ArJiya Ki Kahani

chapter 1

"Jiya.. jiya..!! Utho yar kb se awazen de rha hu main tumhe.. kitna soti ho tum" Arsal balon me brush krty huy jiya per chilla rha hy
"Offhoo Arsal, masla kya hy tumhara.. sona haram krdia hy mera.. sone do mjhy or jb tk me khud na uth jaun mjhy hilane ki bhi zarurt nhi" jiya tkye me mun de ker phr sojati hy.
"Ik tou is larki ke nakhry khtm nhi hoty.." Arsal mun me barbaraty huy jiya k pas aa ker tkya khinch k niche phenk deta hy
"Uth jaiye mrs. Jiya Arsal ali.. subh hogyi hy. Sb nashty per humara intizar kr rhy hyn. Yeh apni nind naa tum bad me poori krti rehna.. utho ab!"
Jiya harbara k uth bethti hy or dusra tkya kheench k arsal ko maarti hy jisy arsal bohat khoobsurti se bch kr nikal jata hy
"Sharam nhi ati naa tumhe jiya.. apne shohar ko ab tum maro gi" arsal jiya ko cherhne lgta hy
"Yeh jo tumne shohar shohar wala naya drama shuru kiya hyna arsal jamshed ali is se mjyy koi farq nhi parne wala.. niklo ab me aarhi hun"
Jiya gussy me arsal ko ghoorti hy
"Abhi rat ko tou barey mohabbat k daway horhy thy .." arsal jiya ki ankhon me dekh k kehta hy or jiya yak dm garbara jati hy
"Tum jaty ho ya me bulaun taai jan ko.. taai jaaaaann" jiya apni ghbrahat chupany k lye naya harba ikhtyar krti hy..
"Acha acha jata hu jata hu.. aai bari.. taai jan ko bulaun.. bivi ho tum meri.. huh.. Or suno! Tumhary lye mene peach color ka he naya jora lia hy woi pehen k ana.." arsal yeh keh k bahar nikal jata hy or jiya bed per bethe huy chehra niche kr k sharma k hnsne lgti hy..
___________
Dinning table per ghr ke tmam afraad jama hain. Shahana or naeema nashtey ka saaman table per rkh rhy hyn. Jalal ahmed tirchi nazron se billo ji or joji ko dekh rhy hyn jo k dunya o maafeeha se bekhabar ik dusry ko dekhe ja rhy hyn. Masooma jalal ko kohni maarti hyto jalal ahmed wapis apni plate per mutwjja ho k khane lgty hyn.
Kinza or sherry bhi sb se nazar bcha kr ik dusry ko dekh rhy hyn or zer e lab muskura rhy hyn.
"Bhyee ye arsal or jiya kahan reh gye hyn?? " bee jan ne sb ki trf dekhty huy kaha
"Me tou agya hu bee jan yeh apki laadli pouti ki he nind poori nhi hoti" Arsal ne kamry me dakhil hoty huy kaha
"Han tou bhyee kya hogya kl ki thakan kya kam hogi us bichari ko" bee jan ne kaha or khane me masroof hogyin
Thori dair me ajiya bhi kmrey me ajati hy or hasb e adat apni jga per bethne lgti hy
"Kya kr rhi ho jiya.. ja k apne shohar k barabar me betho" naeema ne ghoorty huy jiya ko danta or jiya mun bnati hui arsal k barabr me beth jati hy
"Jiya yeh bowl pass krna." Jiya k bethty he arsal jiya ko tease krna shuru hojata hy. Jiya khamoshi se bowl pass kr deti hy or apni plate me paratha nikal he rhi hoti hy k arsal phr tokta hy
" jiya ik paratha mjhy b dena" jiya zehr alood nazron se arsal kp ghoorti hy or paratha uski plate me rkh deti hy
"Jiya chai b dal do yar" arsal apni hnsi chupa ker ik bar phr usy mukhatib krta hy
Jiya apna gussa daba k chup chaap chai cup me undelti hy or arsal ko cup thma deti hy. Or usky kan me bolti hy
"Ab agr tumne ik bar or b mjhy nashty me disturb kiya arsal tou agla poora hafta tum apni wardrobe khud set krogy . Mjhse koi umeed na rkhna.." yeh keh k wo aram se muskuraty huy nashta krne lgti hy or arsal khamoshi se apni plate me khane lgta hy
"Chalo bhyee yeh ik shadi ko kheryt se nimat gyi.." beejan ik dm kehna shuru huin tou sb unki trf mutwjja hogye
"Ab mjhy yeh btao aagha ke kinza or sherry ke nikah ki tareekh kb rkhni hy? Kyu bhyee jalal ahmed. Tum kya kehty ho? Beejan dono ki trf dekhty huy mukhatib huin
" aray beejan um ko bhla kya aitraz o skta ae.. aap jo tareekh bolo um nikah k lye tyar ae" jalal ahmed ne poori tabedaari ka muzahira kiya
"Bs aagha ab tum btao kya tareekh rkhni hy. Me tou chahti hu yeh naik kam bhi jald az jald takmeel ko pohnche." Beejan ne agha ji se kaha
"Tou theek hy mumtaz begum is jummey ko chorh k us se agle jumme ko saadgi se nikah kr dete hyn or rukhsati kinza k papers bnty he krden gy. Theek hyna jalal miyan?" Aagha ji ne kaha or jalal ne asbaat me sir hila dia..
"Bs tou phr theek hy aj se theek 15 din bad kinza or shehryar ka nikah hy.. sb ghr wale tyariyan mukammal rkhen or khbrdaar jo is bar ksi ne koi hungama araai krne ki koshish ki" beejan ne fesla sunaty huy kaha or table se uth gyin, waha sherry or kinza ik dusry ko dekh rhy hyn or muskura rhy hyn..