هلو حبايبي
.
.
عاجزة تماما علئ ان اغادرك
گما لو كنت لعنه حلت باايامي
.
.
زينب ،، مااعرف ليش اني كل شيئ يصير حوالي
عادي لا احزن ولا افرح يمكن لانو اني يتيمة الاب ولام اني زينب بنت عم ملك صح اني محسيت باليتم لانو ملك كانت هيه وجدتي اكثر من ام الي وملك كل عمرها تعتبرنا اخوان الها وابد محسستنا بفرق لدرجة
نسينا نحن ولد عم صرنا كلنا اخوان وعيله وحدة
ومخلتنا نحتاج شيئ ابد بس لا مستحيل اكو شخص يعوض حنان الام هاذي سنه اني ثالث متوسط المدرسه قريبه علئ بيتنااروح بطريقي وارجع بطريقي معلي بااحد دائما اتعرض للمذايقات بس مااهتم اعرف هل شيئ طبيعي لبسنا كلش عادي وساتر
اخوي احمد اخي الحقيقي احسه حزين ومنعزل بس من يشوف ملك يترك بؤسه ويتعامل طبيع ميريد يحسسها بحزنه كل شيئ صار بحياتنا بفضل ملك
لذالك الكل يحترمها ويقدرها لدرجة اخوتي ولد عمي كلهم رجال صارو بس راسهم ميرفعونه بوجه ملك وكلمتها قانون احيانا اني اغار منها واحسدها علئ قوتها وهل شيئ يبعدني عن ملك ليش اني مو مثلها
حتئ صرت مااطلب منها حاجه لذالك قررت انجح السنه واروح معهد طبي حتئ اخلص بسرعه واتوضف
واعتمد علئ نفسي وحتئ فكرة اتزوج وابتعد عن العائله يمكن راح تكلون انانيه وناكرة للجميل بس صعب علئ كل انسان يشوف نفسه عالة علئ شخص ثاني ماعرف يمكن اني تفكيري دكتاتوري وانحيازي
بس ابد مااراح اتنازل عن فكرتي
لكن هاذا الشيئ مايعني انو اني مااحب ملك لا بالعكس اني كلش احبها واحترمها بس اغار والغيرة شيئ طبيعي لدئ كل انثئ
منئ ،، بعد وفاة ماما حسيت بالوحدة وكانما شيئ بداخلي انكسر مااعرف ليش رغم هيه كانت فاصله عن العالم بس تبقئ ماما وشوفتها بالبيت تكفئ هسه صدك حسيت باليتم صرت يتيمه ملك من يوم الي ماتت ماما احسها تغيرت صارت اكثر انطوائيه وعزله وحتئ شغلها اهملته بحيث صار الشغل باايد سهاد وليلا
وهم عاذريها يبقون اصدقائها
اخوتي كل واحد ملتهي بدراسته واني ثاني متوسط مرات احمد يساعدني بدروسي لانو هوة من زمان يدرسنا كلنا ولحد هاذا اليوم هوة يدرسنا ويتفقد
تطورات دراستنا ويساعدنا واذا نحتاج شيئ هوة يجيبه النا احسه متعلق بينا اكثر من اخوتنه الصدك رغم هوة ابن عمي بس نحن اخوة وهيج تربينا
احمد ،، هل فترة البيت كلش كئيب وحزين وبما انو وقت امتحانات كل واحد ملتهي بدروسه اصغر شيئ
لما وميار وهمه بصف سادس ابتدائي كلش شاطرين بس عندنا منئ شويه يردلها متابعه احاول مااتركها خطيه لذالك دائما اساعدها بدراستها
ملك من يوم وفاة امها احسها صارت انطوائيه كلش ومااعرف شلون اطلعها من هل قوقعه
اني. رجل شاب صرت اخجل اطوخ وياها كوني ابن عمها مو اخوها رغم اني اعتبرها اقرب شخص الي ام اخت بس احسها روحي بس بالحقيقه من افكر بعقل اكول تبقئ بت عمي ومعزتها عندي طبيعيه و مستحيل الواقع يتغير صح هيه اكبر مني بسبعة اعوام بس شكلها طفولي بريئ وناعمه بحيث من شلتها بيوم وفاة امها ضاعت بحضني وهل شيئ خلاني اخجل من نفسي واذكر منو ملك وزيد معزتها لدرجة حسيتها اعز من روحي اليوم. اتصلت بيه ومااعرف شتريد راح اشوفها اكيد شيئ مهم
