Para kay Keks
Mag-isa sa kabila ng di mabilang na tao
Walang kasama maliban sa anino mo
Malayo man ang daigdig ko sa iyong mundo,
Nararamdaman ko rin ang mga paghihirap mo
Mapagpanggap ang iyong mga ngiti
Hindi ko masukat ang nararamdaman mong pighati
Nais kong lumigaya ang puso mong sawi
At bumalik ang saya sayong labi
Kung may magagawa lang sana ko upang mapasaya ka
Kung makakasama lang sana kita upang damayan ka
Nais kong titigan ang iyong mga mata
At sabihin sayong "hindi ka nag-iisa"
Ang gusto mo lang naman ay may makasama
Taong sayo ay magpapasaya
Hindi man ako ang solusyon sa iyong problema
Dalangin ko pa rin na magkaroon ng hangganan ang iyong pag-iisa
