ارجوحة الحياة 🌪( باللهجة الجزائرية 🇩🇿)

بارت 2

دخلت لداخل سڨمت يماها فبلاصتهاورقدتها بعدما شربتها دواها وحالتها هدات شوية
وهيا راحت فبلاصتها هزت هديك الفاست نتاع بدرو وبقات تشوف فيها حتى لقات فيها ظرف فتحاته صابت فيه 7000 دج وورقة مكتوب فيها هادي عاوني بيها روحك نتي ويماك
معجبهاش الحال مكانتش حابة يشفق عليها معرفتش مامبا كيفاش ترجعهاله فقررت تشدها وتستغلها باش تشري الدوا ليماها وكي تتلقا بيه ترجعهاله
ناضت من بلاصتها وراحت علقت الفاست منبعد توضات وراحت لسجادتها تصلي ركعات تدعي فيهم ربي باش يخفف على يماها ويعاونهم فهاد المحنة كملت على هديك الحالة حتى سمعت اذان الفجر صلاته وقرات شوية قرآن منبعد راحت ترتاح شوية بينما طلع النهار 
باش تروح تقرا هاد العام تفوت الباك
جا الصباح فاقت فاتن قبل يماها وجدت روحها منبعد راحت توجد ماكلة ليماها وحطتلها الدوا هزت كارطابل نتاعها وخرجت صابت صحبتها وحبيبتها وشريكة اسرارها تستنى فيها
فاتن : صباح الخير سهى
سهى : صباح لخير انوشتي وش يادرا كيراها خالتي
فاتن تنهدت تنهيدة طويلة : ااااااااه وش نقولك لبارح ديتها لطبيب
سهى : ووووووواش وعلااه معيطتيلناش ندوكم انا وبابا ويما
فاتن : لالا مشي حاجة كبيرة برك طلعتلها شوية حما مبغيتش نقلقكم
سهى : فاتن راني نعرفك نتي متحبي حتى واحد يعاونك مي حنا عائلة وحدة
فاتن : ربي يخليكم لينا محبيتش نزيد نكثر عليكم ديجا نتوما لي شريتولنا الدوا المرة لي فاتت
سهى غاضتها انتيمتها بزاف معرفتش كيفاش تعاونها ولا تخفف عليها
سهى : صحا وش قالك الطبيب
فاتن : راكي عارفة هداك الطبيب المتكبر بسيف باش عطاها ايبرة قالي لازمها عملية وتخيلي العملية تسوا 15 مليون لوكان نبيع براكتنا متجيبش مامبا نص هاد المبلغ
سهى : ياربي مي 15 مليون بزاااف
فاتن : وي
سهى : مي نقدر نقول لبابا يدي قرض ويخلص عليكم ونزيدو نلمو منا ومنا
فاتن : لالا عندك تقولي لباباك ديجا لقيت حل
سهى : وش هو هاد الحل
فاتن : منبعد نقولك دروك رانا لحقنا لليسي
سهى : اوكي دوك نشوف هاد الحل

في قصر عائلة شهام :
دخل بكل رجولته للقصر لقاه كالم علباله بلي مراهمش هنا الوغ قرر يطلع لشمبرته مي سمع حس موراه دار صابها يماه خديجة
خديجة : ادهم راك هنا
راح عندها عنقها
ادهم : اووو يما لعزيزة كيراكي
خديجة وهيا تتبسم : راني بخير عليا كيشفت ولدي حاب تاكل
ادهم : لالا حاب برك نرقد
خديجة : شويا ويجو خوتك وميخلوكش ترقد ديجا راها 11:30
ادهم : علبالي ولادك سامطين رهج معليش غير بينما جاو
وغير حط رجله فدرجة لولة تحل باب الدار
..........: هاهو جاااااااااااا ولدكم وجاب خوته معاه
حط يده على وجهه
خديجة : مرحبا بيكم كاملين مي علاش يا مصعب تحب تبين روحك هاكا خوتك ساكتين ونتا الحس كثر منك
مصعب : هاباينة يما انا لكبير يعني بعد ادهم معناه لازم نبين روحي صح ولا راني غالط خوتي
نسرين : اووه بدا يتشوكر علينا
مصعب : هههههه ننن حاشا
قيس : باين بلي حاشا
مصعب : ايا تشو راكم داصرو
حتى شاف ادهم
مصعب : اوووووووووه الاخ الكبير والقدوة نتاعنا راه هنا صافي بليزيغ كي تشرفت وزرتنا
ادهم شاف فيه بنص عين وطلع لشمبرته يجري باش ما يلحقوهش وبلع لباب بلمفتاح
مصعب : راه عيان باينة
راح عند يماه باسها
نسرين : انا تاني طالعة لشمبرتي راني عيانة حدي
قيس : انا تاني نهرب
مصعب : يعني بقيت برك انا
خديجة : ههههه وي باينة هادي كيفاش كان نهارك فلافاك
مصعب : والله منعرف كنت نشوف برك استاذ داخل واستاذ خارج مفهمت والو
خديجة : لالا شد روحك وركز راه عامك التالي باش تولي ديرلنا ليزالناليز وتحل كابيني نتاعك
مصعب : راكي من نيتك انا ديجا طلعت بدمير ونتا طامعة فيا  ياودي ادا ربحت راطراباج راني ملييح ديجا راكي عارفة لي يقراو بيولوجي انا لباك وديته ب10
خديجة : ياودي ندوك نضربك نطويك نوض من حدايا
مصعب : صحا يما وش رايك لوكان تزوجيني وكنتك تفتح كابيني
بدات تنحي شنڨلا نتاعها هو فهم بلي مستقبل نتاعه فخطر ناض يجري خرج
خديجة : يا والله وتزيد تجبد على الزواج نعوقك يا لحلوف
هو بقا يضحك وطلع لشمبرته فتح لباب صونا تيلفونه لقاه ولد عمه وشريك نتاعه وليد
رد عليه
مصعب : واش غير لخير كاش بلان جديد
وليد : اهبط اهبط نروحو ندورو شويا
مصعب : يا علاه راك تشوفني العود نتاعك انا
وليد : اممم لالا نشوفك الجمل نتاعي ايا هبط
مصعب : اوكي كي نهبط نتفاهم معاك
هبط بلخف وخرج لقاه بلوطوته مرسيدس مڨاري حدا الباب
طلع فلوطو
مصعب : زعما واش مافهمتش جمل نتاعي هادي
و قرصه من وذنه
وليد بقا يتوجع : علاااه حرام عليك ابنعمي
مصعب : صاي تمشى دوك نعميك
ڨلع وليد بلوطو نتاعه
وليد : رانا جايين عندكم فليل علبالك
مصعب : علبالي حتى دار عمي سفيان راهم جايين
وليد : وي باينة
صونا تيلفون وليد ومصعب فهم بلي وحدة من صحاباته باسكو خلاط من الكبار بنت صباح وبنت عشية
وليد : آلو وي سمية
سمية : آلو عمري كيراك
وليد : راني بخير عليا ونتي
سمية : منيش بخير توحشتك
وليد : يااك اوكي دروك راني مديرونجي منبعد
وكوبا عليها ومصعب يضحك عليه
مصعب : هههههه علاه تكثر على روحك هخهههخهه
وليد : ماكان مادخلك ديها برك فلي عندك
مصعب : انا اوموا عندي ثلاث مدامات حاسب كي حالتك 300وبالشك
وليد : ايا تشو بلع
وبقا يضحك عليه يعني فيزوج خلاطين مي وليد كثر

عند فاتن و سهى :
سهى : ايا فاتن قوليلي الحل لي راه عندك
فاتن : منعرف كيفاش نقولهلك
سهى : غير قولي راني نسمع
طلعت فاتن راسها وشافت فسما وغمضت عينيها منبعد مسحت وجها بيديها
فاتن : غادي نحبس قرايا ونولي نخدم
سهى : ايا تشو حبسو تمسخير وقوليلي الحل نتاعك
فاتن حبست مشيان : مرانيش نتمسخر هادا اكثر وقت راني فيه سيريو خلاص قررت نحبس قرايا ونبدا ندور على خدمة
سهى : لااا لا مستحيل نخليك تحبسي مستحيل وجامي كيفاش تحبسي ونتي لولة فلقسم وبقا عامك التالي
فاتن : ميهمنيش الباك ديجا وش ندير بيه كي نخسر يما وش ندير بيه قولي
سهى بداو عينيها يدمعو : علااش يا فاتن راكي دمري حياتك علاش
فاتن عنقت صحبتها ولا نقولو ختها وبدات تبكي معاها
فاتن : خلااص الله يخليك نورمال ديجا لوكان نبقا نقرا منديش لباك باسكو عقلي راه برك مع يما
هدات صحبتها وكملو طريق كل وحدة عقلها فبلاصة تخمم فحل مناسب

في بلاصة وحدوخرا :
.........: صبااااح الخير يا احسن اخت فلعالم
اسيل : هادا وين تتفكر بلي عندك اخت يا ميسيو بدرو
بدرو : سمحيلي علبالك لبارح مدخلتش بكري للدار محبيتش نوضك فنص الليل
اسيل : علاه وين كنت
بدرو تنهد منبعد هدر : ياودي لوكان نقولك وين كنت
اسيل : وين كنت
حكالها كلشي من a حتى z
اسيل : ياربي مسكينة حنا عايشين فلخير والناس مسكينة تسوفري
بدرو : غي سكتي لوكان تشوفيها تبان عاد صغيرة ايا لمهم وينهم اهل الدار
اسيل : وليد خرج معلباليش وين ماما راحت لعرس صحبتها وبابا مشفتهش اصلا
بدرو : معلييش وش رايك نلعبو بلاي انا وختي
اسيل : اوكي مي لازم نروح نوجد روحي علبالك فليل غادي نروحو لدار عمي مجيد
بدرو : اوكي نلعبو برك شويا

نرجعو لقصر عائلة ادهم :
خديجة : والله يا نسيمة لازم نجيب خدامة جديدة تعاون هنا ديري اعلان ودوريلي على وحدة باش تعاون نعيمة
نسيمة ( رئيسة الخدم ) : اوكي مدام دوك نجيب وحدة متخميش
خديجة : ايا دروك روحي وجدي للعشا نتاع الليل وجدو لقاطو والحلوى ديها لشمبرة نسرين بنات عمامها غادي يجو وصالون نتاع النسا تاني حطي فيه القهوة وواش يلزم ونفس الشي معا صالون نتاع الرجال

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤
ولحقنا لنهاية البارت 2 ايا جمجمو باسكو لمرة الجاية غادي يبدا اللعب يخشان ايا تشو جمجمو وبارطاجو 🌚🌚😐😀