https://my.w.tt/DzTKA7Ijw1
بعتذر جداااا عن التأخير
🌷 الفصل العاشر 🌷
اشرقت شمس يوم جديد
اكرم : صباح الخير يا هنايا
هناء : صباح الخير يا أكرم انت خارج بدري كده من غير فطار استنى نفطر سوا وبعدين اخرج
اكرم : حبيبتي ما تتعبيش نفسك انا هفطر في النادي مع اللواء محسن انتى نسيتى انى هقابله النهاردة
هناء : فعلا نسيت اعذرنى اهم حاجة ماتجهدش نفسك علشان خاطرى
اكرم : حاضر يا حبيبتي ما تقلقيش هاخلص المقابله دي وهاطلع علي المجموعه في اجتماع مهم هحضره وأرجعلك علي طول 😉
هناء : مش ملاحظ انك بقيت بتروح المجموعه على فترات وبقيت بتحب تقعد في البيت كثير
اكرم : يعني انت بتزعلي ان انا بقعد معاكى اسليكى وبعدين ما هو شريف وحياه في المجموعه ارتاح انا بقى شويه ولا عندك اعتراض
هناء : لا طبعا هو انا اقدر
اكرم : خلاص ياحبيبتى سلام دلوقتى علشان متأخرش
هناء : مع السلامة ياحبيبي
وخرج اكرم وقاد سيارته متوجها للنادي لمقابله اللواء محسن و اسئله كثيره تشغل باله وصل النادي وصف وسيارته و ذهب للقاء صديقه في الموعد المحدد وجد اللواء محسن بانتظاره في الموعد
اكرم : صباح الخير يا محسن ما شاء الله عليك مواعيدك مضبوطه بالثانيه
ضحك محسن وقال : طبعا يا كرم طبيعي شغلنا في الجيش للضباط الدقه في المواعيد الدقيقه في فرق في المستقبل بلد بحالها وحشتيني قوي يا اكرم طمني عليك
اكرم : الحمد لله يا الدنيا اخذت كل واحد مننا في طريق يا محسن انت في الجيش وانا في عالم البيزنس والدنيا سرقت مننا احلى سنين
محسن : لكن ما شاء الله عليك يا اكرم لسه محتفظ بوسامتك زي زمان فاكر 🙂 لما كانت البنات بتحبك وتتمني ان اكرم الصياد بس يحن عليها بنظره ولا حتى كلمه
اكرم : ياااااه انت لسه فاكر ده كان زمان يا محسن🙂
*وبعد فتره من استرجاع الذكريات ما بينهما وسؤال كل منهم عن احوال الاخر*
اكرم : محسن انت لما كلمتيني قلت انك عاوزني في موضوع مهم قلقتني خير
محسن : اطمئن يا اكرم كل خير ان شاء الله وبعدين هي فرصه نتقابل ونشوف بعض ياسيدى
اكرم : خير يا محسن ادخل في الموضوع على طول اكيد لاوقتي ولا وقتك يسمح إننا نضيعه
محسن : فعلا عندك حق وخصوصا في موضوع الوقت فعلا هو ده السبب اللي خلاني اطلب اقابلك النهارده ان الوقت مش في صالحنا
اكرم : اتفضل انا سامعك
محسن : الموضوع كله باختصار في عريس عاوز يتقدم لحياة وطلب مني اكلمك واشوف رايك ايه ده اللي المفروض ان الكل يكون عارفه لكن الحقيقه غير كده خالص
اكرم : طيب يا محسن يعني انت مكلمني وخلتنى انزل النادى الصبح بدري عشان عريس طيب ما الموضوع بسيط كنت كلمتيني والبيت مفتوح اهلا وسهلا بك اشوفه واسال عنك
محسن : انت مخدتش بالك من اللي باقوله ده اللي الناس لازم تعرفه انما الحقيقه غير كده الموضوع اخطر من ما تتخيل
فاكر اللي حصل في المانيا مع حياه من سنتين للاسف الناس دي رجعت تراقب حياة وخصوصا انها مسافره المانيا مع الوفد المصري بحكم صفقه شركتك الاخيره وده هيكون في خطورة على حياتها
اكرم: احنا مش كنا خلصنا من الموضوع ده و انت اكدت لي ان الموضوع ده اتقفل نهائي
محسن : ممكن تهدي و تسمعني علشان اعرف افهمك ايه اللي حصل بالضبط انت عارف ان عصابات المافيا دي منظمه جدا وزي الاخطبوط كل ماتقطع له ذراع يطلع غيره المهم دلوقت عندي هي حياه
اكرم : خلاص يبقى حياه مش هتسافر المانيا مع الوفد واي احد تاني يسافر مكانها
محسن : للاسف سواءحياه سافرت او لأ حياتها في خطر ولازم لها حمايه 24 ساعه
اكرم بعصبية : انت عارف معنى كلامك ده ايه يا محسن معناها انهم قدروا يوصلوا لحياه في حين انها كانت متأمنة كويس جدا
محسن : ما تفتكرش ان حياه مش تحت عينينا يا اكرم من يوم حياه مراجعه مصر من 30 لحد النهارده و عيني عليها لكن دلوقتي الظروف اتغيرت ولازم حياة تسافر لان هي الخيط الوحيد اللي هيوصلنا للناس دي هناك و هي كده كده لازم تسافر وانت عارف ومتأكد انها لو ماسافرتش هيوصلولها وهى هنا وسطنا
اكرم : والمطلوب منى اقدم بنتى لهم على طبق من ذهب عشان يقتلوها انت عارف اني مستحيل اقبل الكلام ده انا هاخذ بنتي و اسافر بره لحد ما الامور ما تهدى والموضوع ده ينتهي خالص
محسن : صدقني يا اكرم سفر حياه لاي دوله دلوقتي غير اللي احنا مخططين له هتكون فعلا مخاطرة بحياتها احنا مش قدها علشان كده انا باقولك العريس المتقدم لها ده ضابط كفء و هو اللي هيكون مكلف بحمايتها طول فتره سفرها لكن ما حدش يعرف انه ضابط غيرك انت وده طبعا لسلامه الاثنين ومش محتاج اقول لك ان السريه مطلوبه حفاظا على حياتها و حياه الفريق اللي معاها
اكرم : يعني هو ده الحل الوحيد
محسن : ايوة وعاوزك تتطمن الجوازة دى شكليات علي الورق يعنى مش جواز حقيقي والرئيس بنفسه هو اللي متابع اخر التطورات داخل وخارج مصر ورجالتنا مفتحين عنيهم كويس متقلقش
اكرم : المفروض ان حياة هتسافر خلال ايام ازاى الناس هتقتنع انها اتجوزت بالسرعة دى
محسن : مش مطلوب منك اي حاجه لان حتى الخطوه دي بدأناها خلاص وصور حفله توقيع الصفقه نزلت في كل الجرايد و حياه ونور ظهروا في كذا صوره يعني الخطوه الاولى للناس انها تعرف خلصت وبعدين الناس هتقول انه اعجب بها اول ماشافها في الحفلة واستعجل في الجواز علشان يسافروا مع بعض المانيا منه شغل ومنه شهر عسل المهم دلوقتى دورك انت بقى ترتب الامور مع والدتها ، اقول لنور يجيلك امته هو واهله
اكرم : اديني مهلة النهارده افاتح والدتها وخليه يتفضل بكره الساعه 7 بالليل
محسن : كده اتفقنا لكن مش عاوزه اي احد يحس باي حاجه
اكرم : طبعا لكن يا محسن بنت لو حصل لها حاجه انا مش هسامحك ابدا و انت اللي مسؤول قصادي عن سلامتها
محسن : ما تنساش ان بنتك هي بنتي وما تقلقش عليها الفتره الجايه كلها تحت عيني باذن الله و رجالتنا اللي مسافرين معاها مش اي كلام اطمن حياه هتكون في يد امينه
اكرم : ربنا يسترها وترجعلي بالسلامه ونخلص من الكابوس ده بقى
محسن : اوعدك ان شاء الله كلنا هنرتاح من الكابوس ده وقريب جدا
اكرم : انا لازم اروح المجموعة عندى اجتماع مهم وانتظر منى تليفون بالليل
محسن : تمام مع السلامة يااكرم
اكرم : مع السلامة
هو توجه كل واحد منهم الى سيارته المتجهه الى طريقه ولكن عقلهم في طريق واحد الا وهو حياة
***
اللواء محسن يتصل بفادى
محسن : ايوة يافادى إيه الاخبار
فادى : كله تمام يافندم منتظرين اوامر سيادتك
محسن : بلغ نور ان ميعاده معاهم بكرة
فادى : تمام يافندم
اغلق ام حسن الخط وقمر الذهاب لمكان المتفق عليه مع الرئيس لإطلاعه على اخر المستجدات
******
في هذا الوقت كان نور وفادى يستعدوا للاطلاع علي المعلومات الموجودة علي الميمورى في المنزل المخصص
لهم بعدما تأجل الاطلاع عليه لحين الانتهاء من ترتيبات اوراق نور التي تثبت انه رجل اعمال مصرى من قبل رجال الامن الوطنى وبدأ نور وفادى بتشغيل الميمورى ووجدوا عليه اسماء وارقام حسابات لعملاء داخل وخارج مصر للاسف متورطين بصفقات مشبوهة الهدف منها تدمير مصر ولكن الجانب الابرز في هذه الصفقات هو تجارة الاعضاء البشرية وتطوير الاسلحة البيلوجية
تفاجئ نور من وجود اسماء بعض العملاء المتورطين في مصر وهى لاسماء سياسية بارزة في مجال صناعة القرار في مصر وسياسين مرموقين في الدولة وللاسف مصحوبة بالادلة والتسجيلات التى تثبت تورطهم مع هذه المنظمة
بدا فادى يشرح لنور السبب الرئيسي وراء هذه المهمة وهو معرفة العقل المدبر لهذه المنظمة واستدراجه داخل مصر وتصفيته بهدوء
نور : وحياة دورها ايه في الموضوع ده كله
فادى : للاسف حياة هي الطعم اللي بيه هنستدرج الراجل ده لمصر
نور : نعم اللي هو ازاي يعني فادي انت ناسي انها هتكون مراتي
فادى رد بحدة : على الورق جواز على الورق يا نور لازم تخلي بالك وبلاش تخلط الامور ببعضها و لازم تفهم كويس قوي انه مجرد جواز على ورق
نور بعصبية : عاوزنى اكون للمدام ايه بالضبط الدش اللي بيضبط الارسال
فادى : افهم يا نور الظاهر هنا لاهلها واهلك والناس ان انتم متجوزين لكن حياه معانا في الفريق دورها ما يقلش اهميه عن دور اي واحد فينا وانت وهي لو إتعاونتم هتنجحوا في المهمه دي وبعدها هترجعوا مصر وكل واحد يروح لحاله لكن وقتها نكون خلصنا على الناس دي جوه وبره مصر
نور : ازاي حياه معنا في الفريق وهي سيده اعمال حياتها كلها في عالم البيزنس
فادى : ازاي دي حكايه يطول شرحها في الوقت المناسب هتعرفها لكن اللي لازم تعرفوا ان حياة هي الوحيده اللي هتعرف بمساعدتك بره مصر تنجح في المطلوب منها وبعدين دور كل واحد فينا بره مصر هنتكلم فيه بعدين و المهم دلوقتى انا نقضي على المنظمه اللي بهدلت اولادنا في مصر وتعاملت معهم كانهم سلعه تباع وتشترى من خطف وقتل وتجاره اعضاء لا وكمان الاسلحه البيولوجيه اللي بيصنعوها وبيطوروها وبيجربوها في دول العالم الثالث لازم الراجل ده يتصفى في مصر عموما الاجتماع الاخير لنا مع الرئاسه هنعرف فيه باقي التفاصيل
نور : تمام هاسيبك انا دلوقتي واروح لسيادة اللواء اشوفه هيعمل ايه في المهمه بتاعته دي😅
فادى ضحك : فعلا يا نور اقناع والدتك مش سهل دي ست ذكيه و بتفهمها وهي طايره
نور : ربنا يستر يا فالح سلام
فادي : سلام
******
في فيلا الصياد
تجلس تالا في غرفتها بعدما تناولت فطورها و أدويتها وتركتها والدتها لتستريح تسترجع احداث ما حدث بالامس وخصوصا ما قاله الدكتور عماد لها في الجامعه وتغير معاملته لها اثناء تواجدهم في المستشفى و تعجبت من تبدل اسلوبه معها من المعامله القاسيه للمعاملة بلطف و شعوره بالندم الذي راته في عينيه ترى ماذا يحدث معها ولماذا تفكر فيه ولماذا يشغل بالها هنا رن جرس الهاتف الخاص بها رات المتصل التي لم تكن سوى صديقتها اسيل
اسيل : ايوه يا تالا انت فين انا مستنياكى اكثر من ساعه
تالا : صباح الخير الاول يا اسيل انا تعبانه شويه مش هقدر اجي الجامعه النهارده
اسيل : ما لك يا قلبي بعد الشر و ايه اللي حصل انا سايباكى كويسه بتكلمي دكتور شريف
تالا: اطمني يا بنتي حادثه بسيطه بالعربيه امبارح وما حصلش حاجه والدكتور شريف كان بيطمئن علي ومشي على طول
اسيل : تمام هخلص محاضرات وهاعدي عليك قبل ما اروح
تالا : اهلا وسهلا بيكى في اي وقت وكانت مترددة تسالها على عماد فقالت اسيل هو النهارده عندك كم محاضره
اسيل : ما انت عارفه الجدول يا بنتي لكن في حاجه غريبه حصلت النهاردة
تالا : ايه اللي حصل
اسيل : الدكتور عماد اعتذر عن محاضره النهارده و عرفت ان طلب اجازه اسبوع
تالا في نفسها معقولة دى اول مرة تحصل
اسيل : تالا سلام دلوقتى المحاضرة بدات
تالا : سلام هستناكى
وقفلت وكانت بتفكر ياترى عماد اخد اجازة ليه ؟
*****
اتصل نور بوالده واتفق يتقابلوا برة البيت علشان يرتبوا هيعملوا ايه مع والدته في موضوع حياة
*****
وفى اخر اليوم انتهى شريف من عمله في المجموعة وكان راجع البيت وصل البيت ووصلت اسيل ونزلت من التاكسي وداخلة البيت فى نفس اللحظة اللى داخل فيها شريف من باب الفيلا الخارجى وهى مشغولة بترتيب كتبها واذ فجأة تتخبط في جسم صلب وكانت ستقع لولا يداه التى ضمتها في أحضانه تحميها من الوقوع علي الارض اعتدلت اسيل بخجل من الموقف والتقت اعينهم للحظات .....
***********
نهاية الفصل العاشر
*ترى موقف والدة حياة ايه ؟؟
*ترى والد نور هيقنع والدته ازاى وهيكون موقفها ايه ؟؟
* ياترى عماد اخد اجازة ليه ؟
* ياترى شريف هيتصرف ازاى مع اسيل وهيقولها ايه
وهي هترد عليه ازاى ؟؟؟
*******
دومتم بخير
رواية🌷 حياة بلا حياة 🌷
بقلمى / إيمان الصياد ( إيمى )
منتظرة كومنتاتكم ومناقشاتكم ونقدكم