#زواج_جني ❤️ .
لـ ملاك المغربي ❤️ .
انتهى الخيال و بدينا فالواقع 🔥 .
يوم الفرح ....
حُور : ألو ...
مُؤيد : أهلا بعروستي السمحة .. اليوم بتقعدي لياا يـ بنت مُعاذ
حور حست بضيقة و خذت نفس بهدوء : أسمع
مُؤيد : يعيونه ❤️
حور : انت ترضى تاخذ وحدة ماتحبكش وتحب غيرك ؟
مُؤيد تغير صوته لنبرة جدية : و اللهِ انا كنت منرضاهش لكن توا نرضاها و غصبن عني و عنك .
حور : كيف يعني مافهمتش ؟؟!!!!
مؤيد : لأنك خاينه .. قبل مُكالمتك ليا هذك اليوم كنت ح نسيبك لو مازلتي ماتبينش حتى بعد تغيّرت وكنت متصل عشان نحكي معاك فالموضوع هذا ونقولك اني تغيرت و تغير تفكيري معاي واني مش ح نرضى نجبرك علي حاجة زي الزواج .. لكن ردك و طريقة كلامك معايا لانك تحسابيني علاء خلتني نرد مُؤيد الجاهل اللي كنتِ ترفضي فيه .. و نحب نقولك يـ بنت مُعاذ انك تحلمي بيه علاء و تحلمي بالراحة معاه يالخاينة 🔥 .
نديرو فلاش باك سريع لمكالمة حُور و مُؤيد ...
حور ردت بلا ماتشوف الرقم بصوت فيه بحة : اوووووف .. ألو
مُؤيد : الو يـ الحُب 🤤
حور وهي نعسانه : اهلاً يعمري
مُؤيد بصدمة : شن جوا حبيبي ؟
حُور : تمام يقلبي و انت ؟
مُؤيد : قعدت تمام لما سمعت صوتك ❤️ .
حُور تضحك بدلع : هههه ، آسفهه را
مُؤيد : عليش آسفه ؟
حور : ع اللي قلته لك أمس وكذبت عليك لما قتلك نحب مُؤيد .. نُوعدك يـ علاء ح نطلق من مُؤيد و نردو في اقرب وقت ❤️
——————-
حُور بلعت ريقها : يعني ترضاها ف ف فيا 💔💔💔؟
مُؤيد بإستهزاء : انعم نرضاها فيك زي ما رضيتيها ف ف فيا 🔥 .
حور نهارت بكاء : آسفهه يـ مُؤيد و ربي آسفهه 😭💔💔💔
مُؤيد وجعه قلبه من صوت بكاها لكن ماحبش يبين : خلاص سوّك راح امشي وتيلي روحك راك عروستي .. و الليله ليله غليظه .. هههههههه .. و سكر الخط في وجها .
حُور كانت في حالة صدمة ... حسيت ان كل شيء صار بسرعة فراق علاء اللي بسبب بنت عم مُؤيد اللي لها قصة في عالم موازي و خطبتي بمُؤيد و قراية فاتحتي عليه و السنين كيف مرن بسرعة تخصصي فالهندسة و تخرج مُؤيد و خدمته .. كيف اليوم فرحي نا و مُؤيد 💔💔💔💔💔💔 .. أووووووف ، اللهم اني لا أسألك رد القضاء ولكني أسألك اللُطف فِيه ...
وَ كملت حُور يومها بضحكة صفراء و تنافق في الكل و تحاول تبين روحها فرحانه قدام الناس ومع هذا كانت الكسرة واضحة في عيونها .. هل مِؤيد ح ينتقم منها و يشعفها صح ؟ ولا بيحن قلبه عليها زي كل مرة ؟ ..
_________
تعالو نحكولكم علي اطلالة ابطالنا ..
حور ..
كانت لابسة فِيلو أبيض ناصععع وكان منفوش و فيه نقشى خفيفة بالورد و طرحتها طويلهههه وفيها نفس الورد المنقوش ع الفيلو .. كانت ماسكة في ايديها باقة حمراء و طالقة شعرها بطوله و دايرة ميكب ع الاحمر و طالعههه طخخخ بكل 🫦🔥 .
مُؤيد ..
كان لابس بدلة سُدوة نُودة طالعهه عليه خيال مع جسمة المنحوت بالعضلات ... مع كوِيش أسود برضو وفيه لمعه تأذي العيون من بعيد ... و محلق شعره و محدد لحيته السودة .. ناااعلييي ناااا طالع طخوخي حتى هو 🔥🫦 .
نُور ..
كانت لابسة فُستان أحمر ستان بناءً على اتفاقها مع حور طوله حاير و صدرة مرفوع بسيور يوصلن ورا الرقبة ودايرة ميكب خفيف ع الاحمر و رافعة شعرها ذيل حصان و طالعهه مرة ناار 🫦🔥 .
أحمد 😍😂❤️ ...
كان لابس قولف و سروال بدله كُحليه علي قميص أبيض و كويشه بيضاء سبور .. طالع طرف حتى هو مع ان ذوقه غريب الاطوار 🌹🔥 .
حلا ..
كانت لابسة فُسان أحمر صدره مرفوع بسيور برضو وَ فيه دانتيل منفوخ .. يناعلي معش عندي جهد نوصف المُهم انها كانت فاتحة شعرها ودايرته ويڤي و دايرة ميكب خفيف ع الاحمر و برضو طالعه مرة نار 🙂🔥 .
مُهاب و عمران ..
كانو لابسين سواري عربية برقاوية قصيرات يوصلن لتحت الركبة ومع فتحات ع الاجناب طبعاً نعرفوهن كلنا مُهاب كان لابس عليها كاط و زبون باللون الاسود و عمران لابس كاط و زبون باللون الزرعي و كانو شايلين الدنيا بالكشك و الغيطة هما و احمد 😍🔥 .
و عمر .. كان لابس سورية عربية برقاوية برضو لكن طويله و لونها زرعي وفيها نقش ع الكتوف باللون الاسود و لاف عمامه المطروحيين وكانت خايله عليه حرفيا رد شباب من جديد 😂🔥 .
ولاء مرت عُمر ..
كانت لابسة بدلة عربية برقاوية برضو لونها زرعي و دايرة مِيكب تُرابي أوووووڤر و محنية حنهه تسهفف تقول هي العروسههه .. وطبعاً كل هذا له هذف واحد انها تلف الانظار عن حور 😂 .
