حتى مطلع الفجر

الورد التاسع

السلام عليكم
نازك الحمراني

‏منذُ اِستشهَاد السَّيدة فاطِمَة الزَّهراء بصَدرِه نَارٌ لا تنطَفِئ،
حتَّى قال : "فُزتُ وربّ الكعبَة

خابرني ابوي ضايج يعاتبني
-يعسوب بويه اشوكت تجي

-مابقى شي بويه البارحه يمك جاي اجي بليل واشوفك محتاج شي

-لا بويه بس هن كم يوم مافاطر يمي ويم اخوك

-بويه الايام الاربعه جانت اكو ترميمات بالمسجد فما اجي اما اليوم ليلة21ايام اعتكاف ومايصر اطلع من اعتكافي وانت تعرف بعد

-الله يوفقك وليدي ويقضي حاجتك ياعين ابوك

-اشكرك بويه اهم شي رضاك
غلقته وعيني تذرف دمع مااريد اتذكر الصار خلي حبي بقلبي و هيج تنساني بسرعه وترجع الحياتها وانا الي
الصبر والحسنه ولأثابه
رفعت راسي للسماء ادعي

-يارب مكنني من النسيان
يارب بقدرتك اقنعتني هي مو قسمتي
قنع قلبي يسكت عن حبها
قنع عقلي يوكف عن التفكير بيها

نصيت راسي اسبح تسبيح امنا الحنونه وتذكرت كلام حجي ابو اسماعيل من كتله اريد اخطب بنتك جان هنا جوابه قاسي كلي بلحرف الواحد

-منووووو بنتي أنت تريد تخطب بنتي ليش بويه هاااااا
صرت تاجر صرت غني
عندك حساب بالبنك
عندك سياره مثل سيارتي
لووو انت تكدر على طلباتها هي العطر الواحد من عطورها يعادل سعر عيشتكم مال شهرررررر

انت اشلون فكرت هيج المفروض حتى تفكير مايخطر على بالك موو دور تطلب.

اسف ابني اذا تأذيت بس واقع
واقع حال كلمن يمد ايده على كد غطاه
جاوبته

-انا طلبت على سنة الله ورسوله ياحجي وانت مقام ابوي الرفض هم لازم يكون نفس الطلب.

-اشلون نفس الطلب انت صدمتني صدمه مصايره عل عموم ماراح اكلك اشلون اجتك الجرائه وطلبتها مني لان
هذا الموضوع ميهمني واثق بيك

انت معندك علاقه بنتي..
واثق بنتي هي متفكر بشخص مثلك

-اشكرك عمي

-الشكر لله وليدي انت اذا تطلب افلوس من المليون للعشره بطن عيني انت غالي عليه تطلب شغل تدلل لذالك راح اسوي نفسي ماسمعتك
ولا تجرأت طلبت هذا طلبك
لان أنت ابن صديقي وحسبت ابني والاب يسامح ويغفر

-بس ياعمي

-خليني أكمل وليدي

-وانا راح الموضوع ماافتحه حتى ويه الحجيه ام اسماعيل ابد ابد وحتى ويه والدك ماافتحه لان موضوع ميسوه عندي درهم وراح اخلي كلشي على وضعه وهسه كوم ويايه