ملاحظه/اتمنى من يقراأ المقدمه لا يترك القصه لانها مفيده
منار /كعدت الصبح كالعاده مثل كل يوم لكيت ورده
عل ميز مالتي وبصف الورده رساله
صباح الحب على عيون اجمل حبيبه
لبست بنطرون جنز وبدي ابيض جانن ملابسي
بارزات تقاسيم جسمي نزلت لكيت خاله دتتريك
منار/صباح الخير خاله
ناهد/صباح الانوار حبيبتي شنو هالكيك من الصبح
فاتن /تسلمين خاله انت الكيك شنو ادهم شوكت
طلع محسيت عليه
ناهد/من زمان طلع اني ريكته وراح تعرفين من دره
بيج حامل الحد هسه ميحب يتعبج
منار/فدووه القلبه حبيبي
خل اخابره
الو حياتي وقلبي وعمري اشتاقيتلك
اني اكثر حياتي وعمري وروحي
شنو شوكت ترجع اليوم مشتاقتلك هواي
حياتي انتي اكمل الشغل البيدي واتفرغ الج
اموت عليك حبي موعلساس باجر اروح ازور قبر ماما خوما نسيت
حياتي انت اكيد مناسي
مممم ماشي قلبي بس ردت اذكرك
............................
حسيت على واحد يدفر بيه برجله كوومي موتيني ساعة السوده سااعه يالله تكعدين
منار/هفففف كعدت
حياتج بس نووم خبلتيني وتكولين ليش سمينه طبعآ تسمنين اذا اكثر وقتج نوم شنو متشبعين نوم انت
منار/هفففف هفففف يوميه نفس الحجي ماما تعامليني ولا كانما بنتج والله
اي هاي الاسطوانه ماعندج غيرهه بدليهه شويه منو انت حتى تشككيني بامومتي
منار/اشككج بامومتج اي صحيح
فاتن/يلله كومي اليوم راح يجي واحد يشوفج بلكت يقتنع بيج ولو مأيسه اني بس بلكت
منار/ماما كافي الله يخليج كافي تره شكلي مقبول وطبه مرض الي ميقتنع كافي رحمه الدينج
بعدني احجي طلعت وعافتني ودخل استاذ سيف
اخويه عشتو بالسادس بس مو اعدادي ابتدائي
سيف/شنو تعلين صوتج وبعدين ولج لارا خاله حمره انت مو
منار/انت شعليك
سيف/شنو شعليه شنو تخلين حمره والله اكسر
راسج اذا خليتيهه وهذا تراكسودج مو بابا كلج
لتلبسي بعد
منار/دولي ولي بكد القندره وتريد تتحكم بيه
اجه راد يمد ايده عليه تضاربنه اني ويا
فاتن/شكوو شبيكم خمس دقايق بقيتو هيج
منار/هو يتجاوز
سيف/غصبآ ماعليج حقيره
فاتن/كاااااافي راح اظربكم اثنيناتكم والله
وانت كبري عقلج شويه لو متكبرين تبقين زعطوطه
عمرج ١٧ سنه وخاله عقلج ويه طفل
سيف/امشي مسحي الحمره لا اموتج والله
منار/ماامسحهه والله
فاتن/ميخالف هسه تمسحهه اطلع انت
منار/ماامسحهه والله شنو هو منو حتى يأمرني
فاتن/هو اخوج ويمنعج
منار/ اخويه هو غير اصغر مني بعدين لو علي مانعني اكول اخويه الجبير
فاتن/كااافي مللتوني لا الجبيره تاخذ الكلام ولا الصغير خل يجي ابوكم واني اعلمكم
وانت شوفي نفسج فرحانه بنفسج مخليه حمره لو شتسوين ميتصيرين حلوه
منار/انهظمت من كلام امي هواي رجعت للغرفه بيهه
مرايه معلكه بالحايط باوعت على نفسي والله
طبيعيه ليش تسقط بيه يعني الجمال مو لازم اله
بياض خل انظف وارجع انام وارجع الاحلامي
احسن ....
اسمي منار عمري ١٧ سنه تاركه دراستي لان رسبت
بالثالث واهلي بطلوني كالو ماعدنه بنيه ترسب
الترسب تبطل ملامحي طبيعيه عيون مجروره بس
مو كبار متوسطه صاحبة رموش
حنطيه بس مايله للسمار اكثر من البياض على بابا
ملامحي البقيه طبيعيه مثلي مثل البنات الطبيعيات
شعري سرح وطويل جسمي متروس شويه مو نشاز طبيعيه
ابويه موجود يشتغل بسيارته على باب الله
اخويه علي الجبير بالجيش ووراه اختي نور
متزوجه واني وورايه شيخ سيف
اني وعلي نشبه بابا ونور وسيف على ماما حلوين
مثلهه
بعد مكملت شغل رجعت طلعت بطانيه وخليت
مخدتي بالكاع وغمضت عيني رجعت المملكتي الي
ارتاح بيهه ال ادهم حبيبي اووويلي
ادهم/شبيج ظايجه حبيبتي
منار/ادهم شبكني وبس ......
هاي مقدمة الروايه واكيد اخذتو فكره عليهه
مراح اكملهه اله اذا عجبتكم وشفت متابعه الهه وتصويت
الروايه حقيقيه ميه بالميه
صراحه كتلكم قبل حتاريت باسمهه بعد مااخذتو فكره ممكن اقتراحاتكم لأسم الروايه
YOU ARE READING
الوهم (مكتمله)
Randomقصه حقيقيه ١٠٠./. من الهم الى الوهم فتاة مراهقه تتعرض لانتقادات كثيره ..... تختار لنفسها حياة مثلما تريد لكن هل هذه الحياة حيقيقيه ام من ........... هل ستبقى نعمه ام تتحول ل نقمه..........
