حين يزهر الحجر

٢٤

مساء الورد

حين يزهر الحجر
الجزء ٢٤

باوعت بوجهه بصدمة..شبيك شجاع..!
يا عربية طلعتي عبالي صينية شنو هالعيون لج ..
حجاها وضحك ع كيف...
عصرت ايده قوي..مو وكت هبطاتك ترى الصار بيه بهاليومين دمر اعصابي...
اويلي يابه هيجي تحبيني..يكول ارفد تخبلت عليك...
اه يروحي شعندي غيرك اني..حجيتها بخنكة وكاتمة البجية كوة...
اشو تعالي تقربي...
تقربت عليه وحضنته من جهته اليمنى شوية اخاف ااذي جرحه..
كال ابتعدي ليدخل احد...
وخرت ورجعت احجي ويا...
حبيبي موجوع ها سودة عليه..
لا مهرتي بشوفتج كل الم ماحس...

واني احاجي دك الباب الدكتور ويا ارفد...
كال لازم يرتاح لان تعبان...
ماشبعت منه بالكوة رحت...
سلمت امي عليه ورجعنا اني وياها...
لكينا صبا لوحدها بالبيت...
ورا العشا يلا اجه عاطف..
جايب ثريا ويا واغراضها وعلاكة دوا...
صاير عدها التهاب قصبات وموديها للدكتور...
وكايل لتماضر ابقيها يمي وقابلة..
هي تبقى يم اهلها لحد ميكمل المشتمل يلا ترجع....
صبا اخذت ثريا بدلتلها..
امي كالت لصبا ..ثريا تبات يمي يما انت مرة حامل
تعبانة مابيج حيل ...
واخذتها امي وراحت...
عاطف باس صبا براسها وحضنها ودخلو للغرفة...

مر اسبوع وخلال هالفترة شجاع ماقبل اروحله للمستشفى ابد..
بس يخابرني واشوفه...
دوام كوة اروح الشركة وحشة بدونه وضوجة....
هذا الاسبوع طلع من المستشفى...
وكالت امي نروح نزوره ببيتهم...
بس عاطف قفل وماقبل...
ماتوصل بيتهم مهرة الا بيوم زواجها...
راحو امي وعاطف اله زاروه..

ورا ماطالعين منه خابرني وضايج...
كتله ..
مريضة مابيه اتحرك وتعبانة...
شبيج؟؟
شوية تعب ويروح...
ماعندي غير هالعذر اكذب مضطرة...
اذا عرف عاطف مانعني اخاف يسويلي سالفة...
تالي كال...
اوف اجت..يلا مهرتي هانت مابقى شي لزواجنا وترتاحين...
ها حبيبي الدنيا ظلمة مااسمع ...
اويلي احب الظلمة وياج...
يبوووو مو مريض مرييييض...
دنجبي ولج مريض شنو زعطوط اني....
هي طلقة وراحت قابل جديدة عليه السالفة...
يوومه صدك شنو قبل متصوب!!!
اي بالصولة ..
عزاا وين..
بفخذي بس الحمدلله عدت سلامات...

الحمدلله ولا بغير مكان...
لا شحدها توصل غير مكان ..
غير الطلقة نفسها تخاف توصل...
شجااااع ...
عيونه ورويحته..حجاها بهمس وصوت حلوو...
اني من سمعته دخت...
احجي ليش سكتي يحلوة..
اريد اسمع صوتج محروم منج وميت شوگ عليج....
اخ يابة شوف الخجل ..
حبيبي كافي انت تعبان ...
ههههههههه لتخافين عليه ماتعب وياج...
اوو مو قصدي بس قصدي..
ولج مهرة بطلي ثول مو احبج اكثر ...
كتله اني زعلت..
وسمعت ارفد حاجاه اجو خطار...
سديته منه ورحت سويت العشا...

وورا اسبوع داوم بالشركة...
بس اول يوم مكدرت اختلي بي ابد...
كل شوية جاي ضيف حتى يشوفه...
وبالرجعه ميكدر بسيارته مو كلش يكدر يسوق..
لهذا رجع وي ارفد...
بيومها من رجعت وتخابرنا...كال...
مهرة مو وضعية هاي محروم منج حتى دقيقة ماكو...
لعد شسوي حبيبي غير ماكو فرصة...
ميهمني اليوم بعد راح..باجر اخذج ونطلع...
اي اوكي احسن ...
لتروحين وي حيدر اني اجي عليج...

شلون تسوق صدك نسيت اني؟؟
اسوق عادي اسيطر...
لا حبيبي ماريد...
عندي اقتراح...
وهو؟
فد ساعتين تقفل المكتب ع ساس مموجود...
وراهت عادي استقبل اليجي....
اشتعلو اهلج صايرة اذكى مني..هذا كله من شوكج ها...
اني استحيت هسه يكول ميته عليه وبس تريد تنفرد بية...
بقى يداهرني لحد ماتعبنا ثنينا ونمنا...

يوم ثاني اول ماوصلت رحت للمكتب مالته...
فتت وقفلت الباب وراي...
لكيته مرتجي ع المكتب ويدخن...
ذب الجكارة وباوعلي بنظرات حرجتني...
اني درت وجهي مستحية...
اجه تقرب وهو يهمس...
شلونه حبيبي...
دار وجهي بيده..باوعت عليه ورجفت..
قبل لا انطق اخذ شفتي بين شفايفه...
استسلمت وبادلته شعوري ولمساتي واحساسي...
لحظات حلوة مثل اليطير ببساط الريح ينسى كلشي...

شالني من خصري وكعدني ع الميز مالت الاجتماعات...
مامنعته ولا منعت نفسي ..لان جنت راغبته اكثر...
انتبهت من جر عبايتي ذبها..
بقيت بالبدي والبنطرون...
وعيونه تتلذذ بكل جزء بيه...
واني احب اشوفه هيجي...
احب اكوم عاجبته...
زادت المتعة والسعادة بيناتنا اكثر واكثر ووصلت اقصاها...

بعدها كعدنا اني ويا ع القنفة وحاطة راسي ع كتفه...
نسولف ونتغزل ببعضنا...
لحظات نعسنا ثنينا ولو بيدي انام ..
هو انتبهلي كال..
كومي غسلي وصحصي ولج لتخليني ابتلي هسه...
حاجيته بنعس..
امم حبيبي خلينه نايمه هنا وواشر ع كتفه...
ولج مو لطلطتيني عاد كومي لا اني اخذج واحطج حوا الدوش...
ههه حكوم ...
رحت غسلت ورتبت نفسي ولبست حجابي...
لان العباية رجعت لبستها من مساع...

بقيت يمه شوية وكمت لان جاب سيرة الزواج...
وهو كل ميجيب سيرته يتهور...
طلعت ورجعت للمكتب...
كملت شغلي ورجعت للبيت...
يوم ثاني شجاع عنده مراجعة وماداوم...
اني هم بقيت بالبيت ما رحت...
تقريبا الظهر ب١١...
حسين خابر امي...
طبعا زهرة شهرها خلص من ثلث ايام وماكو ولادة...
واليوم صاير عدها وجه ونزف...
حسين خابر امي وكال ماخذها للمستشفى..
وحيدخلوها عملية...

اخذنا تكسي اني وامي ورحنا...
لكيناها داخلة للعمليات...
بقينا ننتظر الى ان طلعو الطفل..
بس تعبان وهي وضعها الحمدلله زين....
امي راحت وياهم وحطوه بالحاضنة والاجراءات البقية...
ورا شوية طلعو زهرة الحمدلله واعية بس مو كلش...
بقينا وياها لحد ماانتهبت وامي كالت رح ابات وياها...
اني رجعني حسين للبيت وراح...

بهالخبصة كلها كنت ناسية فوني...
من رجعت وفتحته لكيت شجاع مخابر هواي...
واني مفروض اخابره واتطمن عليه هسه اكيد يضوج...
بس دزيتله مسج قبل لا اطلع ع مود اروح وي امي للمستشفى...
من اتصلت عليه زين ماحجه شي بس سال عن زهرة وطمنته...
وسالته عن وضعه كال تمام الحمدلله ...
وخلال هاليومين زهرة طلعت من المستشفى..
وابنها تحسن واجت يمنا احنا نعتني بيها ...

اول يوم مداومت والوراه جمعة..
يوم السبت كعدت وبوادر الشهرية ع ابواب...
كمت تعبانة ومكسرة ..
بس رغم هذا داومت..
لان هواي هالفترة غبت...
بيومها شجاع خابرني رح يجي ياخذني لان تحسن وكدر يسوق...
بس انتبهلي تعبانة واني نسيت قبل اسبوع مكذبة عليه ..كال..
اشو شكلج طافية فد مرة شبيج؟
مابيه حبيبي شي بسيط...
شنو يعني شبيج تعبانة حتى حجي كوة تنطقين؟
اي عادي فترة واتحسن..
هو يعرفني من اكول هيج معناها استحي احجي بيها..

دار المراية ع الكرسي مالتي وصارت عيوني بعيونه...
حجه بشك ..
شنو مو قبل فترة خلصت يعني قبل من داومت اني !!!مصارلج هواي...
ها ..حجيتها واني اتهرب..لان رح يعرف حجة حتى لا اجي لبيتهم...
مهرة جنتي تعبانة ومااجيتي من طلعت من المستشفى!!مو صح؟؟
لعد شلون هسه اجت مرة ثانية؟

يعني توقعي صح؟اخوج ماقبل تجين..؟
ماردتك تضوج بوكتها وانت تعبان..
اي وتجذبين عليه حضرتج حتى تبرين اخوج...
ماكافي حارمني اوصل بيتكم لو اشوفج وانت مرتي وحلالي...
منعج حتى من الواجب الي لازم تسوي ..
حالج حال اي زوجة توكف وي زوجها....

شنو حارمك يعني منعك تجي؟؟
اي يامدام منعني ارتاحيتي؟؟وكل مااجيبلج سيرة الزواج تطفرين..
بحجة مامكملة امورج..
بس مدام هيج سهلتيها عليه...
حسبي حسابج خلال هالاسبوعين نتزوج...
عزا شنو!
كلت نتزوج ماكلت نموت ..حجاها بغيض وقهر...
كملي اغراضج هالايام والمحتاجته طلعي جيبي...
تردين نطلع اني وياج من الدوام لو تردين تطلعين وي اهلج ورحاب كيفج...
شجاع شنو الحك اسوي!!
ليش شنو حضرتج راح تبنين عمارة؟؟
هن ملابس بكل مكان بالبصرة اكو سوك ..
والصالونات تارسة الدنيا بعد شنو؟؟
وصلا كنتورج متروس حتى لو اجيتي من هسه متحتاجين ..

بقيت ساكته خفت اناقشه ويقفل فد مرة...
بس اني بعدني ممتهيأة للزواج ماعرف شبيه...
اخذني للشغل شوية وبدت الالام تزيد واتاذى...
ورا ربع ساعة اجالي للغرفة...
كومي اخذج ضربي ابرة وارتاحي...
كمت لان اريد اخلص من الوجع واذا اشتد اتأذى اكثر....
رحنا للمستشفى وانطوني العلاج ...
طلعت هو ينتظرني...
من صعدت ومشينا كال...
سالت الدكتور عن وضعج بالزواج ...
كال ترتاح وبمرور الوقت يقل ويختفي الالم ..
اي اعرف الدكتورة كالت المرة الفاتت وهسه هم...

يلا مابقى شي كلها كم يوم وتصيرين يمي...
وانشالله السنة الجاية ابنا يلعب باحضاننا..
ها شنو مو كبل ابن شبسرعة...
ليش هو اليتزوج شعنده؟؟غيررر يخلف...
اي بس ننتظر شوية شجاع مو بهالسرعة...
هذا الموضوع ماتفكين حلكج بي...
اريد اطفال من هسه اكلج ...يمتى الحك اسوف بزري من اطب الخمسين...
ع الاقل نجيب فد ثلاثة شي ورا شي وتالي نكمل الباقي...
عزااا ياباقي شنو نسوي فريق سلة ...
هذا الموجود ست فضة ...

للحكاية بقية
بقلم شقراء(قمر كانون)