رقيه ـــــــــــــــ مادري وين اروح ولا وين الله يوديني المهم هربت المهم طلعت من حجري من عذابي شفت ستاركس اشرت وكف صعدت جانو اكثر شي ام وبنتها ابو وابنه لو اخوه جنت استنقص لا اخ لا ام لا اب
ـــــــــــــــ اختي وين واصله
رقيه ـــــــــــــــ مادري
ـــــــــــــــ نعم
رقيه ـــــــــــــــ قصدي نزلني هنا هنا نزلني شكرا،،،،، انطيت الكروه ونزلت اتمشى مدري حايره وهذا الليل ناحرني اجه تجاهي شرطي جان يخابر كال اسمج رقيه
رقيه ـــــــــــــــ اي اني
العسكري ـــــــــــــــ سيدي لكيتها لا سيدي ماضيع
رقيه ـــــــــــــــ ممن د ددزك
العسكري ـــــــــــــــ الضابط عمر
رقيه ـــــــــــــــ حسيت بأمان من سمعت بسمه وكلتله الله يخليك خلي يجي بساع لا يلكوني الله يخليك
العسكري ـــــــــــــــ لتخافين بنت امي هسه يجي الضابط
رقيه ـــــــــــــــ كعدت عالرصيف والشرطي واكف يمي شويه وصفت سياره يمنه مضلله حكوميه نزل منها دحكلي بنضرات تجدح غضب
عمر ـــــــــــــــ يلى امشي
رقيه ـــــــــــــــ اي
عمر ـــــــــــــــ شكرا الك البطل ربي يحفضك ويقويك
العسكري ـــــــــــــــ لا سيدي هذا واجبي
عمر ـــــــــــــــ تسلم مانسالك هالمعروف
رقيه ـــــــــــــــ بعد ماكمل حجي صعدنه بالسياره صعدت وره لحالي دحكت بالمرايه لكيته يدحكلي بغضب نزلت راسي بعد شويه هم رفعت راسي لكيته يدحكلي،،،، ا ا اكلك ااانتبه ل للطريق لنسوي ح حادث،،،، وكف السياره وكال
عمر ـــــــــــــــ اي بله ست رقيه شلون هربتي ليش شهااصلافه شهالامكانيه
رقيه ـــــــــــــــ
عمر ـــــــــــــــ جنت مستخطيج طلعتي تستاهلين مايلامون عمامي من ماينطوج عين طلعتي مو هينه
رقيه ـــــــــــــــ همه سج
عمر ـــــــــــــــ صوت ماسمعلج فاهمه اتضمين لسانج لا والله والله الحق لا طلقه براسج واخلص منج
رقيه ـــــــــــــــ سكتت لان اني جبانه مكدر ارد دموعي تنزل حسيت بالنقص لو اهلي عايشين ماطريت اعيش كل هذا حتى الجان يدافعلي هسه واكف ضدي جان عندي بصيص امل صغير بس هسه كلشي انهدم رجعنه لبيت عمامي واول مارجعت سحبوني من وراه ودگ كتل وهوا ولا فازعلي اتوسل بيه ولا يفزع بهذيج اللحضه حقدت عليه حيل حقدت ورما دموني هوا بس يدحگ،،،،، حسبنا الله ونعم الوكيل بيكم
ابو محمد ــــــــــــ ولج ك..... هاي عليمن
رقيه ـــــــــــــــ هئ هئ
ابو محمد ـــــــــــــــ بنت الكلب
رقيه ـــــــــــــــ رجع يكتلني وعمر بس يدحك ويدخن ضليت اتوسل بيه يجي يساعدني ولا رفله جفن اجه گعد يمي وگال
عمر ـــــــــــــــ نزلتي من عيني
رقيه ـــــــــــــــ هئ هئ هئ هئ
عمر ـــــــــــــــ وسم
رقيه ـــــــــــــــ هئهئهئيئ.... اجه عمي سحلني للمخزن ومرا تلتيام اجت هزار
هزار ـــــــــــــــ راح اتزوجين گومي 😒😡
رقيه ـــــــــــــــ ازوج
هزار ـــــــــــــــ اي
رقيه ـــــــــــــــ منو
هزار ـــــــــــــــ شايب
رقيه ـــــــــــــــ م م مازوج اني بعدني جاهل ششفت من حياتي
هزار ـــــــــــــــ هوا انتي عندج حياة اصلا
رقيه ـــــــــــــــ هئ ماريد ازوج
هزار ـــــــــــــــ حتتزوجين الاغا عمر
رقيه ـــــــــــــــ عمر
هزار ـــــــــــــــ اي
رقيه ـــــــــــــــ ضليت ساكته فرحت لان جان يدافعلي ومافرحت لان صار مثلهم اتذكرت من مادافعلي وكمت ابجي ماطلعت ضليت ورا شويه اجت عمتي كالت عمج يريدج طلعت وياهم لكيته كاعد ويدخن ضليت واكفه مدري شكول شحجي
العم ـــــــــــــــ راح تزوجين ابن عمج ف لازم تتنازلين بالارث
رقيه ـــــــــــــــ دحكتله ولا دحكلي بس صافن عالكاع ويدخن ويستمع لعمي وهوا يطول ابن عمج يريد ييزوجج ،،،،،، بس اني ماريد ازوج،،،،،،،،، دحكلي رفع حاجبه بأزتفزاز جان يگولي ليش متت من الرعب ليش هيج صار مثلهم هاي عود اني الاحتمي بيه ثار مثلهم اوف لو ميته ويه اهلي مو احسلي عالقليله اعيش وياهم بسند واموت وياهم بدون سند
ابو اجود ـــــــــــــــ بنت الموخوش هيه بكيفج والله احلف حتى هلهوله ماكو توقعين عالاوراق وتزوجين كافي عاد متحملينج
رقيه ضليت مدنگه شحجي شگول گال
عمر ـــــــــــــــ عمي بليل نسوگ وبالاحد نگطع مهر و هالشهر نزوج
رقيه ـــــــــــــــ كال كلامه واترخص وطلع ضليت ارفض اله نكتلت خل ازوج عليش باقيه عليهم وعمر اني افهمه واكيد حيتفهمني رجعت للمخزن اجت عمتي كالت تعالي نضفي ردت اكللها ماريد انضف انتو نضفو اني ماباقيه يمكم واذا اكول لعمر يلعب بيكم فني بس استحيت استگوي بيه رحت نضفت من حلگ ساكت شويه وسمعت صياح تناديلي الشمطاء ام اجو،،،، ها عمه
ام اجود ـــــــــــــــ وعمه شلون تخلين الگاع وصخه اليوم موتج على ايدي بنت الگ....
رقيه ـــــــــــــــ جابت واير طبگته ولفته و سلبتني بيه احس روحي صعدت للسمه و نزلت گمت اگمز واگللها،،،،،، والله والله اهسه اروح اكنسها بس عوفيني الله يخليج والله اروح اكنسها عوفيني
عمر ـــــــــــــــ بعصبيه،،،،، عوفيها منو سمحلج تضربينها اني شگايل
رقيه ـــــــــــــــ ضلت ساكته ماجاوبت
عمر ـــــــــــــــ احجي وياج شكلتلكم اني
ام اجود ـــــــــــــــ مو كانضفت زين وبعد شويه يجونه خطار
عمر ـــــــــــــــ وشبيهن بناتكم مكسرات مايشتغلن لو محنايات
ام اجود ـــــــــــــــ ها مو عدهن دراسه
عمر ـــــــــــــــ عدهن دراسه بطلتوها من مدرستها علمود هنه ينجحن ويعيشن حياتهن وهيه تضللكم خدامه مو اسمعي زين رقيه مالج دخل بيها لتطلبين منها شي لا والله وقسم ب الله اذا اسمع مشغلينها لو مسمعينها كلمه اگلبلكم بيتكم جحيم
ام اجود ـــــــــــــــ ان شاء الله اجيت شمحتاج
عمر ـــــــــــــــ ماحتاج شي بس اجيت تا گللكم الغرفه مالت امي القديمه تخلونها للرقيه تعيش بيها بين مانزوج
ام اجود ـــــــــــــــ اي روحي نضفيها
عمر ـــــــــــــــ لا لا مو هيه نضفتلكم بيتكم صار دوركم تنضفولها غرفتها رد الواجب مو هيج ام جودي الحلو
ام اجود ـــــــــــــــ اي هسه اكل لبنات ينضفن اني رايحه
عمر ـــــــــــــــ سلميلي على اجود بطريقج اذا خاتل
رقيه ـــــــــــــــ شكرا عمر
عمر ـــــــــــــــ ترفضين بسيطه الج
رقيه ـــــــــــــــ عمر اسمعني
عمر ـــــــــــــــ ولي منا
رقيه ـــــــــــــــ عمر لتروح بس اسمعني
عمر ـــــــــــــــ كلت ولي منا
رقيه ـــــــــــــــ بس اوكف عمر بس اوكف الله يخليك
عمر ـــــــــــــــ لتعصبيني فوك ماني محمل عليج ترا صارن هوايه و من اضلين هيج انفجر بيج ومن انفجر بيج تشوفين عمر ثاني فديري بالج مني
رقيه ـــــــــــــــ تدري ليش هربت
عمر ـــــــــــــــ ولا اريد ادري
رقيه ـــــــــــــــ عمر الله يخليك بس خل احجيلك الله يخليك بس اسمعني اذا انته الوحيد الواگف بضهري واتخليت عني هئ
عمر ـــــــــــــــ لتبجين واحجيلي اسمعج
رقيه ـــــــــــــــ من ورا ما صارت العركه ورحت عمامي سجنوني ضليت يومين بلا اكل ولا شرب صرت خيط لا اكدر ارفع ايد ولا رجل وبعدهن جابولي مي واكل واكلت صرت احسن عمي كال اذا تريدين تطلعين لازم تنطينه الورث اني كلتله اي انطيك الورث خلاني اطلع ضليت اجذب عليهم و همه معتنين بيه هالفتره بس ادري بيهم بس عمود من ياخذون الورث يردون على عكرهم اني شسويت هربت ردت اجي لمنطقتكم بس الطرق مختلفه تهت وتندمت طلعت اجه عليه عسكري
