ဘယ်လိုပဲ ဖြစ်ဖြစ် အိပ်မပျော်သောကြောင့် ရှန်ချန်းလင်က ကိုယ်တိုင် စကားရှာ၍ မေးလိုက်သည်။
အဲ့တာအပြင် သည်ကိစ္စရဲ့ ကာယကံရှင် သက်ဆိုင်သူအနေနဲ့ သေချာပေါက် တိတိကျကျ သိထားရမဲ့ အခွင့်အရေးရှိကိုရှိတယ်!
" ကိုယ်ဘယ်လိုလုပ်သိမှာလဲ "
ချင်ရှောက်ယွီသည် နှုတ်ခမ်းထောင့်များ ကော့ညွတ်လျက်ရှိသည်။
" သူ လုယူချင်တာက မင်းကိုလေ.. ကိုယ့်ကိုမှ မဟုတ်တာ၊ ဖြစ်နိုင်တာကတော့.... မင်းကို မြင်မြင်ချင်း ချစ်မိသွားလို့များလား? "
ရှန်ချန်းလင် " ....... "
အစ်ကိုကြီး.. ခင်ဗျားက ဘယ်သူ့လာ အရူးလုပ်နေတာလဲ။
" ရှေ့ဆက်မဲ့ ခရီးမှာ သိပ်တော့ ငြိမ်သက်အေးချမ်းမယ် မထင်ဘူး "
ချင်ရှောက်ယွီက စနောက်သည့် လေသံများကို သိမ်းဆည်းလိုက်ပြီး ဆိုသည်။
" ဒါပေမဲ့ အရမ်းတော့ စိတ်ပူစရာ မလိုပါဘူး၊ ကိုယ် လူတွေ ပိုလွှတ်ထားပြီး မင်းကို ကာကွယ်ပေးမှာပါ "
" ဒီနေ့လာတဲ့နှစ်ယောက်က မိစ္ဆာဂိုဏ်းရဲ့ ထိပ်သီးသိုင်းသမားတွေလို့ ယူဆလို့ရလား? "
ရှန်ချန်းလင်က မေးသည်။
" သေချာပေါက် မယူဆနိုင်ဘူးပေါ့ "
ချင်ရှောက်ယွီက ခေါင်းခါသည်။
" ချန်နျန်က မိစ္ဆာလမ်းစဉ်ကို မှီခိုပြီးနေရတာ၊ သူ့ရဲ့ တချို့အကွက်တွေကတော့ စွမ်းတော့စွမ်းပါရဲ့။ ဒါပေမဲ့ အဲ့ဒီ ပိုင်လျန်ဟွားကတော့.. ကြည့်ရင် သုံးစားရမဲ့ပုံနဲ့ တကယ်က နည်းနည်းလေးမှ သုံးစားမရဘူး "
" မင်းက သူ့ကို သုံးစားရတဲ့ပုံပေါက်တယ်လို့ ထင်သေးတယ်ပေါ့? "
ထိုသူ့၏ ဟာလာဟောင်းလောင်း ဝဲကားနေသော အပေါ်ဝတ်ရုံကြီးကို ပြန်အောက်မေ့ကာ ရှန်ချန်းလင်မှာ ထပ်မံ၍ ရယ်ချင်လာပြန်သည်။
" သဝန်တိုနေတာလား? "
ချင်ရှောက်ယွီ၏ နှုတ်ခမ်းဖျားများက ကော့တက်လာသည်။
" အိပ်မက်မက်နေလိုက် "
ရှန်ချန်းလင်က သူ့ကို ခြေထောက်ဖြင့် ကန်ထုတ်လိုက်ပြီး စောင်ဖြင့် ကိုယ်ကို လုံးပတ်ကာ နံရံထောင့်သို့ တိုးကပ်သွားလိုက်တော့သည်။
YOU ARE READING
သိုင်းလောကတစ်ခုလုံးကဗရုတ်သုတ်ခတွေချည်းပဲ!
Historical Fictionစာရေးသူ - ယွီရှောက်လန်ရှန်း ဇာတ်ဆောင် - ရှန်ချန်းလင် x ချင်ရှောက်ယွီ - ယဲ့ကျင် x ရှန်ချန်းဖုန်း
အခန်း (၂၄) ခရီးစဉ်ခေတ္တရပ်နားမည်!
Start from the beginning
