انتي وتيني❤️

part 20✨

رزان بهمس هي الأخرى: ايوا ما اخوكي البأف ده عايز الحرق بصراحه

سيلا : ايوا معاكي حق والله ربنا يسترها بقا

رزان : يا رب

كارولين وقالت بخبث: هو انتوا بتتودوا في اي ما تسمعونا كده بتقولوا اي

رزان بمكر: وانتي ايش دخلك اصلا وبعدين احنا بنتكلم في موضوع سلكان كده انتي متعرفيش حاجه عنه

ضحكوا كل من كان يجلس ونظرت إليها كارولين بغضب وكره وصمتت
كارولين في نفسها بضيق: هو فين أمير اوففف بقا راح فين وسابني وسط الناس دييي

ذهب أمير الي حديقه المنزل حتى يستنشق بعض الهواء النقي فرأى إيلين تقف لوحدها وتنظر الي السماء بشرود  فذهب إليها

أمير : اي يا إيلين واقفه لوحدك كده ليي لم ترد عليه إيلين وظلت تنظر إلي السماء

أمير : انا مش عارف اقولك اي بس انا اسف بجد اسف لاني مديت ايدي عليكي بس انا كنت متعصب وقتها وانتي عصبتيني اكتر ومحستش بنفسي الا وانا بضربك

نظرت له إيلين بسخرية ولم تنطق بحرف فقال لها : لا اتكلمي معايا اتعصبي اعملي الي انتي عايزاه انا عارف انك مش طيقاني بس متسكتيش كده

إيلين ببرود : عايزني اقولك اي يا أمير ثم سكتت بعض الوقت وقالت بعصبيه كبيره وصراخ اقولك اني بحبك رغم كل الي عملته فيا  ولا اقولك اني لسه باقيه عليك رغم جرحك ليا وكنت بحاول اعمل كل حاجه في أيدي علشان اقرب منك واحاول تخليك تحس بيا رغم صدك ليا وكلامك الدبش معايا ومع انك جيت وقولتلي انا مش بحبك وجرحتني جامد لكن اعمل اي في قلبييي الخاين الي ساب الكل وجيه حبك انت وانت استقبلت حبي بسخرية وبرود تام انا مكنتش بشوف حد غيرك من وانا صغيره وانا بكن ليك المشاعر وقولت معلش يا إيلين هيحس بيكي مع الوقت لكن أنت مبتحسش انت واحد معدوم المشاعر  وفي الاخر تسيبني بعد كل محاولاتي دي وتروح لواحده جربوعه مش شبهك وتحبها لا كمان وتخطبها وتصدق كل كلمه بتقولهالك اني اتعديت عليها وضربتها للدرجه دي تصدق اني بلطجيه وبتصرف بالهجميه دي لا ومكفكش ده كله جاي تضربني في الاخر علشان خاطر واحده متستاهلش ومقدرتش اني بنت عمك قالت بقوه وهي تمسح دموعها اثر انفعالها بس انت جبت الناهيه خلاص انت كسرت كل حاجه جوايا وكل المشاعر الي كنت بكنها ليك اختفت انت من النهارده بن عمي وبس يا أمير بس صدقني هتندم في الاخر وهتعرف أن كارولين واحده متستاهلش بس هيكون فات الأوان أتى الجميع علي صوتهم  ولكنهم لم يسمعوا اي شئ كل ما رأوه أن إيلين منهاره وأمير ينظر إليها بصدمه غادرت إيلين الحفل وهي منهاره ركبت سيارتها وغادرت

فقال محمد : مالها إيلين يا أمير

حامد : في اي يا أمير اي الي حصل

ظل أمير صامت ولم يتحدث فقالت رزان : ممكن تفهمني اي الي حصل يا أمير

أمير ببرود: محصلش حاجه محصلش حاجه مجرد سوء تفاهم بس وغادر وتركهم  فقالت رزان بهمس لسيلا: طلاما إيلين انهارت كده يبقي كل حاجه انتهت بالنسبالها