انه قصــــــــتي ويـاك قصــــــه
نكتبة بورقه قديمه وخط حزين
.. - _-_-_-_-_-_-..
ڤيان:انخطفت وجنت متوقعه مراح اعيش (عسئ ان تكرهوا شيئا وهو خير لكم)الخير الي اجاني من وره خطفتي هوا يمن""
من صدك هوا الخير الوحيد الي اجه الحياتي الشخص الوحيد الي جان علاج لجروحي فقدت هواي اشياء""
بس الله عوضني بي صار صبح ثاني يوم واني كلبي علئ نار اريد اشوف فضه كالت ل ازهر وشنو جوابه""
غسلت وجهي بسرعه ورحت سويت ريوك وانتضر فضه تكعد عاد كعدت راحت غسلت وجها واجت كعدت كبالي وكالت""
_صباحو عُشقي.
فضه:صباح النور حبي حاجيت ازهر.
_ايي وشكال.
فضه:كال خوش ناس همه بس نشوف أرام وجوابج اكيد ونرد الهم خبر.
_يله الله كريم، تريكي خيه تريكي.
كعدنه نتريك وكعد ازهر صبحنه علي وكعد ورا أرام وجوج سوت الهم ريوك وكعدوا ياكلون صبينه الهم جاي وكال ازهر ل ارام""
ازهر:خويه اجوو ل ڤيان خطابه.
حجه أرام وهوا يريد يشرب الجاي ""
ارام:اي خوش بس منو همه.
ازهر:اخو مرتك.
_قصدك يمن.
ازهر:اي.
ارام:هوا خوش ولد وماتطلع منه العيبه بس الرايي يبقه رأيي فيفا.
ازهر:اي انه هم كلت هيج، ها حبيبتي شرايج بالولد انتي شايفه بعد.
حجيت بشكل كلش طبيعي وبلا خجل وكلت اله
_هوا خوش ولد مثل ماكلتم بس الرايي يبقه رايكم انتو اهلي بعد.
ازهر:انه ماشوف بالولد عيبه ف ماعندي أشكال بي وانتي هم لازم تشوفين حياتج خويه ولو لو بيدي ابقيج يمي طول العمر بس هاي سنه الحياه وانته أرام شنو رايك.
ارام:انه وياك خويه.
ازهر:خوش لعد توكلنه علئ الله بقه بس نسئل علي.
ارام:اني وياك نروح عكبه لانو باجر عندي شغله.
ازهر:انشاءالله وهو هم ماكو داعي نستعجل.
وبهذا الشكل انسد الموضوع وبقه بس يسئلون علي ولو هوا ميحتاج لانو ضابط والناس كلها تعرفه ""
يعني معروف من تسئل علئ اسمه ببغداد مرت الايام هادئه كلش وماكو اي شيء يضوج ""
.............................
روئ:كاعده ودخل أديب وملامحه مبين عليها الحزن اجه كعد يمي وكال
اديب:شلونج يبعدي.
YOU ARE READING
داعش والمسيحيه
言情في احد محافظات العراق توجد هناك فتاة جميلة لاڪن يوجد من يحاࢪبها...؟! قصه بين...؟! داعش... حرب.... ظلم.... سحر... موت... ستصبح هذه الفتاه اسيره لداعش بين اسوار داعش هل ستقاوم مع داعش هل ستنجو هل ستعيش بين اسوار داعش ام لا..؟! للكاتبه ڪمࢪ الشيخ
