اجوان:هاي اجيت ايوته باوعيلي اجيت والله
تبجي وترجع تحضني مامصدكه اجيته مسحت دموعه اجت علينه امه سحبته مني بقوه ودفعتني
سميره:امششي طللعي بره شجابج علينه
اجوان:اجيت لااختي وبيتي مااجيت الج
سميره:مالج مكان هنا امشي طللعي بره
اجوان:العتب مو عليج العتب على صاحب البيت
اجوان:لمحت احمد طلع من الاستقبال رحتله اركض
بس شافني فتح عينه مامتوقع يشوفني بعد هلمده
وكفت كباله وحجيت مااهتميت الكل الموجودين
اجوان:شكدددجنننت معتبرتتك رجااال وهسه تبيييع اختك علمود فلووس
رفع ايده يريد.يضربني درت وجهي بسرعه ماعرف منين اجه صائب ولزم ايده وحجه
صائب:ديربالك ترفعه مره ثانيه
احمد:وخر لكك وانتته شعلليك وانتي شجابج هااا مو جنتي يم عمتج
اجوان:التفتت على ايات بعدهي بالصاله دخلت سحبته من ايده لزمتني امه دفعته وطلعت وجهه مطعون وعيونه مورمه من البجي وكفته كباله وحجيت بحرگه
اجوان:بااوع بااوع شوف وجه ولك اختك هااي مو سلعه تبيعه ياهو الجان
سميره:انتي ماعليج شجابج شعليج بينه طلعي بره
اجوان:دار وجهه عني ميخلي عينه بعيني دفعته احجي
اجوان: جاووب ليش سكتت هاااا ليش احنه ضعنه من مات ابوي بعد مالنه والي ولا سند
اخذت ايد ايات اريد اطلع اجت امه سحبته مني بقوه وهو على وكفته ماتحرك مامنع امه حجيت واني الهث
اجوان:ولك توصل بيك تبييعه علموود فللووس شنو حيواانات وابووك ماصرله سنه من مااات وتريد تزوج قبل لاادير سنته
مسحت وجهي اريد اهدي نفسي احس الهوى خنكني
وكفت كباله وهو مدنك مارفع راسه حجيت ونزلت دمعتي لاول مره بضعف
اجوان:جنت اعتبرك سند وذخر اليه ههه بس طلعت غلطانه حررامااات انته اخوي حراامات
عفته وطلعت اسمع امهم تصيح تغلط وتدعي عليه مااهتميت بس اريد اطلع احس راح انجلط اذا اضل فتحت باب السياره اريد اروح اشرد ماريد ابقه مستحيل هاي عائلتي شجاي يصير يربي افتح بالباب متنفتح ضربته بكل قوتي لهنا وحدهي نزلت دموعي اخرمش بالباب واشهك بس اريده تنفتح ماريد احد يشوفني التفتت لكيت صادق وفضل واكفين قريب على الباب
احس رجليه رجفن بعد.ميعينني اوكف وكعت على اركبي اشهك ضامه وجهي بثنين اديه غمضت عيوني ماريد.احد.يسمعني ماريد احد.يشوفني ابجي على ضعفي ماكدر احمي اختي ماكدر اساعده ضاك بيه النفس وخرت اديه من حسيت حركه يمي فتحت عيوني على كيف وجهه بوجهي ثاني ركبته وكاعد.بمستواي يباوع بداخل عيوني رجعت غمضت
ارجف مااعرف ليش اجه وراي وماعرف شلون وصل واندل مافكرت بشي وكته لزمني من اكتافي وكومني من الكاع مااعترضت ولاجادلت بس دموعي تنزل واشهك مدنكه راسي سحبني من ايدي فتح باب سيارته صعدني اخذ السويج من ايدي سد الباب لميت رجليه الصدري احس كلشي فوك طاقتي ماكاعد.استوعب اليصير ابجي ضعف خذلان اريد اطلع اختي مناك ماعرف شسوي شلون فززني من فتح باب السياره وصعد ماحجه شي قدملي كلنس ومشه صوت السياره هدوء بس صوت شهكاتي مسموعه درت وجهي على الجامه ابجي بخنك ماريد.يسمعني عائلتي ادمرت من مات ابوي كلشي احسه انتهى ماضل شي بمكانه قبل لنوصل للبيت وكفنه طفه السياره والتفتلي فتحلي بطل مي وقدملياه حجيت والشهكه ببلعومي
اجوان: م ماا مااريد
صائب:شربي
اجوان:رفعت عيني عليه عيوني مغوشه من الدموع قرب البطل يمي اخذته منه بس ماشربت
صائب:شربي
اجوان:كلت ماريد
صائب:اني اريد
اجوان:مالي خلك اجادل شربت منه شويه اخذه من ايدي سده انتبهت عليه يباوع على اديه باوعت على شنو جاي يباوع انتبهت لاايدي مزلغته بظافري بدون مادري سحبه خله كلنس عليه وخله فوكاه شويه مي مسحه رجع جاب كلنس مو مبلل نشفه عافه بدون ميحجي شي شغل السياره كمل طريق احس عقلي فارغ ماكدر افكر بأي شي وصلنه للبيت
فتحت الباب ونزلت طبيت للبيت تلكتني خالتي من المطبخ هي والبنات حضنتني تحجي وتعاتب بالي نو يمه من شافتني هيج اخذت ايدي صعدت فوك حطيت راسي على المخده احس حتى نبض يدك براسي من الالم احاول اغفى خالتي احسه تمسد على شعري ماعرفت شوكت نمت
هاجر: كاعده امي تباوعله بقهر عيونه مغوركه بالدموع نزلنه احنه وامي من اتأكدنه نامت اجوان بيبيتي راحت العصر هيه وزوجات عمامي اول مانزلنه اتلكتنه سهام
سهام:هاا رجعت بت الفكر
صائب:الزمي السانج سهومه
هاجر:التفتت على صوت صائب استوه دخل من المطبخ وكف كباله بس شافته كامت تبلعم
صائب:ايي شبيه مابيه
سهام:ك كلشي م مااكو اجيت ااسئل على الرجعتنه
صائب:ليش هي مو بت اخوج
سهام:لا مو بت اخوي ولايشرفني اصير عمته
صائب:شعجب
سهام:شنو
صائب:اكول حجيج صدك مقامج رخيص انتي محد.يفتخر بقرابتج
هاجر:جكارته بحلكه يدخن ينفخ عليه الدخان ويحجي مضيك عينه عليه
يتبع🦋
اعرف البارت قصير بس لان تعبت الاعصاب ايدي كلش اتأذيني ماكدرت اكتب هواي اعوضكم انشاءالله
YOU ARE READING
منتقم وغريبه
神秘 / 驚悚-حاول..! أن يعصر عظامِهُ فِي فراشه، حاول أن يدفع لياليَهُ الموحشةَ إلى المِقصله، لا يمكنُه النومُ، لا يمكنُه الكتابة، لا يمكنُه اليقظة، أشَباحُه تتقدم إلى الغُرفة وتتمدد على السريرِ..! صقورٌ ترعى فِي عينيهِ بمسرةٍ، قريةٌ بكاملها ترتجفُ فِي أحشائِه...
البارت ١٦
Start from the beginning
