رواية_أوكـــســجــيــن بقلم_فـجـر_الـمسـاري

الفصل الثاني البارت ٧

#الفصل_الثاني_البارت_السابع
#رواية_أوكـــســجــيــن
#بقلم_فـجـر_الـمسـاري
#رواية_حقيقيه
#قصص_نور_قلبي

عدنان… شبيج صابرين اهلي بيهم شي...

دمت عيني ودنكت كتله

-لا بخير اهلك بسس

ياريت تجي للبيت لان عندي موضوع وياك...

هديل ..كولي شعندج هنا ..

متحملت اكثر طلعت اركض ودموعي نزلت

عفيه دموع متخلص شنو من قلب ليتحمل ..

مسحت دموعي وفتت للبيت شفت عمتي

كالت وين جنتي...

كتلها عمه للبيت عدنان رحت احجي وياه علمود

شغله المعهد والنقل شفته مايجي كلت اني ارووح

رحت للمطبخ غسلت وجهي  اكثر من مره مااريده

يجي ويشوف دموعي وانكساري ..

جان تنفتح باب المطبخ فات عدنان...

هااا خير صابرين شبيج...

اخذت نفس وانداريت علي وكتله عدنان بعد

يومين ويبدي الدوووام اريد اوراق نقلي من

المعهد القديم ..

   عدنان… يووولي 

. اني نقلتج صار اسبوع امشي

بالمعاملة وخلصتها وبقئ بس تداومين ..

من كال هيج مصدكت وفرحت كلش ..
- صدك عدنان تحجي عليك الله ..

ضحك وكلي

-شبيج يووولي اني مو انطيتج وعد

تكملين... وبالعكس الشهادة حلوة

وتفيدج بالمستقبل .

اني من الفرحة ركضت علي وحضنته كتله اشكرك

يااحلئ زوج بالدنيا الله لا يحرمني منك ..

انتبهت على نفسي وخرت عنه هو ضل صافن علي 

-شمسويه عشا لو راح تخليني ارجع

جووعان... .

كتله لا يمعود تدلل احلئ عشا بهل المناسبة

ابتسم وفات جوة... يم عمي وعمتي اسمعه

سلم عليهم وباس راسهم وهو يتعذر منهم ..

واني حضرت العشا جنت طايره من الفرحه

طلع يفكر بيه ومنساني... صبيت العشا واخذته

الهم وكعدنه كلنه ناكل واني مبتسمة...

عمي كلي يوولي شبيج ..بسس تضحكين

وهيج فرحانه بجيه عدنان لان جاي يتعشا عدنه

كتله لا عمووو ..فرحانه علمود دراستي راح

اداووم...

باوعت عدنان شفته ضاج وذب الاكل من ايده

وكام...

يمه وين كايم بعدك متعشيت لا يمه شبعت

باوعلي وكال متريدين اجي على اهلي واكعد وياهم ..

صابرين... لا والله العفوا مقصدي

شنوو قصدج...

بس جنت خايفة

لترفض ومتخليني ارجع لدراستي ..

جان يتقرب مني ويكولي هذا رايج بيه شفتي

ماعندي كلمه وزعج عينه ( عقد حاجبه )

وصعد فوك ... حسيت نفسي غلطت بحقه

صعدت وجنت محصره نفسي لرزاله... فتت

شفته متمدد على لفراش ومغمض عيونه وايده على

وجهه  سديت الباب

فتح عينه وعدل كعدته...

عدنان… والله مقصدي شي اسفه .

كال والله زعلت وبعد ماارضئ... كتله شتريد

اني جاهزة بس ارضئ باوعلي بمكر وجان يكول

اكيد ..

كتله اي اكيد شبيك مستعدة ..كال تمام

لعد اني اعرف شون ارضى اني ضليت مغلسة نزلت

غسلت لمواعين ونظفت ..شفته نزل

وحضرت فواكه بالماعون

وحلويات طلعت من ثلاجه جنت مسويه كيكه

بارده طلعتها وقطعتها وخليتها بماعون كعدنا ناكل

اني وياه وعمي وعمتي اكلو بس فواكه

كلش عجبته الكيكه اكل قطعتين منها...

سوالف وضحك وجان يندك الباب بقوة كمت اريد

افتحه اشرلي عدنان اكعد رجعت كعدت بمكاني

ونسمع صوت هديل يلعلع فاتت ودكولة

وين صرت صارلك ساعتين كلت 10 دقايق واجي

تحجي وتخزر بيه...

مدرتلها بال...

يالله عاد نريد نام... اني دنكت محجيت شي

جان اسمع عدنان يكللها ليوم اني انام هنا

يم صابرين رفعت راسي مصدومة ..

شفت عمتي ابتسمت... ودكوله اي والله يابني

ابقئ هنا لان مشتاقيلك... اتفضلي يمه هديل

اكعدي ويانه ليش واكفه...

غيري جو احسن ماتبقين وحدج... هههه

قصفتها عمتي...

اشوف هديل صارت تنفخ نار مثل التنين تخبلت

تباوعلي بغضب مدها تموتني...

جان هي عاطت ماريد ارووح انطمر بيتي ..

كتلها بكلبي عساج هل طمره مشبعتي صار اسبوعين

مكابلج وجه الخنفسانه...

هي طلعت واني فتت اعزل لمطبخ ع السريع

كملت وصعدت للغرفة بدلت الفرشه وخليت فرشه

جديده وعطرتها وغسلت وبدلت لبست ثوب ابيض

وتمكيجت وتعطرت وسرحت شعري ..

كلت لازم ابدي صفحة جديدة ويه عدنان واكسبه

واخليه يحبني مااتركه لهديل ..

كملت وكعدت على الجرباية شويه جان يصعد

عدنان وبيدة ماعون فواكه وعلاكه بيها حب وكرزات

فات وسد الباب وخله العلاكه وماعون فواكه

علئ ميز الجربايه اجه كعد قريب علي ولزم ايدي

وتعذر مني...

ضل يباوعلي بنظرة مفهمت شني ..

بعدهه اخذتنه سوالف وضحك ..مد ايده بجيب

دشداسته وطلع ضبه فلوس،انطاها الي وكال

من باجر اطلع اني وياج واشتري الي تريدي

للمعهد .. اني فرحت...

ضل يحجي ويسولف عن دوامه ويذكر مواقفه

بالمعكسر هو ويوسف ويباوعلي...

شبيج صابرين... ماكو شي

حسيتها بحيرة وقلق مو طبيعي ..

طبعا اني جنت صنم احاول اغير موضوع

كمت اخذت العلاكة افرغ الي بيها ..

صاح عدنان .. صابرين

وكفت وانداريت عليه... كال مثل مااني حجيتلج

بصراحه عن علاقتي ب هديل وحبي الها ..

اشوكت انتي تحجيلي عن علاقتج بيوسف

وكعت العلاكه من ايدي جمدت بمكاني ومتت خوف حسيت روحي انشليت...

ياربي هذا شسامع ومنوو كايله بس لا... .لا لا  ميسويها ..

بلعت ريك.وانداريت عليه

.. كتله شدتحجي عدنان ..

شنووو علاقه...

جان يكوم يوكف واجه باتجاهي

بس خفت منه كلت هسه تهطرني رغم جان كلش،

هادئ ..

جرني من ايدي وكعدني على جربايه وكعد يمي

وياشر على القران الي محطوط،على الميز

ويكولي احلفي على كلام الله...

صابرين... عزززه لهنا اني مكدرت احجي شي

كمت ابجي...

عدنان راح احجيلك كلشي بدون زيادة او نقصان

الله شاهد عليه بسسس

امانه الله لا تضربني لا تاذيني اسمعني لاخير

كلي احجي... طلع جكاره ورثها...

واني بديت احجيله وارجف ودموعي تنزل

وهو جكاره وره جكاره صاير اعصاب

اسكت ويكلي كملي... وبعدين... .وبعدين...

واني حجيتله كلشي من اول ماعرفت يوسف

لحد ماتزوج وكلشي انتهي... .

صارت ساعه ب 3 بلليل واني احجيله وهو يسمع

ويكول هو هم هيج حجالي...

اني فتحت عيوني على وسعهن ..طلع يوسف حاجيله ..كلشي ..

كال بس معرفت سبب رفضج بوكتها شنوو ..

ليش رفضتي يوسف من اتقدملج...

اني انهاريت كتله والله مجرد حب عادي

اعتبرة حب مراهقة بس والله هسه بس انت بقلبي

وبسس لان انت زوجي ومااكدر اخونك وهالشي

صار قبل لا اتزوجك...

ظليت احجي وابجي واشهك ..

تنهد جان يكولي كوومي غسلي وجهج

باوعت عليه كتله انت شمدريك...

عدنان... تذكرين اليوم الي كطعت بي الاجازه

وداومت... رحت للمعسكر وصدفه شفته هناك

جان مريض افلاونزا علئ صخونه ..

بقيت كاعد يمه كام يصيح بسمج...

هنا اني اتخبلت... وكلت يهلوس يمكن مسمعت زين

ظليت وياه لوجهه الفجر كاعد وهو ينطق بسمج

من صخونه... واني رجعت متخبل عليج بوكتها

وضربتج واذيتج عبالي تخونيني وياه صديقي

وخليتوني مضحكه.

ورهه بيومين من داومت شفته اجه واعتذر مني

لان جان مو بوعيه وحجالي كل شي

وحلف بالقران ماعنده شي وياج

صابرين من كال هيج اني ارتاحيت شويه .

فتندمت شون مديت ايدي عليج وضربتج واذيتج

بدون ماسمع منج...

وحتئ ماانسى الي وعدتج بي مشيت باوراقج

وليوم كلت امرلج بس سبحان الله

انتي سبقتيني .. الحمد لله انت وياه اني مشفت

عليكم شي...

وهو حتى من ازوج التهه بزوحته واطفاله ..

مكلتكم زوجه يوسف جابت ولد وحامل طبعا عرفت

من عدنان .

وانتي الله شاهد مشفت منج الا كل الخير

وماعندج شي طيبه...

اني مدنكه اسمعه اتقرب مني لزم وجهي قربه

علي دكات كلبي تسارعت لحفت وجهي انفاسه

الحاره  وخله قبله بين عيوني غمضت عيوني

ونزل بشفافه على خدي وعلى ركبتي ..

واتقرب مني بكل حب...... .

صابرين حسيت براحة وحمل ونزاح مني من

حجيت كل شي لعدنان  ومضميت عنه شي...

............ يتبع............ ..
بقلم الكاتبه فجر المساري
أدمن قصص نور قلبي