أنا بيت قديم جدارنه من الخوف شرخت
أنا ضحكة يسمعها القتيل لو صرخت

أنا صورة من كتر الغبار اتعفرت
أنا نكتة حلوة اتكررت واهي بوخت

أنا أرض بور الهم خدها حق انتفاع
انا سهم بورصة في انخفاض مش ارتفاع

أنا متهم وماليش كمان حق الدفاع
أنا باب ومقفول من سنين مفتاحه ضاع

انا شكر بس ومنظر انما مش بعيش
انا قصة من تأليف بس ماتتحكيش

في الحزن واخد دور بطولة وألف جايزة
مع اني مبتنزلش صورتي على الأفيش

أنا حلم كل ما بحلمه بيطلع كابوس
انا سلعة للبيع والشرا من غير فلوس

أنا حد كان شاطر أوي ويوم الامتحان
نسي لجنته وضيع كمان رقم الجلوس

أنا دمعة نازلة بتبكي وفي وقت الهزار
انا شيئ بسيط محطوط في قايمة الانتظار

أنا تحفة حلوة بجد معروضة في بازار
أنا جرح ممكن تقفله بأي اعتذار

أنا حد ضايع حقه من طيبته مازال
طيب وشايل كوم هموم فوق الاحتمال
انا نجم وفي عز انبساطه وشهرته
بطل خلاص تمثيل وقرر الاعتزال
  • JoinedMay 1, 2019


Last Message
SH________ SH________ Aug 19, 2019 06:25AM
صباحكم حب من قلب بيحبكم انا غلطت وبتعاقب قلت قبل كده لما بنحب بنتصرف غلط وانا اتصرفت غلط تفتكروا ايه عقابي 
View all Conversations

Story by 🍁 الأسطورة 🌿
دردشه مع شوق by SH________
دردشه مع شوق
👭👬👫👪👪👪👪👪
ranking #55 in مع See all rankings