جاسر ابتسم وهو جالس بينهم وناهل شايل بحضنه امواج ،
غرور كانت مبتسمه حور حاطها راسها على كتفها ومبتسمه وكلهم جالسين بالصاله مبسوطين ب جية امواج على الدنيا ،
فيصل : جاسر انتبه ل بنتك من هالشريره ساره ،
جاسر : والله يبه من الحين اقولك امسك بنتك لا اجلدها لو سوت شي ل بنتي ، ومشى وهو يشيل ساره : سمعتي!
نايف : سميتها امواج اجل الولد وش تسمونه؟
فيصل بضحكه : يسميه بحر ،
جاسر ابتسم : والله جاز لك تصدق؟ بحر بن جاسر حلو ،
حور : الله يعين هذا وين بيجي دام بنتكم جت في السماء ،
غرور ضحكت وهي تطالع غازي مشى وهو ياخذ امواج من ناهل وناظر فيها ونطق : والله البنت تشبهني ،
جاسر رفع نظره بصدمه : ما شاء الله ي عمي ،
غرور قربت وهي تاخذ امواج : خالتي اكيد تنتظرنا ،
ومشت تمشي جاسر لحقها بخوف ونطق : بشويش عليها ،
غرور ناظرت فيها وفزت من قامت امواج تبكي جاسر ناظر بخوف وهو ياخذها منها ونطق : ليه تبكي؟
ام فيصل مشت لهم وابتسمت : نونو طبيعي تبكي ليه خايفين عليها هالكثر ؟ وابتسمت تاخذها منهم ،
هنادي توجهت لهم وناظرت لغرور وجاسر : خايفين كذا ليه؟
جاسر : والله ي عمتي ما اتحمل بكاءها ابيها ساكته ماتبي ،
هنادي بضحكه : لا ياولدي صغيره طبيعي تبكي ،
غرور ابتسمت والتفتت تشوف جاسر و خوفه على امواج وحنيته وكيف خايف عليها حتى من البكاء ،
-
اريج عقدت حواجبها : ام راكان خطبت ريهام ل راكان؟
تركي هز راسه بالايجاب : اي و ابوي رايح لهم مسوين عزيمه،
اريج : ما شاء الله الله يوفقهم ، والتفتت من رن جوالها ابتسمت تشوف رقم نايف مشت لغرفتها ترد وهي مبتسمه،
نايف : ي اهلين وينك مالك حس حتى رساله ما ارسلتي؟
اريج : كنت مشغوله ما فضيت ،
نايف : ومتى ان شاء الله تفضين وتعطيني من وقتك؟
اريج بضحكه : الحين ،
تركي كان واقف بالسطح يشرب من قهوته و سرحان والتفت من دخلت شوق وهي ماسكه كوب قهوتها ومشت توقف جنبه تناظر من السطح للشوارع وناظرت فيه : وش تفكر؟
تركي هز راسه بالنفي وهو يمد يده يحضنها من جنب ويشرب من قهوته : فراس نام؟
شوق هزت راسها بالايجاب : اي نام وحبيبي تعبان مزكم ،
-
كانو طالعين من المستشفى و ترف تضحك عليه ،
مشاري بصدمه : والله مو مصدق ، ومد يده يطلع جواله ،
ترف : اوف لا تعلم خويك و تخرب ابي اصدم غرور ،
مشاري ما رد عليها وهو يتصل على جاسر والتفت على ترف ونطق : جابوا بنتهم في السماء وحنا نجيبها ورا الشمس ، الا ورد جاسر : هلا،
مشاري بفرح : اصير اب ي جاسر،
جاسر نطق بصوت عالي : احلف!
غرور رفعت نظرها : شفيك؟
جاسر التفت : مشاري زوجته حامل،
غرور ضحكت بفرح : والله؟
-
= بعد مرور زمني بعد سنين =
-
ام عبدالعزيز كانت جالسه تبكي على فلاح الي مات ب حادث،
و شريفه تحاول تهديها ونطقت : الله يرحمه مو بيدنا شي.
عبدالعزيز تنهد : يمه خلاص كمل سنه بقبره وانتي باقي تبكين ادعي له هو يحتاج دعواتك مو بكاءك ،
ام عبدالعزيز ببكاء : راح وهو مو راضي عني راح وهو مو راضي،
عبدالعزيز : بسبب تصرفاتك مع عمتي ي يمه هو قال انه تزوج منها عشان انحرق بيتهم واهلها ماتوا ومالها احد و ابوي الي كان يهتم فيها و اضطر يتزوج منها كان رضيتي بالامر ،
شريفه بهدوء : خلاص الي صار صار ماله داعي نرجع للماضي،
دخل زياد وهو يبكي : بابا ارياف كبت عصيري ،
عبدالعزيز التفت ونطق : ي من ذي الارياف ي بابا ،
ام عبدالعزيز ناظرت ل زياد وفتحت ذراعينها زياد ركض يحضنها، عبدالعزيز ابتسم يناظر دخلت هنوف وهي شايله ولدها فلاح جابت ولد وعبدالعزيز سماه ع اسم ابوه ومدته ل شريفه : بروح اتجهز بنمشي للعرس س ٩،
عبدالعزيز : استعجلي يقلبي والله وراي دوام ،
شريفه التفتت على ام عبدالعزيز : تروحين العرس؟
ام عبدالعزيز هزت راسها بالنفي : لا والله مالي خلق ،
-
غرور عقدت حواجبها : وحنا شدخلنا نروح ي عنود؟
عنود : تكفين ي غرور عشان خاطر امواج نروح ،
غرور صدت وجهها : الله يوفقها هي و راكان انا ماني رايحه،
عنود : لا تنسين انها كانت صحبتنا بيوم من الايام ،
غرور التفتت : ولا تنسين انها بيوم خدعتني!
عنود سكتت : اجل انا بعد ماني رايحه اجلس عندك اتقهوى،
غرور ضحكت وناظرت ل امواج تلعب مع هتان ،
عنود : مو ناويه تجيبين بيبي ثاني؟
غرور : اسكتي بس انتي كم سنه لك وانتي ماعندك الا هتان!
غرور بضحكه : اقول خليني اتصل على محمد اقوله اجلس عندك، واخذت جوالها وهي تتصل عليه ، محمد كان جالس في المجلس مع تركي و ابوه و فراس يحضنه و بنت تركي تالين مع ابو سطام و رد : هلا ي عنود ؟
عنود : ما بروح العرس اجلس عند غرور ،
محمد : غريب ليه ما تروحين ؟
عنود : بس مالي خلق روح انت مع تركي ،
محمد : لا والله ماني رايح دامك ما تروحين ،
-
شوق : يلا تركي وصلني عند اهلي بعدين روح للعرس ،
تركي : والله يقلبي اني تاخرت كل دقيقه يتصل علي ابوها ،
شوق : الله يخليك تركي خلنا نروح ،
تركي تنهد : طيب تجهزي بسرعه ماراح انتظر اكثر من دقيقه،
شوق : خير وش شايفني!
تركي ضحك ومشى للمجلس
-
مشاري كان جالس مبتسم يطالع ب ولده سعود ونطق : والله انه يشبه ابوي ما اخذ بس اسمه حتى شُبهه،
ترف جلست ونطقت : خلني اغير له اروح مع البنات يتجمعون كلهم ب كافيه نتقهوى ،
مشاري : يلا اجل خليني اشوف جاسر وين اروح عنده ،
-
في جِدة عند غرور وجاسر عند البحر الاحمر ,
جاسر كان ماسك يدين امواج عند البحر يلاعبها وغرور نزلت لابسه فستان ابيض وحامل بشهر الثامن ب ولد وبيدها صحن الفواكه توجهت لهم وهي مبتسمه تناظر جاسر رفع نظره يطالع فيها وترك امواج على الرمل يلعب بيدينها وتوجه ل غرور وهو مبتسم غرور مدت له الشوكه ونطقت : البطيخ بارد يسرسح،
ضحك وهو ياكل من يدها ويطالع ب امواج : بابا امواج ،
امواج التفتت تناظر فيهم ونطقت : ءءبابا ،
ضحك جاسر ومشى يشيلها توجهت لهم غرور و مدت الفراوله ل امواج : بردي على قلبك ي ماما ،
جاسر ضحك وهو يناظر فيهم ،
-
ام فيصل كانت لابسه الجلابيه ونازله من الدرج وقفت وهي تطالع تشوف اطفال فيصل و نايف و شوق يركضون يلعبون بالصاله الكبير وسلمان و ساره وهنادي تصورهم وتضحك ،
رفعت نظرها وهي تتذكر الماضي كله والي عاشوها ومشت نزلت تحت طلعت عند المسبح تشوف شوق و اريج وحور وهنوف جالسين يضحكون ويسولفون و متصلين على غرور كام، ابتسمت تناظر فيهم من بعيد وهي مبتسمه والتفتت تطالع بالاطفال كيف كان بيتهم خالي من الاطفال ومن الحنية والحُب واليوم بيتهم امتلى بالاطفال و ضحكهم و صراخهم وبكاءهم وسرحت تتذكر بدايتهم و شقائهم ،
و دخلت تشوف شريفه و ام عبدالعزيز وسميره يسولفون مع هنادي ، كانوا مسوين عزيمه وكلهم متجمعين ،
-
العيال كلهم كانوا متجمعين في المجلس يسولفون ،
مشاري التفت على نايف : ي ابن الحلال تصدق الهطف ذا!
تركي : والله اني صادق اسال من فراس انه رحنا ل سويسرا ،
غيث : كيف تعرف الكذبه؟ قلت من كبره والله ،
فيصل : يخي صدقوه ابلشنا والله ،
نايف : اصدق كل شي الا تركي معليش ما اصدقه ،
دخل زياد يركض عند عبدالعزيز و فراس ماسك النعال يضربه،
مشاري بصدمه : خوش تربيه ي تركي ،
تركي ضحك وهمس : ياولدي اضرب عمك مشاري ،
نايف : شف الهطف و تربيته ، وتوجه يقوم من رن جواله ومشى طلع ابتسم يشوف اريج مشت عنده ومدت له : سعد ،
نايف : وشفيه هالولد يبكي ما يسكت؟
اريج : طفشني ما يخليني اجلس مع البنات ،
-
عماد و ناهل و غازي و ابو سطام كانوا جالسين في الشركه عندهم اجتماع وبعد ما خلصوا من الاجتماع جلسوا يتقهون،
دخلت العامله ومشت توزع عليهم التمر ،
عماد بضحكه : عز الله اشتغلنا ،
غازي : ي ابن الحلال اهم شي البطن و خلونا نمشي البيت ينتظرونا ، وقاموا يطلعون من الشركه وكل واحد ماسك قهوته،
ناهل : امشو بسيارتي مره وحده ،
-
في الحديقه ريهام كانت مبتسمه تطالع ب راكان الي يلعب ولده على اللعاب ،
ام راكان كانت جالسه تتقهوى مع ريهام ،
-
- اتمنى نالت اعجابكم💜
النهايه
ابدأ من البداية
