ﮪۛــ̷̐ـــٰ۪۫لا؛ء⁞(🌝❤️)ֆ
شلونكم عيني
#قسوة_شاجور
#للكاتبة_اسيل✍🏻
..................................
جـيتك بـليلة شـتا
ضـلمه ومـطـرها رشـگ
وشـبعـده صـار الـدرب
خـوف ورعيـد وثـلج
وچـفوف اديـه زرگ
گـبالك طـحت .. هـا گـمت
ضـميت اديـه وردت
عـالـباب بالروح ادگ
بـس گـالو الـمن تـدگ؟؟
كـلمن مشه لـحالته
واحد سـكن بالغرب
وواحد سـكن بالشـرگ
.........................................
شاجور:صافن على عيونها وخشمها وخدودها كل تفاصيل وجهه تلمست شفتها المبرطمه بيده
دنكت اريد ابوسها
رحيق: فتحت عيني شفته متقرب دفعته وكمت رحت للحمام سديت الباب احس قلبي يريد يوكف بعدني مامسامحتك على الي سويته مستحيل اخليك تتقربلي بعد حسيت اكو ريحه
شميت ملابسي جانت ريحته لازكه بيه نزعتهن وكعدت اغسلهن بحركه لحد محسيت انشكن من الجلف شمرتهن وقرفصته على روحي وكعدت ابجي كمت غسلت وجهي وبدلت وطلعت رحت للمطبخ بدون مااباوعله طبيت لكيته واكف اخذت الدوه ايدي هم ترجف فتحته بالكوه اخذته وشربت مي بس اريد اهدى بعد ماكدر كعدت على الكرسي احس اعصابي تعبت
شاجور: شفتها طلعت من الحمام ردت اروحلها ضليت بمكاني بعدين طبت اخذته دواها بس جانت مو طبيعيه اباوع كعدت على الكرسي واباوع ايدها ترجف رحت يمها لزمت ايدها
رحيق: وخرت ايده مابيه حيل احجي وياه
شاجور: رجعت لزمت ايدها ضليت لازمها لحد محسيت هدئت وخرت شعرها ورفعت راسها دارت وجهه عني
رحيق: لتلزمني
شاجور: ماكدر
رحيق: اريد اكوم راد يسندني دفعته رجع لزمني مصر شكد ادفعه يرجع وخرر داكولك لتلزمني
شاجور: خليني اساعدج
رحيق: مااريد مساعدتك
شاجور: بس اطيني فرصه
رحيق: نزلت دمعتي مسحها
شاجور: رحيق
رحيق: لارد
شاجور: راح اتغير علمودج
رحيق: ماريد تتغير علمودي اريد تتغير علمود نفسك انتتتت
شاجور: كل الي تردي راح اسوي
رحيق: ماريدد شي منك بس تعوفنييي
شاجور : ماكدر
رحيق: وخر شاجور ترى تعبانه لتزيدها عليه عوفني احسبني ماموجوده مثل مااني حاسبتك ماموجود
شاجور: هيج صارت
رحيق: اي
شاجور: راح اروح ومراح تشوفيني بعد نهائياً
مو هذا التردي تحملي عفتها وطلعت ركبت سيارتي ورحت لبغداد اول مطبيت رحت للشقه فتحت الثلاجة واخذت المشروب خابرت على قتيبه كتله جيبلي مشروب كالي شويه واجيبه ضليت منتضره اجه طب ضل صافن كالي هاي شكد شارب جريت العلاكه من ايده وكتله اطلع بره هو مقبل يطلع طردته انعـ.. ابـ.. الي يفكر بيج بعد شكووو اذل روحي الج كمت غسلت وبدلت كشخت مثل كل مره وركبت سيارتي ورحت للمعرض طبيت شافني قتيبه اجه كتله اخذ ستراحه اليوم عوف الشغل عليه هو مقبل بس شافني عصبت خله وراح بدو يجون يشترون علمود السيارة كلساع متعارك ويه واحد اخر شي خليت وطلعت رحت للمصنع طبيت لكيت صايره هوسه شافوني سكتوو شكووو شنوووو صاااير .. شاجور هذا راد يبطل من الشغل وكم مره نلكفه يريد يروح للشرطه .. ضحكت تريد تبطل اي ليش لا رحت وكفت يمه وضربته على جتفه بس مال تروح للشرطه هاي رايدلها تفكير عدل انت بس تخطي خطوه بره المصنع تدري شيصير تدرون احس اتعب واني اعيد عليكم نفس الجمله يحتاج احطلكم لافته واكتب عليها الاغبياء هنا تعال بابا ورايه يله اجه ورايه ويرجف طببته جوه كتلهم رجعو لشغلكم ماريد احد يطب ورايه لو يقاطعني تفضل اكعد استريح شبيك خايف كعد على الكرسي كعدت مقابيله حطيت رجل على رجل ورثته جكارتي كملت ورثت الثانية ضليت كل متخلص وحد اورث غيرها جانت الاضاءه خافته بالغرفه وهو يرجف ذبيت اخر جكاره بالباكيت وديتها برجلي مسحت على شواربي شنو اسمك نسيت .. احمد .. احمد اسمع وركز زين ويايه ماشي لتخليني استخدم غير اسلوب وياك تمام دنيت كرسيه عليه كتله شوف احمد بعدك صغير شكد عمرك ..١٩ .. شفته بعدك صغير ليش تريد تدفن روحك وانت بهل عمر هااا اشياء اكبر من عمرك لتدخل بيها تعرف اني منوو وشنو اكدر اسوي صح هز راسه انت بس توصل للمركز محد يصدكك لان عدي جماعه بكل مكان بس يلمحوك تدري شيسون بيك ..رجعت ظهري ليوره .. ياخذوك بسيارتهم وانت عبالك ديحموك وينزلوك بمنطقه مابيها اي ابن بشر ويفرغون المسدس براسك بنص راسك بالضبط تريد تبطل تجي الي تكلي اريد ابطل واني اعوفك صدك بس مال تبطل وتشتكي واكفه مو احمد اني اكول كلش واكفه تدري انت دتشتغل ويه اكبر تجار المخدرات اهنا مدتشتغل ويه بنجرجي لو ويه حراميه وهسه بما انو انت بعدك صغيروني ارجع لامك واشتغل مثل البشر بما انو تريد تبطل شوف شنو المهنه راح تصير بيها هاا وانصحك تدرس بلكي على هذا دماغك اصير دكتور وتعين اهلك انت مو عدك ٢ خوات دربالك عليهم ولد الحرام اهواي كلشي يصيرررر مووو يله ابني كوم روح لاهلك واذا اشوفك اهنا مره الثانيه توصل جثتك لاهلك بدون نقاش يله اطططلع قبل مافرغ المسدس براسك هو خله وطلع ادري بي ميكدر يلعب بذيله خلي اشوف شلون يكدر يعيش عائلته دزيت ولد يتابعه رحت فتريته عليهم كتلهم بعد شرب ممنوع يدخل اهنااا فتهمتوا وانت تعال نظف هذا المكان شنو فطيسه اهناا شكد قذرين باليوم تسبحون
تلث مرات الي ميسبح اعرف اصرف وياه الي يشوفكم يكول ماكو صابون وماكو مي تغسلون بي وانت عيني محمود شبيك صافن متشتغل الصفنه متلوكلك اني الك محمود بس اصبر خليك على راحتك كاعد اشرب جاي اجه واحد يشتغل جبير بالعمر كالي بس اريد احجي وياك ضل واكف كتله اكعد كالي لا اضل واكف عطت بي كعد شنو تريد... اريد شغل اضافي .. شسوي بالشغل اضافي ... اريد ادخل بتي مدرسين وهي شاطره وماريد تعتاز لاحد لو تشوف نفسها اقل منهم وهي تستاهل ف اذا عدك شغل اضافي عسى مااضل شهر ماشوف اهلي قابل تريد انظف الاماكن هم قابل اي شي ... شفت نزلت دموعه كتله اطلع من احتاجك ادز عليك رحت سحبت فلوس وراها صحت الولد يصيحه هو اجه كتله هاي المبلغ هذا لبتك مو لغير شي ترى اني اعرف اذا رحت ذبيتهن على غير سوالف وشغلك يبقى مثل ماهو راد يبوس ايدي وخرتها كتله اطلع يله هو ضل يدعيلي ويشكرني خليت ورجعت للبيت طبيت البيت صاير هوسه فتت لغرفتي نزعت التيشرت ونمت على ظهري ضليت اتكلب تالي نزلت فتحت الجكمجه مال سيارة جريت الشال ورجعت صعدت تمددت على الجربايه درت ظهري ردت اشمه شمرته بالجراره مااضعف كدامه ذبيت روحي ونمت استمريت على هل منوال اكضي وقتي بالشغل حتى ماافكر بيها لحد ماتعب ارجع للبيت انام واطلع من الصبح للشغل جنت ادز قتيبه بين فتره وفتره يتسوكلها ويشوف اذا محتاجه شي جنت اكوله لتطيني اخبارها شنو تحتاج جيبلها جان صراع بين قلبي وبين كبريائي كل ماحس نفسي اريد اضعف واروحلها الهي روحي بالشغل
رحيق: هاي الفتره كلها جان بس واحد ولد نسيت شسمه يجي يحط المسواك يم الباب وجنت مافتحها يحجي من وره الباب جنت اكوله مامحتاجه شي مره واكفه اشرب الدوه شفته خلص شلون هسه ضليت صافنه وراها اندكت الباب هاي منو اجه باوعت من الشباك ماكو احد
فتحت الباب شفت علاكه بيضه اخذتها وسديته الباب باوعت بيها ادويه ضليت صافنه شمدري خلص علاجي فتحته واخذت دوايه فتحت الشباك وكعدت يمه اشم الهوى غمضت عيني وراها كمت فرشته سجادتي وتوجهت لربي الي ماعدي غيره وكعدت اقضي الصلاة الي فاتتني من تمرضت ليش اسامحه بعد الي سواه ماكدر حرم اهلي مني وحرمني منهم شنو سووه من درو بيه متت هاا شنو جان شعورهم شلون استقبلوا خبر موتي هم بجو عليه هم تأذوا واذا متت ليش يرحون يسافرون ويعولوني اذا اريد ارجع وين ارجع هااا ليش رحتوا نمت على السجاده كثر مجنت مختنكه وتعبانه فزيت على أذان الفجر كمت توضيت ورجعت صليت وراها فتحت الشبابيك يداور الهوى وجبت المكناسه كنست البيت وشريت الفراشات على السياج ورحت سقيت الزرع وراها طبيت طلعت فرشه وحطيت مخده وتمددت اباوع الساعه بال٧ الصبح ردت انام ماكو مااجالي النوم كلت خلي اطب ﺎسُـٰبحَ طبيت سبحت ولبسته دشداشه جان ام الردن ولونه بصلي ولحد ركبتي توصل اخذت المشط وكفت كبال المرايه وكعدت امشط بشعري ماخذني الواهس امشط بشعري
شاجور: باليل متحملت ركبت سيارتي وماحسيت اله اني طاب لسليمانه وصلت بال٧ الصبح يم باب البيت ترددت اطب لا خلي ارجع بس جان كلبي يكلي غير شي وصلت يم الباب ترددت افتحها بس متحملت فتحتها علكيف وفتت اباوع ماكو رحيق سمعت صوت المي عرفتها دتسبح طبيت للمطبخ شربت مي وغسله وجهي شنو راح اكوللها ميحتاج تكول شي بيتي وبكيفي شوكت اطب بي سمعت فتحت الباب طلعت شفتها مو بشر حوريه صاير وراها اني متشوفني واكفه تمشط شعرها رحت وكفت وراها وشميتها حيل وهي بادلتني نفس الشي فتحت عيني شفتها بعدها واكفه تمشط وين سرح خيالي
كحيت
رحيق: سمعت واحد يكح جفلت احس كلبي راح يوكف ردت اوكع لزمني باوعت هذا شاجور راح جابلي كلاص مي كالي شربي اخذته واني الخرعه بعدها بجسمي شربته ضليت صافنه عليه جان مزين
لحيته وشعره مخففه كلش وضعفان نزلت عيني وسندت نفسي وكمت
شاجور: انتي زينه مو قصدي اخوفج
رحيق: اي مابيه شي
شاجور: تمام
رحيق: ردت اكوله شعدك اجيت سكتت حتى شعري عفته ولا شديته رحت لفراشي وتغطيت وجود يمي خربط حالي اسمعه من يذب حسرات ذبيت روحي ونمت وهذا دوايه يسطرني بعد من اخذه اكوم ماحس بشي
شاجور: من وكعت ولزمته لحد هسه ريحتها بخشمي وترافت ايدها ذبحتني شلابسه بعد متحملت رحت يمها كتلها رحيق ماكو متجاوب وخرت الغطه شفتها نايمه عدلت روحها ودارت وجه عليه جانت مطيتني ظهرها اووف شلون تحملت اعوفج مادري احس كلبي يأذيني من مااشوفج احس روحي تطلعي لج اني النسوان يركضن ورايه هسه اني اركض وراج شسويتي بيه اني الاكره جنس حواء بس انتي الوحيده الي ماكرهتها شسويتي بيه كلبتيني من فوك ليجوه كمت ماعرف منو اني من وراح ولج اشتاقيتلج تدرين شنو مشتاقلج اجيت علمودج دست على كبريائي وكلشي واجيتلج واني الكلت بعد مااجي اجيت علمودج ليش متحنين عليه وتباوعين بوجهي ليش تحرميني منج وانتي تعرفين شنو نقطة ضعفي انتييي شوكت كلبج يسامحني مو كاافي لج كاافي حسي بيه فركت وجهي حطيت راسي بصف راسها على المخده درت عليها هاي انفاسج ماكدر اذا مااتنفسهن كطعتي الاوكسجين عني كلشي بيج مشتاقله من تبرطمين كلشي بيج تقربت طبعت بوسه خفيفه على شفتها اووووف هسه لو يطوني الدنيا كلها ماابدلج بيها شميت رقبتها حيل احس دارتوي منها وشميت شعرها ضليت اباوعلها بعدين كمت رجعت لفراشي لو تدرين شسويت بيج انتي ونايمه هسه واحد ينام مرتاح شلعتي قلبي
رحيق: هاي شعري ضوجني شطوله صاير حتى مرات احسه يخنكني كمت رفعت راسي ادور على القراصه اووف وين حطيتها طبيت للحمام ماكو دورت جوه الفراش ماكو شلون هسه يبقى مفتوح ويثولني لميت فراشي حطيت الشال على راسي وطلعت بره اطيت اكل للدجاج وطبيت نزعت الشال اباوع بعده نايم رحت سويت الجاي وحضرت الريوك شفته طب للمطبخ كعد على الميز يأكل صبيتلي جاي ومصيبتله اخذ استكاني داريد اكوم اصبلي شو كام صب جاي وحطه كبالي وابتسم ضليت صافنه شبي هذا شربت الجاي واكلت وهو كلساع يباوعلي تالي عفت الاكل وكمت كعدت شفته فتح فراش وكعد كبالي
شلون شغله هاي شبي هذا كمت طبيت للحمام وهو اني مامحتاجته بس شسوي اتهرب من نضراته ضليت اكل باضافيري داغسل وجهي ومن رقبتي هم باوعت هاي شنو قربت اكثر للمرايه هاي شنو الطكعه الزركه هاي وين مضروبه ومادري لو اعرف وين القراصه طلعت من الحمام ارجع بشعري ويرجع على عيني طبيت للمطبخ اسوي عصير الي واكفه ادردم اعصر بالبرتقاله والشعر ينزل على عيني صرت عصبيه حسيت احد كالي
شاجور: وخرت شعرها علكيف من يم وجه لزمته
كتلها ميحتاج اصيرين عصبيه علموده ترى مااقبل تحجين عليه وضفرته الها وشديته
رحيق: هو سوه هيجي احس قشعر جسمي جان يحجي يم اذني واني الثولة صافنه كمل وراح حتى العصير ذبيته بالسنك بعد ماريده ميروح يرجع للمكان الي جان بي شنو يبقى اهنااا كالي حظري روحج اليوم مراجعتج حظرت روحي ورحنه للطبيب دخلني الطبيب بس اني جان الدكتور يطكطك عربي ف افهمه ويفهمني من احجي كلت خلي اسئله كتله دكتور شو مدري شنو طالعلي اهنا كالي وين اشرتله شافها ابتسم كالي انتي متزوجه كتله اي ليش كالي لعد شكو خايفه بعد كتله مفتهمت كالي بتي هاي بينج وبين زوجج ميحتاج تخافين امور طبيعيه هو كال هيجي متت بدمي هاي شنو شكد استحيت طلعت عيني بكصتي هاي شوكت سوه هيج وين لحك البارحة مو نايمه اني لو تقرب جان حسيت
شاجور: شبيج
رحيق: لارد
شاجور: مو احجي وياج نزلت وطبكت باب السيارة حيل
رحيق: طبيت جوه واني ضايجه كلش هسه شكوله ليش تسوي هيجي حتى استحي اكولها بسيطه هاي كله من الدوه بعد ولا اشربه وهو موجود النوبه الدكتور زيده عليه
شاجور: شبيج تباوعيلي هيجي شكالج الدكتور
رحيق: لارد
شاجور: حتى صوتج متردين اسمعه
رحيق: لارد
شاجور: على راحتج
رحيق: انت البارحة شوكت نمت
شاجور: درت وجهي عليها ليش
رحيق: اريد اعرف بكيفك لتجاوب
شاجور: وره منمتي نمت بسرعه وراج
رحيق: متأكد
شاجور: ليش اجذب عليج قابل طاب شي بجيبي
رحيق: عفته رحت للمطبخ ادور على قواطي شرب ماكو طلعت بره بحجت اطي اكل للدجاج دورت بالحاويه البره هم ماكو هاي منو سوه هيجي وهو يكول نمت وراج رجعت طبيت وحيره تاخذني واجيبني معقوله اكو شخص ثاني ديطب
لو الدكتور غلطان اذكري بيمن مضروبه ماكو عصرت دماغي ماكو رحت اشرب دوايه وذاك الدوه ماخذته شفته اجه باوعلي
شاجور: دواج ليش متاخذي تدرين هذا اهم علاج واذا متاخذي يأثر على صحتج
رحيق: اضطريت اخذه بس هلمره ضليت مقاومه ماانام شفته تمددت وغطه راسه رحت يمه كتله شاجور ماكو ميجاوب هذا نايم رجعت لفراشي
عيوني كامت تنسد وتنفتح بعد ذبيت روحي
شاجور: ضحكت من سمعتها تكلي شاجور عبالها نمت شنسوي ست رحيق اذا حارمتنه منج انتي جبتيها لروحج شويه ونداريت باوعت ذابه روحها
دنيتها ونمت بصفها بس هل مره بس حظنتها باوعت ركبتها صاير بيها طكعه هاي شمسوي ولا ادري بروحي اكيد انتبهت الها حكيت راسي بعد منقترب النوبه اذا عرفته شيخلصنه منها حطيت ايدي جوه خدي رجعت استنشق انفاسها كل مره من تنام اروح يمها وراها افز ارجع لفراشي تعلمت كمت ماكدر بس شنو مااتقرب منها لحد مافديوم هم شفتها نايمه متحملت مااتقربلها عطشان عليها
رحيق: رحت للمطبخ اشرب دوايه شفته نايم شو هذا صاير ينام من وكت خيره دورت على الدوه ماكو وين حطيته اليوم من نظفته يله باجر اشوفه هسه وين الكاه رحت لفراشي غمضت عيني بس ماكو نوم حسيت خطوات يمي جمدت بمكاني ضليت على نومتي شفته الغطه توخر واحد يدنيني تخبلت حسيت احد نام بصفي والله هذا شاجور هاي شديسوي اعرفه من ريحته حسيت انفاسه كلش قريبه عليه كلبي كام يدك سريع حسيت انفاس حاره يم رقبتي مو بس قشعر جسمي يمكن كلبي وكف وراها حسيت شي على شفتي هاي شديسوي فتحت عيني جانت دنيا ضلمه عينه صارت بعيني ضوه خفيف يطب من الشباك اريد احجي حط ايده على حلكي جان يحجي بصوت تعبان
شاجور: لتحجين شي خليني شويه لتصيرين انانيه
لتذليني اكثر لتحرميني منج اني تعبان من وراج حطيت ايدها على كلبي دسمعي شلون يدك بسرعه ليش هيجي انانيه انتي هاااا قابل شريد اني منج خليني يمج بس ماريد شي ثاني لتحرميني منج
رحيق: جان يحجي حتى ضاع الحجي مني
شفته دمعته نزلت نزل راسه متحملت رفعت راسه ومسحت دمعته حضنته حيل
شاجور: حضنج يطول لو شويه وتكلبين عليه
رحيق: وخرت عنه شكو نايم يمي هاا مو عساس تنام بمكانك
شاجور: هو ذاك هم تحسبي مكان حتى ماانام مرتاح كوابيس تجيلي بس انتي مكانج مابي شي
رحيق: شكد جذاب
شاجور: اشكرج اني جذاب جربي نامي بي وشوفي
رحيق: شو وخر خلي انام بي بله اريد اشوف
شاجور: اي شوفي
رحيق: رحت نمت بي اجه لحكني هااا شو جيت
شاجور: خلي اشوفه وياج جو راحن
رحيق: لا شلون كوابيس اهنا شفته تمدد يمي كتله كوم نام اهناك
شاجور: معليه مكاني هذا مااكوم
رحيق: اكوم اني لعد
شاجور: لا لتكومين
رحيق: لا وخر خلي اكوم سحبني لحضنه
شاجور: لطنكرين يله نامي طيرتي النومه
رحيق: اني طيرت النومه دفن راسي بصدره حتى اسكت
شاجور: ام لسان غطيتها
رحيق: وخر شويه خنكتني
شاجور: بس شويه شو طلعي خشمج اي هيجي تمام يصير ابوسج بي
رحيق: لا مااقبل ميصير
شاجور: اي فتهمت مو اطرش مامصدك انتي بحضني
رحيق: اكوم ترى انت حطيتني بحضنك مو اني
شاجور: لا انتي اني شكو شوفي مجلبه بيه
رحيق: اني مجلبه بيك
شاجور: حتى شوفي اريد اوخر ايدي ماكدر
رحيق: وخر خلي اكوم
شاجور: يابه اني لازك بيج يله بعد شتردين بس خليني ابوسج
رحيق: اموتك والله هاي انت ذاك اليوم مسوي وسكتت استحيت
شاجور: شو سكتي كملي
رحيق: تدري كلش زين شمسوي
شاجور: بعد زوجتي حلال مامسوي شي حرام
رحيق: سخيف وتحجي عادي
شاجور: اذا مسكتي اسويلجياها اكبر والخلقج
رحيق: سكتت يله اريد انام لتحجي
شاجور: بستها حيل بخدها
رحيق: شاااااااجور
شاجور: سويت روحي نايم ضلت ادردم ونامت اووف حضنتها حيل
رحيق: كعدت وخرت من حضنه رحت غسلته وحضرت الريوم طب جان يفتر ورايه شاجور شبيك
شاجور: اساعدج
رحيق: ميحتاج اني داسوي
شاجور: ميخالف خاف تنجوين يصير شي
رحيق: ضحكت تره مو طفله اني
شاجور: درتها عليه لا انتي طفلتي الصغيرونه
رحيق: وخر احتركت المخلمه همس بأذني خلي تحترك وشنو يعني وباسني بيها شاااااجور والله اذا تقربت مني بالخاشوكه
شاجور: هاا بالخاشوكة
رحيق: ايييييي
شاجور: انتي كد كلمتج
رحيق: هاا ايييييي كدها
شاجور: بستها بكصتها ضربتني بالخاشوكة على ايدي حيل كتلها هاي شسويتي سويت روحي متأذي
رحيق: شو اشوفها مو كتلك لتتقرب مني اووي صارت حمره
شاجور: تأذيني حيل
رحيق: اسفه مو قصدي
شاجور: مو تنفخين عليها مصير زينه بوسيها
رحيق: شاااجور تضحك عليه
شاجور: باعي شلون حمره قابل اني سويتها
وخري زعلت منج لتحجين ويايه حتى ريوكج ماريده
رحيق: صدوك تحجي
شاجور: اييي صدك قابل اجذب عليج ياه وخري من يمي ولتحجين ويايه
رحيق: طول النهار هو ميحجي ويايه ومطنكر حتى أكل مقبل يأكل باليل رحت كعدت يمه راد يكوم لزمت ايده حطيت كباله ماعون الاكل لان مأكل
شاجور: وخري ماريد
رحيق: ميصير ماأكلت اليوم مو اعتذرت منك بعد ليش زعلان هاا مو كتلك لتسوي وانت سويت وتأذيت
شاجور: اذيتيني
رحيق: ترى هي ضربه خفيفه انت بشرتك تتحسس
شاجور: اي فوكاها تكولين الصوج بشرتي
رحيق: يله أكل اني اسفه شنو تريد اسوي حتى تأكل
شاجور: الي اريده تسوي
رحيق: شااااجور مو كلشي
شاجور: لعد مأكل
رحيق: بكيفك لتأكل عفته وكمت طبيت للمطبخ مديت راسي ماعونه على حطيته شفته مدد نام وهو ضايج مني وفوكاها ما مأكل ضميري انبني عليه رحت دغيته شاجور مجاوبني شاجور اسوي الي تريده كوم هو بسرعه كام مو علساس نايم
شاجور: اي نايم غير كعدتيني طيرتي النومه شنو كلتلي خاف اذني بيها شي
رحيق: مابيها شي اذنك لزمت اذنه شوف تسمع كلش زين ماشاء الله
شاجور: تعاي كعدي كبالي
رحيق: كعدت كباله
شاجور: اي تسوين الي اريده برضاتج
رحيق: مو شي جبير
شاجور: لا اني حباب
رحيق: يله شنو تريده
شاجور: لزمت وجه بيدي
رحيق: توتره منه شتريد اسوي
شاجور: بعد انتي قبلتي شكو تحجين
رحيق: تقرب راد يبوسني وخر وباسني حيل بخدي طول يله وخر ضليت صافنه من وخر دنكت راسي ردت اكوم مقبل كالي كعدي بصفي حتى أكل اكلت الوجبه الاولى وشبعت هسه الوجبه الثانيه خلي اكلها وغمزلي شكد سخيف اريد احجي اشرلي اسكت كمل أكل وكام غسل طلعت تمدد على فراشي كمت على حيلي كتله بس ترى ذاك فراشك والبارحة مااااكو كوابيس يتصورلك يله كوم ارجع على فراشك اباوع سوالي مجال
شاجور: هذا مكانج اشرت على كلبي واهنا تحطين راسج اشرت على ايدي تجين لو اجي اجيبج
رحيق: ماااجي رحت على فراشه تمددت اجه شالني كمت اضرب بي وخررر حطني بفراشي وحط راسي على ايده وحط رجله على رجلي حتى ماكدر اطلع وخر شعري وضل يباوعلي كاافي تباوع
شاجور: ليش
رحيق: ميعجبنييي
شاجور: بس اني ماكدر مااباوع اموت تقبلين اموت
رحيق: مشكلتك
شاجور: اني اقبل تباوعيلي
رحيق: وليش اباوعلك من جمالك خاف روميو مادري
شاجور: قربتها اكثر مني لزمت ايدها ومشيتها على وجهي باعي هذا الجمال كله وتكوليلي روميو حسيت خدودها صارن طماطه وجو بارد بسرعه يبين عليها لزمت اخدودها شلون بينه اليوم هاا ليش هيجي مكسبات
رحيق: شاجور حباب عوفني لتقترب
شاجور: اوووف ولج شلون ماكدر
رحيق: فدوه
شاجور: اروح فدوه للفدوه مالتج تعاي شسوي اصبر روحي بريحتج وحضنج
رحيق: توترت حيل جان وجهي صاير قريب على رقبته وريحته تكفخ بخشمي وتفاحته ادم تصعد وتنزل احس بيها والله كلبي ميتحمل بعد كل هذا
شاجور: كافي نامي
رحيق: غمضت عيني ونمت كعدت هاي شدسوي
شاجور: ابوسج حتى تكعدين شسويلج صالي ساعه مداشبع منج
رحيق: كمت مخترعه شنووووووو رحت للحمام ركض باوعت على وجهي وعلى رقبتي مابيهن شي
شاجور: ترى مسويتلج شي حباب اني شبيج اصدكين بسرعه بس اخذت بوسه خفيفه
رحيق: وانت منو سمحلك تاخذ واني ونايمه تستغل نومتي بعد ولا اخليك تنام يمي فتهمت مو اخذك الواهس كلمن بمكانه بعد من اليوم
مفهووووووم
شاجور: لا مامفهوووم
رحيق: نشوف
شاجور: غمزتلها اي نشووف
رحيق: لتغمزز خزرته
شاجور: ترى اهجم عليج لتخزرين اي عفيه
شلون تخزر متدري اموت على خزرتها اذا خزرتي بعد ابوسج بعد بكيفج انتي هااا واذا كلتلي شاجور بصوت عالي هم نفس العقاب واذا عليتي صوتج هم نفس الشي بعد شنو عود افكر
رحيق: هاااااي شنوو وين اكو داكمل باسني دفعته
شاجور: شكلنه ليش مسمعين الكلام لو عاجبج
العقاب
رحيق: موووو بكيفك راد يتقرب حطيت ايدي على حلكيي
شاجور: اطلبج وحده ميصير
رحيق: لزمت ايده وعضيته حيل
شاجور: كافي شلعتي لحمي
رحيق: وهاي كل متضوجني اسويها الك واليوم ماكو غده يله اطلع بره
شاجور: اطرديني
رحيق: مثل متفهمها افهمها
شاجور: تمام مثل متردين ليش لا نطلع
بس اول وتالي راح تجين اهنا اشرت على ايدي
رحيق: باحلامك
شاجور: نشوف احلامي سريعته التحقيق لو لا
رحيق: باليل شفته طلع بره كعد طلعت كعدت بره
شاجور: تتمرضين
رحيق: لا مااتمرض
شاجور: شكد اعنوديه
رحيق: ايييي عنوديه
شاجور: تعاي كعدي يمي
رحيق: ماااا
شاجور: ادفيج
رحيق: مبردانه
شاجور: لا بردانه اوكفي اجي يمج
رحيق: كتلك مبردانه كوم
شاجور: حطيت الجاكيت عليها اسكتي لتخربين الجو علينه
رحيق: شاجور
شاجور: عيوني
رحيق: سؤال
شاجور: متخلص اسئلتج كولي
رحيق: منو رزاق وشنو يعنيلك
شاجور: وليش هامج هذا الموضوع
رحيق: رجعت شعري وره اذني... باليل اصير ضلمه محد يشوفنه ف ماالبس حجاب ... وكتله اريد اعرف شيصير منك حتى خطفتني درت عليه وانتظر يجاوبني
شاجور: مره جنت رايح لجماعه اتفق وياهم علمود الكميه الي يردوها ف جنت راكب سيارتي بفلان منطقة... ف داعبر الطريق شفته ولد يطلع عمره١٣ سنه وجان يبجي وحافي وجان الجو بارد واكف يم الباب مال بيت شفته نزلت رحت عليه كتله شبيك مجاوبني جان يدك على الباب ويصيح فتحيلي الباب بعد ما أكل ابداً والله بس فتحيها ماامد ايدي على الاكل اضل اسبوع بدون اكل مثل كل مره بس فتحيلي الباب متحملت دكيت الباب حيل طلعت مره جان من شكله مبين عرمه شافتني كالت خير شتريد كتلها شكو مطلعته هي كالت ماريد كتله اذا متردي شكو مخلفته كالت مثل مشوف البيت متروس جهال وذوله جهال زوجي مامخلفتهم وناسيه وين احطه ومحد كاله ياخذ كمع الصمونه ويطيها لاخته واني ضامه الصمونه لزوجي كتلها علمود كمع صمونه اطردي هي سدت الباب بوجهي صعدت عدي اجيت اهجم عليها شفته لزمني من ايدي كالي حباب عمو عوفها خاف تأذي خواتي اضطريت اخذه ويايه للبيت خليت يطب يسبح واطيته تيشرت جان جبير عليه وطلعته أكل جنت موصي شفته ماأكل كتله ليش متأكل كالي خواتي جوعانات خطية ماكدر أكل وهنا جوعانات يابه هو كال هيجي غير شطتت اليوم لو اني لو هي
رحيق: اي وشسويت
شاجور: كتله أكل معليك اني ادزلهن هسه هو كالي صدوك عمو كتله
اي بس لتكولي عمو صيحني باسمي كالي شنو اسمك كتله شاجور
باليل دزيت جماعتي لبيته خليتهم يأدبون مرت ابوه وياخذون البنات جان عده ٣ خوات حطيتلهم بيت خاص بيهم وجنت ادزلهم فلوس وحاط مره تعتني بيهم وهو جان يروح ويايه وين ماروح تعلم على شغلي بس جان شرطي يكمل دراسه وهو كام كل مافوت للبيت اشوفه لازم كتبه ويقرا وبين فتره وفتره اخلي يشوف خواته وطلع صيدلة بتعبه بيومها ضاج جان رايد طب ردت ادخله اهلي مقبل كام يروح للمصنع كمت اضوج اشوفه اهناك يكلي اساعدك يابه التعي بدراستك ماكو اروح للكلية الكاهم مطي فصل وادفع فلوس حتى يمشون وضعه جنت ارزله واعاقبه ميفيد بي جان يصرف جنه رجال جبير وميخاف
كم مره اصاوب وتخبلت جنت اوصيهم ميخلو يروح وياهم وهو يطفر وياهم رزاق معزته تختلف عدي
رحيق: لهل سبب من انسجن ردت تنتقم
شاجور: مو بس هذا السبب احس اني السبب لو
ذاك اليوم عايفه وماماخذه احسن مجان تعلم ووكع نفسه بمشكله جبيره واني جنت منبه خواته كسرن ظهري يسئلنه عليه يموتن عليه
كتلهم سافر يكمل دراسه كل ماروح اشوفهن يكسرن قلبي عليهن وجنت من اشوفج اريد اشرب دمج
رحيق: وهسه
شاجور: هسه اريد اشربج كلج وارتوي بيج
رحيق: شكو تحجي هيجي
شاجور: انتي مو شكول واحد يحجي وياج كلام حلووو
رحيق: ايييي لتحجي ويايه
شاجور: شكلنه اذا تعلين صوتج
رحيق: وخر دربالك والله اعضك هل مره اشلع لحمك واطي للدجاجة
شاجور: متأكل لحم بشر
رحيق: اطي للجلاب
شاجور: يهون عليج
رحيق: اي عادي
شاجور: كرصتها من خشمها كعدي راحه ترى اني اعضج
رحيق: راح اكوووم
شاجور: بستها من زندها
رحيق: ابسطك هسهههه
شاجور: يمه خفت منج شو رجعي حواجبج عدل لتعقجين
رحيق: متستحي ماخذ راحتك اهوااايه
شاجور: ليش استحي ترى زوجج تعرفين شنو زوجج
رحيق: وشمدريني انت زوجي هااا اكيد استخدمته غير اسم وهيجي يعتبر الزواج باطل
شاجور: ابتسمت منو كالج مستخدم غير اسم هيجي مكتوب على كصتي غبي لو اثول
رحيق: شتقصد
شاجور: طبعاً اطيته اسمي الحقيقي يعني انتي زوجتي سواء رضيتي لو مارضيتي ويجب عليك طاعت زوجكي تتحملين حرام وانتي اصلين وتخافين ربج
رحيق: معليك اني وربي وانت بنفسك كلت زواج على الورق بعد شكو سويت بيها طاعت الزواج مشي هذا الملام على نفسك هاا واكو شي هم نسيت يجب ان لا تجبر الزوجة على فعل اشياء لا ترغب بفعلها اوك حبي
شاجور: شنو شكلتي
رحيق: احم مكلت شي
شاجور: والخلقج كلتييي عيديها
رحيق: كافي شنو شكلت هي بمعنى الكلام طلعت يعني مو اقصد غير شي ليشطح بالك لبعيد
شاجور: شطح وداعتج انتي خليتي يروح بعيد بس بسيطه
رحيق: اي شنو اسمك
شاجور: مااكولج
رحيق: لزمت ايده و نعمت صوتي هو صفن اي شاجور شنو اسمك يازوجي العزيز
شاجور: خره بيومج شكد لوتيه انتي
رحيق: فدووووه فدوووه شنو اسمك ماأكول لاحد والله وعد رحيق
شاجور: وعد رحيق
رحيق: اييييييييي
شاجور: اسمي آ....
~~~~~~~~~~~~~~~~~~~~~~~~~~~~~~~~~~~~~~~~~~~
اتمنى عجبكم🌸
#Aseel✍🏻