صوووووووووتوووووولي.... بصوت حسن شاكوش...
اسفه البارت قصير...بس والله اعوضكم
ـــــــــــــــــــــــــــــــــــــــــــــــــــــــــــــــ
صكيت سنوني بعصبيه........شكد حقير وجذاب.....
اصلا لو ضال عليه.....جان ماحجه طول عمره.....
علي..... اي... بس ميصير تلعب هيج علينه.... احنه املنالك..... نوب تطلع كل هذا جذب.....
شبر...... ثق اني ردت احجيلكم..... بس ماكدرت...... وحته كلت خاف اضلم البنيه ويايه..... بس من شفت نجوم...بنت متحشمه وعاقله. ومن كلشي.... ضليت عله انو مااكلكم شي........
وج يمه يمه.... عله هل الجذب.... ادري بي جذاب..
. اطلع هسه....واضربه بالعوده...منو يكلي ليش....
علي.... هسه شنو تريد شبر.....
شبر... اريد مرتي.......
علي..... شوف امي معنده... ماتقبل ترجع اختي... اله تجيب اهلك... ويطلبوها مره ثانيه.....
شبر.....هاي مكدور عليها...اني اجيب اهلي....لاتخاف....
علي....اكلك....خاف هم لعبت بالاسماء الاب او الام...من تزوجتو.....
شبر...لا...نفس كلشي....ماغيرت شي....هيه مرتي بالحقيقه...ومامزور شي....مااكدر العب هيج.لعب....
علي....عبالي.....اني هذا السؤال جان كلش محيرني....وهسه يله رتاحيت.....
شبر....وهسه شنو....
علي....شوف شبر....انتضر يومين ٣...١٠....لمن تهدء امي...لان هسه معصبه منك هوايه......خليها هسه عدنه.....بين متجيب اهلك....
تنهد...انشالله....بس صيحلي نجوم...اريد احجي وياها....
علي....هسه انشالله....
طب علي....
لزمته من ايده....وكتله....خلي يروح...مااريد اشوفه......
هو جفل من لزمته......دمشي....يمعوده....خطيه....
...لا والله مااروح اشوفه......خلي يروح......
علي...ليش ولج....
......كلبي مليان منه....
ضحك علي...وفتح الباب.....ماتقبل تشوفك.....تكول كلبي مليان منه....
هو ضحك......شسوي.....اروح.....سلملي عالكل...وسلملي عله مقتدى وحسين وخليل.....وامك....
علي...الله يسلمك.....
شبر....سلملي عليها همينه...ادري براسها يابس...مااراح ترد عليه من اتصل......
ضحك علي...... انشالله....
شويه كامو يحجون عالمشكله.....طبيت وعفتهم....
كلبي مليان من شبر......من صدك....
شهد وليله جوي ازواجهم وراحو.....
كتلهم راح اضل يومين هنا...لان شبر مسافر....
وكتلهم اخو جابني لهنا....مو هو....
لان اتعب اذا احجيلهم السالفه.....
اخذت هدوم...من الكنتور....
وبدلت....من داانام....باوعت عالموبايل.....
داك شبر عليه.....والله ماتستاهل اردلك حته.....
ذبيت موبايلي عالجهه الثانيه.....
داانام....دك الموبايل.....
باوعت عليه.....شبر....
تأفأفت......وكمت....فتحت الخط......شكو يمعود.....شتريد مني....مو ماتريد تحجي ويه جهال....شتريد لعد مني.....
شبر......سكتي نجوم.....تره هوايه تلغين.....
.....شتريد مني لعد اذا مااتريدني الغي....
شبر....كليلي احبك....
فتحت عيوني بوسعهن.......اكيد انت مخبل.....من وره هاي داكلي.......
شبر.....ضحك....كليلي احبك.....وسدي...عادي....
.......لاوالله.....ماكلك هاي الكلمه......اله تبطل عصبيتك عليه.....والتكرص.....
شبر....ضحك....يعني تحبيني....
.....شبر....والله مالي خلك....شتريد....
شبر......انتي تحبيني..
.....يبووووو......شنو انت شارب اليوم......اشو مثل الببغاء.....تعيد الكلام مرتين.....
ضحك......يعني تحبيني....
....والله راح اسده اذا تضل تحجي الكلام مرتين.........وبطل چذبك عاد.....چذبك راح يدخلنه بداهيه.....
شبر....ليش شوكت مچذب اني.....
........وج يمه......لا ابد....انت مامچذب......اني الي چذبت...شبر مايچذب.....اني عاره....
شبر...اييي وهوايه عاره هم....
تنهدت بعصبيه.....انت تريد تستفزني مو....خليني خلصانه منك بس هاليومين....
شبر.....مو ماحلو اليومج بدوني....شسوي....لهذا اتصل عليج.....
ماعرف شلون مصرخت من العصبيه.....
........شنو تريد مني....عوفني....
شبر.....كوليلي احبك....
......تحلم....تسمع هالكلمه.....
شبر.....يعني ماراح تكوليلي احبك....
.....بعصبيه....شبيك اليوم....دخيل الله.....
شبر بضحك....علكيفج بابا علكيفج.....لاتموتين.....
.........شببببر.......شكو داك مدكلي....
شبر......داكلج حته تكليلي احبك....
سديته.....وشمرت موبايلي.....والله عصبني.....
كمت بعصبيه.....غسلت وجهي...ورجعت نهمدت....
كعدت الصبح....
فاطمه كعدتني....
تريكنه.....وكملنه تعزيل.....
ضل ٣ ايام....شبر....مامتصل عليه...ولا اني اتصلت عليه......
جانت حياتي عادي....بهل ٣ ايام.....
بس بصراحه حلوه..لان يم اهلي.....
بليل...هم من داانام.....دك عليه شبر....
........كال السلام عليكم.....
.....وعليكم السلام.....
سكتنه ثنينه......
......هاا....شلوونك....
شبر....الحمد لله....انتي شلونج....
مبين صوته كلش تعبان.....
....زينه الحمد.لله......هااا شسويت....
شبر.....كلت لامي وابويه......رزلني لان جذبت عليهم.....وماقبل ارجعج الي.....
......شراح تسوي هسه.....
شبر....شمدريني.....
.....وين هسه انت....
شبر...وين يعني.....بيتنه.....
....يم اهلك....
شبر...اي.....
......ليش يم اهلك....ليش مو بالشقه....
شبر.....باجر انشالله ارجعلها.....
......صوتك مبين تعبان كلش....
شبر......مابيه شي...بس حساسيه...باجر انشالله تروح.....عادي....
.....حساسيه شنو.....
شبر....برد....
......هااا......دير بالك عله نفسك.....
شبر....انشالله......بس لاتخافين....انشالله باجر....نجي يمكم.....ونرجعج....
......مو كلت اهلك ماقبلو.....
شبر......اني اقنعهم......واذا ماقبلو....البيت هذا بعد مااوصله...وخلي ينهجمون.....
كمت شويه نحجي ويه بعض.....
ماحست عله نفسي.....اله واني نايمه بنص المكالمه.....
جنت كلش تعبانه....
مر يومين. عله هالمكالمه....
....اتصل عله شبر...وماكو....اخير شي...كتبلي رساله...اليوم نجي....
كمت عزلت الاستقبال شويه.....
واخذت فلوس جانن عندي بالجنطه....لان كل يوم...ينطيني فلوس شبر...ويكلي اخذيهن اشتري الي يعجبج.....
جبتهن ويايه....
رحت حفيت وجهي......اني وفاطمه.....
وثنينه رحنه للسوك.....اشترينه عاد ماسكات للوجه....وشتريد شامبوات.....وشتريت فانيله مخططه لشبر..وبنطرون....لان هوايه اشوف يلبس مخطط........شتريد لوازم البيت...الي جنت محتاجتهن......
وشويه شتريد من المكتبه قصص.....
شتريت البهارات هوايه...
روح كلبي البهارات....
شتريت حلويات هم لماما وعلي.....
وشتريت حذاء كعب عالي....
وحذاء لشبر.....اصلا اذا يجي....رجله جبيره ماشاء الله....
وجبت الي هم......وفاطنه هم شترت هوايه....
ومانسيت البندانه......لان روح بكلبه هو لبس البندانه.....
جنه هوايه شايلين....فطسنه بنص الطريق.....مكدرنه نشيل اكثر....
جبنه سياره......ورجعنه للبيت....
شلنه كل الي بالسياره...وجا علي يساعدنه....
وهو يكول...يمعودين شكو هلكد جايبين.....
....شنسوي....غير لوازم البيت.....
باوعت فاطمه تدير وجهه من علي.....هم زعلانين....
ماتدخلت...اكيد هم عالخلفه.....
وعلي كلسا يباوع عليها...من داننزل الغراض....
باوعت اكو سيارتين يم بابنه.......هاي مبينه مالت شبر.....توني دااحجي.....
علي.كال.....نجوم...تره عيالج هناا....
عقدت حواجبي....والله.....
علي...اي والله...وامي يمهم......
نطا فلوس للسايق.....
وراح للاستقبال.....
خليت كل الاغراض بالهول.....
وطلعت للاستقبال...اتصنت عليهم.....
سمعت اصوات ام شبر...وابو.....وسمعت صوت شبر...
صوته رايح....مطبك.......مبين مريض....
صدك نقهرت عليه.....يعني خطيه...دائما يتمرض....
شويه وصاح عليه علي...نروح للاستقبال....
سلمت عالكل....وبوست عمتي.....الي خطيه هيه هم كبرانه اكثر من عمرها.....
باوعت عله شبر.....مخلي كانوله بأيده......وشايل الجبيره....
الكانوله مايخليها....قليل كلش...اله اذا ينصاب بحمى...نفس اخر مره من نصاب بيها......
بس دائما تجي حاله من الكحه او العطاس المستمر....اذا برد.....
اما اذا برد هوايه......تصيبه الحمى....
كعدت يم علي....
الي هو هم يحجي.ويه عمي....
مبين عمي ماطايق يحجي.....بس عمتي منطلقه بالكلام...وتحجي..تريدنه ترجعنه.....
وشبر يحجي قليل....
اخر شي....ماما قبلت ترجعنه....
عمي وعمتي.....تأسفو من الي سووا ابنهم.....وراحو....
چلبت ماما وياهم....يبقون...ماقبلو....
وشبر.....راح بالسياره.....ينتضرني....
صعدت الغراض....بالصندوق...
وشبر كاعد....ماحجه ويايه ابد....مبين تعبان.....
علي ساعدتي عالاغراض....
من كملت....سلمت عله ماما...وعلي وفاطمه وفاضل....
وصعدت ويا.....
طول الطريق.....ماحجه شي.....
وصلنه...اخذت هلي اكدر اشيلهن للشقه....
ورجعت اخذت الباقيات......وسديت الصندوك....
هو سد الباب وقفلها....
وصعدنه للشقه.....
شفته كعد يفرك براسه.....
وراح ركض للحمام.....
طبيت للحمام......لكيته دايتقيء...
غسل وجهه.....
.....شبيك.....روح للمستشفى...مداتشوف حالتك شلونها.....
شبر.....شويه واطيب......بس اريد انام.....
لزمته من ايده.....
ووديته للغرفه....نيمته.....
خليت ايدي عله راسه....حار هوايه.....
جبت خاولي صغير...خليت مي بارد....وخليته عله كصته.....
ضليت تقريبه بالساعه.....هيج.....
شويه تحسن.....
نزلت للشقه....جان اكو يمنه يبيع فلافل وكص ولبلي وكباب....
شتريت كباب..وصمون ....وصعدت فوك.....
باوعت عله شبر...وكومته.....
اكل شويه....
نطيت الادويه اله......ورجع نام.....
بليل كلسا...واكوم اشوف حرارته.....وارجع انام....
صدك تعبت كلش....هالمره......جنت خايفه كلش يصير بي شي.....
هالحساسيه الكشره دائما ترجعله.....
كعدت الصبح ساعه بال٧.....كلي كعديني عندي دوام بالمدرسه.....
كعدته......وراح سبح....
حضرتله ملابسه.....
لبسهن.....وبسرعه طلع.....
نمت...شويه...وكعدت بال١٠....
طلعت العلاليك....وعزلتهن.....
واني ودااعزلهن....باوعت عالعلاكه.....بيها شي غريب.....
باوعت عالعلاكه......
وفتحتها.....اكيد مالت فاطمه....
طلع مال الحمل....واصلا هذا الجيس...جيس فاطمه.....شلون ماشفته.....
مو اغراضه نفس اغراضي....لهذا تبدل الاغراض.....
جان الاغراض دنابيس وطاك مال الشعر.....واشياء مال الشعر هم....
ذبيته بالجرار....
وكمت سويت اكل.....
عاد ساعه بال١٢ ونص.....
نفتحت الباب.....وكعد عالقنفه....
باوعت عليه......الله يساعدك.....
شبر...ويساعدج....
جبت الاكل....واني احسه مهموم...وماطايق كل شي.....وتعبان.....
كمنه ماكل.....
شبر......حضري اغراض الشقه كلها......البيت جهز...وجبت كل الاثاث.....بقه بس الاشياء البسيطه....
بتسمت....والله....
هز راسه بأيي....
......شبر شبيك....
...مابيه شي....
ماحبيت الح عليه......من شفته مايريد يحجي....
شلت الصينه...دااروح......
نزل راسه......وتنهد......اذا اكلج...يمكن تطلبين الطلاك........مااعرف شداهاني وسويت هيج.....اني والله والله......
سكت.....
باوعت عليه......ونزلت الصينيه......شنو.....شسويت....حته اطلب الطلاك منك......
شبر.....نجوم انتي ماتستاهليني....ابدا ماتستاهليني.....انتي تستاهلين واحد زين....ويكون احسن مني بهواي.......
عقدت حواجبي......شداتحجي...كلي شبيك...مداافتهمك.......
باوع عليه...ونزل راسه.......باوعت اكو دموع كامت تنزل منه......
.......شبيك شبر.....داتخوفني تره.....
باوع عليه......ومسح دموعه.....تريدين تطلكين مني مو......
.......شبر.....لخاطر الله....كلي شبيك......والله داتخوفني.....
كام......وراح للغرفه......
ضليت صافنه......شبي......والله دايخوفني حيل......
كمت.....باوعت عليه....ذب البنطرون....والفانيله.....ولبس غير هدوم.....
وطلع من الشقه كلها......
ضليت صافنه.....شبي.....مداافتهم......شنو الي راد يكله......والي من ورا بچه.....
ضليت اتصل عليه.....مايرد.....
ادز رسائل.....ماكو اي شي.....
معندي غير انتضر شوكت يجي....
شويه وندكت الباب....
لبست شالي....وفتحت الباب بلهفه.....باوعت.....وشمأزيت.....هااا....شتريد....صديقك ماكوو بالشقه.....
عمار...يولي....هوايه ماخذه نضره سيئه عني......
.....عمار...شنو تريد مني.....دخيل الله....والله مالي طايقه شي....
رفع حاجبه.....وين شبر.....
......مااعرف...طلع....
عمار......اكيد...طفشتي منج....
.....شتريد مني....مثل متعرف.....البيت ماكو بي بس انه..وعيب ادخل رجال غريب بي...
دفعني.....وسد الباب.....اني رجال غريب مو....
......اي.....انت لعد منو.....انت ماتصير مني شي....
عمار...اني...ابن عم رجلج....
......اي بس ماتقربلي.....رجاءا.....روح......عيب هيج تسد الباب...
دفعني عالحايط.....وخله ايده من الجهتين....
والله ماخفت...اكثر من هذا اليوم.....جنت كلش خايفه...وارجف....هذا شدايسوي......
ضليت منزله عيوني....واني ادعي مايفتح الباب شبر...
ادفعه....ماكو...حايط.....
باوعت عليه.....عوفني....انت شداتسوي....
عمار....والله احب كلش نضرات الخوف منج...شسوي مو بيدي....
...... عمار تعوفني لو شلون....
عمار....بضحك...شلون....
عضيت شفتي حيل.....وشلت رجلي وضربته بالمكان ............................
لزم المكان......وكام يصيح........ويحجي عليه.....
بتسمت....وضحكت عليه......تستاهل....حته لاتشك بقدراتي......لان اني اذا اكون خايفه.....يعني اني بعز قوتي...واستعد لاي هجوم......ولضرب بدون تردد.....
عمار......تستعدين لاي هجوم...انتي صدك هجوم...مو نجوم.......
دايلزمني.......صحت بعصبيه...واني اخنزر عليه.....دير بالك.....لساك ماتعلمت الدرس مبين.....
عمار......يمه....والله لو كال شبر......ذيبه.....ماتخاف من شي......
.......عمار زودتها تره......روح منانه...عيب تكعد يم مره متزوجه....ووحدها......
عمار.....ماشي..ينجوم......هسه واحد كل......اني واحد وانتي واحد........نشوف منو الي يفوز....
.....ليش تخلي عقلك ويايه.....
مشه...وكعد عالقنفه.....بكيفي.....يعجبني....
......عمار.....اذا تريد الخير لشبر......روح منا...واكصر الشر عاد......اذا جا شبر راح يفهمنه غلط.....
كام.....ورفع حاجبه....والله اني يثق بيه.....ويعرفني احب انرفزج لااكثر.....
فتح الباب......وغمزلي......باي.....خلي نشوف منو يفوز.....
سد الباب......وكعدت عالقنفه.... حيلي مهدود من الشي الي صار........صدك خفت......هذا مخبل اكيد....
ياربي....شدايصير بحياتي......والله مداافتهم.....والله تعبانه.....
تعبني شبر....وهسه عمار.....
كمت احس كل جسمي يرجف...وراسي حينفجر.....وسنوني تصك....
مااعرف ليش دموعي نزلن.....مع انو جان عمار قصده بس يخوفني......بس اني حسبت شي ثاني.....عبالك دايته عالشبر.....
غسلت وجهي......
ورحت سديت الباب وقفلتها.....
وكعدت بالغرفه عالسرير.....ابجي.....
مااعرف شصاير....وشراح يصير بيه بعد....
كمت تعوذت من الشيطان.....
ورحت احضر كل الغراض.....حته اطلع من هاي الشقه.....
بس كلسا والتفت....خاف احد ورايه.....كلسا......واعلك قصائد.....حته انسا كلشي....
ماكدرت اتحمل.....صدك جنت خايفه....ماعرف ليش هالخوف....
لبست عبايتي وربطتي....
وكعدت بالباب مال الشقه.....
شويه رتاحيت......وحسيت كلشي نزال عني....
باوعت مريه جانت تباوع عليه....
وجتي يمي....
المريه...انتي مني يمه....خاف مره شبر....
بتسمت.....اي والله.....مره شبر.....
كعدت بالكاع يمي.....وضحكت.....ليش كاعده هنا لعد.....
....جنت مختنكه والله....وكعدت هنا......
المريه...ليش وين شبيران....
باوعت عليه..وضحكت.....والله بالشغل.....هو بالعاده يجي بال١٢ ونص....من دوام المدرسه....ويروح بال٢ للشغل الثاني.....بس مااعرف ليش طلع من وكت....
المريه....ديري بالج عله شبر يمه.....لاتضيعي من ايدج.....هو خطيه....تعذب هوايه بحياته.....وخاصه اهله.....هو هم جان ماكله الغلط من راسه لرجله....بس هسه تغير......
.....انشالله عمه....
المريه...ياخوفي يرجع للايام القديمه.....
.....مبين تعرفين كلشي عليه....
المريه......اي عادي.....اني دائما يجيني.....ياخذ مني الاكل...من يبقه وحيد...هو واصدقاءه.....ويسولفلي هوايه.....
باوعت من بعيد....جان منزل راسه.......وحجيت...خاله جا شبر...عليج الله لتكليله اني جنت كاعده هنا.....
بسرعه طرت عالشقه.....ذبيت عبايتي وعلكتها....وربطتي خليتها....بنفس مكانها.....
مااصير غبيه...واعيد الغلط...من لزمني اخر مره....
كعدت العب بموبايلي....
ضليت انتضر وانتضر....هسه حيفتح الباب......بعد شويه...ماكو....
ساعه كامله...واني انتضره.....يله نفتحت الباب.....
باوع عليه......
وراح للغرفه.....
كمت وكفت ورا......شبر.....شبيك....ليش متحجيلي...اني دائما صريحه وياك...كون صريح ويايه......لو بس مره.....
باوع عليه........تعبان....اريد انام.....حته شغل مارحتله......عوفيني....لتكعديني حته عالعشه......بس كعديني لباجر انشالله....بال٦.....اروح للدوام...
....شلون بيك.......النوم مطاير.....صحصح عاد شبر.....دااحجي وياك.....ليش هيج تعاملني....
شبر.....بروح الامام الحسين عوفيني.......والله والله ماكدر احجي....وبلكوه دااحجي.......
ماحجيت شي....غير بس سديت الباب بعصبيه...وطبيت للصاله....
من ساعه بال١ ونص الضهر.....لحد ساعه بال٦ الفجر .....هو ماكعد.....
جنت صدك خايفه عليه.....
كلسا اروح اشوفه.....الزم كصته...او اخلي اصبعي يم خشمه....اشوفه يتنفس لو لا......
عايشه بحاله رعب...
تصلت عله عمار بدون وعي.....من طلع شبر للدوام....
عمار.......هلا بل هلال.....هلا......
.........ياولد .....بله هالالقاب هاي.....
ماعرف تنرفزت...مو مثل شبر...اني ابتسم من يكلي هلالي..بس غيره لا....
عمار....ياولد هاا.......شنو تريدين....
......اريد اشوفك......اريد احجيلك شي....ولازم تجي....
عمار....حلفي بالله هذا مو مقلب....
......عيب عليك.......اني مااسوي اشياء سخيفه مثلك.......
عمار......ولج اخ من لسانج اخ...ولج شلون بيج....
.......تعال...واكلك...واذا ماتجي...عادي....اخابر احمد هو يجي.....
دايحجي....سديت الخط بوجهه.....خلك....الله لايردك......كلبي مليان منك...عالبارجه.الي سويته.....
ندكت الباب......
فتحتها....باوعت...وبتسمت......هلا عمتي....
سلمت عليها.....وكالت.....وين شبر لعد....
....عقدت حواجبي.....بالدوام غير......
عمتي.....انتي هم منعمي عالكلبج......اليوم جمعه....
للحكايه البقيه.........
اسفه الخميس مانزلت...... لان نجوم مداتنطيني البارتات بسهوله مثل قبل... بسبب المشاكل الي عدها.....
ونت هم ماعندي.....
وشكرا لصديقاتي......الي بلغوكم عني.....
وشكر للمسبات الي جتني بالخاص.... مشكورين ماتقصرون......