ام رغد: بنات بعد شوي نروح البيت ام سلمان، نبقى للعصر
رغد و مريم: ردو نفس الوقت يي جاهزين للطلعة بكل وقت.
احمد: الوو عبود، عيدك مبارك وكل عام وانتم بخير، ان شاء الله تثبت على بنت ههه
عبود: هلا حمودي و انت بألف خير يارب، و كل عام وانت بصحة وسلامة، بس هاي أمنيتك سهله
أحمد: يي بس هاي اريدك تثبت، انت وين؟
عبود: هههااي تتحقق أمنيتك لا تخاف، بالبيت ما طالع
أحمد: هو عيد شكو كاعد بالبيت؟ تحضر اني جاي اخذك.
عبود. مالي واهس اطلع و بقيت، وين تاخذني؟
أحمد: لا تخاف اني ارجع لك واهسك، نروح نعايد مرتضى لو نعرفه بس بالمعلومات، و ناكل يمهم شوي كليجة، بعدين شوف وين نروح
عبود: لاا نروح له، نروح حتى لو بدون معلومات، اذا بيها كليجة تعال و بسرعة
احمد: يلة جاي مسافت الطريق.
رغد: رحنا كلنا البيت خالتي، سلمنا عليهم و كعدنا
عبود: وصلنا بيت مرتضى، طلع عندهم خطار ردنا نرجع، بس احمد كال لا
أحمد: مرتضى احنا اجينه على مود الكليجة، ما نرجع بدون ما ناكل حط لنا كراسي نكعد برة، حتى ما نزعج خطاركم
مرتضى: مو تدللون احلى كليجة لعيونكم.
عبود: كعدنا اني و احمد برة.
أحمد: عبود هسه عيد، ما اعتقد يجون ذولاك الناس
عبود: أحمدد مو كاعدين و نسولف، يعني الة تترزل كولت لك عوف موضوع البنت بينا بس، مو بينا و بين الشارع
أحمد: سكتت يلة
ام سلمان: ام رغد تعاي نروح نعايد جيرانه، و منها ناخذ لهم كليجة
ام رغد: يلة عادي منها نتعرف على جيرانكم، رغد تجين لو تبقين مع مريم
رغد: لا ماما أروح، بس اخلص اكلاص القهوة
ام رغد: لعد احنا رايحين.
رغد: ماما، ماما، لحكتها و كلاصي بيدي و القهوة حارة كولت بين ما نوصل الجيرانهم اني مخلصته، و اذبه هو مو كزاز طلعنا من البيت.
عبود: كاعدين نسولف و ناكل كليجة
رغد: شفتهم الزوج الثلاثه هم برة! و اني امشي ورا ماما و خالتي بخطوات وكفت خالتي تعايد مرتضى.
ام سلمان: ام رغد هذا ابن جيراننا مرتضى، تعاي اعايدة و بعدين ندخل يم اهله، هلا شباب شلونكم، عيد مبارك عليكم و كل عام وانتم بخير، وصحه وسلامه
عبود: شفت امها و خالتها من بعيد بس هاي المرة هي ماكو!
لاا موجودة بس متأخرة بالمشي.
ام رغد: شلونك خالة عبدالله
عبود: الحمدلله لله خالة، انتم شلونكم
مرتضى: هلا خالة ام سلمان، ان شاء الله على الجميع بصحه وسلامه
رغد: بعد ما خلصو السلامات، ردنا نروح ندخل فكرت بخطة سريعة؟
ام سلمان: يلة خذو راحتكم شباب، احنا ريحين
ردو هم نفس الوقت: الله وياكم
رغد: مشيت، من صرت كدام عبود سويت نفسي عثرت، و شمرت كلاص القهوة عليه، سويت نفسي ما ادري العفو العفو بس لا احترقت، و من كلت احترقت ابتسمت حتى يعرف رجعتها له، و بملابس العيد و هو لابس قميص ابيض
عبود: اباوع الهة هي بس ساكته، رادو يرحون عثرت و شمرت القهوة علية، و كالت بس لا احترقت و ابتسمت، خرب ببليسج رغد يعني اكو واحد هيج يسوي، و اني طالع كلت لها لا عادي ما صار شي، و اني وجهي صار نار
ام رغد: العفو خالة، رغد غبية شسوت«مع نفسي»
عبود: لا خالة عادي، مو حيل حارة
رغد: يا مو حيل حارة، من النار الك و اني ابتسم، ما اكدر اسكت رجعتها له، سبقوني خالتي و امي بالدخول و اني رحت ادخل
عبود: وكفت حتى اروح اغسل، بعدين اروح للبيت ابدل دخلت ببيت مرتضى، و هي بعدها يم الباب لحكتها بسرعة
رغد: دا ادخل سمعته حجي وكفت؟
عبود: هسه رتاحيتي من حرقتيني بالقهوة، انتي مخبلة مو حرام عليج، يمكن بعدها تفور و شمرتيها عليه
رغد: لا مو رتاحيت بس على قولك، وحدة بوحدة ما تصح لي فرصة غير هاي، يلة وعد غير مرة ابردها، ههه
عبود: ولو حرقتيني بس هم مقبولة منج انتي بالأخص، هسه لازم روح للصيدلية اجيب مرهم و اروح ابدل، خرب يومج يا مخبلة
رغد: لا مقبولة مني ولا شي، العين بالعين و سلامتك ان شاء الله ما بيك غير العافيه-ابتسمت- فترة و تصير زين لئن هي مو حيل حارة
عبود: هو انتي عفتي لي عافية، بيوم العيد حركتيني عيدية مثلاً
رغد: ابتسمت و دخلت يم النساء
عبود: غسلت بس اكيد القميص بقى خريطة القهوة، طلعت للشباب حتى أستأذن منهم.
احمد: ما اكدر اضم الابتسامة، اجة عبود ها عبود سلامتك شلون صرت، هاي ليش انت بالذات وكعت عليك ههه
عبود: الله يسلمك بسيط، حضي بعد جاب لي
مرتضى: عبود ما حاجة اكول لك، حمد الله على السلامة لئن صار الحرق مثل العسل على قلبك
عبود: انت هيج تشوف يا عسل يا دبس، اني احتركت و رايح للصيدلية حتى اخذ مرهم.
مرتضى: خذ راحتك
أحمد: عبود تحتاج اجي وياك، مو انت امانتي
عبود: لا تسلم ما بيه شي، بس شوي احمرار من القهوة
أحمد: اها ماشي بس، سوال الاحمرار من الحرق لو من القلب؟
عبود: أحمددد -بغضب- مالي نفس ارد على أسئلتك الفاشلة
أحمد: ههه لعد روح، بالعافيه عليك القهوة
عبود: ضحكت وياهم، و طلعت بالسيارة رحت للصيدلية اخذت مرهم، و رجعت للبيت بدلت، و دهنت الحرق و«أفكر مع نفسي» رغد تكرهني لهل درجة حتى شمرت علية القهوة و هي تفور، ما فكرت تصير على وجهي و يتشوه لو تكرهني، لو مخبلة، وحدة من الاثنين، و لازم اعرف؟
رغد: رجنا من بيت ام مرتضى، و هو ماكو بس مرتضى و احمد خطية، يمكن راح يبدل و يعالج نفسه، شلون اعرف الحرق قوي او لا، اني بشنو فكرت من شمرتها عليه، و هي حارة خرب خطية
عبود: مرت الأيام و فات شهر، مرتضى سافر، و اهلي صار لهم ثلاث اشهر من مسافرين، نفس الروتين اكيد مع احمد، و ما شفت رغد بعد يوم القهوة
رغد: خلص شهر نفس الروتين، بالبيت ماكو جديد، و عبود ما شفته بعد هذاك اليوم.
عبود: احمد، صار شهر ما شفت رغد اريد اروح اشوفها.
أحمد: وين تشوفها؟!
عبود: اروح البيتهم
أحمد: عبود تخبلت، بصفتك منو حتى تروح البيتهم؟