*خالد شفيك ومحمد شفيه*
مر يومين ولا ادري عن ولا حد حتى فاطمه تتصل لي ولا ارد عليها لان ابي اقعد مع نفسي ارتاح وارجع الشغل بدون خالد ولا تفكير في خالد شوي الا اتصل
خالد: قومي نزلي انا تحت بنطلع
شوق: خالد مب وقته
خالد: قلت لج نزلي
شوق: زين
وقمت وبدلت ونزلت له وانا وجهي تعبان مالي خلق صار لي يومين تعبانه لا اكل ولا انام عدل
خالد: شفيه وجهج
شوق: ولا شي
خالد: كل هاي ولا شي
شوق: مالك خص وقول شتبي
خالد: الحين بتعرفين ولا تتكلمين معاي جي
شوق: فكني الله يخليك
وصلنا المستشفى الا
شوق: شنسوي اهنيه
خالد: ناخذ تحليل اشوف شفيج
شوق: من قال لك ابي
خالد: يلا نزلي لا افشلج
ونزلت معاه ورحنا صوب التحليل وقاعدنا ننطر الدور ودخل هو قبلي وانا عقبه وخذت تحليل وقلت قبل لا اطلع
شوق: حق شنو هالتحليل
الدكتوره: تحليل DNA لج وهو حق الرجال يمكن تطلعوا اخوان هو شاك
شوق مصدومه: شكرا
وركبت السياره وافكر صج انا اخته ليكون عشان جي هو خلاني زين ليه ماقال لي ليه يجذب علي وليه وليه وهو ساكت وانا في بالي مليون سوال وبعد سكت
نزلني البيت وراح عني بدون ولا اي كلمه ورجعت غرفتي افكر في كل شي واربط الاحداث كلها مع بعض
*خالد*
رحت عند محمد وقعد
محمد: ها ايش سويت
خالد: شفتها تعبانه وقلت لها بسوي لج تحليل عشان اشوف شفيج
محمد: زين وعمك
خالد: الله يخليك انا من رجعت وانا مادري عنه قاعد في شقتي ومن عقب ماتهاوشت معاه
محمد: ليه تهاوشت معاه
خالد: لان مايقول لي كلام الصج بس يقول شوق اختك وبس
محمد: زين ننطر اسبوع ونشوف
خالد: زين
شوي الا رن جوال محمد
محمد: الو
الرجال: اليوم تجي الساعه ٨ هالمكان اوكي انت ومعاك الزفت خالد
وصكر الخط
خالد: من هاي
محمد: الرجال ماغيره
خالد: شفيه
محمد: يبينا انجي هالمكان الساعه ٨ انا وانت
خالد: انا اليوم بعرف من طرف من هاي
محمد زين
وقعدنا سوالف وضحك لين ماجات الساعه ٧ طلعنا انا ومحمد قعدنا انشوف وين المكان وصلنا
خالد: خل انكون مع بعض ونشوف شسالفه
محمد: انشاءاللله
نزلنا ورحنا داخل الا
الرجال: هلا هلا
خالد: ممكن انا اعرف انت من طرف من
الرجال: عمك
خالد: كذاب
الرجال: ليه اكذب والله من طرف عمك يبيني اذبحك
خالد: لا تكذب شفيك انت ايش تقول
الرجال: بس مايبيك وانا اللي علي انفذه
وطول الوقت اتهاوش مع هالزفت الا اسمع صوت المسدس ومحمد غمى عليه وهم اشردو وخلوني بروحي وراحوا واتصلت على الاسعاف وفاطمه
* شوق*
انا مصكره اليت علي وقاعده طول الوقت في الظالم افكر في الموضوع ودموع شوي الا اتصال
فاطمه: قومي قومي الله يخليج مري علي محمد في المستشفى
شوق: اوكي اوكي هدي انتي
ورحت لابست بسرعه وخذت مفتاح السياره وطلعت بسرعه وصلت عندها وخذتها
في السياره
فاطمه: انا قلت بنام عندج حق امي مادري لين متى
شوق: اوكي حبيبتي
*المستشفى*
دخلنا نركض في المستشفى الا شوفنا خالد كل ثيابه دم وقاعد بروحه فاطمه بدت تصيح وراحت له
فاطمه: وين محمد وين
خالد: في العمليات
فاطمه: ايش صار له
خالد: طلقه مسدس صوب بطنه
فاطمه: حسبي الله ونعم الوكيل
وانا ساكته ولا كلمه وقعدنا انا وفاطمه على صوب واهدي فاطمه وخالد طول الوقت عينه علي وطلع محمد من العمليات
خالد: ها دكتور
فاطمه: دكتور ايش صار
الدكتور: يمكن يدش في غيبوبه بس احنا طلعنا الرصاص وكل شي اوكي
فاطمه بدت تصيح بصوت عالي وتلمني وانا اهديه وهي ولا معاي وخذو محمد
حق الغرفه وفاطمه قعدت هناك وانا ومعاها وخالد برع وجات الساعه ٤ الفجر
فاطمه: قومي روحي انا بقعد اهنيه وراج دوام
شوق: لا بقعد معاج بروح مواصله وعقب بروح البيت ابدل وارجع لج بروح اجيب شي اشربه تبين
فاطمه: ماي بس
وطلعت برع وحصلت خالد قاعد متضايق مريت من جنبه ومسك ايدي
خالد: انا تعبان شوق انا تعبان
شوق: مافيه شي انشاءالله بس لا تحاتي
خالد: شلون مافي شي وهاي كله مني شلون
شوق: لا تقول جي انشاءالله خير
ورحت عنه وخذت لي شي اشربه وله بعد ورجعت وعطيته يشرب ودشيت داخل عند فاطمه وقعدت على الجوال لين الساعه ٦ ونص وطلعت ورحت الا
خالد: رايحه الدوام
شوق: اي ليه
خالد: بوصلج انا
شوق: لا لا اذا تبي انا اوصلك بيتك واروح الدوام
*هاي حالنا وسر محمد*
وصلت خالد البيت وقعدت انطره لان هو طلب هاي ساعه كامله انطر نزل الا
شوق: جان ارتحت احسن انا احل كل شي في الدوام
خالد: لا عادي متعود بس اخلص كم شي وعقب اروح عند محمد
شوق: بس جي يوم كامل انت مانمت
خالد: عادي
شوق: اللي يريحك
طول الطريق ساكتين وصلنا الفندق انا بسرعه رحت المكتب وصكرت الباب علي اتصلت على ابوي
ابوي: هلا
شوق: يبه انا بنام في الفندق باخذ لي غرفه لي وحق فاطمه عشان الشغل زايد هالايام
ابوي: خلاص حبيبتي اوكي اصلا انا كل يوم اجي اهنيه يعني بشوفج
شوق: اوكي
وصكرت واتصلا على فاطمه
شوق: فاطمه حبيبتي ترا انا بكلم امج وبقول لها ان انتي بتنامين عندي في الفندق عشان الشغل
فاطمه: زين تسوين
شوق: شخبار محمد فيه شي ولا شي
فاطمه: لا والله هاي حاله ولا حركه وانشاءالله خير
شوق: انشاءالله انا اخلص واجيب لج اكل
فاطمه: اوكي
وقعدت اشتغل لين العصر وطلعت الا خالد محد اصلا وخذت سيارتي وطلعت
*خالد*
طلعت وصلت عند باب بيتنا ودخلت الا
عمي: الا رجعت
خالد: لا والله مارجعت
عمي: عيل ايش عندك
خالد: جاي اقول لك ان شكرا ع تربيتك لي وانا خلاص اعرف اكمل باقي حياتي
عمي: ياسلام وشلون جي والفلوس والشركات
خالد: عمي لا تخاف روح شوف احسابك فيه كل الفلوس اللي صرفتهم علي اما هالشي لي انا انا اللي تعبت عليهم وبعدين كل شي باسمي يعني مالك حق
عمي: اوكي ياخالد انت تسوي فيني جي
خالد: اي اسوي جي لان لما اطرش حد يبي يذبحني عشان تاخذ كل شي يصير جي
عمي: من قال لك
خالد: بعد عرفت وبعدين لو كنت تبي فلوس جان قلت لي بطيب وصدقني كل شي راح يوصلك لكن جي مايصير لكن بعد انا صرت احسن منك وخليت لك فلوس في احسابك حق كم سنه اللي بتعيشهم انت
عمي: راح انتقم منك ماراح اخليك يالوصخ
خالد: لا تعب نفسك صدقني الحين اروح واشيل كل الفلوس واخليك اطر عند الناس
وطلعت وخليته بروحه وانا متضايق حيل من كل شي وليه يسوي فيني جي عشان فلوس والله مايسوى عليه ورحت المستشفى وقعد عند محمد واتصلت على المندوب يشوف لنا بيت كبير
المندوب : تحت امرك الحين اشوف لك قصر مش بيت
خالد: مشاءالله عليك ماتقصر بس تدري انا ومحمد ماعندنا مكان كبير غير الشقه اللي مع بعض عشان جب نبي بيت كبير وبعدين راح نتزوج وجي خلاص نقعد مع بعض احسن
المندوب : انشاءالله
صكرت ولفيت الا شوق وراي وسمعت كل شي وفاطمه بعد
شوق: محمد بعد نفسك يعني انتوا تربيتوا مع بعض
فاطمه: اي شوق محمد قال لي بس انا اللي نسيت اقول لج
خالد: اي بس محمد ماكان معاي بس انا اللي حطيت له شقه وكل شي عشان يكون جنبي
شوق: ليه انا اخر من يعلم عن اشياء وايد
فاطمه: سامحيني
شوق: لا عادي حبيبتي
ورحنا الغرفه وانا تميت ساكت واشوف شوق من بعيد
*الخبر السعيد*
مر شهر وانا دوام ومشغوله وفي الفندق لا اطلع ولا شي بس اروح حق فاطمه عند العشا والغدا اجيب لها اكل ومحمد مافي اي تغير عنده وخالد مايداوم الا شوي والا اذا اتصلت له يجي بس وعند محمد قاعد
رحت المستشفى دخلت الا فاططمه تصيح
شوق: فطوم فطوم شفيج حبيبتي قولي
فاطمه: محمد
شوق: شفيه شفيه لا تخرعيني
فاطمه: قام اليوم وقال لي فاطمه
شوق مصدومه: فطوم صج صج والله
فاطمه: اي والله
شوق: الحمددلله وين الدكتور
فاطمه: عنده عشان جي انا طلعت وخالد داخل بعد
وتذكرت سالفه التحليل وقعدت افكر ان مر شهر على الموضوع وخالد ساكت وقطع كل التفكير صوت خالد
خالد: شوق شفيج فيج شي
شوق: لا سلامتك
مسك ايدي خالد حسيت ان ابي اشله او ماعرف شلت ايدي بسرعه
شوق: وين محمد ابي اشوفه وايش قال الدكتور
خالد: قال الدكتور ان بكره نقدر ناخذه اذا ماصار شي فيه
شوق: الحمدلله انا بحجز لك في الفندق عشان يقدر يغير جو وجي
خالد: اي والله فكره
شوق: خلاص عيل انا برتب كل شي واطلعوا وتعالوا ع ططول
ودشيت على محمد وهو يسولف ويضحك واشوف فطوم مرتاحه حسيت اني مرتاحه وايد ونسيت كل شي والله جي لان ماعندي الا فطوم ومحمد وخالد في دنيتي الحين عشان جي اذا هم مرتاحين اكون مرتاحه
محمد: شوق ضعفتي وجهج تعبان شفيج
خالد: كله متعبه نفسها في الشغل
شوق: اي ماسكه شغلك محمد يلا قوم تعال اشتغل
محمد: هههههه انشاءالله عندج خالد
شوق: انت غير خالد شايف نفس بس يجي يوقع وخلاص
خالد: ههههه حرام عليج بس صج هالفتره خليت كل الشغل عليج بس مشاءالله عليج قدها
فاطمه: اي والله شوق ماقصرتي عقب اسبوع انشاءالله بنرجع كلنا نشتغل
شوق: على راحتكم لين كل شي بسرعه ارتاحوا وبعدين يصير خير صار لكم شهر وشوي في مستشفى ارتاحوا وبعدين تعالوا
فاطمه ومحمد: مشكوره
وطلعت مع فاطمه اقول لها عن الفندق ومحمد وخالد داخل
خالد: طلعت النتيجه
محمد: ها بشر
خالد مستانس: مش اختي ولا شي ولا اتصير لي حتى
محمد: الحمدلله قلت لها اشوف البنت شكلها تعبان روح قول لها ارجع لها
خالد: والله ماعرف شنو اقول ولا شنو اسوي وانا ابي اتزوج خلاص مابي حب
محمد: اوه اوه خلاص عيل شوف لك يوم اول شي اطلع معاها
خالد: خلاص بشوف لي يوم واطلع