ကမ္ဘာနှစ်ဖက်ခြမ်းမှ အတာသကြန် နေ့ရက်များ

Zawgyi

      နွေခေါင်ခေါင်ဖြစ်လင့်ကစား အချိန်အခါမဟုတ်သော မိုးသည် သည်းထန်စွာရွာချနေလေ၏။ ဤရွာသောမိုးသည် အေးမြစေချင်၍လား သို့မဟုတ် ပို၍ပူလောင်စေချင်သည်လားမသိ။ ပူလောင်နေသောစိတ်တို့အား အေးချမ်းစေချင်၍ရွာသွန်းပေးသည်ဆိုလျှင်ငြား အနှစ်နှစ်အလလပူလောင်နေခဲ့သော လူတစ်ချို့၏စိတ်အားအေးမြမှုကိုပေးနိုင်မည်မထင်။မပေးနိုင်ပါ။
       
          သုံးနှစ် .... သုံးနှစ်ဟူသော အချိန်ပင်ကျော်လွန်လာခဲ့ပြီ။ လူတစ်ချို့သည် ယခုချိန်ထိသွေးပူလျက်၊ တော်လှန်လျက်၊အသည်းတွင် တစ်စိမ့်စိမ့်နာကျည်းလျက်၊ ယူကြုံးမရလျက်ရှိနေသေးသည်။ သွေးများရဲရဲနီနေသေးသည်၊စိတ်ဓာတ်တို့တက်ကြွနေသေးသည် ။ တိုက်ခိုက်တော်လှန်ရန်သတ္တိကြွလျက်ပင်။တစ်နေ့မှတစ်ရက်၊တစ်ရက်မှတစ်ပက်၊တစ်ပက်မှတစ်လ၊တစ်လမှတစ်နှစ်၊တစ်နှစ်မှနှစ်နှစ်၊ယခုနှစ်နှစ်မှသုံးနှစ်သို့ကူးပြောင်းခဲ့ချေပြီလေ။ တစ်ရက်မှမပင်ပန်းခဲ့ကြ၊ပင်ပန်းသည်ဟုမငြီးငြူခဲ့ကြ၊ တစ်ရက်ကလေးမှသွေးအေးသွားသည့်နေ့မရှိခဲ့ပါ။

       တချို့သောလူများသည် အတိတ်တို့အားမေ့ကာ ပျော်ရွှင်လျက်၊ပျော်ပွဲရွှင်ပွဲများအား အားမနာတမ်းဆင်နွှဲလျက်၊သုံးနှစ်ဟူသောအချိန်အားကျော်လွန်ပြီးနောက်သွေးအေးကြကုန်၏။ကောက်ရိုးမီးပမာ ခဏတာတက်ကြွသည်။ ခဏတာတော်လှန်ခဲ့ကြသည်။ ခဏတာနာကျည်းပြသည် ။သတ္တိတို့နည်းကုန်သည်။ကြွေးကြော်ခဲ့သော စကားသံတို့သည်ကြက်ပျောက်ငှက်ပျောက် ပျောက်ကုန်၏။နာကျည်းမှုတို့သည်လျော့ကုန်၏။
    
     တော်လှန်ရေးတွင် ကျဆုံးခဲ့သော ရဲဘော်များ၊ ပြည်သူများ၊ ကလေးငယ်များ၏ပေးဆပ်မှုတို့အားမေ့ကြကုန်၏။ အသက်သွေးကြွေးများသည်သူတို့နှင့်မဆိုင်သကဲ့သို့နေနိုင်ရက်ကြသည်။ လမ်းမပေါ်တွင်စီးကျခဲ့သော သွေးတို့သည်မခြောက်နိုင်။
သွေးဟူ၍ပေကျန်နေသည့်အစွန်းများ မရှိတော့သော်ငြားလည်း သွေးများကျခဲ့ဖူးသည်အား မမေ့နိုင်။ ကြွေလွင့်ခဲ့ရသော ကြယ်ပွင့်များသည် အနာဂတ်တွင် တောက်ပနိုင်မည့်အခွင့်ရေးများမရကြတော့။လင်းလက်ခွင့်ရမည့် အနာဂတ်အားအပြီးတိုင်စွန့်လွှတ်ခဲ့ရပြီ။ အချိန်မတန်ခင် ကြွေခဲ့ရသောနိုင်ငံ၏ ငွေကြယ်ပွင့်များအတွက် ဝမ်းနည်းမဆုံး၊ နှမြောလို့မဆုံး။
     
          မိမိနှင့် အသက်တူရွယ်တူကြယ်ပွင့်များ တော်လှန်ရေးတွင်ကျဆုံးခဲ့ကြချိန်တွင် မိမိသည် နှမြောတဿ ကြေကွဲလို့မဆုံးနိုင်။ မိဘများကိုယ်စားနှလုံးကွဲကြေရ၏။ မိဘများသည် သူတို့၏ ရင်သွေး ဆုံးရှုံးရခြင်းအပေါ် ဂုဏ်ယူခဲ့ကြသည်။ ထို့နောက် အကြမ်းဖက်သူတို့အား နာကျည်းခဲ့သည်။ မုန်းတီးခဲ့သည်။ ထိုကဲ့သို့သော အဖြစ်အပျက်များသည် မိမိရင်တွင်း၌ မနေ့တနေ့က ဖြစ်ရပ်များကဲ့သို့ပင် ထင်ဟပ်နေသေးသည်။