في ضريح العشق حمامـــــه......💙🕊

البارت الواحد والعشرون

خالتي ڪالت هذا الولد ڪله انت ..

محمد ـ ماادري اني اشوف بي خاله ارشد...

اتقرب محمد شاله ومن اجه الخط طلعو وراي يلوحلي بيده بيبياي ويضحڪ ـ

صبحت على ريتا وخلود
وريتا ڪالت خابرتني عمتي البارحه تريد تعرف موافقتي على دانيال ـ وهم موافقين نعيش ابغداد مو بالموصل .. يعني مانتفارڪ ...

مها ...شلون خبر حلو من الصبح ان شالله الف الف مبروڪ فرحيتيني والنبي ـ

اليوم اني مصبحه بوجه انس ..

خلود ..ڪلش احب انس ويمڪن احجزه لبنتي ـ بس شلون انتي عمتها اخاف تشلعين ڪلبها والنبي ...

مها ....عابت عابت اذا بنتج اشلع ڪلبها ....

ريتا ...بس العرس بالموصل وفتره ونرجع لبغداد ـ

رديت بيها الخير تتهنين ان شالله ....

وصلنا الجامعه وبعد محاضرتين صار عندي وقت اروح لاستاذتي علمود تشوف باقي المباحث ...

خلود ماقبلت تروح وياي تڪول اسلوبها الاستاذه ڪلش استفزازي واني حوصلتي صغيره اروح اطفر بڪلمه واخرب الاول والتالي .....

ريتا ڪالت واني همات حيل ضايجه منها ومن اسلوبها تتعامل وي الڪل بتعالي....

رحت بوحدي وڪالعاده ماعجبها رغم الترتيب والدقه المتبعتها اني ـ

رجعت احجي وي نفسي اخاف ناقصه احباطـ حبطتني ڪلش ..

سحبت نفس قوي واستغفرت ربي..

عبالڪ دتحاربني ....

رجعت للقاعه وسالوني البنات ڪلت الهم ماعجبها وسڪتت وهمه هم سڪتو دخلنا محاضره وبوسط المحاضره اجت الڪاتبه ڪالت الاستاذه تريدج ...

من رحت ڪالت نسيت اڪولج اني الاسبوعين الجايه ماادوام ــ

وهسه انتي مخيره... اذا عاجبج تبقين على هذا البحث ..

غيري خطه البحث بالڪامل ـ

واذا تحسين البحث بي نوع من الحداثه ومابي مصادر اختاري بحث ثاني واڪتبي عنه ...

مها ...حسيت وصلت حدها هواي....

بعد هذا االتعب ڪله والبحث شبه اڪتمل تريدني اغير ابحث ثاني وابدا من الصفر ...

ڪلت الها صح البحث بي نوع من الحداثه وقليله المصادر ـ بس اني ڪلش واثقه من ڪتابتي...

واذا ؏ تغيير الخطه اغيرها ڪلش عادي ......

ڪالت ماتشوفين نفسج تتحدين هواي ...

مها ـ عندي ثقه بمجهودي وڪتابتي ....

طلعت منها واني براكين تثور بداخلي ـ

ماصدڪت شلون خلص الدوام ووصلت البيت ـ