OnyxAriezz

▪︎ဆုတောင်းစာ▪︎

လောဘဝေဖြာ ဥာဏ်အလွှာလွှာကို အဝိဇ္ဇာဖုံး ထိုမေတ္တာတုံးတို့ သံသရာတဆုံးလျှင် ကောင်းဖို့ရာရည် ဆုတောင်းပေးလိုက်သည်။ 

ငါတို့ မျက်ရည် ထမင်းတည်လို့၊ ငါတို့ သောက ဗျာပါဒကို လှောင်ပြောင်ချေနင်း သူတော်မင်းတို့...  
မတရားမှုခင်း ရှင်သန်ခြင်းမှာ နင်တို့ လိပ်ပြာ လုံပါစေသား။ 
မီးကုန်ဆီခမ်း လူ့သက်တမ်းကုန် နင်တို့ထွက်သက် အဆုံးစွန်မှာ ပူလောင်ပြည့်သိပ် ငရဲနိမိတ်တို့ တိတ်ဆိတ်လို့သာ ချုပ်ငြိမ်းရာသို့ ရောက်ပါစေသား။ 

နင်တို့ ဘဝ ဆက်ဆက်လေရာ သံသရာမှာ 
           မေတ္တာတို့ဖြင့် စီရင်အပ်စေ ထိုကျိန်စာတွေ စူးမည့်ဘေးမှ ဝေးပါစေသား။
နင်တို့ ဘဝ ဆက်ဆက်လေရာ သံသရာမှာ 
           အကုသိုလ်အကျိုး ဝဋ်ကြွေးဆိုးတို့ သွေဖယ်ကင်းကွာ ဝေးပါစေသား။  

ရေစက်စုံရာ အဖြာဖြာတို့ ဒီဘဝမျှလေ ပြီးပါစေသား။ ဆုတောင်းသွေရာ ဘဝတစ်ဖြာ ရှိမူလျှင်လည်း...  မလှအကြောင်း ထိုဆုတောင်းကြောင့် ငါ့ဟင်းခွက်တွင်း နင်ဆင်းလျှင်တောင် နင့်ရဲ့အသား ငါမစားရစေ။ ငတ်လို့ပင်လျှင် သေပါစေတော့။

-OnyxAriezz
Feb 05, 2021.
https://www.facebook.com/onyx.ariezz