ريا، 🔞☮️(مكتمله)

بارت ٤٢،💙💘

ﺍﻟﻤﻬﻢ ﻃﻠﻌﻨﺎ ﻣﻦ ﺍﻟﺘﻔﺘﻴﺶ ﻭﻇﻠﻴﻨﺎ ﻧﻤﺸﻲ ﻟﻤﻦ ﻭﺻﻠﻨﺎ ﺳﺎﺣﺔ ﺟﺒﻴﻴﻴﻴﻴﻴﻴﻴﻴﻴﻴﺮﺓ ﻛﻠﺶ ﻭﻣﻠﻴﺎﻧﺔ ﻋﺎﻟﻢ ﺻﺎﺩﻑ ﻳﻮﻡ ﺳﺒﺖ ﻭﻋﻤﺘﻲ ﻛﺎﻟﺖ
ﺍﻡ ﻣﺤﻤﺪ ........ ﺍﻟﻠﻬﻢ ﺻﻞ ﻋﻠﻰ ﻣﺤﻤﺪ ﻭﺍﻝ ﻣﺤﻤﺪ ﺷﻮﻑ ﺍﻟﻌﺎﻟﻢ ﻣﺰﺩﺣﻤﺔ
ﺍﻡ ﺳﺠﺎﺩ ....... ﺍﻳﻲ ﺧﻴﺔ ﻫﻲ ﺯﻳﺎﺭﺓ ﺍﻟﻌﻠﻮﻳﺔ ﻳﻮﻡ ﺍﻟﺴﺒﺖ
ﺭﻳﺎ ........ ﺍﻧﻲ ﻣﻦ ﺍﺷﻮﻑ ﻫﻴﺞ ﺷﻲ ﻋﻴﻨﻲ ﺗﺪﻣﻊ ﺗﻠﻘﺎﺋﻴﺎ ﺍﺟﻮﺍﺀ ﺗﺨﺒﻞ ﻭﺍﻟﻬﻮﺍﺀ ﺣﻠﻮ ﺩﻭﺭﻧﺎ ﻋﻠﻰ ﻣﻜﺎﻥ ﻟﻜﻴﻨﺎ ﺑﺲ،ﻻﺯﻡ ﻳﺮﺣﻮﻥ ﻭﻳﺠﻴﺒﻮﻥ ﻓﺮﺍﺵ ﺭﺍﺣﻮ ﺣﻤﺰﺓ ﻭﻣﺤﻤﺪ ﺟﺎﺑﻮ ﻓﺮﺷﺘﻴﻦ ﻓﺮﺷﻨﺎ ﻭﻛﻌﺪﻧﺎ ﺧﻔﻴﻔﻴﻦ ﻣﺎﻋﻨﺪﻧﺎ ﺍﻏﺮﺍﺽ ﻫﻮﺍﻱ ﺑﺲ ﺟﻨﻄﻨﺎ ﻭﺳﻠﺔ ﺻﻐﻴﺮﺓ ﺑﻴﻬﺎ ﺍﻟﺸﻐﻼﺕ ﺍﻟﺒﺴﻴﻄﺔ ﻣﺜﻞ ﺍﻟﻜﻠﻴﺠﺔ ﻭﺍﻟﺠﺎﻱ ﻭﺑﻄﺎﻟﺔ ﻣﺎﻱ
ﺍﺭﺗﺎﺣﻴﻨﺎ ﻭﻫﻢ ﺩﺧﻠﻨﺎ ﺟﻮﺓ ﺑﺲ ﻋﺎﺩﻱ ﺍﻟﻮﻟﺪ ﻭﻳﺎﻧﺎ ﺑﺲ ﺍﻟﺘﻔﺘﻴﺶ ﻭﺍﻟﻤﺰﺍﺭ ﺍﻟﺠﻮﺓ ﻣﻔﺼﻮﻝ ﺍﻟﻤﻬﻢ ﺯﺭﻧﺎ ﻭﺻﻠﻴﻨﺎ ﻭﺭﺟﻌﻨﺎ ﺍﻧﺠﻤﻌﻨﺎ ﺳﺠﺎﺩ ﻛﺎﻝ ﺍﻟﻐﺪﺍﺀ ﻋﻠﻴﺔ ﻭﻋﻤﻲ ﻣﺎﻗﺒﻞ ﻛﺎﻟﻪ ﺍﻧﻲ ﻋﺎﺯﻣﻜﻢ ﺻﺎﺭ ﺣﺠﻲ ﻫﺬﺍ ﻳﻜﻮﻝ ﺍﻧﻲ ﺍﺟﻴﺐ ﻭﻫﺬﺍ ﻳﻜﻮﻝ ﺍﻧﻲ ﺍﺟﻴﺐ ﺍﻟﻮﻟﺪ ﻣﺮﺗﺠﻰ ﺟﺎﻥ ﻭﺍﻛﻒ ﻛﺎﻝ
ﻣﺮﺗﺠﻰ ........ ﺭﺍﺡ ﺗﺘﻌﺎﺭﻛﻮﻥ ﻣﻦ ﺻﺪﻙ ﻭﺗﺼﻴﺮ ﻣﺸﺎﻛﻞ ﻭﻻﺳﺎﻣﺢ ﺍﻟﻠﻪ ﺗﺘﻄﻮﺭ ﻭﺗﻮﺻﻞ ﻟﻼﻫﻞ ﻭﺍﺧﺘﻨﺎ ﺍﻡ ﻋﻠﻲ ‏( ﻳﻘﺼﺪ ﻧﻮﺭ ﻻﻥ ﺳﺠﺎﺩ ﻳﺼﻴﺤﻮﻟﺔ ﺍﺑﻮ ﻋﻠﻲ ‏) ﺗﺘﻄﻠﻚ ﻭﺗﺼﻴﺮ ﺳﺎﻟﻔﺔ ﺍﻟﻬﺎ ﺍﻭﻝ ﻣﺎﻟﻬﺎ ﺗﺎﻟﻲ ﻣﻦ ﻭﺭﺍﺀ ﻟﻜﻤﺘﻴﻦ ﺳﺠﺎﺩ ﻃﻠﻊ ﺍﻟﺒﺠﻴﺒﻚ ﻭﺍﻧﺖ ﻋﻤﻮ ﻭﺭﻕ ﻧﺺ ﺍﻟﻤﺒﻠﻎ ﻛﻮﻡ ﺣﻤﻮﺩﻱ ﺧﻞ ﺍﻧﻲ ﻭﻳﺎﻙ ﻧﺠﻴﺐ ﻏﺪﺍﺀ ﻓﻀﺖ ﺧﻠﺼﺖ
ﺭﻳﺎ ......... ﺻﺪﻙ ﺿﺤﻜﻨﺎ ﻋﻠﻰ ﻃﺮﻳﻘﺘﻪ ﺷﻠﻮﻥ ﺣﻠﻬﺎ ﻻﻥ ﻟﻮ ﻧﺒﻘﻰ ﻋﻠﻴﻬﻢ ﻳﺘﻤﺎﻟﺨﻮﻥ ﻭﺍﺣﻨﺔ ﻛﺎﺗﻠﻨﺔ ﺍﻟﺠﻮﻉ ﺭﺍﺣﻮ ﺍﺣﻤﺪ ﻭﻣﺮﺗﺠﻰ ﺟﺎﺑﻮ ﻋﺸﺎﺀ ﻭﺗﻌﺸﻴﻨﺎ ﻋﺒﺎﻟﻚ ﻋﺎﺋﻠﺔ ﻭﺣﺪﺓ ﻧﺤﺸﺶ ﻭﻧﻀﺤﻚ ﻭﺍﻟﻮﻟﺪ ﻛﻠﺒﻮﻫﺎ ﺳﻮﺍﻟﻒ ﻭﺗﺤﺸﻴﺶ ﻭﺍﻟﻌﺎﻟﻢ ﺍﻟﺤﻮﺍﻟﻴﻨﺎ ﺗﻀﺤﻚ ﻋﻠﻰ ﺳﻮﺍﻟﻔﻬﻢ ﺭﻏﻢ ﻫﺬﺍ ﻛﻠﻪ ﺣﻤﺰﺓ ﻣﺎﺧﻼﻧﻲ ﺍﻛﻌﺪ ﻛﺪﺍﻣﻬﻢ ﺍﻛﻌﺪ ﺑﺼﻔﻪ ﻭﻫﻮ ﻣﺎﻋﺮﻑ ﺷﻠﻮﻥ ﻳﻜﻌﺪ ﺑﺤﻴﺚ ﻳﺼﻴﺮﻟﻲ ﺳﺪ ﻭﻛﻞ ﺷﻮﻱ ﻳﺒﺎﻭﻋﻠﻲ ﻭﻳﻜﻮﻟﻲ
ﺣﻤﺰﺓ .......... ﻻﺗﻀﺤﻜﻴﻦ ﺑﺼﻮﺕ ﻋﺎﻟﻲ ﻋﻴﺐ
ﺭﻳﺎ ......... ﻣﺎﺍﺿﻮﺝ ﺍﺩﺭﻱ ﺑﻲ ﻳﻐﺎﺭ ﻭﻣﺎﻳﻘﺒﻞ ﻓﻠﺬﻟﻚ ﺍﻧﺼﻲ ﺻﻮﺗﻲ ﺍﺣﻨﺔ ﺍﻟﺒﻨﺎﺕ ﻛﺎﻋﺪﻳﻦ ﺑﺼﻔﻬﻢ ﻭﻫﻢ ﻣﺴﻮﻳﻦ ﺩﺍﺋﺮﺓ ﻭﻳﺴﻮﻟﻔﻮﻥ ﻭﺍﺣﻨﺔ ﻧﻀﺤﻚ ﻋﻠﻰ ﻋﺮﺍﻳﻜﻢ
ﺣﻤﺰﺓ ﺍﺧﺬ ﺗﺮﺍﻛﻪ ﻭﺭﺍﺡ ﻟﻠﺤﻤﺎﻣﺎﺕ ﺑﺪﻝ ﻻﻥ ﻛﻠﺶ ﺗﻀﺎﻳﻖ ﻭﺍﺟﺔ ﻭﻛﻒ ﻳﻤﻨﺎ ﺣﺮﻙ ﺍﺩﻳﻪ ﻭﻃﻚ ﺭﻛﺒﺘﻪ ﻭﻛﺎﻝ
ﺣﻤﺰﺓ ........ ﺍﻟﻠﻠﻠﻠﻪ ﻭﻟﻜﻢ ﺭﺍﺣﺔ ﻧﻔﺴﻴﺔ ﺷﻨﻮ ﻫﺎﺍﺍﺍﺍﺍﺍﺍﻳﻲ ﻛﺴﺮﻧﻲ ﺍﻟﻨﺒﻄﺮﻭﻥ
ﺭﻳﺎ ........ ﻛﻠﻬﻢ ﺗﻤﻨﻮ ﻟﻮ ﺟﺎﻳﺒﻴﻦ ﻣﻼﺑﺲ ﺣﺘﻰ ﻳﺒﺪﻟﻮﻥ ﻭﺣﺘﻰ ﺣﻤﺰﺓ ﻣﺎﻳﺪﺭﻱ ﺑﻴﺔ ﺟﺎﻳﺒﺘﻠﻪ ﺗﺮﺍﻙ ﻣﻦ ﻛﺎﻝ ﺗﻀﺎﻳﻘﺖ ﻃﻠﻌﺘﻪ ﺍﻟﻪ ﻭﻛﻠﻬﺎ ﺗﻜﻮﻝ ﻫﺎﻱ ﺍﻟﻨﺴﻮﺍﻥ ﺍﻟﺰﻳﻨﺔ ﺍﺣﻤﺪ ﺩﺍﺭ ﻭﺟﻬﻪ ﻟﻤﺮﺗﺠﻰ ﻛﺎﻟﻪ
ﺍﺣﻤﺪ ........ ﺷﻮﻑ ﺧﻮﻳﺔ ﺭﺟﺎﻭﻱ ﻳﻨﺮﺍﺩﻟﻨﺎ ﺭﻭﺣﺔ ﻻﺭﺑﻴﻞ ﻧﺸﻮﻓﻠﻨﺎ ﺻﻴﺪﺓ ﻣﻨﺎﻙ ﻣﻮ ﺍﺣﺴﻦ
ﻣﺮﺗﺠﻰ ........ ﺍﺧﺨﺨﺦ ﺍﻓﺔ ﻋﻠﻴﻚ ﻭﺗﺴﺄﻟﻨﻲ ﻛﻮﻡ ﻣﺎﺩﺍﻡ ﺍﻟﺴﻴﺎﺭﺓ ﻣﻮﺟﻮﺩﺓ ﻛﻮﻡ ﻣﺎﺩﺍﻣﻬﻢ ﻛﺎﻋﺪﻳﻦ ﻧﺮﻭﺡ ﻻﺭﺑﻴﻞ ﻧﺸﻮﻑ ﺍﻟﻤﺤﺮﻭﺳﺎﺕ ﻧﺠﻴﺒﻬﻦ ﻭﻧﺠﻲ
ﺍﺣﻤﺪ ........ ﻳﺎﻟﻠﻪ ﻳﺎﻟﻠﻪ ﻛﻮﻡ ﺧﻮﻳﺔ ﻣﺎﺩﺍﻡ ﺑﻌﺪ ﻭﻛﺖ ﻭﺍﻟﻀﻮﺓ ﻃﺎﻟﻊ
ﺭﻳﺎ ......... ﻫﻢ ﻳﺤﺠﻮﻥ ﻭﻋﺒﺎﻟﻚ ﺻﺪﻙ ﻭﺍﺣﻨﺔ ﻧﻀﺤﻚ ﺣﻤﺰﺓ ﻛﺎﻟﻠﻬﻢ
ﺣﻤﺰﺓ ........ ﻛﻌﺪﻭ ﻳﺎﺑﺔ ﻛﻌﺪﻭ ﻣﺜﻞ ﺻﺪﺗﻲ ﻣﺎﺗﻠﻜﻮﻥ ﻟﻮ ﺷﻜﺪ ﻣﺎﺗﺪﻭﺭﻭﻥ
ﻣﺤﻤﺪ ........ ﭼﺎ ﻣﺎﺩﺍﻣﻜﻢ ﺭﺍﻳﺤﻴﻦ ﺍﺧﺬﻭﻧﻲ ﻭﻳﺎﻛﻢ
ﺭﻳﺎ ......... ﻣﺤﻤﺪ ﺣﺠﺔ ﻫﻴﺞ ﻭﺭﻭﺍﻥ ﺧﺰﺭﺗﻪ ﻭﺿﺤﻜﺖ ﺑﺼﻮﺕ ﻧﺎﺻﻲ ﻭﻫﻮ ﻳﻀﺤﻚ ﻛﺎﻟﻠﻬﺎ
ﻣﺤﻤﺪ ...... ﺍﻡ ﻋﻠﻮﺵ ﻣﺎﻛﻮ ﻣﻨﺞ ﻣﺎﺍﺑﺪﻟﺞ ﺑﻨﺴﻮﺍﻥ ﺍﻟﺪﻧﻴﺎ ﻛﻠﻬﺎ
ﺭﻳﺎ ........ ﺧﻄﻴﺔ ﺧﺠﻠﻬﺎ ﻟﻠﺒﻨﻴﺔ ﻇﻠﺖ ﻣﺪﻧﻜﺔ ﻭﻭﺟﻬﺎ ﻳﻨﻄﻲ ﺍﻟﻮﺍﻥ
ﻛﻤﻨﺎ ﺍﻧﻲ ﻭﺣﻤﺰﺓ ﻭﺭﺣﻨﺎ ﻟﻠﺴﻮﻙ ﺍﻓﺘﺮﻳﻨﺎ ﺳﻮﻙ ﺣﻠﻮ ﺑﺲ ﻣﺎﺑﻲ ﺷﻐﻼﺕ ﻫﻮﺍﻱ ﻳﻌﻨﻲ ﻋﺸﺮﻳﻦ ﻣﺤﻞ ﻛﻠﻬﻢ ﻳﺒﻴﻌﻮﻥ ﻧﻔﺲ ﺍﻟﺒﻀﺎﻋﺔ ﺍﻓﺘﺮﻳﻨﺎ ﻭﺍﺷﺘﺮﻳﻨﺎ ﻛﻢ ﺷﻐﻠﺔ ﻭﺭﺟﻌﻨﺎ ﻟﻜﻴﻨﺎﻫﻢ ﻛﻞ ﻭﺍﺣﺪ ﻣﺎﺧﺬﻟﻪ ﺩﺭﺏ ﻭﺯﻫﺮﺍﺀ ﻭﺳﺒﺄ ﻣﺎﺧﺬﻫﻦ ﺍﺣﻤﺪ ﻳﻔﺮﻓﺮﻫﻦ ﻟﻜﻴﻨﺎ ﺑﺲ ﻣﺮﺗﺠﻰ ﻫﻮ ﻭﻋﻤﻲ ﻭﻋﻤﺘﻲ ﻭﺍﻡ ﺳﺠﺎﺩ ﻭﻳﻤﻬﻢ ﺍﻟﺠﻬﺎﻝ ﻭﻣﺮﺗﺠﻰ ﻣﺘﻤﺪﺩ ﻭﺍﻟﺠﻬﺎﻝ ﺻﺎﻋﺪﻳﻦ ﻋﻠﻰ ﻇﻬﺮﻩ ﻭﻳﻀﺤﻜﻮﻥ ﻭﻣﻦ ﻳﺄﺫﻭﻧﻪ ﻳﻌﻴﻂ ﻣﻦ ﺷﺎﻓﻨﺎ ﺍﺳﺘﺤﻰ ﻭﻛﻌﺪ ﻋﺪﻝ ﻭﻇﻞ ﻳﺴﻮﻟﻒ ﻭﻱ ﺣﻤﺰﺓ
ﻭﺍﻧﻲ ﺑﺼﻒ ﺣﻤﺰﺓ ﺑﺲ ﻫﻮ ﻣﺘﻘﺪﻡ ﻋﻠﻴﺔ ﻋﺒﺎﻟﻚ ﺻﺎﻳﺮﺓ ﻭﺭﺍﺀﻩ ﻋﻤﻲ ﺧﺎﺑﺮ ﻋﻠﻰ ﺍﻟﺒﺎﻗﻴﻦ ﺍﻧﺠﻤﻌﻨﺎ ﻛﻠﻨﺎ ﺩﺧﻠﻨﺎ ﺯﺭﻧﺎ ﺍﺧﺮ ﻣﺮﺓ ﻭﻃﻠﻌﻨﺎ ﺟﻤﻌﻨﺎ ﺍﻏﺮﻟﻀﻨﺎ ﺭﺍﺣﻮ ﺍﻟﻮﻟﺪ ﺳﻠﻤﻮ ﺍﻟﻔﺮﺷﺎﺕ ﻭﺟﺎﺑﻮ ﻫﻮﻳﺎﺗﻬﻢ ﻭﺍﺟﻮ ﺍﺣﻨﺔ ﺑﻌﺪﻧﺎ ﻭﺍﻛﻔﻴﻦ ﺍﺟﺖ ﻋﺎﺋﻠﺔ ﺭﺍﺩﻭ ﻳﻜﻌﺪﻭﻥ ﺑﻤﻜﺎﻧﻨﺎ ﻋﻨﺪﻫﻢ ﺛﻨﻴﻦ ﺑﻨﺎﺕ ﺣﻤﺰﺓ ﺩﻧﻚ ﻳﻠﺒﺲ ﺣﺬﺍﺋﻪ ﺗﻜﺮﻣﻮﻥ ﻭﻻﺑﺲ ﺗﺮﺍﻙ ﻃﺎﻟﻊ ﻓﺪ ﺷﻲ
ﻭﺑﻲ ﻃﺒﻊ ﻳﺠﻠﻄﻨﻲ ﺑﻲ ﻳﻔﺘﺢ ﺍﻟﺪﻛﻢ ﻣﺎﻝ ﺍﻟﻘﻤﻴﺺ ﻟﻮ ﺳﺤﺎﺏ ﺍﻟﺘﺮﺍﻙ ﺍﻟﻤﻬﻢ ﻳﻜﺸﻒ ﺻﺪﺭﻩ ﻳﻜﻮﻝ ﺍﺧﺘﻨﻚ ﻭﻫﺎﻱ ﺍﻟﺒﻨﺎﺕ ﻛﺎﺗﻼﺕ ﻧﻔﺴﻬﻦ ﻋﻠﻴﻪ ﻭﻫﺎﻱ ﺍﻟﻌﺎﺋﻠﺔ ﺍﻟﻮﻛﻔﺖ ﺍﻛﻮ ﺛﻨﻴﻦ ﺑﻨﺎﺕ ﻣﻤﻠﻄﺨﺎﺕ ﻭﺟﻬﻬﻦ ﺗﻤﻠﻄﺦ ﺭﻏﻢ ﻫﻦ ﺣﻠﻮﺍﺕ ﺑﺲ ﻣﻨﻴﻦ ﻧﺠﻴﺐ ﺍﻟﺜﻘﺔ ﻻﺑﻦ ﺍﺩﺍﻡ ﻇﻠﻦ ﺛﻨﻴﻨﻬﻦ ﻋﻴﻨﻬﻦ ﻟﺤﻤﺰﺓ ﻭﻫﻮ ﻣﺪﻧﻚ ﺑﺎﻭﻋﺘﻠﻬﻦ ﺧﺰﺭﺗﻬﻦ ﻭﺣﺪﺓ ﺣﺴﺖ ﻋﻠﻰ ﺩﻣﻬﺎ ﻭﺩﺍﺭﺕ ﻭﺟﻬﻬﺎ ﻭﻭﺣﺪﺓ ﻭﻻ ﻋﺒﺎﻟﻚ ﻳﻤﻬﺎ
ﺩﻧﻜﺖ ﺳﻮﻳﺖ ﻧﻔﺴﻲ ﺍﺳﺎﻋﺪﻩ ﻭﺻﺮﺕ ﺑﻨﻪ ﻭﺑﻴﻨﻬﺎ ﻛﻮﺗﻠﻪ ﻳﺎﻟﻠﻪ ﺣﺒﻴﺒﻲ ﺭﺍﺡ ﻧﺘﺄﺧﺮ ﻋﻠﻴﻬﻢ
ﺣﻤﺰﺓ ....... ﻳﺎﻟﻠﻪ ﻋﻤﺮﻱ ﺑﺲ ﺷﻜﻞ ﺍﻟﻘﻴﻄﺎﻥ ﻣﺎ ﺟﺎﻱ ﻳﻨﺴﺪ
ﺭﻳﺎ ....... ﺳﺪ ﻭﻛﻤﻞ ﻭﺭﻓﻊ ﺭﺍﺳﻪ ﺍﺑﺘﺴﻤﻠﻲ ﻭﻟﺰﻡ ﺍﻳﺪﻱ ﻭﻣﺸﻴﻨﺔ ﺻﺪﻛﻮ ﺩﺭﺕ ﻋﻴﻨﻲ ﻭﻫﺎﻱ ﺍﻟﺼﻠﻔﺔ ﺗﺎﺑﻮﻉ ﻋﻠﻴﻨﺎ ﻣﻦ ﻛﻮﻥ ﻭﺟﻊ ﺍﻱ ﻭﺍﻟﻠﻪ ﻣﺎﺷﺎﻳﻔﺎﺕ ﺯﻟﻢ ﺛﻮﻝ
ﻣﺸﻴﻨﺎ ﻟﻠﺴﻴﺎﺭﺓ ﻫﻮ ﺭﻛﺐ ﻟﻴﻜﺪﺍﻡ ﻭﺍﻧﻲ ﻟﻴﻮﺭﺍﺀ ﻳﻢ ﺯﻫﺮﺍﺀ ﺑﺲ ﺯﻫﺮﺍﺀ ﻣﻦ ﺍﺣﻨﺔ ﺑﻜﺮﺑﻼﺀ ﻭﻫﻲ ﺿﺎﻳﺠﺔ ﻭﺷﻜﺪ ﺑﭽﺖ ﺑﻀﺮﻳﺢ ﺍﺑﻮ ﺍﻟﻔﻀﻞ ﺍﻟﻌﺒﺎﺱ ﺟﺎﻧﺖ ﻋﻴﻨﻬﺎ ﻟﻠﺸﺒﺎﻙ ﻭﺗﺒﭽﻲ ﻭﻣﻨﻬﺎ ﺑﻌﺪ ﻻﺳﻮﻟﻔﺖ ﻭﻻﺿﺤﻜﺖ ﻭﺑﺲ ﺗﺬﺏ ﺣﺴﺮﺍﺕ
ﻃﻠﻌﻨﺎ ﻣﻦ ﺍﻟﻜﺮﺍﺝ ﺟﺎﻥ ﺍﻟﻮﻗﺖ ﺏ 4 ﺍﻟﻌﺼﺮ ﺍﺗﻜﻠﻨﺎ ﻋﻠﻰ ﺍﻟﻠﻪ ﻭﺍﻫﻞ ﺍﻟﺒﻴﺖ ﻭﻃﻠﻌﻨﺎ ﻟﻠﺒﺼﺮﺓ ﺯﻫﺮﺍﺀ ﻃﻮﻝ ﺍﻟﻄﺮﻳﻖ ﺻﺎﻓﻨﺔ ﺳﺒﺄ ﺟﺎﻧﺖ ﻛﺎﻋﺪﺓ ﺑﺼﻒ ﺍﻟﺸﺒﺎﻙ ﺑﻤﻜﺎﻥ ﺯﻫﺮﺍﺀ ﻭﺯﻫﺮﺍﺀ ﻛﻌﺪﺕ ﺑﻨﺼﻨﺎ ﻭﻋﻴﻨﺎ ﺗﺒﺎﻭﻉ ﻟﻠﺸﺒﺎﻙ ﺍﻟﺒﺼﻔﻲ ﻭﻣﺒﻮﺯﺓ ﻛﻮﻟﺘﻠﻬﺎ ﺷﺒﻴﺞ ﺯﻫﻮﺭ ﺷﻮ ﺿﺎﻳﺠﺔ

ها شلونه البارت 🤕

🚸💜

لحد ينسى التصويت والتعليق😘💘

، 💙💛

سؤال :

ملاحظة / بس يوصلن التعليقات لل ٧٠٠ هسه انزل ما انتضر لثاني يوم وبكيفكم بعد 😁💘💛