اسيرة قدرك

البارت 73

-بلعت ريكي وكمت وياها تمشينا بالممر
وصلنا قريب  الطوارئ شفت وليد وزيد واكفين شوفتهم خلتني اتردد التفتت على سرى.. امشي لايحسون بيه جايه وميته عليه ما اريد
امشي نرجع بطلت ما اريد اشوفه..

-قبل لا ارجع فاتت شهد صديقتها بس شافتنا
صاحت بصوت مسموع.. سرى نورهان اوكفن..

-تنهدت اهو شجابها هاي هسه ما اشوف غير زيد الي اندار وبقى صافن علينا ثواني واجه بسرعة علينا نوب هاي شهد صوتها عالي وفضيحة
كالت وهي  مبتسمه..عيني نورهان  اجيتج بالبشارة همزين شفتج اكو شخص مات عليج ونعجب بيج حيل وكال حاجوها الي..

-نرفزتني كلش حجيت بعصبية.. انتي تخبلتي
شتحجين.. قاطعني زيد.. نورهان تعاي احجي وياج..

-عفتهن ورحت يمه جان واكف مسافة
قريبه علينا اجيت يمه واحسه معصب اكيد
سمعها اخ منج شهد.. كتله مريضة شوي واجيت ويا سرى اجيك وضعي هو حجه بنتر..

-وحضرتج بدت لخطابه تنور دربج وين شايفج هذا ترى نورهان اذا مو مهاب يتخبل اني اتخبل عليج انتي تبقين مرت اخوية وغصبن عليج..

-شبيك هو غصب مسميني بإسم اخوك الي
يسمع يكول اني الي مو خوش هو منو عاف
منو منو دمر منو انتم ليش باطلين لو لان
شفتوا مريض نسيتوا عملته..

-يمعودة على كيفج امشي بس اشوفج وضعه من بعيد واحكمي انتي عليه بس امشي لخاطري..

-رحت ويا سلمت على وليد ووكفت يم
الباب كل ضني يخليني اشوفه من بعيد شو هذا دفعني للغرفة.. هاج شوفي وعود احكمي..

-اباوع لمهاب وياريت ماشايفته بهل وضع
منتهي وجهه اعظام ومبين التعب على ملامحه بسرعة رفع رأسه وعيونه عليه بنظرات
واحد ما مصدك نظرات تفسيرهن شوك لهفه عتاب بعدها حجه بتعب نطق اسمي.. نورهان حبيبتي شجابج..

-حسيت كلبي انكسر عليه ما ردت اضعف
بهالسهولة التفتت على زيد.. اترخص كتلك جايه على طبيب ما ادري بأخوك هنا عفتهم وطلعت واني احاول اهدي روحي وما تنزل دموعي
عليه..

-زيد اجه ورايه.. نورهان اهد البيت على راسج اذا فكرتي تزوجين وتعوفين اخوي وداعتج
ينتهي مهاب هالمرة كل ليلة ياكله الندم على
الي سواه ويكول ما تصير الغيري
والله يا نورهان اذا سويتيها اني اوكف بوجهج كافي عاد..

-سرى اجت وهو يصيح قبل لا ارد عليه
هي حجت بعصبية..شكو تصيح شبيك وياها؟!..

-ام الشكو عقلي اختج وخليها ترجع كافي
طوختها وهاي ترد عليه ترجع شنو انت شتحجي بابا مطلكين تعرف لو لا..