺎﺍﻣﻲ ﺷﻦ ﺑﻨﺪﻳﺮ
ﺍﻣﻴﻨﻪ ﻓﻨﺼﺖ ﻓﻴﻪ ﻭﻣﺸﺖ ﺷﻮﺭ ﺍﻟﺒﺎﺏ : ﺧﺸﻲ ﻳﺎﻏﺎﻟﻴﻪ ﺗﻌﺎﻟﻲ
ﻫﻨﻴﻮﻩ ﺗﻜﺘﺐ ﻓﻲ ﻭﺍﺟﺒﻬﺎ ﻓﻲ ﺍﻟﺪﺍﺭ ﻋﺪﻱ ﺗﻮﺍ ﺍﻧﺠﻴﺒﻠﻜﻦ ﻛﻴﻜﻪ ﺳﺎﺧﻨﻪ ﺗﺎﻛﻠﻨﻬﺎ
ﻏﺎﻟﻴﻪ ﺑﺤﺘﺖ ﻓﻲ ﺍﻟﻤﻨﺠﻲ ﻭ ﻛﺸﺨﺖ ﻋﻠﻴﻪ
ﺍﻟﻤﻨﺠﻲ : ﺣﻲ ﻋﻠﻰ ﺍﻣﻬﺎﺍﺍ ﻭﺣﻲ ﺍﺗﻜﺸﺦ 😳
ﻭﺑﺤﺖ ﻓﻲ ﺍﻣﻪ : ﻫﺎﻧﺼﺒﻲ ﻧﺮﻓﺴﻬﺎ ﺭﺍ ﻗﻮﻟﻴﻠﻬﺎ ﻣﻌﺶ ﺍﺗﺤﺒﺖ ﻓﻴﺎ ﻫﻜﻲ 😒
ﺍﻣﻴﻨﻪ ﺍﺗﻬﺰﺏ ﻓﻴﻪ : ﺍﻛﺘﺐ ﻭﺍﺟﺒﻚ ﻣﺎﻟﻚ ﻭﻣﺎﻝ ﺍﻟﺒﻨﺖ
ﺍﻟﻤﻨﺠﻲ : ﻻ ﻭﻗﺖ ﻉ ﺍﻟﻤﺤﻞ ﺗﻮﺍ ﺍﻟﺮﺍﺟﻞ ﺍﻟﻲ ﻧﺨﺪﻡ ﻋﻨﺪﻩ ﻳﻠﺰﻧﻲ
ﻭﻓﺘﺢ ﺍﻟﺒﺎﺏ ﻭﻃﻠﻊ
ﺍﻣﻴﻨﻪ ﺑﺤﺘﺖ ﻓﻴﻪ ﻭﺳﻜﺘﺖ ﻭﻗﺎﻟﺖ ﺑﻴﻨﻬﺎ ﻭﺑﻴﻦ ﺭﻭﺣﻬﺎ ﻭﻟﺪﻱ ﺗﺤﻤﻞ ﺍﻟﻤﺴﺆﻭﻟﻴﺔ ﻗﺒﻞ ﻭﻗﺘﻪ
ﺧﺶ ﺭﺟﺐ : ﻓﻲ ﺷﻦ ﺍﺗﻔﻜﺮﻱ
ﺍﻣﻴﻨﻪ : ﻻ ﻏﻴﺮ ﺍﻟﻤﻨﺠﻲ ﻣﺸﻰ ﻟﻠﺸﻐﻞ ﺍﻟﻮﻟﻴﺪ ﻣﺰﺍﻝ ﺻﻐﻴﺮ ﻋﺎﻟﺨﺪﻣﻪ ﻭﺍﻟﺸﻘﺎﺀ
ﺭﺟﺐ ﻣﺴﻚ ﺍﻟﺮﻳﻤﻮﺕ : ﺧﻠﻴﻪ ﺑﻴﺶ ﻳﻠﻘﻰ ﺭﻭﺣﻪ ﻭﻳﻄﻠﻊ ﺭﺍﺟﻞ ﺍﻧﺎ ﻟﻤﺎ ﻓﻲ ﻋﻤﺮﻩ ﻛﻨﺖ ﻧﻤﺸﻲ ﺍﻧﻮﺯﻉ ﻓﻲ ﺑﻀﺎﻋﻪ ﻟﻌﻨﺪ ﺍﻟﻤﺮﺝ ﻭﺍﻟﺒﻴﻀﺎﺀ ﻛﻨﻲ ﺷﻦ ﺻﺎﺭﻟﻲ
ﺍﻣﻴﻨﻪ ﺗﻨﻬﺪﺕ : ﺍﻥ ﺷﺎﺀ ﺍﻟﻠﻪ ﺭﺑﻲ ﻳﺤﻔﻈﻪ ﻭﻳﻔﺮﺣﻨﻲ ﺑﻴﻪ
__________________________
ﻫﺪﻱ ﺍﻟﻤﻘﺪﻣﻪ ﺑﺲ ﺿﺎﺭﻭﺭﻱ ﺗﻘﺮﻳﻬﺎ ﻋﺸﺎﻥ ﺗﻔﻬﻤﻲ ﺍﺣﺪﺍﺙ ﺍﻟﻘﺼﻪ
