Apologize , my baby's father ( Complete )

Part : 22 [ U & Z ]

ပြောပြီးစားပွဲပေါ်လက်နှစ်ဖက်ထောက်ကာမျက်နှာကိုလက်ဝါးနှစ်ဖက်နဲ့အုပ်ပြီးအသံတိတ်ရှိုက်ငိုနေတဲ့‌ကျောက်ယွီကိုကြည့်ပြီး သူ့မှာစိတ်မကောင်းဖြစ်သွားရသည် ။ ကိုယ်ကမကူညီနိုင်တဲ့အပြင် ဒီလိုစိတ်ဆင်းရဲစရာကိစ္စတွေဖြစ်နေတဲ့ကောင်မလေးနောက်ကွယ်မှာကိုငယ်နဲ့ပျော်ရွှင်နေခဲ့တဲ့နေ့ရက်တွေရှိနေခဲ့၏။ သူတော်တော်မကောင်းခဲ့တာပဲ ။

" ကိုကိုကူညီနိုင်တာမရှိဘူးလား "

" ဟင့်အင်း ~ ကူညီနိုင်ရင်တောင်မကူညီပါနဲ့ ကိုကို့ကိုလည်းစိတ်မဆင်းရဲစေချင်ပါဘူး ~ သူတို့ကလက်ထပ်ပွဲအတွက်ရက်တွေအသေအချာရွေးပြီးမှကိုဖွင့်ပြောလာတာ ~ သူတို့ဘေဘီ့ကိုပေါ့ပျက်ပျက်သဘောထားတာအရမ်းသိသာတယ် စိတ်လည်းဆိုးတယ် ~ ဖေဖေကအဓိကဖြစ်နေလို့သာ ~ မတတ်နိုင်တော့ဘူးကိုကိုရယ် ~ "

ဒီကောင်မလေးကတော့သူ့ကိုတကယ်ချစ်ခဲ့ရှာတာပဲ …

" ဘေဘီလာနှုတ်ဆက်တာကိုကို ~ ဘေဘီ့ကိုမုန်းလိုက်ပါတော့ ~ "

ထွက်သွားတဲ့ကောင်မလေးကိုကြည့်ရင်းစိတ်ထဲမှာလေးလံလာသည် ။ တစ်ကယ်တမ်းအမုန်းခံရမှာသူမှမဟုတ်တာ ကိုယ်လေ ။ တကယ်အပြစ်လုပ်ထားတာကိုယ်မဟုတ်လား ။ ကိုယ့်ကိုသာခွင့်လွှတ်ပါ ကျောက်ယွီရယ် …
ကိုယ်တောင်းပန်ပါတယ် …

သူမျှော်မှန်းထားသလိုဖြစ်ပြီးပြန်လာရင်တော့ရှောင်းကျန့်တစ်ယောက်ပေါ့ပါးသွက်လက်စွာအိမ်ကိုတက်တက်ကြွကြွပြန်လာနိုင်မှာဖြစ်ပေမဲ့ အခုလိုအခြေအနေကြီးနဲ့ပြန်လာရတော့စိတ်ကလေးလံထုံမှိုင်းနေသည် ။ ကိုယ်လိုချင်တဲ့အခြေအနေဆိုပေမဲ့ ဖြစ်သွားတဲ့ကိစ္စကတော့ကိုယ်လိုချင်တဲ့ကိစ္စမဟုတ်ဘူးလေ ။

အိမ်ပြန်ရောက်တော့ခြံထဲမှာကားတစ်စီး ၊ကိုငယ်ပြန်ရောက်ပြီနေမှာပေါ့ ။ ပြောတော့ညမှပြန်ရောက်မယ်ဆိုပြီးစောလိုက်တာ ။ အိမ်ထဲဝင်တော့လည်းအောက်ထပ်မှာကိုငယ့်အရိပ်အယောင်မတွေ့ ၊ အပေါ်ထပ်မှာနားနေမှာပေါ့ ။ အခန်းထဲဝင်သွားတော့ကုတင်ပေါ်မှာအိပ်နေလေသည်။ အိပ်နေတဲ့သူက bathrobe ကြိုးကိုလျော့တိလျော့ရဲချည်ထားပြီး aircon ကိုအအေးအများကြီးတင်ထားသည်မို့ နည်းနည်းအရှိန်လျှော့ပေးလိုက်ရသည် ။ တော်ကြာအအေးပတ်နေမှ !