Bloed vloei in stilte (met apologie aan Vincent Oliphant)
Bloed vloei in stilte
In my kop.
Bloei in joune.
Ons pols bloed
In heerlike sirkels.
Speels,
Spils soos 'n tol,
Spoel oor mekaar
Selde stil
Selde saam.
Bekend
Bevry
Baie bly.
Skugter.
Soms seker, selfs.
Bloed in ons oë.
En jy.
Bloed in die are links van iewers
En jy in my kop.
Bloed woed in stilte
Wond in die pyn.
En jy bloei
En ek bloei.
Rivier in vloed.
Ons pyn is groot en diep
Geen genot
Beur deur ons rowe
Ek soek asem vir twee.
(Ek dag ek kon.)
Tevergeefs.
Tevergeefs.
Gek,
ek.
Bloed vloei in stilte verder...
Nota
Hoe klein dan is dié dokument.
En te min die alfabet en
Te min simbole geinsert.
Met te min gigs,
(Net so vèèl bites.)
Te min die woorde
Wat my laat verstaan.
Te veel die stilte en
Te gedaan die niks en niks.
Ek raak minder en verdwyn
Tot pyn en skadu wat min weeg.
Ek voel planete kwyn.
Het jy teen hierdie tyd
Ook 'n gedig gebaar?
futiel
ek sien my woorde pyn
op 'n maagdwit blad.
vlymkreupel.
met geen sin.
dog soos asem, moet.
pak ek letters in 'n ry,
geen lyne.
joune sien ek in 'n skyngroet
te min vir my.
en vlakby
kla my stilte elke dag,
hoe gemaak met diè
vrag van my wat elke oggend wag
om swaar te word soms,
anders, ligter as 'n luim.
ek spartel deur die dag
getrou aan gedagtes
wat my aankla met soveel
krag vir more.
akuut
gods water oor gods akker
omkeer deur die dag
inside out met my binne buite
hart loop
drafstap
langs my
effens vooruit vol drif
so seker.
so onseker.
so ons.
so.
eight
Από seasofme
poems Περισσότερα