جبروني عليها وكرهتها وفجأه حبيتها وعشقتها

-
كان يتمشى بين ممرات قصرهم الكبير ويفكر بالحكم الي حكمه عليه ابوه .. حكم راح يقلب حياته كلها .. حكم حطم قلب حبيبة ومالكة قلبه .. بسبب حكم ابوه عليه راح يخسرها وراح يكون ملك لبنت عمه الي مايعرف عنها شيء وماشافها من لما كانوا صغار .. مايعرف اذا كانت طيبة ولا شريرة .. لا حلوة ولا جيكرة .. كل الي يعرفه ان راح يكون حلال لبنت عمه بالجبر ..

(( عبدالرحمن : عمره 29 سنة .. وسيم وسسيم لابعد حدود .. ملامحه بدوية اصلية .. سماره يعذب .. لون عيونه ذهبي وواسعه .. طيوب حيل .. هيبة .. وقت الشده يكون رجل بمعنى الكلمة .. جسمه معضل وطويل .. يحب وحده متعرف عليها لما كان يدرس بـ بريطانيا اسمها رنا ))

عبدالرحمن كان عند ابوه الي طلبه

ابوعبدالرحمن : تعال اجلس يا يبه
عبدالرحمن باس راس ابوه وجلس جنبه : آمر يبه
ابوعبدالرحمن : تعرف يا يبه انت كبرت وصرت بعمر الزواج وانا ناوي ازوجك
عبدالرحمن نط من الفرحه : اي يبه انا عندي البنت المناسبة وراح اتزوجها وافرحك فيني
ابوعبدالرحمن عقد حواجبه : شف يا عبدالرحمن غير بنت عمك ماراح تاخذ والي في بالك شيلها من بالك لانك محير لبنت عمك
عبدالرحمن انصدم : وانا غير البنت الي افكر...