ليالي مارس بوجودك مذهلة

بارت ١١

-مطار جده عمر وساره -
وصلو وجهتهم الاولي وهي جده طلعن من المطار متوجهين للفندق بسياره ماسك يد ساره :واخيرااا واخيرا بجلس معك بدون اخاف من احد اخيرا !!
ابتسمت ساره :الحمدالله اللي جمعنا مع بعض بس عمر
عمر التفت عليها : اعرف وش بتقولين بس معليك من شي ماراح يقدرون يوصلون لنا واذ وصلو اصلا ماني خايف من احد انا انسان عاقل اعرف اتصرف !!
سكتت ساره وهي ماتبي تقوله انهم عرفو باللي صار واصلا هي اللي ترسل لهم عشان ماتنضر ديم من عمر ومهمها ساره تحب عمر تبقي تفكر بديم وتحط مكانها مكان ديم !
وصلو ونزلو الفندق وتوجهو لجناحهم دخل عمر دوره المياه واخذت جوالها ساره اللي وصلته رساله من اختها تبلغها ان الكل صار يعرف ماقالت لها عن ديم شي وتعرف ان ساره بتلوم نفسها انها هي السبب بالحادث اللي صار

-مكان اول مره نزوره الكويت -
دخل البيت بعد تعب الدوام وشافها جالسه علي الارض تلعب ولد اختها ابتسم بهدوء وهو انحرم من هالشعور ولهم ٨سنوات متزوجين ولا قد جابو عيال بسبب عقم زوجته والخلاف اللي بين عامر والجد محمد انه يطلق زوجته وويتزوج يجب من غيرها عيال بس عامر رفض من شده حبه لي راما رفض انه يطلقها وقال لهم انهم الاثنين مايقدرون يجبون عيال وكله عشان الجد محمد وهواشه المستمر له عشان يتزوج الثانيه اما الجده وصايف اللي كانت تحب راما وماعندها مشكله ودايم تدعي لهم وهي تعرف ان هالشي ماهو بيد عامر ولا بيد زوجته راما
التفت راما عليه وابتسمت تتوجها له :متى جيت ماحسيت فيك
ابتسم يقبل جبينها بهدوء :توني دخلت وجبت الغداء معي
عطها اياه وجلس جنب متعب ولد اختها يلعبه
حطت الغداء راما ونادتهم يتغدون والتفت عليها عامر : قلبي تجهزي اقل من ثلاث اسابيع واحنا بننقل للرياض
راما التفت عليها بصدمه وهي تعرف الخلاف اللي بين عامر والجد :رضيت انت وعمي ؟؟
عامر تنهد :بحاول والله يلين القلوب بس شغلي نقلوه للرياض ومضطر اروح
راما بهدوء :زين يصير خير
عامر :راما اذ ماتبين مو شرط تروحين معي اجلسي وانا اجيك كل ويكند !
راما :لا انا بروح معك اصلا اشتقت لي عمتي وصايفف ومنيره والبنات وعمتي اليوم مكلمتني مشتاقه لنا وبخصوص عمي محمد معليك بيرضي عليك وعلي بعد
ابتسم عامر وراما رغم صد الجد محمد عليها الا انها تحبه وماتزعل منه وتداري كبر سنه وعقله القديم قطع تفكير جواله اللي يدق وركض متعب يجبه له وابتسم عامر له
رفع الجوال :اهلا يابو محمد
ثنيان :كيفك ياخوي
عامر :نحمد الله بخير انت كيفك وكيف محمد
ثنيان :بخير كلنا انا بالخبر جايبه لي امه تشوفه بجلس يومين وارجع
عامر :ثنيان مو شرط في كل مره تنتظر عندها تراه عند امه !
ثنيان :عامر صاحي انت اخليه عند خواله وامه انت عارف وش صار مايحتاج اعيد !
عامر :الله يهديهم بس
ثنيان :ماعلينا منهم المهم متى بتحي الرياض ترا امي كلمتني تبيك تجي وابوي يسال عنك كثير !
عامر :خلاص اسبوعين وانا بالرياض
ثنيان :منجدك ولا بس جاي زياره وراجع للكويت ؟
ابتسم عامر :لا المره هاذذييي جاييي بلا رجعه من غير شر
ثنيان بلهفه وفرح :اسالك بالله تقوله صادق !!!
عامر : اي بالله اني صادقه
ثنيان :يلا الحمدالله تريح بال امي المسكينه
عامر : بس ماابيها تعرف ابي اسوي لها سبرايز
ضحك ثنيان :بتطير عقلها انت
ضحك عامر وسكر من عنده وكمل غدا مع راما ورجع ينام شوي