مساء الحب على من تابع قصتي بحب
😍😍😍😍
😍😍😍
😍😍
كوثر ....من قريت الرساله أحس دمي فار ومدري شصار بيه هذا منو والمن داز الرساله معقوله
لزمزم مستحيل بنتي تربيتي ومتسوي هيج شي غلط ....اووووووووف يربي اني عايزه قهر وتعب فوك الي بيه ...ربي سترك علينه وابعد بنتي عن هذا الطريق
فكرت اصيح عليها واستفسر بس كلت خلي اهدئ شويه ياله لان هسه اذا اعترفت بشي
اطلع قهر الدنيا بيها
ياسر ..... جان اسعد يوم بحياتي ومن فرحتي حتى نسيت اخابر على امي ....و اني متعود اتصل بيها كل يوم اكثر من مره
ودكت عليه الوالده وبداخلي ضحكت كلت خل احضر نفسي للعاصفه لان هسه اكيد زعلانه عليه
اميره ..... مساء الخير
ياسر .....هله حبيبة قلبي شلونج
اميره ....شلوني وانت ناسيني
ياسر ....اكو واحد ينسه روحه
اميره..... عيني يمكن اجتك غير روح ونسيت روحك وياها
ياسر.... اف هاي شنو بدينه نغار ...عمي الموضوع بعده بأوله وراح انهي كلشي اهم شي انتي متزعلين يا ست الحبايب و بالج بعد تكولين ازوجك
اميره ... يمه يمه يمه شحجيت اني واكلتني
لا عمي انساني قابله بس كون الله يهديك ويتمم الي ببالك واشوف جهالك
ياسر ....يمه حبيبتي انتي الخير والبركه واني كلشي ما اسوى بدونج
اميره..... وانتي دنيتي كلها
ياسر..... وشنو الاخبار
اميره.... والله يمه شتعرف امك المختار مال المنطقه
ياسر.... مو قصدي بس ما سمعتي شي منا منا عرفتي اي خبر عن ابو زمزم
اميره..... شفت امهم وسألتها كالت عمليته نجحت بس بعده بالعنايه
ياسر..... الله يشافي يا رب
اميره..... ان شاء الله ولك تدري ....صار كم يوم ما مسولفين اني وياك بأي شي غير شكال ابو زمزم وشحجوا بيت ام زمزم
ياسر ...... هههههههههه مو عدهم الكبد مالي
اميره .... شوف ابو لسان
ياسر ....يمه والله اني ما مصدك نفسي شلون تعلقت بيها هلكد احس ربج نطاني نعمه ولازم احافظ عليها لحد متصير ملكي بالحلال
اميره ......أن شاء الله ربك يحقق الي ببالك
ياسر .....اي والله ادعيلي يا اعز الناس
اميره .... اني شعندي غير الدعاء وانت كل الناس عندي يا بعد امك وروحها يله روح ارتاح ونام وراك تدريب الصبح
ياسر .....الله يريحج وتصبحين على خير
اميره ....الخير يمك وليدي وانت كل الخير
باي .
باي
زمزم .....يمه اكدر اخذ موبايلج
كوثر .....اي حبيبتي ..... يمج
زمزم .... اخذت الموبايل ودكيت على وصال اخذت الواجبات وسولفتلها على كل الي صار بيني وبين ياسر كلمه كلمه
وصال .... زمزم والله امي تكول عليه خوش ولد ومؤدب ..واذا انتي حبيتي صدك ان شاء الله يكون من نصيبج
زمزم .....شنو حبيته امووووت عليه
وصال .....يارب يصير الي ببالكم وتنجمعون بالحلال ....بس انتي اي شيء لتسوين اذا ما كملتي دراستج لان حرامات تعب هاي السنين يروح بلاش
زمزم .....لا قابل اني ما اعرف اهم شي دراستي ...يله وصال اني اروح احضر الواجبات وعفيه ذكري ابو الخط يمر عليه
وصال ....ماشي اخذي راحتج
زمزم باي .......باي
كوثر..... من طلبت زمزم الموبايل وكلتلها اخذي تذكرت الرساله ...فصعدت لغرفتها حتى اعرف ويامن تحجي وسمعتها تسولف لصديقتها بس ما فهمت عليمن قصدها واخذت الواجبات وسدت الموبايل
زمزم.......من سديت الموبايل ردت ادك على ياسر بس خفت لا أمي تصعد لو تصيحني ونوب ينكشف امري ....ففكرت ادزله رساله ومن دخلت للرسائل لكيت رساله من ياسر بالوارده .....عزه بعيني هاي اكو أحد قاريها
شلون هسه وبدون تفكير مسحتها بسرعه
ونزلت نطيت الموبايل لماما
كوثر .....اخذت الموبايل منها وردت اصيحها واسألها عن الرساله ..... دورت لكيت الرساله ممسوحه بس..... قررت بداخلي اخلي لموضوع لغير وقت واني اعرف شلون افهم الموضوع منها...لان مازال مسحت الرساله يعني تعرف الي رسلها
وبعد اسبوع
اركان .... هلو جمال اخبارك
جمال ......هلو ابو زينب شلونكم بشر كمال شلون وضعه
اركان ....هو اني اتصلت بيك حتى إذا تريد تشوفه تعال للمستشفى لان الدكتور سمح بالزياره عادي
جمال .....شويه واني يمكم
اركان .....ان شاء الله بس حاول تبتعد عن اي موضوع يتعبه
جمال .....يعني شنو قصدك تره هو اخويه مثل ماهو اخوك لتنسى هذا الشي
اركان .....جمال لتفهمني غلط بس تره وضع كمال ميتحمل اي تعب
جمال..... صار معلوم محتاج شي اجيبه وياي
اركان ....لا سلامتك
باي ........باي
زمزم .... ماما عمو اركان ماكل شوكت يطلع بابا
كوثر .....والله ماما بعد ما ادري بس اليوم الدكتور سامح بالزياره عادي ....وعمج اتصل كال تعالو كمال يريد يشوفكم
زمزم .....والله ماما يعني نروح اليوم
كوثر.... اي حبيبتي ...خابرت علي وكال تحضروا واني اجي اوصلكم
زمزم ....وليش علي يودينا قابل منعرف نروح وحدنا
كوثر ....هاي شنو شلون نطلع وحدنا وبعدين اخوتج هم ناخذهم ويانا .... وتعالي جاي شبيج من يجي طاري علي تضوجين
زمزم .... لا ليش اضوج بس يعني من دخل بابا للمستشفى لليوم وكلشي لازم علي يسوي شنو هو ولي أمرنا
كوثر .....هااا .... هاي بدل متكولين خلف الله عليه وكفلنا هاي الوكفه ....وانتي تدرين محد النه لاعم ولاخال... واركان شيصير قابل يطير وتعب خطيه حتى عائلته هجرها صار عشر ايام ...
زمزم ..ماما اني ما كلت شي ليش صرتي عصبيه
كوثر ....لا عصبيه ولا شي بس عيب هذا كلامج ولتصيرين ناكره للجميل
(ما اعرف ليش صرت عصبيه عليها بس يمكن لان ما اريدها تاخذ موقف ضد علي وتكرها...... اول وتالي راح يكون زوجها كمال واعرف طبعه اذا نطه كلمه ميرجع عنها اوووف اني لو بيدي الغي هذا الموضوع واكعد وياها واعرف موضوع الرساله حتى اكدر افهمها الصح من الغلط بس خلي اسوي نفسي ما اعرف شي حتى من ينفتح موضوع علي ما عدها اي حجه )
اميره ....هله يمه شلونك
ياسر .....الحمد لله...عيني سويلي جدر دولمه باجر غداي يمج
اميره ....صدك والله ....شلون ولك خاف بيك شي
ياسر ....شنو السالفه شبيه مو كاعد احجي وياج
اميره ...انته مو اسبوع الجاي نزولك شلون باجر تجي
ياسر .....كتلهم مشتهي دولمه والضابط نقهر عليه ههههههههه
اميره ......لا صدك أحجي
يمه ....نطونه أجازه يومين بمناسبة عيد الجيش
اميره ......الحمد لله..... هله بيك يمه وعساك على دولمه
ياسر..... صدك يمه أبو زمزم طلع للبيت بعده
اميره ....لا خطيه بعده بس يكولون وضعه متحسن
ياسر..... الحمد لله على كل حال من أجي اروح ازوره
اميره ....ان شاء الله
ياسر.. يله والده اخذي راحتج خاف عندج تحضيرات للدولمه ههههه
اميره.... حبيبي الله وياك باي ... .باي
علي.... اول ما اتصلت خاله كوثر وكالت أريد اخذ الولد وزمزم نشوف أبوهم احس روحي طارت من الفرح راح أشوفها وتصعد وياي وابقى الطريق كله اباوعلها بالمرايه اووووف يا ربي شيخلص هاي السنه وتم الخطوبه وتصير ملكي رسمي
دك موبايلي
كوثر ..... ها خاله علي تكدر تمر علينه
علي ....جايكم بالطريق
كوثر.... يله زمزم خفي نفسج الولد راح يوصل
حسين..... عيني زمزم رايحين للمستشفى مو لحفله فضيها
زمزم......نازله خبصتوني
حسين ....ماما هذا صوت هورن علي يله خل نطلع
علي...... جنت واكف بالباب وطلعوا كلهم بس هي ماكو راحت روحي .. ..خاله شنو زمزم متروح وياكم
كوثر ....لا شلون بس تقفل البيت وتجي
علي ....الحمد لله
كوثر.... ها عيني شكلت
علي..... لاخاله اكول الحمد لله سمحو لعمو بالزياره وان شاء الله يطلع عن قريب 🙄🙄🙄
وطلعت واني اباوع عليها هاي شلابسه شعجب امها قبلت تلبس هيج بنطلون و قميص قصير وهي رايحه للمستشفى وصعدت للسياره .....بس مكعدت بالجهه الي اكدر اشوف وجها لو شكد ما حركت المرايه وحسيتها متقصده هذا الشي ...زين ليش كاعده تتجنبني
كوثر .... يله خاله علي بعد ما عدنه شي
علي ....ما اعرف خاله بس لتعتبري تدخل مني .... لو زمزم لابسه جبه مو احسن لان هاي مستشفى وبها هوسه ومراجعين
زمزم ......علي وانته شنو علاقتك بلبسي اني البس الي يعجبني
كوثر ....زمزم علي ما قصده شي بس هو خلفله عليه معتبرج اخته ويخاف عليج ( طبعا متقصده كلت اخته بلكي يفهم هي متريده )
علي .....اي كلام امج صح واذا هذا الشي زعجج اني اسف
كوثر ..... لايمه انت وليدنه بس بعد تعرف لبس هذا الوكت والموده ههههه
يله عيني حرك السياره راح نتأخر على عمك
وصلنه للمستشفى....ولكينه جمال واركان يمه .....والحمد لله وجه مرتاح ووضعه احسن
كمال .....هله بيكم الحمد لله نكتبلي عمر وكدرت اشوفكم مرة ثانيه
زمزم ..... بابا حبيبي ليش تكول هيج من عمرنا على عمركم وان شاء الله ترجع تنور البيت ياغالي
كوثر..... سلامتك كمال احنه بدونك كلشي منسوه وانت تدري كلش زين ماعندي بالدنيا غيرك انت الهوى الي اتنفسه حبيبي
حسن وحسين ....احم احم ماما شنو هذا الغزل عوفوا الحب للبيت من يطلع بابا
كوثر .... نسيت نفسي ونسيت احنه بالمستشفى ضحك كمال وكلهم ضحكوا وحسيت كمال ضحك من كل قلبه حتى يفهمنا وجودنا هو اهم شي بحياته وخاصه من كال كل الي احبهم يمي وهو يباوع على جمال ويضحك
جمال ...من شفت كمال يباوع عليه حسيت بنظرته هواي حجي وبنفس الوقت حسيت وجودي بجانبه هواي ساعد نفسيته ...... كمال ان شاء الله السلامه لعمرك ومتشوف شر بعد وان شاء الله ميفرقك عن احبابك اي مكروه
كمال... وجودك بجانبي طمئن قلبي حتى لو بعد صار بي شي ما اخاف على عائلتي بوجودك ووجود اركان
علي .... هاي شنو راح ازعل يعني بس عمو
اركان وعمو جمال وجودهم فرحك
كمال ..... حبيبي علي اني معتبرك واحد من العائله وعمي لتزعل وجودك فرحتي ووكفتك بجانب عائلتي هذا فضل ماراح انسى طول عمري
علي ..... لا عمي هذا واجبي وعرضك عرضي
اميره ..... كعدت من الصبح وحضرت الدولمه ونظفت البيت وكعدت انتظر جيت ياسر على نار لان قلبي ما مرتاح الا اشوفه بعيوني ياله شو ما مصدكه شغلة الاجازه المفاجئه مال عيد الجيش وخاصه بعدنه وين وين على عيد الجيش
ياسر ... طلعت من الكليه وشايل هم شراح يصير بأمي من تشوف رجلي مجبسه ( نسيت اكلكم جنت بالتدريب ووكعت ونكسرت رجلي وبعد العلاج نطوني اجازه عشرة ايام لحد ما افتح الجبس ) ...بس اني اضطريت اكذب على امي لأن اعرف طبعها وقلقها عليه
اميره ....جنت كاعده بالحديقه واسمع صوت سياره وكفت بالباب وصوت ياسر وواحد يكله ارتجي عليه وأنزل على كيفك ....ركضت للباب وشفت ياسر ورجله مجبسيها وبالكوه يجر نفسه ......يمه ياسر هاي شصاير بيك
اوووف والله قلبي مثل النار وما صدكت من كتلي اجازه مفاجئه يمه عمت عيني شبيها رجلك
ياسر .....والده بس على كيفج وكولي يا الله ولصديقي تفضل شنو ناويه تبقينا بالباب
اميره......هاا يمه اعتذر والله بس ما ادري شصار بيه من شفتك ....تفضل يمه ورحم الله والديك على التعب
ياسر ...... عمي هو ما ميت عليه سمع بالدولمه ياله قبل يوصلني ههههههههه
صديق ياسر ....... شوفي خاله تقبلين على هذا الحجي
اميره....... بعد ياسر وطبعه متعرفه وانت صديقه ..... وعلى عناده اليوم تتغدى يمنه ولخاطرك راح اقلب الدولمه ..... لان زعلت على ياسر
ياسر..... هاي يابه اليوم راح نتغده على شرفك بس عمي خل نطب للبيت شنو السالفه
واني اريد اطب للبيت .... شفت سيارة علي وكف بباب بيت ابو زمزم ونزلت امها واخوتها ...بقيت واكف انتظرها تنزل لان شفتها بالسياره
كوثر..... مرحبا ..سلامتك شنو السالفه شبيها رجلك
ياسر....فرحت من أمها شافتني وسألتني حتى اظل واكف لحد متنزل واشوفها ..... ماكو شي كسر بسيط
اميره ...ياسر.....وين صرت شو صاحبك طب للبيت وأنت ماكو
كوثر .... ها عيني ام ياسر الحمد لله على سلامة ياسر ...عيني اني جنت احجي ويا وما كدر يطب للبيت روح يمه ياسر ارتاح وإن شاء الله بس العافيه
زمزم ..... وكفت السياره نزلت أمي وأخواتي وشفت ياسر ببابهم بس رجله ملفوفه ...جمدت بمكاني ما ادري شسوي كلت خل اتاخر بالنزله بلكي امي تطب للبيت واكدر حتى لو بس أسلم عليه .....بس أمي بقت واكفه تحجي ويا واني بقيت محبوسه بالسياره .
علي ..... من وصلنه لبيت عمو كمال نزلوا عائلته بس شو زمزم ما نزلت وبقت أخر وحده .....شكد فرحت كلت هاي بقت بالاخير الظاهر تريد تحجي وياي لو محتاجه شي مني
وكتلها ... ها عيني زمزم شو ما نزلتي محتاجه شي تريدين اوصلج لغير مكان
زمزم .....هااااا ( من كال علي اوصلج لغير مكان اجت على بالي وصال كلت هي الشخص الوحيد الي اكدر أعرف أخبار ياسر من عدها وشبيها رجله )
كتله خاف عندك شغل لو تعبان
علي .... الخاطرج كل تعبي يهون
زمزم ....زين إنتظر لحظه ...نزلت رحت يم ماما الي بعدها تسولف وي خاله اميره وهي كاعد تسأل عن بابا واخباره بس ياسر دخل للبيت بعد ماطلعت أمه وحجت ويا ..
زمزم....... مرحبا شلونج خاله
اميره......هلو حبيبتي شلونج
زمزم......الحمد لله
كوثر . .....هاا زمزم ليش ما دخلتي للبيت
زمزم .....والله ماما اريد اروح لوصال عندي نقص بهواي مواد وباجر عندي إمتحان وكلت لعلي وكال أني أوصلج
كوثر....... يعني هذا الواجب مينطي بالموبايل
زمزم ....لا والله ماما اريد انقل النقص الي بدفاتري وميصير
كوثر ...... ومنو يرجعج
زمزم .....هااااااا
اميره .....ليش هو بيت صديقتها بعيد لو بغير منطقه
كوثر ....والله ما اندله
زمزم .....يعني مو بعيد حيل خاله بيت ام وصال اقاربكم
اميره .....هاااا قصدج وصال .... عيني بيتهم قريب بدايه المنطقه
كوثر ....والله ام ياسر الدنيا ما بيها امان ..... شوفي اذا علي كال ينتظرج ويرجعج روحي .
زمزم .....اهووووو .
كوثر.....لعد ماكو روحه
زمزم ....😐😐😐هسه راح اسأله
...علي تكدر توصلني وتنتظري
علي .....بس مو تتأخرين
زمزم.... لا شغلة ربع ساعه
علي .....اي
كوثر.... ها خاله علي ترجعها انته
علي .. ان شاء الله
زمزم ......صعدت وي علي ووصلني لبيت وصال وبقه منتظرني بالباب
علي .....صعدت وياي وكلت اكيد هسه اكدر اشوف عيونها وبلكي يصير مجال واحجي وياها....بس هي كعدت وراه وبقت الطريق كله تباوع للشارع وابد ولا نطقت بحرف واحد
وصال ...... لج زمزم شنو هاي المفاجئه
زمزم ....هلو وصال خل نطب للبيت لان ماعندي وكت علي منتظرني بالباب
وصال .....تفضلي حبيبتي هو اصلا اني وحدي بالبيت أمي وأخويه طالعين بشغل
زمزم .....اي الحمد لله
وصال ..... خير زمزم صاير شي
زمزم ....ماكو شي بس أريد اخابر من موبايلج
وصال ....تخابرين ....منووو
زمزم ....لج شفت ياسر راجع من الكليه بس رجله ملفوفه وقلبي صار مثل النار كلت ماكو غير وصال تساعدني اعرف شبي
وصال .....زمزم يعني تريدين تخابري من خطي ...شلون ورقمي يعني راح يعرفه
زمزم ....ليش هو مو اقاربكم ...... بس اذا متكدرين اعتبريني ما طلبت هذا الشي
وصال .....هااااا اكلج خابري بس نبهي يمسح الرقم ولتكولين رقمي
زمزم......اي والله اكله
ياسر......جنت كاعد اسولف وي صاحبي وامي تحضر بالغده ودك موبايلي بس رقم ما اعرفه
رفعته ....الو
الووو هلو ياسر شلونك
ياسر .....من سمعت صوتها أحس روحي طارت من الفرح لأن شكد بقيت واكف بالباب منتظرها تنزل من السياره حتى اشوفها بس هي ما نزلت .... وهسه كاعد تحجي وياي معقوله ..... 😐😐 نحرجت شجاوبها وصديقي يمي ..... هااا هلو هلو حيدر شلونك
زمزم....ياسر شبيك يا حيدر معرفتني
ياسر ....شلون ما عرفتك قابل انسى صوتك
زمزم ......هااا متكدر تحجي وياي
ياسر....اي بس اانت شلونك
زمزم .... شلوني من شفت رجلك ما ادري شصار بيه
ياسر ....لاحبيبي ليظل بالك كسر بسيط وكم يوم وأشيل الجبس ونطوني أجازه عشرة أيام إذا تريد تعال اشوفك
زمزم..... هههههه اي انشاء الله اجيك
ياسر ...صدك ...بس ما اتصور بطل وتسويها هههههههع
زمزم .....يله راح اروح الظاهر منكدر نحجي براحتنه
ياسر ... حبيبي اتصالك طيبني
زمزم.....ياسر يله اخذ راحتك المهم اطمنت ما بيك شي
وصال.... ولج كوليله يمسح الرقم
زمزم..... هاااا ياسر عود امسح الرقم لان هذا رقم صديقتي ماشي
ياسر ..... ان شاء الله
باي .... باي
زمزم .....شبكت وصال وضليت ابوس بيها
وصال ......ههههه زمزم يمعوده اني مو ياسر ههههههههه .
زمزم .....لج ااريد اشكرج لتحرجيني😶😶😶😶 هههههههه.جان اسمع صوت الهورن مال سيارة علي
.......يا وصال نسيت علي منتظرني
وصال ....يووووه شكد عيب
زمزم ....يله خل أروح وشكرا مره ثانيه
وصال ......اوكفي خل انطيج دفتر حتى أمج متشك بشئ
زمزم..... اي عفيه نسيت هذا الشيء
واخذت الدفتر وطلعت وشفت علي ضايج كلت عيب خل اعتذر منه ولا اراديا كتله اسفه ياسر والله ما عبالي اتأخر هلكد
علي........ ياسر منو
زمزم...... يا ياسر
علي..... انتي كلتي اعتذر ياسر هذا يا ياسر
زمزم .... هااااااااااا
يتبع ....
اعتذر لان تأخرت عليكم بس والله جان عندي ظرف ........ مثل ما اني تحاوت ظرفي ومانسيتكم لتنسون التصويت 😍😍😍😍😍😍😍😍😍😍