نيران قلبي
بقلم هدى
البارت السابع عشر
---------
- رنيم لحكينييي
- شكووو
- صبري خل اجر نفس ، اي باعي بس لا البالي صح
- هو شنو
- اليوم كضيتهة اتصفن ؏ اسير وافكر بي ولج هيج مدري شدا احس
- اي واذا
- لج خاف احبه ، صخام بويهي بس هذا العايز يبوو
- هاي شنو شسالفه!
- لو اعرف اچوي روحي ولا اسويها يمه
- ليش عيني شبي هو
- ها هيج معليج
- الله يستر
- اكلج يعني هو الحب شلون
باوعتلها صفح وكعدت عالجربايه
- ها شبيج تباعين هيج خفي علينه
- اكلج انتي هم حاسبه روحج عالبنات والله عبالك ولد
- خليني محترمتج عود اختي الجبيره وهاي
هسة تعاي ولج بس لا صدك احبه شسوي
- انتي بس لا تفكرين ومايصير شي
- بله اني ويني وين الحب انوب وي اسير ابو حواجب خل انام احسلي
نامت شمم واني تمددت عالجربايه وبقيت افكر بالخطوبه وخاف متصير
طردت الافكار من بالي ونمت
بيان ..
يوم الثلاثاء ساعة 9 الصبح
طلعنه اني وتمار وايسر للمحكمه حتى نعقد
ذكرت شمم من رادت تروح ويانه
بس كال تمار باجر راح نعقد هي طفرت وگالت
- اروح وياكم
هنا عمتي رادت تضربها بالنعال جان اجه بكصتها لو ما تمار نقذ الموقف ..
وصلنه للمحكمه وكملنه العقد بمساعدة ايسر لأن محامي وعنده معارف
رجعنه تمار للبيت وراح لح عليه ايسر يبقه عالغده وماقبل
اول مافتت كالت ماما باجر نطلع للسوك مابقه شي عالعرس
وصدك بقه بس 3 اسابيع واني ممشتريه شي
ثاني يوم طلعنه للسوك وهالمره ماراحت شمم اجت ويانه بنين
كملنه نص الاحتياجات احنه ماخذين ذهب وبقه بس اشياء بسيطه
مرت الايام بسرعه واجه يوم الحنه
سوينه حنه بسيطه بيناتنه وكلش تونسنه والبنات بدعن بالركص
بالليل ماما بقت يمي وبنات خالاتي
بس جنت مفتقده شخص
شمم !!
ماكدرت تبقه يمي لأن عدهم شغل بالبيت
هالبت رغم ماصار هواي من عرفتها بس حيل تعلقت بيهة وصارت قريبه مني اكثر من بنين
الصبح طلعنه للصالون
اني وشمم وفناء
سويت مكياج بنفسجي مرتب وي لون المسكه اللون كلش لايكلي
فناء وشمم هم لبخن وعدلن
خلصنه ورجعنه الساعه 3 ونص
لبست البدله وساعدني البنات بيها شافتني شمم كالت
- يااا جنتي جبار طلعتي جباره
- انجبي اني احلى منج
كامت تفتر وتهوس
- خدهاا طماطهه لا تكول محمره ، بت عمنه لأخونه تصير چنتنه ومنخلي الغريبه تدوس عتبتنه گللللليييششش
وكملت وراهة فناء
- هوو الرادها وهو الحلم بيهة وهو الكال لامه روحي خطبيها گللللييششش
- اي والله جبتيها عدل خيه عاشت ايدج
- يايا تخبلتن صلوات
- غير فرحانات انتي ياهو مالتج
- العرس مالتي
- امشي امشي خل ننزل
ساعدني بالبدله ونزلنه جوه خالاتي وعماتي وكلها تهلهل وتهوس شمم وكفت بالنص وكامت تهز
- شمم تعاي
- ها اني
لا ابوي
- شكو
- اكلج غير ترحين وتجين وي الزفه
- يا شيرجعني محد فارغ هاي جبت فستاني وبدلت هنا
- خوش
- خل اكمل ركص
راحت رفعت صوت الدي جي على اغنية عريس وربعه يزفونه
ورجعت بنص الساحه
جانت لابسه فستان طويل ومخصر عليها ومن جوه حوريه
صارت الساعه 5 واجت الزفه حطو البركع على وجهي واجه تمار طلعني
سوينه جلسة تصوير ورجعنه لبيتهم
هناك الكل واصلين قبلنه اجت رنيم سلمت عليه
وكعدت
وشمم كالعاده وكفت بالنص وركصت لمن تعبت
جرتني وياهة ركصت شويه ورجعت
صعدوني للغرفه
شويه وكالو حَ يجي العريس
دخل وامه وراه تهوس
اجه كعد يمي وشمم ويانه تشاقه وياه لمن طردها وسد الباب
شمم ..
بعد ماخلص العرس الكل راحو
بدلنه وبدينه نرتب البيت من الهوسه
لمن كملنه احنه هلكانين سبحت وتمددت بجربايتي
ذكرت الي صار بالزفه
من ردت اطلع جنت لازمه الجبه بأيدي وحاطه شال ؏ شعري بأهمال وممنتبهة اني واكفه يم باب الشارع
فات اسير وشافني تفاجأ
- شعندج هنا
- اريد اطلع شعندي يعني
- وتطلعين هيج
- اييي
- عاد لبسي جبه
- هياتهة قبل لتكول
- اهاا وخري من يم الباب ليشوفج احد
- وشنو يعني
- شمممم
- ها
- استغفرك ربي وتالي وياج فوتي لبسي الجبه وطلعي
- انتبهت محد بقه بالبيت بس شكم وحده، فتت لبستها عالسريع وطلعت
- امشي
- وين
- اخذج لبيتكم غير
- لا اروح بالسيارات احسن
- انتي وين نايمه السيارات قبطت
- تمام
مشيت وياه واخذني لبيتنه محد جان بالسياره بس احنه وخلصنه الطريق عالصامت
صحتني ليال وهية تگول
- شمم ماما تصيحلج
- شتريد
- مادري شوفيها
- وخري مني خل انام
- بكيفج
- ها صدك وين رنيم
- دتسبح
- اوكِ
نمت وللصبح
- صباح الخير ياقوم
- صباح النور
- ماكعدو الجماعه
- لا نايمين
- خل اصعدلهم
- كعدي ولج شعليج انتي
- يمه غير اكعدهم هسة مرت عمي حتجيب ريوك العرسان مدري شسمه
- ماعليج انتي من تجي تكعدهم
- اوو شعليه خل اروح اتسمم
رحت للمطبخ رنيم كاعد تسوي ريوك
- ها رنرن شلونك
- زينه
- اي عيني تمار اتزوج انفتح المجال الج
- اممم
- بربج اذا عندج سالفه تضوج ضميها
- هههههه لا ولج ششايفتني بس نعسانه ومالي خلك
- اي اشوه هالايام كلما اشوفج كالبه الخلقه ومبوزه
بعدنه بالمطبخ ودخلت مرت عمي
- ها صباح الخير عمه
- صباح النور حَبيبتي كعدو بعدهم؟
- لا بعدهم اصعد اكعدهم
- لا ابقي اني صاعده وهذا الريوك غطي
- خوش
صعدت مرت عمي كعدتهم شويه ونزلو وراهة
حطيت ريوكهم وكعدت آكل
- ها خيرج
- ها تمار كعدت ولا ادري ، تفضل اكل لتستحي
- ربي انطي عقل شويه لشمم
- ها صرت مخبله لأن اكلت من ريوگك قحط هو قحط؟
- كومي ذاك ريوك واكلي بكيفج
كمت من يمهم واني اضحك رحت للمطبخ
اني اساسا مااحب اتريك بس اريد اضحك عليهم
تمار يسوي لفات وينطي لبيان
وهي تبتسم
- والله عالم لا حياء ولا مستحه مايكولون اكو ناس حدايق بالبيت
- بكيفنه
- اكو اختراع اسمه غرفه خويه
- حبينه نغير العادات وننزل جوه بيها شي
- تعوفيهم بحالهم لا اجيج بالنعال
- يا يمه استهدي بالله دا اتشاقه والله
- عوفيها يمه ، وين ابوي
- طلع للشغل ساعه ويرجع
- خوش
كملو ريوكهم وصعد تمار بدل بدشداشه
ناس قليله تجي تبارك الهم وتروح وعمتي سلمت وراحت ماقبلت تبقه
رنيم ..
مرت 3 ايام على زواج تمار
عزيز كال باجر امي واخواتي يجن الكم
ثاني يوم جهزت كيك وكليجه بأيدي
ولبست تراكسود طويل
استحيت اكول لأمي عليهم كلت لمن يجون تعرف
راسلني عزيز بالـ4 كال وصلنه للمنطقه
ودليته عالبيت
اندكت الباب وفتحته ليال بابا وتمار طالعين
بقيت كاعده بالغرفه لمن اجت ماما كالت كومي طلعي ضيافه
حضرتها وفتت عليهن
جايات 2 من اخواته كبار بالعمر وامه الحجيه مبينه كلش حبابه
قدمتلهن الضيافه وطلعت
يمكن نص ساعه وطلعن
وماما ما حجت شي
لمن اجو تمار وبابا فتحت الموضوع
- ابو تمار اليوم اجن نسوان على رنيم
- منين ذني
- من واسط
- اها خير انشالله نسأل ونشوف، بس منين عرفنه؟
- يكولن شايفهة ببيت فاضل مدري شوكت هو الولد صديق ايسر
گال تمار
- بس لا دكتور عزيز
- اي هوو تعرفه؟
- هذا دكتور بجامعة واسط خوش ولد شفته بيوم العاشر يم بيت عمي فاضل
- اهااا خوش نسأل ايسر اكيد يعرفه ، شكلتيلهن ام تمار
- كلتلهن شكم يوم ونردلكم خبر واخذت رقمها
- يصير خير
اني جنت كاعده ومنزله راسي كلشي محجيت
- بيان سويلنه چاي اذا تكدرين
- تدلل
- اكلكم وين شمم مالها حس
گالها بابا وذكرنه اكو شخص مفقود
- مطموره بالغرفه خفة صوتهة
- ليال روحي كعديها
- اوكِ
شمم ..
جنت نايمه ماادري بالدنيه
ما احس الا مي بارد انذب عليه
- اششششه ، هاايي شسويتيي
- هههههه شسويلج بابا كال كعديها وانتي متكعدين
- الله يطيح حضج
- هسة هو مي قابل ذابه عليج تيزاب
- ايباه حلوه هاي جديده، شيريد ابوي
- مادري كال كعديها ، ولج ماما تكول اكو واحد خطب رنيم
- يححح الوادم عرست واني نايمه امشي خل نشوف
طلعت وگلت
- مساء الخييرر
دا اشم ريحة عرس عالابواب هاي شنو ومسوين كليجه هم
شنو نومتي مال اهل الكهف واني ماادري
- تعاي كعدي يمي
- اجيت باباتي ، مرت اخوي صبيلي استكان اي وياج
- انجبي متكومين انتي مگرمه؟
- شبيج يا امي خل اتدلل شويه لعد المن زوجنه تمتم
- كومي منا لا ابتلي بيج
- والله مجايه يمج كاعده يم باباتي،اكلك بابا من تطلع جيبلي علاكه حلويات هذولاك الناس تزوجو ونسوني
- تدللين
بيان ..
بيوم السبعه سوينه حفله بيناتنه
لبست فستان چويتي (ازرق) قصير وردانه طوال و ؏ طولهن فتحات
وحطيت لنفسي مكياج كدرت ارتبه طلعت حلوه
فات تمار مستعجل وشافني يم المرايه تقدم الي وكال
- لج شطالعه تخبلين
- اني حلوه من زمان
- ايييي
قرب مني وراد يحجي
اندفر الباب
يتبع...
هم گولو هدى ما مدللتكم
هاي نزلت 3 بارتات بيوم واحد ɵ̷̥̥᷄ˬɵ̷̥̥᷅
رأيكم؟
توقعاتكم؟
احبنكم 💕❕