الــمــســتـشــفــى
دخل بسرعه وهو يمشي بقهر وقف عند الاستقبال:كم رقم غرفه قمر خالد الراسي؟؟
الموظف: 120 الدور الثاني
هز راسه ومشى بعصبيه ضغط ع المصعد وقبل مايسكر الباب
وقف مشاري اللي يلهث من الركض وصرخ: فهد لحظه (ركض بس المصعد سكر قبل مايوصل ضرب الباب بقوة ورجع يضغطه باصرار)
غـــرفـــه قــــمـــر
كانت واقفه وتناظر من الشباك الناس الرايحه والجايه بضيقه وهي معقده حواجبها ولامه يدينها لصدرها فجاه حست بانفتاح الباب لفت وصارت ترمش بصدمه وهي فاتحه فمها وبهمس:فهد
وهو لسى ماسك مقبض الباب صار يناظر ملامحها وشلون عيونها ذبلانه وخصلات شعرها طالت ومتبعثره ووجهها صاير اصفر ونزل عيونه لجسمها وشلون نحفان قرب لها
بس قبل مايكمل مشيه هي ركضت له وضمته بقوة وهي لافه يدينها حول راسه وبهمس:لاتتركني لاتتركني فهد لاتتركني
غمض عيونه بقوه اجرحته بكلمتها حس نفسه ولا شي وشلون قدر يتركها تروح منه وشلون قدر قلبه يستحمل :ماراح اتركك
شهقت بقوة:محد يحبني كلهم يبون يقتلوني خلاص ياببقى معك يااموت احس روحي بتتطلع مني فهد مو قادره اكمل احس اه اااه
شدها له اكثر وقال بغصه:لاتقولين كذا انا ماقدر اعيش دونك
شهقت قمر وبهمس:تتدري وشي اللي يخليني لسه عايشه؟
بعد عنها وهو ماسك كتوفها ومسح بكفه دمعه نزلت من عينها وبابتسامه خفيفه:ايش؟
قمر وهي تتامل عيونه:لاني اتذكر انك كنت دايم تقولي انا هنا(نزلت راسها بعدين رجعت رفعته وضمت شفايفها وبلعت ريقها وناظرته) اقول لنفسي اكيد فهد بيجي هو قالي انا هنا تذكري دايم انا هنا
سحبها ورجع ضمها بقوه:وانا هنا ماراح اتركك
هزت راسها بايه وشدت ضمتها له
بــــيـــت ابــوســلــمــان
الـــمــطـــبـــخ
دخلت حلا وهي تلفت وهي عازمه تسوي عشاء كامل دون محد يساعدها ناظرت الشغالتين:ميري سيتي اطلعوا برا
طلعوا الخدمات وتركوها لحالها
دخلت ام سلمان وهي تبتسم:يابنيتي طيب خلي وحده تساعدك دامك ماتبيني انا ولا ثنتين؟
حلا:لالالا خالتي انتي روحي ارتاحي وانا بسوي كل شي لحالي
ام سلمان:بس ـ ـ ـ ـ
قاطعتها حلا:بدون بس يلا خالتي خليني ابدا شغلي
ام سلمان:ههههه طيب براحتك بس اذا بغتيني اساعدك بس نادي لي
ابتسمت حلا:ان شاء الله
طلعت ام سلمان والتفت حلا وهي تتطلع الورقه:ابدا بالرز بعدين الطبق الصيني بعدين المقبلات واخر شي الحلى والعصيرات ااف بس بقدر اخلصهم بـ4 ساعات بس (ابتسمت""بس عشان عيونك ياسلمان كل شي بيهون"): يلا خلني ابدا
بــــيـــت نـــــور
فواز وهو واقف عند اخر الدرج:نور نور
جت نور تركض:هلا
فواز بضيقه:البسي عبايتك بنروح للمستشفى
شهقت نور بخوف:ليش من بالمستشفى؟
فواز وهو ياخذ نفس:قمر
نور:ايش ليش وشفيها فواز تكلم
فواز:هدي حبيبتي كلمني عبدالعزيز وقالي جاها انهيار عصبي
قعدت ع الدرج تحس انها لو ظلت واقفه بيغمى عليها:ليش يصير فيها كذا انا الغبيه انا اللي سمحت لها
تنهد فواز ومسك يدها ووقفها:قومي حبيبتي والبسي عبايتك خلينا نروح لها
هزت راسها نور ولفت تصعد الدرج ثاني مره بس رجعت وكانها تذكرت شي:ومنيره ؟
فواز:ايه اكيد بناخذها معنا بس انتي استعجلي
هزت راسها وراحت تركض بسرعه
STAI LEGGENDO
أكابر و اقول فراقه عادي و انا في داخلي اصرخ تكفون جيبوه
Storie d'amoreروايــــــــة... أكابر واقول فراقه عادي وأنا في داخلي اصرخ تكفون جيبوه .. ♥ ·.¸¸.·¯··._.· مهما كانت الاسباب ومهما كانت المواقف هذا لا يبرر أن يترك اﻷب اولاده او يترك اﻷخ اخته في ظروف امس ما تكون بحاجه إليه .. 💞 الـــــكـــــاتـــبـــــة : اشــــت...
