Padabog niya ding sinara ang pintuan sa kwarto namin. Pinamaywangan niya ako at halos ikulong sa pader at sa katawan niya. “Tss. Sa mata ko nga Penelope.” Sinunod ko nalang siya kahit alam kong lahat ata ng dugo ko nasa pisngi ko na.
“Ano na naman to? Okay naman tayo kanina ah!” Mas lalo pa siyang lumapit sa akin, pinilit kong umatras pero ramdam na ng pwet ko iyong dingding. Sheet ka talaga Robson!
“Nagseselos ka na naman ba?” Napakurap ako sa tanong niya.
“Kung sa Ex mo na lang naman, mag-isip ka ulit. Di hamak na mas may alam pa ako sa fashion kaysa sa kanya. Ang alam lang atang suotin nun ay shorts at tubes. Bwesit!”
“Nagseselos ka nga.” Bulong niya pero pinarinig naman sa akin. Tiningnan ko nga ng masama. “Ex ko na siya.”
“Dapat lang dahil ako na asawa mo!” Sa oras na naisip ko kung ano iyong lumabas sa bibig ko, talagang kinagat ko ng mariin iyong ibabang labi ko. Unti-unti namang umangat ang labi nito at ngumisi sa akin.
“So..tungkol sa sinabi mo kanina, gagawin mo yun?” Kung pwede lang matunaw, kanina pa basa itong sahig na kinatatayuan namin ngayon ni Rob.
“Sagot.” Iiwas ko sana iyong tingin ko kaso maagap niyang nahawakan ang baba ko at halos tumayo lahat ng balahibo ko sa katawan noong dahan-dahang pumulupot ang isang braso ni Robson sa beywang ko. “Alam mong mainipin ako.”
“Doon naman din kasi ang punta di ba?” Bahagyang kumunot ang noo nito.
“Mali. Hindi yan ang gusto kong marinig.” So kung ayaw niya sa sagot ko, magiging mali yun? Napaka-unfair naman ata nun sa parte ko.
“Dadaanin na naman ba natin to sa ibang paraan para lang mapasagot kita?” Nag-init agad ang kaloob-looban ko. Alam ko kung ano ang ibig niyang sabihin. Sheet naman talaga!
Napalunok ako noong napagtantong wala na akong kawala kundi ang umamin sa kanya ng totoo. “Oo gagawin..hindi..mukhang ginagawa ko na ata dahil…” Pinagdikit niya iyong noo namin habang titig na titig sa akin. Iba na iyong tingin niya, punong-puno ng ito ng pag-asa.
“Dahil?” Untag niya sa akin noong hindi ko nagawang dugtungan iyong sinabi ko. Natutuliro na ako ngayon. Hindi ko alam kung papaano ko bubuuin iyong isasagot ko. “Bilisan mo Penelope, kundi sa kama ang bagsak natin ngayon.”
Napalunok ulit ako habang wala ng tigil sa kakatambol ng malakas iyong puso ko. Unti-unti na din akong pinapawisan.
Lumapat bigla iyong labi ni Robson sa labi ko. Pinaglapat niya lang at hindi sinubukang igalaw. Pati ata kaluluwa ko iniwan na ako sa ere. Sa pagbukas niya sa kanyang mga mata nakita ko ang paghanga dito pero hindi pa din nawawala ang pag-asa.
YOU ARE READING
In His Hands (Reading it again)
一般小說Inayawan ko lahat ng may gusto sa akin dahil pare-pareho lang naman ang habol nila sa akin, PERA. Pero hindi ko alam na lulunukin ko din pala lahat ng iyon noong nakilala ko si Penelope. Ang babaeng walang ibang gusto kundi maging MAYAMAN. -- Robson...
