انه المبيوگ ضحكه وتاهمينه بحگ
انه الطفيت نار الناس وادري بنارهم تحرگ🔥☄،،،
مكدرت انزل بارتين لان مو حيل مجاوبه وهم بلكوة كتبت علمود واعدتكم نزلت هذا بس والله الانفلونزا موتتني وبوكت امتحاناتي والكم الحساب ...
الف مبروك تأهل منتخبنا برغم تعادل والحكم ابد مو خوش🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶
لتكولون قصير راعو تنزيل يومي🥺🥺 بس البارحه استثنائيه بسبب وضعي الصحي،،، حته محد كالي سلامات🥺😭🙈
اسيرة: عفتهم يتغزلون بياسر وصعدت انام تعبانه وخايفه مدري ليش اريد انام حسيت ع امنه تمسح عشعري
امنه: شو منايمه مو كلتي راح تنامين
اسيرة: يي فزيت ع ايدج..شعندج
امنه: راح تبدين حياة جديدة تختلف عن حياتج ابيت اهلج لازم تتحملين راح تلكين صوت زوجج يعله عليج ويمكن اذا يعصب ايمد ايدة لازم تتحملين انتي راح تصيرين ويه ناس غير اهلج لازم تتعودين ع اطباعهم شيحبون شيكرهون والبيت اله سرة مو تطلعين اسرار عيالج لاي احد حته لو احنه اهلج ...وانسي علي شفته اليوم اشلون متندم بس بعداويش هوة الله يسلمه كرر سالفه قتيبه اخو لما انطه بابا كلمه يله يتذكرون جان مكال اريدة وتنحجزين اله بس كل هالشي من صار ترة بيهه خيرة لان علي مو نصيبج ياسر نصيبج واكيد راح تفوتين حياة ياسر الجديدة وشغله وطبعه ويمكن جان ايحب ويمكن لا ..اكولج شي حته تخلي ابالج تعرفين احنه خواتج اتزوجنه زواج تقليدي ورة متزوجت عمار عرفت انه جان ايحب وحدة قبلي ومصار نصيب وهسه بنتنه سماهه ع اسم حبيبته قبل ايمان لان اعترفلي ومن جتي امونه للدنيا وهوة مدللني كلت نسميهه ايمان استغرب ومعترض ومن وكتهه وهوة طاير بيا وحته يكولي احبج انتي دعاء امي الي بليله القدر واستجاب ....
اسيرة باندهاش: كل هذا شلون انطاج كلبج تسميهه ع اسم حبيبته قبل
امنه: شفتي شلون تحسبين الامور اولا متزوجنه عن حب فحته تكسبي سوي ليحبه من سميت امونه وهوة ممقصر وياي حته مرة كال خل نغيرهه لان انتي الحب الاخير بحياتي من شافني اتلكاه واظل اسمعه الكلمه الحلوا وهوة اتغير ...انتي اريدج بعد احسن مني لتنسين ورة ما خلفت يله عمار لكه شغل بس انتي ماشاءالله ياسر عندة شغل ووظيفته الخاصه فهذا يدل ان شاء الله ع راحه البال وهوة مو يوميه يمج خلي يشتاكلج عودي عليج اكسبي بصفج واتجنبي شر ام الزلمه وخواته
اسيرة: يعني اصير لوكيه وياهن لو شنو قابل ...
امنه وهيه تضربهه ع مخهه بخفه: هذا مخج لمدمغ فتحي اتوددي الهن وسمعي كلام العمه وخلي الكل يحبج ...يله سويرة ادري بيج سباعيه وكدهه ان شاء الله نامي خل وجهج يرتاح ...اا اكولج احد مفهمج شراح يصير بيوم العرس بينكم لو تروحين للزلمه وتفضحينه
اسيرة وهيه لازمه المخدة ضربت امنه بالشقه: ناقص هاي كومي مثليهه انتي وعمار كدامي مو احسن
امنه كامت : هلهلله بلاوي وراج وحاسبتج ثكَيله ..يله عيني تصبحين على خير وع ياسر ..غمزت وطلعت ..
رحت نمت واني افكر بكلام امنه معقوله يطلع عندة وحدة يحبهه .....
كعدت الصبح ع هوووسه بناتنه المستخفات
توته: كللللووووووش يله عروووسه عيني كعدي كم ساعه ونووودعج
نبا: سوو درب لاخت العروس اتريد تلعب جوله ...تركص ردح بدون اغاني😁
عذراء: يله عروووسه كووومي
اسيرة: الله ربكم متكولون شويه نعوفهه منخمده راح اتفاركنه
سهاد: دكومي لو هيج الفراك جان لا اني ولا امنه تشوفينا هيه كم يوم وترجعين تكرخين اليت اهلج اعرفج ورة السبعه رايحه كَايه
توته: غير تهدة علينا المصريه رايحه كَايه
كمت بتأفف وسحبوني البنات يركصن ويهزن بيا اركص شوي وفاتت ماما مدمعه عيونهه بوستني واستعجلتنه نتريك ..طلع الكل فتت للحمام اسبح محد يمي خلصت بدلت وكفت ع مرايا اباوع لنفسي هاهيه هاي راح اروح لحياة جديدة معرفهه وهذا وجهي مجنت احط بي شي اليوم راح يصير خريطه راح يخبصون بي الوان اشكال ..قاطع تفكيري دخول تووه بالغرفه ابسرعه تلهث ومخربطه بشكلهه
اسيرة: شبيج تلهثين ..رفعت راسهه شهكت ..عزااا شبيهه شفتج ولج
تبارك بلهثه: اا مبيهه شي مشكَكَه بس احطلهه مرطب تطيب
اسيرة: مو عليا هالحجي منو مسوي هيج لتخليني بالخط العريض احجيهه
تبارك بخوف: هاا شتحجين ولج خلصتي حته تروحين ترة ينتظروج برة ..ومشت للميز حطت حمرا وعدلت نفسهه وباوعتلي
تبارك: ياه سويرا مدام خلصتي نطلع
اسيرة نترت ايدي منهه: والله مطلع اذا متكولين منو سوه هيج
تبارك لزمت ايدي وفتحت الباب: اريح كلبج اخوج سوه يله اتاخرنه ونزلت وتسحبني واني مصدومه منو ستار لو حيدر ...مكدرت اسال بين ما وعيت ع نفسي لكيت هوسه وجهال ومحضرين ريوك كعدت اكل وعذراء ونبا يوكلني يكول جاهل واساور بعد كلبي وبنت عمي معافتني ابد اشو نزل ستار وباوعت لتبارك اني لكيتهه تضحك هوة غمزل الهه وراح ..عزااا هاي هيه وستار شنو بينهم اهوو هسه اله بيوم عرسي ادوخ نفسي واصير المحقق كونان ...
رحنه للصالون اني وخاله مها واساور وسهاد ....ستار وصلنه ورجع ...شوي وجتي هند اخت ياسر ومرت عمه ...وام صالون فاتحه اغاني والجايات بلشن يلبسن ويتجهزن وام الصالون تحط لمساتهه الاخيرة طلعت فدشي كلش حلوة والكعب ساعدني اصير مناسبه لطول ياسر هههه ترة هوة طويل 🥺
رجعوني للبيت اجه حيدر حبيبي رجعنه وبقت هند ومرت عمهه ويانه وصلنه كعدت وهوسه شوي وهند كالت وصلو اول مفاتو مرفعت عيني حسيت انطرشت من صوت الهلاهل ...حسيت انفاس حارة قريبه رفعت راسي ياسر يبوس براسي وكال
ياسر: مبرووك
اسيرة بخجل وتوتر: الله يبارك بيك
هلهلو..وسوو كولات هند وخالتهه ومرت عمهم ونوب بنات
اهل العريس: بنت الشيخ لابن الشيخ جبناهه هاي الرادهه وهاي التمناهه
اهل العروس: جبناالك وردة اشتم بيهه بس كون الوردة تداريهه
ظلو يسوون كولات ... شوي وسحب ايدي ياسر وكمنه ماما ودعتني ودموع من طلعنه الطرمه بابا باسني ووصه ياسر عليا وياسر كال بعيوني عساهن انفكسن اعيونك وستوري وحيدوري والبنات بجو راحت وياي امنه وعمه لطيفه اخت بابا ونبا تيد تشوف العرس وجتي ويانه طول الطريق متوترة بس وصلنه السيارة وكعدنه سحب ياسر ايدة مني وعيط ع اليسوق نصي
ياسر: نصي صوت المهجوم
السايق: غييرر عرس
ام ياسر بصدر: وليدي مو وكته عدي هالليله ع خير عرس وبي هوسه
اني بس افرك بيدي من التوتر والخوف من صوته من يعصب ...
ياسر: مو كافي فرك طلعتي دماراتج بيج حيل بقي بعد شويه
يمه عزاا متت بدمي من الفشله وشكد جرئ ومكروة دمعه وكفت بطرف عيني اريد اكولهم اوكفو مريد اتزوج وشتكول الناس خل تكول بس اتذكرت بابا سكتت اول موصلنه امنه ونبا ساعدني بالبدله كلت لامنه قبل اي شي اريد احجي وياج كالتلي
امنه تشيل بدلتي ونمشي: ييي بس مو هسه خل من يزفوج لغرفتج اصير وياج قبل ليزفون زوجج
فتنه وهوسه وهلاهل وناس تبارك وناس معاجبهه وخبصه من الهوسه ورة المغرب صعدوني لغرفتي وجلبت بامنه طلعو نسوان بقت امنه
امنه: شبيج ولج عبالك جاهل شحجيت البارحه
اسيرة بخوف: والله يخوف عصب لحاله بسيارة ويغلط وجرئ بسوالفه
امنه طبطبت على ظهري وكامت: هههه غير عريس متوتر وجرئ حقه عريس بعد يله صيري سباعيه
اسيرة بخوف: هاا لا لتعوفي....
انفتح الباب زفو ياسر بهوسه اول مفات راد يحجي بس انتبه امنه موجودة وفتح عقدة حواجبه واتظاهر انه طبيعي
امنه: الف مبروك ان شاء الله..وطلعت ...هوة قفل الباب وبلش يتقدم بخطوات احس كل خطوة ديقرب موعد اعدامي وكف اكبالي
ياسر: مبرووك عليج الجحيم لحتعيشين بي
اسيرة بصدمه: 🥺😳
يتبع ،،،