بارت ١٧
المها فزت تبعد الفروه عنها : وشذا مين فراس ذا وتسيف تعطوني فروته
ملاك : علامتس فراس اخوي
فلك : وخالي
المها : يمه يخوف تسيف البس فروة واحد
شموخ وهي منسدحه : علامتس يشيخه تراها فروه مب سرواله
ترف بضحكه: اندري عنها
المها بنرفزه : مدري ياخي بس ماحب البس فروة احد
ريما وسعت فروتها : تعالي معاي هذي فروتي لحالي
المها : جايتس جايتس
المها وكأنها تذكرت : يوووه بنات نسيت احتسي لكم
البنات بفضول : وشوو
المها : تخيلو وانا جايتكم ابوي واخوي الله يهداهم سحبو علي ونزلو قبلي وانا تورطت المهم فيه واحد معاه سلاحه وربي قمطت العافيه ومغير يطلق فيه خرعني وكل شوي ادعي عليه خلاص يبن الحلال درينا معاك سلاح
ترف بفضول : كيف شكله
رتيل : يا عبدالله او فراس اتوقع هم الوحيدين الي كانو يطلقون
المها : كان طوييل واسمرر واضح الشموس لاعبتن فيه ولاف العمه على راسه وثوبه رصاصي
فلك وهي تضحك : اكييدد فراسس دام انه اسمر وثوب رصاصي
ملاك بتمثيل : حسبيا الله عليتس دعيتي على اخوي اخاف يودع ذحين
ريما بضحكه: ماشاء الله وصفتيه زين واضح قعدتي تتمقلين فيه
المها بنكبه : لالا مو قصدي تسذا بس استغربت يعني
رتيل وهي تشرب شاهي : معليتس عندنا دايما اذا جا ضيف يرحبون فيه بالاسلحه والعزايم تسذا
ترف : انتي خلاص مغير تشفطين فذا الشاهي بيطلع من خشمتس
رتيل : ياخي تراي اقاوم النوم عشانكم يالي ماتستحون عشان تسذا اشفط فيه
ملاك : والله خلاص بموت نوم شرايكم نلم عفشنا وننخمد لباتسر
المها : ايي بالله
شموخ : هذي مخاوية الليل الي تقولين عنها
فلك : مخاوية الليل بترقد
ريما وهي تلم الصحون والفناجيل: اقول يلا يلا
صباح اليوم التالي ..
عند العيال
براك ماسك راسه : آخ ياراسي منهو الي وطى علي وانا راقد
سيف هز كتوفه بعدم معرفه : مدري
نواف وهو منسدح : تسذاب انا شفته وطى عليك
براك قام ومسك بطانتيه : انا داري مغير الاحول ذا يمشي ومايدري وين ربي حاطه
وبسرعه توجه لسيف يخنقه بالبطانيه ..
سيف بصوت مكتوم: بموتت .. ارتح..ت يانواف يوم درا
نواف فز يوخرهم عن حارب الي نايم : اقول وخرو عن ولد عمي لا تبركون عليه
دخل الجد : وجع يوجعتس انت وياه مهبول انت بتذبح رفيقك
براك وهو لايزال خانق سيف: ياعمي هذا برك علي وانا راقد بغى يصرعني
سيف وهو يقاوم براك : بالغلط ياخي
حارب قام وبنعاس حك عيونه : الواحد مايرقد عندكم
الجد جلس: وين فراس
عبدالله: يتحرى الحريم يزهبون الفطور
دخل بو نواف: ماله داعي ييو خالد تكلف على نفسك
الجد: اص ولا تسلمه لاتقول بتروح بدون فطور تخسي
بو نواف هز راسه بأسى : ابشر
دخل فراس وفيده صحن الفناجيل والشاهي وقام ينادي : يااابتاال ياا منصوور
منصور من بعيد : هااه
فراس بصوت عالي: تعالو عاونوني بالفطور كم عندي يد انا
منصور : جايكك
نواف قام : بعاونكم
فراس: لالا استريح
بو نواف : ابك قم عاونهم ياولد
الجد : يارجال مايحتاج والله
نواف : يشيخ مابينا هالحركات خلني اعاونك بس
عبدالله بضحكه : يقول مابينا هالحركات وهو امس متعرف علينا
نواف ضحك : صدز مابينا
فراس جلس : اجل رح منصور خليه يدلك
الجد بصدمه : وانت بتقعد تسذا عندي
نواف قام : خليه ياعمي هو من امس يكرف
- عند نواف ومنصور -
منصور : اسمع خليك هنا وانا بمد لتس الاغراض محارمنا هنيا
نواف : طيب
منصور : يااووللدد دربب
رتيل من داخل المطبخ بصراخ : ننععمم
منصور بغيره : اقصري صوتس وجيبي باقي الفطور لايكثر
رتيل : استغفرالله العظيم .. بعد شوي عن الباب بحطه
منصور من ورا الباب : لاتطلعين معاي نواف هنيا خليتس بالمطبخ وانا بدخل بسرعه وآخذه
رتيل : يشيخ تراي متغطيه
نواف ببرود : انت علامك عليها خلاص جيب الفطور
دخلت فلك المطبخ : علامتس مين تناقرين
رتيل : منصور انا اوريه التسلب والله ما اطلع له الفطور
فلك اخذت الصحن منها: هاتي بس تشوفين وقت مناقرتس (وفكت الباب وهي متغطيه ما انتبهت لنواف الي كان موجود) هاك منصور خذ الصحن
منصور بصدمه : ادخليي داخلل الرجال معايي متشوفين عميا
فلك بغضب : وجع لاترفع صوتك وبعدين تراي متغطيه
نواف انفجع وصد على طول ..
فلك : امسك الصحن طيب
منصور بنرفزه : كم عندي يد انا حطيه بالارض وادخلي نواف بيشيله
فلك شافت نواف وهي تعرف هالملامح زيين حتى نواف عرفها من نبرة صوتها ..
نواف وهو صاد : حطيه بالارض يافلك
منصور بغضب : تسيف تعرفها
فلك : بلا غباء اكيد نعرف بعض من يوم حنا صغار
-ودخلت المطبخ وسكرت الباب-
منصور لف لنواف وهو يحاول يكبح غضبه : انا قلت تسيف تعرفها
نواف ببرود أشر على حواجبه وكان فيها جرح عميق من زمان : هذي لابارك الله فيها فلقتني وحنا صغار مير الله سلم عيني منها وكانت تجي مع ابوها عندنا ونتهاوش انا وياها .. وبعدين وراك شاد حيلك تسذا استريح بس ..( ونبره حاده ) وصوتك لاترفعه عليها فاهم
منصور تجاهل كلامه وشال الصحن وتوجه لمجلس الرجال ..
عند البنات
دخلت فلك وهي منهاره ضحك : بموتتت تخيلوا مين شفتت
البنات بفضول : مينن
فلك : نواافف اخوتس يالمها وقسم حزني الجرح الي بحواجبه لين ذحين موجودد
المها وهي تضحك : اييه عيا يروح حسبياا الله عليتس شوهتي وجه اخوي
ريما : علامة الجوده واضح انتس صفقتيه
فلك : شسوي والله كان يقهرني
إيلاف :وش سالفة الجرح
فلك تربعت ولفت للمها : قولي لاخوتس يسامحني ..
فلاش باك قبل ١٢ سنه ..
-الحاره-
لما كانت اعمار فلك ونواف ١١
فلك بصوت عالي : نوااف ويينك
-عند نواف-
كانو مجتمعين عليه بعض من عيال الحاره بحكم انه كان مشكلجي لما يجون عيال اعمامه بس لما يروحون خرطي
مصلح : هاه يالمهايطي عطنا الفلوس الي معك
نواف :تخسي وتعقب والله ماتشمها
عادل : ياورع اليوم بنتقضى من الدكان على حسابك
نواف : هه ضحكتني
محمد : انت ماتشوف اننا اكثر منك هاه يمدينا هاللحين نتوطى ببطنك
-وبسرعه تقدم مصلح يسدد لكمه على وجه نواف-
وطبو معاه عادل ومحمد
نواف يحاول يقاوم لكن الكثره تغلب الشجاعه وهو يحاول يدافع عن نفسه: الله ياخذكمم
عادل وهو ماسك راس نواف : يعنني عندي عيال عم رح ناديهم خلهم يفزعون
وبسرعه دخلت فلك وبصوت عالي : خييير انت وياه
يتبع ..
توقعاتكم للأحداث الجايه ؟
حللتم اهلاً ووطِئتم سهلاً 💞
YOU ARE READING
لا تباطيتي بوصلك ..والبطى ماني خويٍ له
Véletlenتدور عن روايه عائليه؟فالديره؟ اي شي يخطر ببالك موجود مكانك هنا .. كاتبه مبتدأه.. حللتم أهلا ووطِئتم سهلا.. بقلم الكاتبه / هَـاء . الانستا / haal.sl
