الحلقه 49 ❤️
ريهام: صبيت علي الدروج وقعدت نسمع صوت هرجه وعياط صوت جلال واضح.
جلال:: قالي يبيني في موضوع خشيت قعمزت معاه. قعد يهدرز. ويحكي. في كلام بادله ايات قراءنيه واحاديث الرسول قعدت نسمع ونمشي فيه نهز في راسي. ويمشي ويجي علي اية المال والبانون والشرع محلل وكلام واجد وانا هازي عليه ونمشي فيه
جلال: عليه الصلاة والسلام
باته:: وعمتك. مسكينه ارمله وعندها هل البنت الوحيده. وباتها مسيب. خير واجد. واملاك للبنت وامها. وهي خايفه الناس تطمع في البنت صغيره. وينضحك عليها. وقالت انا اللي نختار الزوج المناسب لها. وتبيه من العيله.
جلال:: لا صح عندها الحق. فكره. تاخدلها حد من العيله حتي يخش ويطلع عليها. وعمتي ماتتقيدش
باته:: فاانا قتلها. انا عندي من يحميها ويحافظ عليها وعلي رزقها.
جلال: هزيت راسي وقتله
شوفلها.
باته؛؛باهي شن نفهم منك. انت راضي
جلال:: راضي الحمدالله علي حياتي. ونشكر في ربي ليل نهار
باته: نقصد. راضي انت تجوز بنت عمتك
جلال:: انا متجوز. شوفلها غيري
باته:: بس انا قتلها نبيها لجلال. واتفقت معاها.
جلال:: جمدت مكاني وقتله نعم شن تقول
باته: انا خطبتها من عمتك اليوم
جلال::صبيت وخديت الموضوع بجديه
باي حق تخطبها ليا انا جيتك طلبت منك حاجه شكيتلك شفتني. مهموم ولا مضايق. باي حق تقرر عليا
باته:انا اللي نقرر وانت مزلت في نظري فرخ. مش عارف مصلحته. واخدتك العاطفه. وناسي انه حقك والعمر يجري. والعيل سند في الدنيا ويدعيلك للاخره
جلال: توا. قعد حقي. وهي وين حقها لما ضحت وتجوزت راجل مريض بمرض معدي
بنت صغيره كبرت عقلها وضحت. عشان زوجها عاشت معايا اصعب الايام. في حاجات خاصه محد عنده العلم بيهن.
عاشت في توتر. نفسي. ومحد غيرها كان عايشه.
ترقد وتنوض مفروعه حاطه يدها علي بطني. تتاكد. في نفس ولالا.
تشوفني نتنفس. نسمعها تقول الحمدالله.
حقها. لما كنت انا حارمها انا من العيال وين محد تكلم ودورها وقتها. اسف سامحني. لا يمكن نديرها
باته؛ بطل عواطف وهبال انا خلاص اتفقت معاها البنت جاي ولد عمها يبيها. طامع فيها. سبقته وخطبتها لك.
قدام اعمامها وقتلهم الجمعه فاتحه والدفع.
جلال:: طول الوقت اناقش فيه ومبرد في الكلام والحديث
بس لما حط يده علي ركبتي وقالي خلاص اتفق معاهم
فنصت فيه وقتله انت باي حق تمشي تتفق بالساني انا راجل. وعندي شخصيه وقرارت. نتخذهن كيييف تصرف من راسك شن تحسابني. مرخي نقولك حاضر يابابا. اللي تبيه ديره. انا مش موافق والاتفاق معاهم الغيه.
باته: انت الوحيد. اللي مرضي وتسمع في كلامي مش معناها مرخي اني انا اللي فرضت عليك ريهام وانك. منكلب وراها. نفس الشي بنت عمتك. توا تتريح معاها. وتقولي ياباتي. شكرا
جلال::ان شاءالله تحساب روحك في ريهام اني رضا لاوامرك وافقت. بالساهل هك. لا ياحاج انت غلطان. خوتي كلهم عارفين. وامي عارفه انا اللي نبيها ونحبها
باته:: اسكت ياقليل الادب. هييي وين الاحترام وين الادب اللي ربيتك عليه
جلال: عيطت بصوت عالي. انا نبيها ونحبببببببهاااا مراتي. وهذا مش قلت الادب. واللي انت تبيني نديره ولو. تقتلني. ماني دايره.
باته:: هبال وطروح ومجرد راجل طاهق انت. بس لما يجري العمر شن ادير. يوم تلاقي روحك بروحك لا غيل ولابنت. تشيلك. لما تشوف خوتك كل واخد بعياله ماشي جاي بيهم وانت بروحك الحب هذا طهقااااات يجي يوم. وتحس روحك نادم وتبي عيل مراتك لو بنت ناس صح ولو معندهاش الانانيه. هي مفروض اللي تخطبلك.
جلال:: وانا العيال لو مش من ريهام نبيهمش. بنت اختك عدي وفضها معاهم. وانت بطل طمع وشجع. والناس اللي تحكي عليهم طامعين انت واحد منهم. انت طماع. جوزتني بنت الحاج علي عشان تقوي علاقتك لمصالحك الشخصيه وتوا تبي تكمل علي اختك بطل طمع ياراجل
باته:: جلال كيف تحكي معايا هك. انت فاطن لروحك مع تتكلم. انت شايف صبعك كيف مرفوع في وجي.
هي كلمه وملهاش نقاش الدفع والفاتحه الجمعه. والا لانك ولدي ولا نعرفك. سمعت لاولدي ولا نعرفك.
جلال:: علي اساس تعرفني ولا تعرف عيالك شن يبو وكيف طموحهم وشن يحبو ويكرهو. علي اساس عمرك. مسحت علينا علي اساس لما كنا نطيحو وننجرحو عمرنا لجأنا. لك ولا لمراتك. طول عمرنا متعودين علي الجفاف والحرمان من انك بونا. تجوزت وشفت الحنيه عند مراتي جاي انت. تبيني نجرحها سامحني يا بس معرفتك هك منبيهاش.
قعد يدف فيا ويعيط ودار روحه طاح علينا. يرعش. وحاط يده علي قلبه قعدت امي ترعش وتعيط وجن خواتي والحوش شال. قعدت. مصدوم طاح. ومنظره. يخوف.
مشينا اسعفناه وطلعوه قالو ارتفاع في السكر
ريهام:: سمعت كل الحديث سمعتهم يعيطو طاح عليهم. خشيت نجري شقتي قعدت نبكي. شن اندير. حي عليا الجمعه خلاص. هكي بسهوله يجوزه
قعدن افكار يشيلن فيا ويجيبن حي عليا كان تجوز. منقدرش انا نتحمل. نعيش مع شريكه لا والف لا مانوصل روحي للمرحله هذي. في اللحظه هذي اكثر حد احتجتله اثنين. عبدو. واماني. والاثنين مش معايا. مخنوقه ومضايقه.
رنيت علي رشا
رشا؛: كذابه. طح سعده الشايب العايب. موت ان شاءالله.
ريهام::رشا قوليلي شن اندير. حي عليا يارشا. بيجوزه الجمعه. حي عليا. حياتي بتنتهي. حي عليا يارشا. ادمرت. هذا اللي كنت خايفه منه. يجي يوم وننحط في الموقف هذا. موقف الاختيار الصعب
يا نرضا بشريكة ليا لزوجي. وتنقلب حياتي
يا نرفض. ونطلب الطلاق.
رشا:بس جلال مش راح يوافق جلال. يحبك ولاممكن يوافق.
ريهام::باته طاح يارشا نسمع في خواته المتجوزات وخوته يعيطو ويقولو شن درتله نسمع في صوته هوا يعيط معاهم. ياباتي صبي يعني. انا اللي موقفي بروحي وحيده. وموقف ضعيف. جلال الا ما يرضا ويوافق.
ويتجوز ويجيب عيال
رشا:: باهي شن بتديري توا
ريهام:: مش عارفه. انا انانيه منقدرش نسمح لحد يشاركني فيه. لو. يبي يتجوز يكون. طلاقي قبل.
رشا:: لا ياهومي لا ياحبيبتي. بطلي هبال. مهما كان مش لدرجة الطلاق.
ريهام:: ها. نقعمز ونشوفه. ماشي. راقد عند وحده غيري.
متنكتب عليا ولو ايش. ننفصل بالاحترام والود ولا بالكره. لان لو شفته متجوز راح توصل بيا لمرحلة الكره
سمعت صوت الشقه انحل. صكرت ومسحت عيوني.
جلال: السلام عليكم
ريهام؛:وعليكم السلام. وطبست راسي
جلال;فطنت لعيونها وكيف باين عليها البكاء.
حبيبتي. نبي ندوش انا. حطي تلفوني في الشحن
ريهام: حاضر
جلال:: خشيت تدوشت. وقعدت تحت الميه نفكر. شن اندير يارب. كيف نتخلص منه. الجمعه خلاص. قربت اليوم الاحد
طلعت وانا راسي من الافكار اللي تمشي وتجي
طلعت. جتني تجري كالعاده تمسح في شعري
جلال::خلاص ياهومي كويس جف.
ريهام؛؛ انت ترشح. والجو بادي خريف
جلال::طلعت بجامتي ستان سوده ولبستها
ريهام:: كنك امطلع هذي لك زمان عليها
جلال::صبيت علي المرايا مشطت شعري وبخيت عطري وبرمت مسكتها مع وسطها
اصلي هك عارفك تحبيها.
ريهام:ضحكت ضحكه صفره. وخديت المنشف ننشر فيه. ونبرم علي الحمام
جلال:: اتكيت. علي فراشي. وتنهدت. حاس بحمل علي صدري. غفيت من الارهاق والتعب
ريهام:: شفته طفيت عليه الضي وخديت دبشي غيرت في الحمام. طلعت. اتكيت في الصاله. وعيوني مبنش يوقفن. دموع. دموع بس بدون اي افكار او كلام
حسيت بيد مسحت دموعي
جلال:: برمت مش جنبي صبيت. كانت متكيه سارحه وعيونها دموع. مسحت دموعها ونزلت علي ركبيا جنبها
خايفه انديرها
ريهام؛ نزلن دموعي بغزاره وهزيت راسي. اها
جلال: نزلت دمعتي وقتلها. حتي انا خايف. منبيش. ياريهام. منبيش.
ريهام: يعني. احتمال اديرها
جلال:: منبيش. بس كلهم محمليني ذنبه لو صارتله حاجه
ريهام:: وانا. ذنبي عند من. من يتحمل. ذنبي. يوم الجمعه.
جلال: ريهام انا تعبان شن اندير.
ريهام؛: قعمزت. وعدلت قعدتي. وبحتت فيه
يعني تفكر في الموضوع. انا نقولك الحل. تجوز. لانك واضح انك مايل لكلامه. بس طلقني ياجلال طلقني. مش ريهام اللي تعيش مع ضره.
جلال:: طلاق في عينك ولو. ايش ماني مطلق
ريهام:: صبيت وقتله
غصبا عنك اطلق. وخشيت للدار. وسيبته. مكانه
جلال:: حطيت راسي علي الصالون. وتعوذت من الشيطان صبيت نجري خشيتلها كانت راقده في السرير
لا ني مطلق ولا متجوز. بطلي. هبال وتفكير. الغبي امتاعك
ريهام: انت قتلي حاير وتبي الحل. لاني حسيتك مايل. للكلام قتلك الحل
جلال:: خشيت معاها في الفراش اسف لو وصلك كلامي غلط. بس انا نبيك ونبيش عيال من غيرك. ريهام وراسك ماني مزعلك. ولاني متجوز. وباتي يخبط راسه في الساس.
ريهام:: يعني الجمعه
جلال: بكرا نمشي انا حوش عمتي ونحكيلها متخفيش. وراسك اللي انتي خايفه منه مستخيل انديرها. نحبك انتي وبس انتي وبس مراتي. وحبيبتي.
ريهام:: ربي يخليك ليا انا سمعت كلامك. مع باتك صح باتك طماع. وتزعل لما نقولك متخلف
جلال::طبعه شين. يحساب روحه في العسكريه. اوامر تنفذ
ريهام:: جوليتي يعني انت راضي بيا وانا عقيم
جلال::هوميتي يعني انتي تحبي وتعشقي السيره هذي وتحبي تكرري الكلام. مسكت وذنها.
شوفي الكلام هدا حطيه حلقه في وذنك
لو. خيروني بين نرمي روحي في النار ولا نتجوز عليك
نرمي روحي في النار ونحرق روحي ولا نحرق قلبك ياريهام خلي عندك ثقه اني منبيش عيال من غيرك
ريهام:: رفعت راسي وهلك
جلال:: اللي بيحكي يحكي واللي بيقول يقول بس المهم انا مقتنع وراضي. اصلا. كلامهم ملش اهميه عندي.
ريهام:: وباتك اللي مرض
جلال:: باتي ربي يحفظه ويشفيه بس مش علي حساب دمار حياتي.
ياحياتي انتي شنو منعستيش هومي
ريهام:: لا. بنقعد هك واعيه نبيش الايام تمر خايفه
حلال:: مسكت يدها
خوف مش في محله عيشي ايامك وحياتك وانتي مطمنه.
ماشيه لهلك بكرا
ريهام:اها. تلبيس شقة امل بس. امل ورحمه تبيني انا وخواتي بس نمشو.
جلال::بعيده عليكن مش بنت خالتكن. يعني
ريهام:: بعد جواز عبدو. رحمه تعلقت بينا وتوا عايشه مع اختها والفرح من عندنا وهكي يعني
جلال::وهكي يعني يعني هكككك
نوم يااموره كتفتها.
ريهام: هييي. يديا واعره. ياسامط
جلال::سامط ولا مالح
ريهام:: انتتتتتتتتت مالح
جلال::محد مالح غيرك هك اععع مالحه مخلل . من. الدموع
ريهام::جلالالال هييي حول
جلال::هههههههه قصدك مزلتي. محظوره
ريهام:: اها مزلت هههههه
><~<~<
امل:: كنت راقده رن. تلفوني الساعه 5الفجر. فراس شن يبي توا
رديت واناشبه راقده
امل::الو
فراس:: السلام عليكم
امل:: وعليكم السلام. كنك في حاجه ران توا
فراس: مفش شي غير حبيت انوضك تصلي الفجر حاضر
امل: اها هوا اذن
فراس::قريب بس. نحكو شويه قبل يأذن بعد بكرا تقعدي جنبي وانوضك. وجها لوجه. متشوق بكل لحياتي الجديده
نعد في الساعات
امل:: اها.
فراس:: شنو اها هذي.
امل::اها قصدي صح
فراس:: عارف قصدك بس. مش هكي مفروض تردي
امل: كيف
فراس:: يعني مفروض تقولي حتي انا. ولا ربي يقدرني ونسعدك هكي كلام
امل: باه ربي يقدرني ونسعدك
فراس:: حاطلك حاجه في اول درج للشيفونيرا. خلي. وخده من خواتك تاخدها
امل::
حاجة شنو
فراس:: شيشة صغيرة مية رقيه انا مرقيه لك. اشربي منها. وتمر جايني من المدينه المنوره. عجوة. كوليه فجر بكرا
امل:: شكرا فراس
فراس::العفو ياامل. يلا توا صبي توضي وصلي صوته ياذن. تمام
امل:: انت ماشي للجامع
فراس: اها. ورانا. يلا صبي سلام توا
امل:: سلام
صكرت. وصبيت نوضت ماما ونسمع في صوت رحمه. تبكي. بحتت ساجده تدعي وكانها تحكي وتبكي.
رخمه:: يارب. مرايفه عليه اررررجوك. يارب. نبي نشوفه يارب حتي شويه يارب. له ايام معش جاني في الحلم
انل:: حومه. حبيبتي ارحمي روحك كل ليلة علي نفس الشي
رحمه:: عبدو. معش جاني له فتره. مرايفه عليه. ياامل. حاسه روحي مخنوقه قبل. جيته وكلامه معايه يريح فيا توا مش عارفه. مرايفه عليه
امل؛؛. باهي حبيبتي صبي صلي. ناسيه ان الصبح ورانا شغل. نكمل. تلبيس الدبش
رحمه:: معلش. نكدت عليك اسفه.
امل::تي غير صبي هي.
~<~<~<<
رحاب؛ عليش النكد خاطري نمشي
مراد:: عليش ماشيه كل يوم مش خوك ولد عمك. يعني. مش داعي اقعدي في حوشك
رحاب::بطل يامراد سماطه عاد تي اسامه شايل رشا
مراد::هذكا اسامه وانامنحبش نتقارن بحد
رحاب: وانا منحبش الغمه هذي عاد حتي حوش عمي مقيدني فيه.
مراد:: تعرفي يارحاب تكثري معايا. ززززن نحلف حتي. الحفله مانك ماشيه. ليا يومين مخليك تمشي ومهيجه بس نروح نلاقي. لقة مكرونه ولا طبيخة بطاطا. والحلو. بشكوط من السوق . هذي لا يامدام. تدلعتي واجد. طلوع وشغل وهامله حوشك وطلاباتي
رحاب:: مش تروح تلاقي في الشقه نظيفه وفي نعمه تاكلها ضروري يعني التعقدات امتاعك. والسبل. عشان نسيب الشغل
مراد:النعمه هذي انتي عارفه اني مانكلش فيها وعارفه اني نحب السفره متكونش هك لقه مروحه الظهر. مديوره بسرعه تي رايحه حتي في روحك مش مهتمه وكل ما نجي. جنبك تأففي وييي مراد تعبانه. متكسره. نايضه بدري والطلوع مكياج وكعب عالي. لاشفتك تقولي متكسره لا نايضه بدري
نزيدك ولا تصكري علي الموضوع وتصبي تجيبي. شاهي خضر
رحاب:منيش جايبتلك. شي بنخش نرقد والمشي منيش ماشيه توا نقعد بس متطلبش مني.نفرد وجي.
مراد:انتلفي. مش مدورك وحاسبي روحك بدل الزنين وقلب الوج
><<~<~<~>
ريما:: حماااااادي
احمد::تي ها سكنتي شن تبي
ريما::تي اطلع خلاص بنخش نوتي روحي ونشطف لعبدو
احمد: باهي. اصبري. الميه فيها جو
ريما::قربت. هييي شن ادير ياحاله. ههههههه.
احمد:: هك. حاس روحي مرهق وجسمي تااااالف قلت نعبي الحوض ميه دافيه ونسترخي شويه
تعالي خشي استرخي معايا ههههه
ريما:: رايق. ونبل. شعري ويعدي الاستشوار. تي صبي هيا. البنت تبيني بدري نجيها
احمد:: مزاااال بدري توا الساعه3العصر
صبيت نشفت جسمي خشي هي مزعجه مفكش جو بكل
ريما:: خليته لك الجو.
اخمد:: انا ابو الجو. توا الجو كيف
ريما: يي احمدكنك. حول وقت. قتلك
احمد:: المراءه اللي ترفض زوجها يقولو ملعونه اهددددي ومتخليكش. ملعونه
ريما:: لاه ملعونه صار
احمد:: وانا مش مسامح.
ريما::باهي الليل. نرضيك هيا وووقت. وتي روحك
~<~<~
احمد::عليش ملبستيه هذي
ريما:: سمحه كنها وباينه جديده
اخمد:: يعني من قلت الدبش عنده تلبسيه دبشي وانا صغير. تي واضحه موديل قديم
ريما::بالعكس سمحه جايه معاه والبيبي دبشهم مفش جو موديلات بعدين انا للتلبيسه مش شايلته
احمد:: علي راحتك تصرفي.
رحمه ماشيه معاكم
ريما: اها ماشيه عليش
اخمد::شن تحسي فيها انتي تعودت علي وضعها ولا مزالت
ريما::تتظاهرانها كويسه. بس . امل قالت يوميا تقول جاها وايام تقول غايب وهي مشغوله عليه
احمد:: قايله لمحمد بتسافر لقبره
ريما؛: اها وهذا الشي مفرحها بس خايفه بعد رد لميس. يفوتها لانه معش حكا معاها علي السفر
|>~>|,
وائل:: طول الليل نحاول نتخيل الملامح. بس بدون فايده.
كملتها نكتب في اسم. حومه حومتي. قليبي.
من بسس صاحبت. هل الاسماء من تكون هل الشخصيه
وليد:: خشيت عليه كاين سارح. ولاف شعره.
اااه هكي شكلك سمح. خفف هل الشعر ياراجل وخفف اللحيه
وائل::تي سلم قبل
وليد::خيرات ياقليبي
وائل:: اااه من قليبي. الحزين
وليذ:: مو لو تخليني. انزل صورتك بس تسهل بكل عليك
وائل::لالا فكني شفت امس القضيه اللي ماسكيهن الشرطه الايطاليع اثنين ليبيين بتهمة الارهاب مش ناقص راني
وليد:: مسكت الدفتر. حومه حومتي قليبي
تفكر في اسم المدام
وائل::بككككل بننجن.
وليد :: وهذوما عيالك. اللي راسمهم.
وائل:: اللي عليه النجمة. عليوه عرفت اسمه بس الاثنين الاخرين بننجن ونعرفهم
وليد: ربي يجمع شملكم قريب
هيا تعال معايا نتمشو شويا خير من عل الظلام اللي عايش فيه
~<~>|~
لنيس:: محمد ممكن نطلب منك طلب وتاخده بدون حسس وزعل
محمد:: شنو ياساتر تعالي بطمي هذي
لميس:: قربت انصكرله في سوريته
احميده. خف شويه. حركاتك مع رحمه
محمد;ميلت راسي كيف.كيف شن حاكيين نحن ومتفقين
لميس:مو. يااحميده انت. مكثر. يعني عليش تركب لشقتها تحكي معاها بروحكم. وعليش. الاذن تاخد فيه منك.
وعليش تطلع فيها وفي العيال للملاهي بروحكم. وعليش وعليش
واجد هكي انا مقلتش حاجه اصرف عليهم وطلعهم وكل شي. بس كل. شي له حدود. يعني بجد راك مهتم بيها ومقدر مشاعرها وظروفها اكثر مني انا اللي مراتك
حبيبي انا معاك ومقدره انك مترقدش الليل تفكر في العيال وعارفه انك معتبر رحمه اختك. بس يامحمد. حتي كلام. حليمه والبنات كثر. امس انت مسهري عندهم. جتني رحاب وسالت انتي عادي متغيريش راهو واضح بادي يتقرب منها.
محمد:مو يالميس قدام الكل انها مراتي. وانا نركب في وجود خالتي محرم قاعده. ركبت. زين. عنده حراره. انشغلت عليه بس وكل الهدرزه كانت علي عبدو. تي صورته كبيره في دار المعيشه كانه مقعمز جنبنا
معش تحطي وذانك لحد. وخليني علي راحتي. نتعامل مع اختي وعيالها يا لميس وراسك مافي الا شعور المسؤوليه والاخوه. وخلي في بالك. اني منخونش خويا هي حبت تعيش حياتها وتطلع تتفضل. مزالت صغيره وتعيشها وعيالها مستخيل نحرمها منهم. يقعدو عندي بس انا عارف رحمه كويس. وفاهم اللي في عقلها وحده زاهده في الرجاله ومحدش راح يملا قلبها وعينها غير المرحوم اللي خلاه لها ذكريات وايام. يغننها عن اي حياة.
لنيس:: باهي امتي بنسافرو
محمد:: نراجي فيها تكمل السمستر هذا نبيش نقطع عليها. خليها تاخده خلاص سمستر التخرج. ومنها نعدو.
مع اني بنعرف اصرارك انتي بالذات علي المشيه. هل هوا يتبع عدم الثقه فيا وفيها ولا بس لاسباب ثانيه
لميس:: نبيش نسيبك معاها بروحك. الحق. وهذا حقي
وثاني شي عندي حاجه امانه لازم نوصلها ووقتها راح تعرفها
محمد:: يلا انتي تعلمتي الغموض رايحه تخوفي. برمت نلبس في ساعتي
لميس:: استاذي. حضرتك
. الرجل الغامض بسلامتك متخفي بنظاره
محمد::هههه باهي ياسعاد حسني. مطوليش انزلي. وطيبي انتي العشاء احلفي عليه زي مااتفقنا تمام
لميس: حاضر وربي يسترني. ويجي مقيوم
محمد:: ربي يسترك خلاص حسهم بيطلعو. نلحق ونركب رحمه معايا هههههه
لنيس:: هههههه اختك عادي. مستفزيتنش راهو. اطمن.
محمد:: مطمن وراسك وعارف. حنيتك وعقلك. يلا. تشاو مدام
|>~<~
رحمه:: كنها لميس معدت
محمذ؛؛ احممم المدام ساخنه اليوم بطيب كسكسي للرجاله الليل
رحمه:: بس خويله. قالت توا بعد تروح تحط العشاء
محمد:: انا نبيها اطيب وتخش في العيله. مش عارف حاس البنات هكي مش متقبلاتها بعد ردت
رحمه:: تهيالك
محمد:لا رشا وريهام وريما واضح يجاملن فيها بدون نيه
امس ركبت تبكي وجعتني. حاسه بالفرق بالمعامله.
رحمه: يناعليا يامحمد سبحان الله
محمذ:: كني.
رحمه:: فيك واجد من عبدو. واجد بكل
محمد: كان ميتحملش فيك حاجه
رحمه: كان يبيني نخش في هله باي طريقه. وتوجعه فيا اي حاجه
محمد: بس برضو نختلف. عليه
رحمه::طبعا. في اختلاف بس فيه تشابه.
محمد:: تفكري في السفر وتقولي معش حكا معايا
رحمه::صح
محمد::خلاص. كملي هل السمستر ونسافر بيك اصلا انا معنديش مشيه. الفتره هذي
~>~<~~
امل:: ها شن جو الشقه
رحمه:سموحه بسيطه. بكل.
ريما: مبروك حياتي ربي يهنيك
امل::الله يبارك فيك. فراس يرن. توا نجيكن
~<~>
فراس :ماشاءالله ذوقك حلو حبيت الصالون والتلبيس
امل:: شكرا
فراس::شن يحكن علي الشقه
امل:: عاجبتهم قالو. حلوه
فراس: زي صاحبتها اللي بتشرفها صح
امل:: فراس.
فراس:: انعم ياروح فراس
امل:: انا خايفه
فراس::خايفه مني ياامل من حياتك معايا ولا من ليلة بكرا
امل:: يعني خايفه من بكرا
فراس::متخفيش حبيبتي. انا منخوفش ولا راح اندير شي. انتي مش راضيه عليه وحتي لو حابه اول ليلة تكون بس تعارف ومنجيش شورك حاضر
امل:: عادي يعني
فراس:: عادي بكل. بس صدقيني انتي اللي راح تجيني. هههههه
امل:: توا انت شيخ.
فراس:: وعليش الشيخ حرام يغازل مراته او يحكي معاها
امل::لابس انت هك متفتح نوعا ما
فراس:: انا قدوتي الرسول عليه الصلاة والسلام. والرسول مع زوجاته. في الرومانسيه والحب والعطاء خير قدوه
امل:: عليه الصلاة والسلام. فراس
فراس:.يانعم. شنو اخري
امل:: خليني نصور وراس فراس يعني ذكره معقوله ننسا شكلي وانا عروس. وحتي عيالي يسألوني ماما شن شكلك وانتي عروس. نبي ذكره والذنب ليا انا انت مدخلكش
فراس: نفكر فيها.
امل:: حبيبي. عاد حرام عليك تكسر خاطري
فراس:: احممم.
امل:: هههههه كنك شرقت
فراس:: ههههههه. شويه نشرب ميه
احممم ايوا. شن. كنا نحكو
امل:: المصوراتيه. ثقه
فراس: والتحميض. شن عرفك المكان
ياامل. منضحكوش علي ارواحنا. التحميض رجاله في الاغلب. والاله تنزل في الصور. هك عادي
امل::لالا هذي. قالت تحميض نساء. ووحلفت. عاد.
فراس:: علي راحتك. انتي حره.
امل؛: لا منديرش حاجه وانت مش راضي عليها. لهجتك. هكي انك مش راضي
فراس:: خايف ونبيش نغضبو ربي علي. ليلة
امل؛: بس مرا ثقه ومتخفش وعد نتاكد قبل تصورني
فراس::خلاص جيبيها. ياستي
بس منبيش حد يمسك تلفون ولا كاميرا يصورك حتي خواتك سمعتي
امل:: حاضر توا انبه البنات حاضر.
فراس: توا مزلتي خايفه مني
امل:: لالا
باهي فراس بنصكر نعدي نكمل قصقصه علي شقتي
فراس:: تمام. في امان الله
~>~<~<~<
لميس:: شنو يابنات.
رشا؛؛لا ماشاءالله سلم ايديك حلو
رحمه:: سلفتي ديما نفسها سمح
ريهام:: سلفتك. هههههه
رحمه:: سلفتي وهي عارفه كويس نحن بس سلفات. صح ياميسو
لميس:.ايوا اكيد
مخمد:: رحمه ترا شويه
لميس:: بحتت فيه ورقتلي
محمد:: لميس حتي انتي تعالي شويه.
رحمه:؛نعم
محمد:: هذا كويش لعليوه
رحمه::سمح بكل يامحمد. مش عادي
محمد:: لبسته تمشيش معاها كندره تبي كويش ابيض
رحمه: توا نركب نقيسه عليه. شكرا وربي يخليك لنا
لنيس:: باته احميده مفهش شكر ياهبله
رحمه:: ونعم الاب والاخ
مراد:: محمدوزوجاته شن الجو
محمد:: رايق جاي وتتحنط
مراد:: ربي يدوم عليا. صح ولالا يابنت خالتي
رحمه::ربي يدوم
لنيس:: كنها رحاب منزلتش اليوم مشت للتلبيسه
ودقيت عليها تتعشا محلتش
مراد:: واخده شوية برد. بس
شن جو الشقه
رحمه:: بسيطه وحلوه
مراد:: كويش من هذا زي امتاعي
رحمه::محمد حايبه لعليوه شن رايك
مراد:: حلو
باهي نبو شاهي برا. جيبن
انا عندي جماعه جيبه يامحمد
مخمذ:. ريتي كيف طلع نشتغل عنده علي اساس انا
لنيس:: شن قلنا
محمد:: رقعتها شفتي
لميس:: ديما ركز لانه حتي رحمه بدت تضايق من النظرات والكلام. من البنات
مخمذ:: حاضر. ياعيوني
جيبي الشاهي بسرعه.
~<~~|
مراد::. كلكم. نوعتو في الزوجات الا انا علي نفس المنهج
محمذ: مراد اسمع انا ورحمه خوت مش زوجين كلام علي ورق بس اللي بينا ورحمه. بس اختي. بطل بصارتك السامطه
مراد::يعني بتقنعني انك مش مفكر تعدل. تي حتي غلط هك. شرعا مراتك
محمد:: مرت خويا وبنت خالتي بسسسس. ومعش نبي اسلوبك المستفز هذا
مراد؛: باهي والمدام متغيرش عادي
محمد:: لا لميس اكثر وحده مقدره وفاهمه
مراد:: خليها تعلم اللي عندي وتبطل غيره. شويا
محمد::تي مراتك مفش. منها غير انت نكدي
مراد:: نقانها مافي منها
محمد:: غريبه الرد هذا توقعتك تحجج وتعطي فيها
مراد:: لنا زمان من وفاة عبدو معد تجمعنا وحكينا. صح
محمذ:: كل واحد قعد لاهي ويجري علي حاله تغيرنا. وتغير روتين حياتنا.
مراد:: اشرف مش عاجبني صحته نحسه كل ماله يبان كابر وناقص
محمد::السكر. هذا مسكين
مراد:: نفكر ناخده وهوا وباتي ونمشي لتونس.
مخمد:: عارف ياريت. قبل. انا شايل باتي ايطاليا. بس. هوا يبيش
مراد:: لا توا نشيله غصبا عنه
محمد:: حلمت بعبدو.
مراد:: خير ان شاءالله
محمد:: شي حلمت به يوصي علي عياله
مراد؛. ربي. يقدرك ويقدرنا علي تربيتهم.
محمد:: باهي ليل بنركب انا.
~<|>|
مراد:ركبت. الشقه ظلام. والعيال يلعبو في الصاله.
وين ماما
عليوه::ماما مريضه راسها وتبكي منه
مراد:: تعشيتو
عليوه: اها
مراد:: وماما
عليوه:: قالت تبيش
مراد:: اها. باهي خلاص لم العباك خلاص ليل وقت النوم
خشيت الدار. كانت. علي الفراش. مغطيه روحها
محكيتش. غيرت. ومشيت. للحمام تشطفت. ونزلت تخت
كوثر:كنك كيف الزغده تبرم شن تبي
مراد:: نبي نتعشا.
احمد:مو. قعمزت دقيتها معايا
مراد::انت بايت عندنا يابارد
احمد:: وفي دارك. شن رايك
مراد؛ نسيب بارد ديما محنط.
كوثر:: هذا ولدي واغلي منكم راجل نور عيوني. وبات الكبيده
احمد؛:رد قاتل ياامي
مراد::وامي اخري وراسك تسمعك امك تشفرك تغير
احمذ::اسكت عاد انت ههههه
كوثر: ريما بايته. قتله ليل منكش مروح خليك
احمد::وانا مصدقت غرتني قالن نديرلك فطور عصيده
مراد: لا نازل معناها
المهم نبي عشاء
كوثر:: للمدام. وكنها منزلت ساعدت وقعدت. معانا
مراد:واخده برد قوي ركبت لقيتها بدون عشاء وتاخد في مضاد.
كوثر:: ياعيني. تعال نحطلك
مراد:: حطيلي مقروض معاها
كوثر: وبتحليها اخري. وراسك الا ماهي مريضه المسكينه غير. شكلك مزعلها وجاي ترقع
الصبح كانت بتمشي لحوش عمها
مراد:: حطي وانتي ساكته. رايحه تدخلي واجد ياكوثر
كوثر: قليل الادب. امك راني
مراد::مو سمحه وشعر اميش. والجسم سمباتيك. غلطت نحسابك اختي.
كوثر::صدقت رشا لسان مصريه خود اركب والهبله توا تسامح كالعاده. لو منها نوريك النكد
مراد::توا هي بنتك ولا انا ولدك
كوثر:: ولدي نكدي واللي منرضاه. احمد يديره لريما منتحملش بنت الناس تعيشه
~>|>~
رحاب:: نكد عليا ونزل.عدا معاهم ومعش دورني
وجعتني روحي. وقلت نوريه كيف ماباش يشيلني حوش عمي حتي هله منيش نازله. ولا بيت نفتح لحد
نسمع فيه ركب يقصقص في العيال.
بس خش. غير ونزل. اوووف يعني فاتني صبيت خششت العيال فرشتلهم رقدو. وانا حسيت روحي جعانه. صبيت في المطبخ طلعت جبنه وزيتون. سمعته راكب علي الدروج خشيت نجري لداري وعلي نفس الوضعيه
مراد:: خشيت للمطبخ. شفت. المرمره. كانت تاكل. رديت للدار.
وخشيت للفراش. علي اساس بنرقد.
مراد: مسكت تلفوني درت نغمه. وعلي اساس رديت بصرت واطي
الو. كنك شن تبي توا. لا بنرقد خلاص صكري تفطن المدام.
رحاب::شرعت عيوني خياااااانه وفي فراشي. برمت بسرعه. البرق وفكيت التلفون
اضغط واحد للغة العربيه اضغط اثنان للغة الانجليزيه.
مراد::تجعون صح ههههههه
رحاب:رميته علي صدره وبرمت.
مراد:: تغيري عليا ياحوبه
رحاب:: عليش بنغير لا فيك شكل لا جسم
مراد:خزي. توا. انا قعدت شين
رحاب:: من يومك استغفرالله غير. النصيب عطيب جاني
مراد ::برمت عليها مليانه مني.
رخاب:: نوضتني. بنعاود نرقد معلش حول
مراد؛: اسف حبيبي معلش.نكدت عليك
رحاب:: باهي حول يامراد
مراد: قربت زياده منيش. رحاب ابرمي نبي نحكي معاك
رحاب::نطلع برا يعني عشان تتريح يامراد
مراد:: لا انا توا نطلع تريحي
صبيت. وجيتها مقابل. دني بنرقد
رحاب::اووووف عاد كنك بارد
مراد:: مو. جايك عشان تدفيني
رحاب;:قعمزت وقتله
لو كنت تحساب. روحك تتعامل مع رحاب العبيطه اللي زمان تقعد انت العبيط. رحاب خلاص تغيرت ومعش تبي تسمع صوتك
مراد:: احلفي
رحاب:: تتهزا صح جيت بنصبي كرني نزلني عليه
مراد:: اسف ياروحي اليوم مروح خاسر شويه. ومفش بيع روحت فشيت غضبي فيك
رحاب::مراد انا تعبت من طبعك
مراد:حتي. انا تعبت. بس تحمليني ياحوبه انتي طيبه ونيتك بيضه. الا مايجي يوم ونتغير
رحاب::كيف بتتغير وانت هك طبعك مش ناوي تساعد روحك علي التغيير
مراد::ر بك يهديني
تعشيتي حبيبتي
رحاب:: طيرت نيتي
مراد:بستها علي فمها. اححح حاره يافرخه شن واكله.
امم هريسه. وطعمة زيتون وجبنه
رحاب:: ههههههههه بس ملحقتش وميته جوع
مراد:ليش مافتحتي وتعشيتي معاهم
رحاب ::تبيش تخليني نعدي نحضر حوش عمي حتي انامنيش مشاركه بنت خالتك. وخالتك.
مراد:: اها ترديلي فيها يعني
رحاب::بالزبط وحده بوحده
مراد: جت علي راسك الجو تحت حلو والعشاء مطيبه لميس. طعمته سمح. من الاخير راحت غير عليك ههههه
رحاب:: هكي صارباهي حول هي
مراد:: كتفتها. تي نبصر. وانتي وليه حصله
هيا. صبي تعشي. زوجك الحنون ركبلك عشاء. مقنط.
رحاب:: عميمه اكيد دازته انت ماتدورني عارفتك
مراد;: انا. عمتك هزت عليا.
غير هيا صبي يازعاله عيونك مورمات وبكرا عندك حفله
شلتها قعمزت تتعشا
رحاب::سمح. جاي منها فايح
مراد::اها. حلو.
رحاب::شن ادير
مراد::قهوه ركبت مقروض.
رحاب:: باهي نشوف العيال. ونغطيهم
مراد نبي دار للعيال. عيالك يفرشو علي الارض وعيال خوتك كلهم طلعو شرولهم.
حتي رحمه الارمله شرت
مراد::فنصت فيها شن الحركه هذي مش عيب. تبحتي في. بنت مسكينه.
رحاب::مش قصدي. اسفه جت هكي
مراد:: وراس امك بحتي في العيله كلها. ونقري عليها الا رحمه سيبي البنت في حالها
رحاب: شن قصدك انا حسديه يعني.
مراد:: مش قصدي بس نحسه اي حاجه تصير مع عيال عبدو ومراته نفرحولهم ومنقارنوش بيهم
فهمتي عليا
رحاب:: فهمت. بس وجعتني روحي شوف انا اقل وحده في صبايا خوتك حظ. لا نطلع كيفهن ولا نتدهور حتي التسوق اناوعيالي عاله علي اشرف
مراد:: عد الله طالعه مع اسامه.
رحاب::صح الصبح بنطلع مع رشا بناخد كندره
مراد:: اطلعي. هيا تعالي. دار المعيشه
رحاب:: شفت منظرهم راقدين
يسخف
مراد::ماحالهم سو. راقدين ومدفيين. ومع امهم وبوهم.
رحاب:: بس بوهم عنده خير ومفروض بدارهم.
مراد::مش مساله بخل. شوفي حد يشيلك تختاري وانا نمشي نخلص.
تي انا شقتي ماشقيت بيها في فرحي كله ذوق البنات وامي
رحاب::انت حاله مستعصيه نكدي
مراد:: بس يحبك هل النكدي ويعرف يراضيك صح
رحاب::تعرف تجرح وتداوي
مراذ:: حطي ام بي. وتعالي عندي
~<~>|>~
رتاج:: دزوني. نطلع نلمع ونكنس الصالون. الرجاله في العصر. ومفش حد.
شفت تلفون جاني فضول نفتش. مسكته. صورت مهند. ناعليا سموح. اووف دايرله رقم سري.
مهند:: خشيت شفتها بدون حجاب لابسه سروال امريكي وبلوزه كم. زرقه رديت برا الصالون. وقتلها معلش جاي بناخد تلفوني
رتاج:: حطيت علي راسي وقتله تفضل
مهند: خديته وجيت بنطلع
رتاج::مهند
مهند:: نعم.
رتاج:: بنسالك عندك. كاميرا كانون تبيع فيها قالت امل
مهند::عندي انواع وعلي عدد الطروف اللي معاها تبي تشري انتي
رتاج::خاطري فيها وبابا وعدني لو جبت مجموع كويس ياخدها ليا
مهند:: ان شاءالله بالنجاح كيف امالا تحبي التصوير
رتاج::بككل. وانت
مهند:: مش شوري بكل. معنديش هوايات انا.
رتاج: يي صوت مراد. جاي
مهند:: حي امك خشي. بسرعه خشي.
رتاج:: خشيت نجري للحمام الرجاله
مراد::كنك مستوه
مهند: لا شي. انت كنك. جاي
مراد::عنجد كنك. خاش صالونا
مهند:: اه صح مش وصيتني علي ايباد. لولدك. جبته معايا تعال خوده من السياره
مراد::تي جيبه عليما خشيت للحمام
مهند:: لالا مش وقت حمام انا ماشي. تعال خوده كريته مع يده وطلعت به
رتاج:: شكله طلعو. طلعت نجري للحوش جوا.
ريما:: بسم الله كنك تجري.
رتاج::لاشي. شي
ريما::توجي مكياج متكثريش سمعتي راك مزلتي بنوته ومش حلو عليك تكثري
رتاج:: عارفه ياريما سكنتن حتي ريهام ساكنه. راك تكثري
ريما::اصله بنوته زيك مش حلو وعيب تكثر مكياج. حتي الناس تهزا عليك صح
رتاح: مو بلكي نحصلي عريس
ريما:: يا مكلوبه بالتكثير يهربو منك. بس خليك ناعمه وشوفي. الخطاب. بعدين مزال بدري. بطلي غباء. كملي قرايتك قبل
رتاج:: شهاده وراجل مش مكروها.
هههههه
ريما: انتي ينخاف منك بنت. عوبه غلبتي خالاتك
~<~<<~>|>
رحمه:: لبست سروال اسود وبلوزه. جيبير. سرده وطلقت شعري ودرت كحل بس وقلوس وردي.
هيا اموله.سمي وخشي
امل::شن شكلي
اسماء:: عسسسل تبارك الرحمن
رحاب:: ماشاءالله تجنن.
امل::تحكي جد
رخاب؛:غيرعاديه يابنت الله اكبر.
رحمه::هذا كله مش دايره حواجبها. طلبات الشيخ
ريما: حوبه مفش اغنيه تخش عليها
رحاب: اسماء الله الحسني اوامر الشيخ
رشا::وين يعرف شن حطت. حطن اي اغنيه
رحاب:ياامتاع العريبي خلي افكارك لنفسك
رشا:: ناعليا من العريبي دار جو
امل::عادي توا نخش عليهن.
رحاب::هي سمي وخشي
امل؛: خشيت علي اسماء الله الحسني.
ريما:: تحسنها مرتبكه بكل. عبيطه قوليلها ترخي روحها
اسماء:: حتي انا هك مش كيفك ياحنه مرعوشه. شارطه ضحكتك
ريما::ليلة العمر ليش انكد علي روحي ونبكي وانا ماشيه لشي باختياري مش للمشنقه. نتفال. بحياة حلوه عشان ربي يكتبلي الخير
رحمه: انا زي اموله توا في فرحي علي محمد
لميس: شرقت في الميه.
رحمه:: مش قصدي يالميس. هك طلعت مني
ريما:: بسم الله البنت انسودت. كنك يالميس
لميس: كويسه كويسه. شرقت بس
رحمه::لميس انا مش قصدي
لنيس:: لا عادي عارفتك بس الكلمه جتني. فجاه. وانا نشرب
رحاب:: توا بجد انتن مفش عندكن الغيره بين بعضكن. يعني بصراحه لو انا راهو بنموت
رحمه:: مش بينا لان. محمد بسسس خويا
لنيس:. بالزبط. يعني ياحوبه ريحي. عظامك
رحاب::ههههه نطلع منها يعني متفاهمات
رحمه:: الهي في راجلك قالو امس نازل. يدحنس. يبي عشاء. وركبه لك
رحاب::يعني صاح هوا. باهي فيه الخير
~<~>|>
اسامه: تي ننصحك ونثقفك بس
فراس:: اطلع منها يااسامه اسكت ياراجل
اسامه::علي يعبرك روح بعدك واضح عليك حمار.
فراس::بارك الله فيك.
اسامه:: باهي خلاص هيا نشيلك. عليك. عرس نكد. تقول شايل. شايب ياخد مراته.
فراس:: ياكلب نبيش هرجه قدام القاعه
اسامه: تي اطلع قدامي ياشيخ. نكدي مفكش جو بكل.
~<~<~<~<
رحمه:: هيا اموله فراس برا
امل:: صبيت حضنت رحمه وانهرت
رحمه:: الله يربحك اسكتي بروحي مافيا عزم.
امل:: رد بالك من ماما. وابرة السكر يارحمه
رحمه: عارفه تطمني.
امل:: رحمه حولي ماما من قدامي مش راح نطلع راهو
اسماء:: مشيت نجري. لماما المنهاره. تبكي. بعدتها.
رحمه؛: هي ياامل. نزلت خماري. وخش فراس
فراس هذا تلفونها.
فراس:: لاحظت بنات مش يدككن ويصورن فينا.
نزلت علي امل.
شن قايل انا علي التصوير. قوليلهن. يبطلن
امل:: هزيت راسي. وقدرتش ن