دهاليز قاتمة

الأقتم الأحد عشر

سندت راسي على صدرة اباوعلة وخليت ايدي على گلبة
غيوم:گلبك مو الي

داكن:داكن كلة الچ

تنهدت شفايفي ترجف
غيوم:ماعرف اذا راح يجي يوم وتحبني لو ابقى على الأحتمالات

رفعني خلاني على جسمة وصارت ايدة تتحرك على شعري
داكن:كلشي بوقتة حلو يجي يوم والغيوم الداكنة تمطر

عگدت حواجبي
غيوم:شنو قصدك

ابتسم وباس ارنبة انفي
داكن:تصبحين على خير

ما جاوبتة كلامة قلقني شنو الغيوم الداكنة تمطر شهالغرابة البيك
انفاسة انتظمت يعني نام حضنت خصرة حيل وشوي شوي بديت اغفى

هستوني غفيت وسمعت الباب انفتح عبالي داكن طلع
فتحت عيوني من انسد بصوت عالي باوعت اني بحضن داكن وما طالع هنا خفت وصرت اوسوس كعدت ارفع بشعري عن وجهي وافكر

معقولة المتحرش هنا لحگني هم؟

معقولة احلم؟
لاااا شلون احلم الباب صوتة بعدة بأذني

كلش خفت ندست داكن بكتفة
غيوم:داكن اكعد

رجعت ندستة فتح عيونة عاگد حواجبة
داكن:ها غيوم بيچ شي؟

غيوم:انتَ قفلت الباب لولا من دخلت؟

صفن ثواني وباوع للباب كام راحلة فتحة طلع ما مقفول شفتة دفر الباب وعصب

داكن:نسيت اقفلة منو دخل؟

غيوم:ماعرف هستوني غفيت وسمعت الباب انفتح وانسد

فرك راسة بقلة صبر
داكن:رجعي نامي

غيوم:اكلك اخاف جني؟

تقرب علية سحبني من رجلية وخلاني اتمدد
داكن:نامي نامي جني شيدخلة هنا الغرفة محصنة من كل الجهات بس صوت القرأن كافي

غيوم:والله اخاف انوب ياخذني لعالمهم ويتزوجني ويصير عدنة جنانوة صغار يمةةةة

هز راسة مبتسم
داكن:نامي غيوم بديتي تخربطين

لزمت ايدة خايفة
غيوم:والله اخاف شبيك اني من اصخن اشوفهم صغار يطفرون فوك راسي واحلم بجني عندة عضلات يكول راح اتزوجچ ونسوي جهال

وكف يطلع عضلاتة
داكن:انه هذا الجني المعضل وتزوجتچ باقي نسوي جهال

حطيت ايدي على خدي مبتسمة بغباء
غيوم:لا انتَ جني حلو فديتك