Dahil sa pagnasang baya'y makaalpas
laban sa dayuhang lubhang nagpahirap,
mula Pugadlawin katapanga'y kumislap
sa dulo ng tabak na laya'y pangarap.
Nang dahil sa iyong sinimulang laban
piping Inang-baya'y natutong sumigaw,
Indiong pinintasan natutong humawak
ng rebolber,tabak,biyas mg kawayan.
Di lang sa'yong tapang ikaw ay dakila
dahul sa pagalab ikaw ay makata
isang manunulat na ang obra't tula'y
naging inspirasyon upang makidigma.
At bago ang lahat, ikaw'y gintong butil
dahil sa pagapi'y naging isang pangil
isang bayaning dugo'y ititigis
upang Inang- baya'y hindi na magsakit.
